​ການ​ປົກ​ປັກ​ຮັກ​ສາ​ອ່າງ​ໂຕ່ງ​ນ້ຳ​ຝົນ

ບໍ່ວ່າທ່ານຈະຢູ່ໃນຊົນນະບົດ ຫຼື ໃນເມືອງໃຫຍ່, ທ່ານກໍ່ອາໄສຢູ່ໃນບໍລິເວນອ່າງໂຕ່ງເຊັ່ນກັນ.ອ່າງໂຕ່ງແມ່ນບໍລິ ເວນທີ່ດິນທີ່ນໍ້າຝົນ ແລະ ນໍ້າທີ່ຫິມະລະລາຍລວມກັນເຂົ້າເປັນອັນດຽວເຊັ່ນ:ຫ້ວຍຮ່ອງ,ແມ່ນໍ້າ,ທະ ເລສາບ ຫຼື ດິນທີ່ປຽກຊຸ່ມ. ອ່າງໂຕ່ງຍັງຖືກເອີ້ນອີກຢ່າງໜຶ່ງວ່າອ່າງເກັບນໍ້າ ເພາະວ່າເນື້ອທີ່ດິນຢູ່ເທີງພູ ແລະ ຕົ້ນນໍ້າໄດ້ຮັບເອົານໍ້າທັງໝົດ ແລະ ຫຼັງຈາກນັ້ນຈຶ່ງໄຫຼລົງພູລົງສູ່ຕົ້ນນໍ້າ.
ອ່າງໂຕ່ງອາດຈະມີຂະໜາດໃຫຍ່ ຊຶ່ງສາມາດກວມເນື້ອທີ່ເຖິງຫຼາຍພັນກິໂລເມັດ; ຫຼື ຂະໜາດນ້ອຍທີ່ມີຂະໜາດເທົ່າກັບເປີ້ນພູ. ຢູ່ໃນອ່າງໂຕ່ງແຕ່ລະແຫຼ່ງນໍ້າຈະໄຫຼຈາກທີ່ສູງລົງສູ່ທີ່ຕໍ່າເຊັ່ນ: ລົງຈາກພູສູງລົງສູ່ເປີ້ນພູບ່ອນທີ່ມີອ່າງໂຕ່ງຂະໜາດນ້ອຍຫຼາຍແຫ່ງ (ຫ້ວຍຮ່ອງຂະໜາດນ້ອຍ ແລະ ທາງນໍ້າອື່ນໆທີ່ໄຫຼລົງສູ່ແມ່ນໍ້າ ແລະ ທະເລ).ສາມາດເບິ່ງການແຕ້ມແຜນວາດຂອງອ່າງໂຕ່ງຂະໜາດຕ່າງໆໃນໜ້າຕໍ່ໄປ.
ອ່າງໂຕ່ງທີ່ອຸດົມສົມບູນສາມາດປົກປ້ອງການສະໜອງນໍ້າ, ການບໍາລູງຮັກສາປ່າ,ພືດພັນ, ສັດປ່າ, ຮັກສາດິນໃຫ້ອຸດົມສົມບູນ ແລະ ສະໜັບສະໜູນຊຸມຊົນໃຫ້ສາມາດຢູ່ດ້ວຍໂຕເອງ. ຖ້າອ່າງໂຕ່ງມີການປ່ຽນແປງຢ່າງເຊັ່ນວ່າ ປ່າໄມ້ຖືກທໍາລາຍໂດຍການຕັດໄມ້ທໍາລາຍປ່າ, ຖິ້ມຂີ້ເຫຍື້ອໃສ່ ຫຼື ການສ້າງຖະນົນຫົນທາງ, ເຮືອນ ແລະ ເຂື່ອນ ສາມາດທໍາລາຍອ່າງໂຕ່ງ ແລະ ແຫ່ງນໍ້າຂອງມັນເອງ. ນີ້ມັນສາມາດມີຜົນກະທົບຕໍ່ຄວາມສາມາດຂອງດິນເພື່ອຊຸກຍູ້ໃຫ້ຊຸມຊົນຢູ່ຢ່າງອຸດົມສົມບູນ ແລະ ມັນນໍາໄປເຖິງບັນຫາສຸຂະ ພາບ, ຄວາມອຶດຫີວ ແລະ ການຍົກຍ້າຍຖິ່ນຖານ. ການວາງແຜນເພື່ອດໍາເນີນການປ່ຽນແປງວິທີຂອງກະ ແສນໍ້າໄປເຖິງ ອ່າງໂຕ່ງ ແລະ ນໍ້າ ແລະ ດິນສາມາດມີການປັບປຸງ ແລະໃຊ້ ແລະ ສາມາດປ້ອງກັນບັນຫາໃນອະນາ ຄົດ ຄືແນວໃດ.

ໜ້າທີ່ຂອງອ່າງໂຕ່ງ

ສຸຂະພາບຂອງທຸກໆຄົນແມ່ ນໄດ້ຮັບຜົນກະ
ທົບຈາກການທີ່ອ່າງໂຕ່ງຖືກທໍາລາຍ. ເພື່ອ
ຄວາມເຂົ້າໃຈແຈ້ງຄວາມສໍາຄັນຂອງອ່າງ
ໂຕ່ງຕໍ່ກັບສະພາບແວດລ້ວມ, ມັນຊ່ວຍໃຫ້
ເຮົາຄິດເຖິງແມ່ນໍ້າ ແລະ ຫ້ວຍຮ່ອງປຽບສະ
ເໝືອສາຍເລືອດຂອງໜ່ວຍໂລກ. ພວກມັນໄດ້
ນໍາເອົາແມ່ ນໍ້າໄຫຼຜ່ ານແຜ່ ນດິນຄືກັນກັບ
ເລືອດທີ່ລໍ່ລ້ຽງຮ່າງກາຍຂອງຄົນເຮົາ. ພວກ
ເຮົາມີຊີວິດຢູ່ ໄດ້ຍ້ອນມີເລືອດລໍ່ ລ້ຽງຮ່ າງ
ກາຍ, ສະພາບແວດລ້ວມກໍ່ຕ້ອງການນໍ້າ
ເພື່ອການຄົງຢູ່ເຊັ່ນກັນ

ວົງຈອນຂອງນໍ້າ

ນໍ້າແມ່ນມີການເຄື່ອນຍ້າຍຢູ່ຕະຫຼອດເວລາ.ບາງຄັ້ງກໍ່ເຄື່ອນຍ້າຍດ້ວຍການໄຫຼຄືກັນກັບກະແສນໍ້າໄຫຼ. ບາງຄັ້ງມັນເຄື່ອນຍ້າຍດ້ວຍການປ່ຽນຮູບຈາກທາດແຫຼວເປັນອາຍ ຫຼື ເປັນທາດແຂງເຊັ່ນ:ນໍ້າກອນ ຫຼື ຫິມະ.ແຕ່ວ່າປະລິມານຂອງນໍ້າຢູ່ໃນໂລກນີ້ແມ່ນບໍ່ເຄີຍມີການປ່ຽນແປງ. ນໍ້າທັງໝົດມັນມີການເຄື່ອນຍ້າຍຈາກ ທ້ອງຟ້າລົງສູ່ໜ່ວຍໂລກ, ຊືມລົງສູ່ພື້ນດິນ, ໄຫຼລົງສູ່ແມ່ນໍ້າ, ບຶງ ແລະ ມະຫາສະໝຸດຕ່າງໆ ແລະ ກໍ່ລະເຫີຍອາຍຂຶ້ນເທິງຟ້າຄືເກົ່າ. ການເຄື່ອນຍ້າຍຂອງນໍ້າແມ່ນເອີ້ນວ່າວົງຈອນຂອງນໍ້າ.

ອ່າງໂຕ່ງສາມາດປົກປັກຮັກສານໍ້າ ແລະ ດິນຄືແນວໃດ

ແຫຼ່ງນໍ້າຂອງອ່າງໂຕ່ງແມ່ນບໍ່ໄດ້ມາຈາກແມ່ນໍ້າ ແລະ ທະເລສາບ, ແຕ່ມັນມາຈາກດິນນັ້ນເອງ. ອ່າງໂຕ່ງທີ່ອຸດົມສົມບູນແມ່ນບ່ອນຕອບສະໜອງນໍ້າສະອາດ ແລະ ດິນທີ່ອຸດົມສົມບູນ.ຕົ້ນໄມ້ແລະ ພືດພັນໂດຍສະເພາະແມ່ນຫຍ້າທີ່ເກີດຢູ່ສ່ວນເທິງຂອງອ່າງໂຕ່ງ ແລະ ຕາມແຄມຝັ່ງແມ່ນໍ້າ ແລະ ຫ້ອຍຮ່ອງຕ່າງໆສາມາດປັບປຸງຄຸນນະ ພາບ ແລະ ປະລິມານນໍ້າໃຕ້ດິນ.
ໂດຍການປົກປັກຮັກສາ ແລະ ອະນຸລັກນໍ້າ, ພືດພັນ ແລະ ດິນ, ພວກເຮົາສາມາດປົກປັກຮັກສາອ່າງໂຕ່ງເຊັ່ນກັນ.

ການປົກປັກຮັກສາ ແລະ ການຟື້ນຟູອ່າງໂຕ່ງ

ທີ່ດິນໃນບໍລິເວນທີ່ເປັນອ່າງໂຕ່ງແມ່ນເປັນຂອງຫຼາຍໆຄົນ. ສະນັ້ນມັນເປັນການຍາກທີ່ຈະຂໍຄວາມຊ່ວຍຫຼາຍຈາກໝົດທຸກຄົນໃນການຟື້ນຟູ ແລະ ປັບປຸງອ່າງໂຕ່ງ. ແຕ່ວ່າອ່າງໂຕ່ງແມ່ນຂອງໜົດທຸກຄົນ ສະນັ້ນສິ່ງສໍາຄັນແມ່ນສໍາລັບທຸກຄົນແມ່ນໃຫ້ມີການຮ່ວມມືກັນເພື່ອສະໜັບສະໜູນ ແລະ ເຂົ້າຮ່ວມໃນການປົກປັກຮັກສາອ່າງໂຕ່ງ.