ສະພາບ​​ພືດ​ຜັກ​ໃນ​ ນະຄອນ​ນະຄອນຫຼວງ​ວຽງ​ຈັນ

      ນະຄອນຫຼວງ​ວຽງ​ຈັນ ​ເປັນ​ເຂດ​ໜື່ງທີ່​ນອນ​ໃນ​ເຂດ 7 ທົ່ງພຽງ​ໃຫຍ່ຂອງ ສປປ ລາວ ​ເຊີ່ງ​ຖື​ວ່າ​ເປັນ​ເຂດ​ທີ່​ມີ​ຄວາມ​ເໝາະ​ສົ​ມ​ໃນ​ການ​ປູກ​ພືດ​ທັນ​ຍາ​ຫານ ​​ເຊັ່ນ: ​ເຂົ້າ, ພືດ​ຜັກ...​ເພື່ອສະໜອງ​ໃຫ້​ແກ່ ປະຊາ​ຊົນລາວ ​ແລະ ປະຊາ​ຊົນ​ຊາວ​ນະຄອນຫຼວງ​ວຽງ​ຈັນ​ເອງ​ໃນ​ແຕ່ລະ​ປີ ສາມາດ​ ຜະລິດ​ເຂົ້າ​ສະເລ່ຍປະມານ 9 % ຂອງ​ຜົນ​ຜະລິດ​ເຂົ້າລວມ​ທົ່ວ​ປະ​ເທດ ​ແລະ ພືດ​ຜັກ​ໄດ້ປະມານ 12 % ຂ​ອງຜົນ​ຜະລິດ​ພືດຜັກ​ລວມທົ່ວ​ປະ​ເທດ.

      ການປູກ​ພຶດຜັກ​ຂອງ​ຊາວ​ນະຄ​ອນຫຼວງ​ວຽງ​ຈັນ ສ່ວນ​ຫຼາຍ​ແມ່ນນິຍົມ​​ປູກ​ເພື່ອ​ບໍລິ​ໂພ​ກ​​ປູກໃນລະດັບ​ຄົວ​ເຮືອນ ​ແລະ ຈຳນວນ​ໜື່ງ​ແມ່ນ​ເພື່ອເປັນ​ສິນຄ້າ, ທີ່ພົ້ນ​ເດັ່ນ​ແມ່ນຊາວ​ສວນ​ນິຍົມ​ປູກ​ຜັກ​ລຽບ​ຕາມ​ແຄມ​ແມ່ນ​ນ້ຳ​​ຂອງ, ​ແຄມແມ່​ນ້ຳ​ງື່ມ ​ແລະ ຕາມ​ແຄມ​ໜອງບຶງ​ເປັນ​ຕົ້ນຕໍ ​ເຊັ່ນ:​​ເຂດ​ເມືອງ​ຫາດ​ຊາ​ຍຟອງ ​ບ້ານ​ຫາດ​ດອກ​ແກ້ວ​, ຫາດ​ກັນຊາ.. ເມືອງ​ສີ​ໂຄດ​ຕະບອງ ດອນ​ຊີງ​ຊຸ, ດອນ​ໝາກ​ໂມ... ​ຊື່​ງ​ເຂດ​ດັ່ງກ່າວ​ແມ່ນ​ສືບ​ທອດ​ການ​ປູກ​ຜັກກັນ​ມາ​ເປັນ​ເວລາ​ນານ​, ສ່ວນ​ຫຼາຍ​ຊາວ​ສວນນີຍົມ​ປູກ​ພືດຜັກ​ປະ​ເພດ​ກີ​ນ​ໃບ, ກິນ​ດອກ, ກິນ​ຫົວ ແລະ ກິນໝາກ. ເຂດເມືອງປາກງື່ມ ບ້ານໂນນຊາຍ, ເມືອງຫາດຊາຍຟອງສີມມະໂນນິຍົມ ປູກໝາກແຕງຫວານ ແລະ ມັນເພົາ ສະໜອງຕະຫຼາດນະຄອນຫຼວງວຽງຈັນ.  ​ເຂດ​ລ້ອງ​ງື່ມ​ແມ່ນ​ເຂດ​ນ້ຳ​ຫຸ່ມ​ແບ່ງ, ສົ່ງ​ເປືອຍ ເມືອງນາຊາຍທອງນິຍົມ ປູກໝາກແຕງກົວ, ໝາກ​ຖົ່ວ​ຝັກ​ຍາວ, ເຂດ​ບ້ານ​ເວີນ​ຄຳ, ໂພນໄຮຄຳ, ທ່າງ່ອນ, ລາດ​ຄວາຍ, ໂນນ​ແຕ້, ດົງບັງ, ອຸດົມ​ຜົນ ແລະ ປາກ​ຊາບ​ເກົ່າ ເມືອງ ໄຊທານີ ປູກໝາກແຕງ, ສາລີຫວານ, ຜັກກີນໃບ, ຂິງຂາເຄື່ອງເທດສະໜອງຕະຫຼາດ ນະຄອນຫຼວງວຽງຈັນ ແລະ ບ້ານນາບົງ, ບ້ານທ່າຊ້າງເມືອງປາກງື່ມ ນິຍົມປູກເຫັດ ແລະ ຜັກກິນໃບ.