ການປົກປັກຮັກສາຊັບພະຍາກອນທຳມະຊາດໄວ້ເພື່ອທຸກໆຄົນ ແຕ່ລະວິທີການນຳໃຊ້ຊັບ ພະຍາກອນທຳມະຊາດຂອງພວກເຮົາແມ່ນມີຜົນກະທົບຕໍ່ກັບສຸຂະພາບຂອງພວກເຮົາ ແລະ ສຸຂະພາບຂອງຊຸມຊົນໂດຍລວມ.
ເນື່ອງຈາກພວກເຮົາທຸກໆຄົນຈຳເປັນຕ້ອງນຳໃຊ້ຊັບພະຍາກອນທຳມະຊາດດັ່ງກ່າວ. ສະນັ້ນ, ພວກເຮົາທຸກໆຄົນຕ້ອງມີສ່ວນໃນການປົກປັກຮັກສາ ແລະ ແບ່ງປັນກັນນຳໃຊ້ຊັບພະຍາກອນທຳມະຊາດເຫຼົ່ານີ້. ແຕ່ໃນຄວາມເປັນຈິງ ການແບ່ງປັນກັນໃນການນຳໃຊ້ຊັບພະຍາກອນທຳມະຊາດນັ້ນແມ່ນບໍ່ເທົ່າທຽມກັນ ຄົນທຸກຍາກແມ່ນໄດ້ໜ້ອຍທີ່ສຸດໃນຂະນະທີ່ຄົນຮັ່ງມີຊ້ຳຜັດໄດ້ຫຼາຍ. ລັດຖະບານ, ກອງທັບ ແລະ ບັນດາບໍລິສັດໃຫຍ່ໆແມ່ນມັກຈະໄດ້ສ່ວນແບ່ງກ້ອນໃຫຍ່ຂອງຊັບພະຍາກອນທຳມະຊາດເຫຼົ່ານີ້. ແມ່ນແຕ່ຢູ່ໃນຊຸມຊົນໜຶ່ງຄົນຮັ່ງມີແມ່ນຈະໄດ້ສ່ວນແບ່ງນຳໃຊ້ຊັບພະຍາກອນທຳມະຊາດທີ່ຫຼາຍກວ່າຄົນທຸກຍາກ ແລະ ພວກເຂົາເຈົ້າກໍ່ຈຳເປັນຕ້ອງໄດ້ຍາດແຍ່ງກັນເອງ ເພື່ອເອົາສ່ວນແບ່ງທີ່ມີຈຳກັດນັ້ນການແບ່ງປັນກັນການນຳໃຊ້ຊັບພະຍາກອນທຳມະຊາດທີ່ບໍ່ຍຸຕິທຳນີ້ ໄດ້ເປັນບໍ່ເກີດຂອງບັນຫາສຸຂະພາບອັນຮ້າຍແຮງຕໍ່ຄົນທຸກຍາກ.
ພວກເຮົາສາມາດເວົ້າເຖິງການສະຫງວນຊັບພະຍາກອນທຳມະຊາດໄວ້ ໂດຍໃຊ້ ເວລາຕະຫຼອດມື້ໄດ້ ແຕ່ຕາບໃດທີ່ການຈັດແບ່ງສ່ວນການນຳໃຊ້ຊັບພະຍາກອນທຳມະຊາດທີ່ບໍ່ເທົ່າທຽມກັນນັ້ນຍັງຄົງມີຢູ່ຕໍ່ໄປ, ສຸຂະອະນາໄມກໍ່ຈະມີໃຫ້ສະເພາະແຕ່ກັບຄົນກຸ່ມນ້ອຍ ທີ່ຮັ່ງມີ ແລະ ມີຍົດຖາບັນດາສັກເທົ່ານັ້ນ ແຕ່ບໍ່ແມ່ນຂອງກຸ່ມຄົນທີ່ຕ້ອງການນຳໃຊ້ຊັບພະຍາກອນທຳມະຊາດເຫຼົ່ານັ້ນ ເພ່ືອບັນເທົາຊີວິດປະຈຳວັນຂອງພວກເຂົາ ຄືຄຳດັ່ງກ່າວຂອງຜູ້ນຳປະເທດອິນເດຍ ທ່ານ ມະຫາຕະມະ ຄານທີ ທີ່ວ່າ: “ຊັບພະຍາກອນທຳມະຊາດແມ່ນມີ
ພຽງພໍສຳລັບທຸກໆຄົນທີ່ຈຳເປັນໃຊ້ມັນ, ແຕ່ບໍ່ພຽງພໍສຳລັບທຸກໆຄົນທີ່ກະຫາຍຢາກໄດ້ມັນ.”
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ