![ຊຸດປະຈຳຊາດ 10 ປະເທດ ອາຊ່ຽນ [National costume]](https://blogger.googleusercontent.com/img/b/R29vZ2xl/AVvXsEhsTUnRkNSDqMLYwGrmnFRlGzl9UbS4zKRod31s8p1GP1IkL_U4of1JsOcsqLE5a6h8ctEJlTeTXK-Bx9pTVzKnwz7RkuxepZy_ncb5DmuH5hlJWGF-yo7shFpmoQK8OjQijikLcKgqGDY/s1600/%25E0%25BA%258A%25E0%25BA%25B8%25E0%25BA%2594%25E2%2580%258B%25E0%25BA%259B%25E0%25BA%25B0%25E2%2580%258B%25E0%25BA%2588%25E0%25BA%25B3%25E2%2580%258B%25E0%25BA%258A%25E0%25BA%25B2%25E0%25BA%2594.jpg "ຊຸດປະຈຳຊາດ 10 ປະເທດ ອາຊ່ຽນ [National costume]")
1. ຊຸດປະຈຳຊາດ ຂອງປະເທດມາເລເຊຍ
ສຳລັບຊຸດປະຈຳຊາດຊາຍເອີ້ນວ່າ (Baju Melayu) ບາຈູ ມາເລຢູ ສ່ວນຊຸດປະຈຳຊາດຂອງຝ່າຍຍິງເອີ້ນວ່າ
(Baju Kurung) ບາຈຸກຸຣຸງ ປະກອບດ້ວຍ ເສື້ອແຂນຍາວ ແລະ ກະໂປ້ງຍາວ
 |
| ຊຸດຊາຍ (Baju Melayu) ບາຈູ ມາເລຢູ |
 |
| ຊຸດຍິງ (Baju Kurung) ບາຈຸກຸຣຸງ |
ສຳລັບຊຸດປະຈຳຊາດຂອງປະເທດຫວຽດນາມສ່ວນໃຫຍ່ນິຍົມກັນໃສ່ ໃນພິທີການສຳຄັນໆຕ່າງໆ ເຊັ່ນ ງານແຕ່ງ ແລະ ງານສົບ ເຊິ່ງເອີ້ນຊຸດນີ້ວ່າ (Ao dai) ອາວຢາຍ
 |
| ຊຸດ (Ao dai) ອາວຢາຍ |
3. ຊຸດປະຈຳຊາດຂອງປະເທດພະມ້າ (ມ້ຽນມາ)
ຊຸດປະຊາດຂອງປະເທດມ້ຽມມາ ມີຊື່ເອີ້ນວ່າ ລອງຍີ (Longyi) ເປັນຜ້າໂສ້ງທີ່ນຸ່ງທັງຍິງ ແລະ ຊາຍ ໃນມີ້ພິເສດຕ່າງໆ ຜູ້ຊາຍມັກຈະໃສ່ເສື້ອຄໍປົກຈີນແມນດາລິນ ແລະ ເສື້ອຄຸມບໍ່ມີປົກ ບາງທ່ານອາດຈະມີຜ້າພັນຫົວເອີ້ນວ່າ ກອງບອງ
(Guang Baung) ສ່ວນຜູ້ຍິງຈະໃສ່ເສື້ອມີກະດູມທາງດ້ານຫນ້າເອີ້ນວ່າ ຍິນຊີ (Yinzi) ຫລືຕິກະດູມດ້ານຂ້າງເອີ້ນວ່າ ຍິນບອນ (Yinbon) ແລະຜ້າຄຸມບ່າ
 |
| ລອງຍີ (Longyi) |
4. ຊຸດປະຈຳຊາດຂອງປະເທດບຣູໃນ
ຊຸດປະຈຳຊາດຂອງປະເທດບລູໃນ ຄ້າຍຄຶກັບປະເທດ ມາເລຍເຊຍ ມີຊື່ເອີ້ນຊຸດຂອງຝ່າຍຊາຍວ່າ ບາຈູມາລາຢູ (Baju Melayu) ສ່ວນຝ່າຍຍິງກໍ່ເຊັ່ນດຽວມີຊື່ເອີ້ນວ່າ ບາຈຸກູຣຸງ (Baju Kurung) ແຕ່ຜູ້ຍິງປະເທດບຣູໃນ ຈະແຕ່ງໂຕດ້ວຍເຄື່ອງທີ່ມີສີສັນສົດໃສກວ່າ ແລະມັກຈະເປັນເສື້ອຜ້າທີ່ ຄຸມຕັ້ງແຕ່ຫົວຈົນຮອດຕີນ ເນື່ອງຈາກບຣູໃນເປັນປະເທດ ມູສລີມ ຈຶ່ງຕ້ອງແຕ່ງໂຕໃຫ້ຮຽບຮ້ອຍແລະມິດຊິດ
 |
| ຊຸດປະຈຳຊາດຂອງປະເທດບຣູໃນ |
5. ຊຸດປະຈຳຊາດຂອງປະເທດ ສາທາລະນະລັດປະຊາທິປະໄຕປະຊາຊົນລາວ
ຊຸດປະຈຳຊາດຂອງລາວເຮົາ ແບ່ງອອກເປັນ 2 ລັກສະນະຄື: ແບບວຽງຈັນ ແລະ ຫລວງພະບາງ ການແຕ່ງໂຕຂອງຝ່າຍຊາຍແມ່ນຈະນຸ່ງໂສ້ງໃຫມ ເສື້ອໃຫມຕາມການອອກແບບແຕ່ລະຍຸກສະໄຫມ (ແບບວຽງຈັນ), ຝ່າຍຊາຍທີ່ແຕ່ງໂຕແບບ ຫລວງພະບາງ ແມ່ນຈະນຸ່ງກະໂຈມ ແລະເສື້ອໃຫມ ສ່ວນຝ່າຍຍິງ ແມ່ນມີແບບດຽວ ຄື ເກົ້າຜົມ ບຽງແພ ໃສ່ເສື້ອໃຫມ ນຸ່ງສີ້ນໃຫມ ຕາມແບບຂອງແຕລະຍຸກສະໄຫມ ເຊິ່ງຊຸດປະຈຳຊາດລາວແມ່ນຈະນຸ່ງ ໃນງານ, ພິທີການຕ່າງ ລວມໄປເຖິງການເຂົ້າວັດວາອາຣາມໃນລາວ ແລະທີ່ສຳຄັນ ການນຸ່ງຖືຂອງຍິງລາວ ໃນມື້ປົກະຕິ ກໍ່ຈະນຸ່ງສິນ ແລະ ເສື້ອທົ່ວໄປ ເພື່ອທຳກິດຈະວັດເປັນຕົ້ນ ຂ້າລາດສະການ ນັກຮຽນ ນັກສຶກສາ ແມ່ນຕ້ອງນຸ່ງສິ້ນທັງຫມົດ (ຫມາຍຄວາມວ່າ ເວລາເຂົ້າເຮັດວຽກ ໃນທຸກໆຫນ້າວຽກແລະຕຳແຫນ່ງ ຕາມບໍລິສັດເອກະຊົນ ຂອງລັດ ແມ່ນຕ້ອງໄດ້ນຸ່ງສີ້ນ)
6. ຊຸດປະຈຳຊາດຂອງປະເທດ ອິນໂດເນເຊຍ
ເກບາຢາ (Kebaya) ເປັນຊຸດປະຈຳຊາດ ອິນໂດ ສຳລັບຜູ້ຍິງ ສ່ວນຜູ້ຊາຍເອີ້ນວ່າ ເຕລຸກເບສຄາບ (Teluk Beskap) ເຊິ່ງເປັນການແຕ່ງກາຍແບບປະສົມປະສານກັນ ລະຫວ່າງເສື້ອຄຸມ ແລະ ໂສ້ງ ເຂົາເຈົ້າຈະນຸ້ງໂສ້ງເມື່ອຢູ່ບ້ານ ແລະ ເວລາປະກອບພິທີທາງ ມັດສະຢິດ
7. ຊຸດປະຈຳຊາດຂອງ ປະເທດ ຟີລິປິນ
ຜູ້ຊາຍຈະນຸ່ງໂສ້ງຂາຍາວ ແລະ ສວມເສື້ອທີ່ເອີ້ນວ່າ ບາຣອງ ຕາກາລ໊ອກ (barong Tagalog) ເຊິ່ງຕັດຫຍິບດ້ວຍຜ້າໃຍຫມາກນັດ ມີບ່າຄໍຕັ້ງ ແຂນຍາວ ເສື້ອທີ່ປາຍແຂນ ມັກຈະປັກລວດລາຍຕາງໆ ສ່ວນຜູ້ຍິງ ນຸ່ງກະໂປ່ງຍາວ ໃສ່ເສື້ອສີຄີມ ແຂນສັ້ນ ຈັບກີບຍົກຕັ້ງສູງກາຍບ່າ ຄ້າຍປີກແມງກະເບື້ອ ເອີ້ນວ່າ ບາລິນຕາວັກ (balintawak)
 |
| ບາຣອງ ຕາກາລ໊ອກ (barong Tagalog) |
 |
| ບາລິນຕາວັກ (balintawak) |
8. ຊຸດປະຈຳຊາດຂອງປະເທດໄທ
ສຳລັບຊຸດປະຈຳຊາດຂອງໄທ ທີ່ເປັນທາງການ ຈະຮູ້ຈັກກັນໃນຊື່ ຊຸດພະລາດຊະນິຍົມ ໂດຍຊຸປະຈຳຊາດຝ່າຍຊາຍ ຈະເອີ້ນວ່າ ເສື້ອພະລາດຊະທານ
 |
| ຊຸດພະລາດຊະນິຍົມ |
9. ຊຸດປະຈຳຊາດ ກຳປູເຈ່ຍ
ສ່ວນໃຫຍ່ແລ້ວຈະພາກັນເອີ້ນ ຊຳພອດ ຫລືຜ້າສະໂລ້ງກຳປູເຈ່ຍ ຕ່ຳດ້ວຍມື ມີທັງແບບຫລົມແລະ ພໍດີ ປົກເອົາເສື້ອບໍລິເວນແອວ ຫລືເອີ້ນວ່າ ເອົາເສື້ອເຂົ້າໃນ
 |
| ຊຸດປະຈຳຊາດ ກຳປູເຈ່ຍ |
10. ຊຸດປະຈຳຊາດຂອງປະເທດ ສິງກະໂປ
ສຳລັບປະເທດສິງກະໂປ ແມ່ນຈະບໍ່ມີຊຸດປະຈຳຊາດ ທີ່ເປັນຫລັກອ້າງອີງ ແຕ່ຈະມີສະເພາະຊຸດທີ່ໃຊ້ ໃນພິທີ່ການ ແລະ ນິຍົມກັນໃສ່ກັນ ເນື່ອງມາຈາກ ສິງກະໂປມີຫລາຍເຊື້ອຊາດເຊັ່ນ: ຈີນ ມາເລ ອິນເດຍ ແລະ ຊາວຢູໂລບ
ຮຽບຮຽງໂດຍ: ຄົນຮັກກະເສດ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ