ເຕັກນິກການປູກ ແລະ ຜະລິດຊາຂີງ ອິນຊີ ເຂດເນີນສູງ

ເຕັກນິກການປູກ ແລະ ຜະລິດຊາຂີງ ອິນຊີ ເຂດເນີນສູງ

1. ປະຫວັດຄວາມເປັນມາ

ການຜະລິດຊາຂີງ ອິນຊີ ເຂດເນີນສູງ ແມ່ນຜະລິດຂື້ນໂດຍຊາວບ້ານ ບ້ານຫ້ວຍຕໍາ, ເມືອງໄຊ, ແຂວງອຸດົມໄຊ, ມີຈໍານວນຄອບຄົວທີ່ປຸກແຕ່ງຊາຈໍານວນ 38 ຫຼັງຄາ. ເຊິ່ງການຜະລິດດັ່ງກ່າວແມ່ນເປັນການຜະລິດທີ່ບໍ່ນໍາໃຊ້ສານເຄມີ, ບໍ່ທໍາລາຍສິ່ງແວດລ້ອມ, ຫຼຸດຜ່ອນກນຊອກຫາເຄື່ອງປ່າຂອງດົງ, ຫຼຸດຜ່ອນແຮງງານການປູກພືດສະນິດອື່ນ, ບໍ່ຊິນເປືອງເນື້ອທີ່ໃນການປູກ ແລະ ມີເຕັກນິກໃນການປຸງແຕ່ງທີ່ງ່າຍດາຍນອກນັ້ນ ຍັງສ້າງລາຍຮັບເພີ້ມໃຫ້ແກ່ຄອບຄົວນໍາອີກ.

ເປົ້າໝາຍຂອງການຜະລິດ ແມ່ນເພື່ອສ້າງວຽກເຮັດງານທໍາ, ຊ່ວຍສົ່ງເສີມໃຫ້ກຸ່ມແມ່ຍິ່ງມີວຽກເຮັດງານທໍາ,
ເປັນການຜະລິດທີ່ປອດສານຜິດບໍ່ທໍາລາຍສິ່ງແວດລ້ອມ.

ເອກະສານສະບັບນີ້ມີຈຸດປະສົງ ໃນການນໍາສະເໜີບົດຮຽນທີ່ໄດ້ຈາກປະສົບການຕົວຈິງຈາກກຸ່ມຜະລິດຊາຂີງອິນຊີ ເຂດເນີນສູງ ໂດຍຜ່ານການປັບປຸງ ດັດແກ້ວິທີການປຸງແຕ່ງມາໃນໄລຍະຜ່ານມາແລ້ວ ສະນັ້ນການປຸງແຕ່ຊາຂີງຈິ່ງບໍ່ເປັນເປັນເລື້ອງຍາກ ແຕ່ບໍ່ຄວນປະມາດ ເພື່ອບໍ່ໃຫ້ການປຸງແຕ່ງຜິດພາດເຊິ່ງ ຈະເຮັດໃຫ້ເສຍເວລາ ແລະ ເສຍຕົ້ນທືນໃນການຜະລິດ. ເຊິ່ງເນື້ອໃນຂອງເອກະສານປະກອບດ້ວຍຂະບວນການ ທີ່ໄດ້ນໍາໃຊ້, ຄວາມພ້ອມໃນການປະຕິບັດ, ເງືອນໄຂທີ່ນໍາໄປສູ່ຜົນສໍາເລັດ, ອຸປະສັກ/ສິ່ງທ້າທາຍ, ຂໍ້ແນະນໍາເພື່ອແນໃສໃຫ້ຜູ້ອ່ານໄດ້ເຂົ້າໃຈ ແລະ ສາມາດເປັນທາງ ເລືອກໃນການຈັດຕັ້ງປະຕິບັດເພື່ອເປັນການສະໜັບສະໜູນການປະຕິບັດກິດຈະກໍາໃຫ້ແກ່ຜູ້ທີ່ສົນໃຈ.

ຂັ້ນຕອນໃນການປູກ

ຂັ້ນຕອນທີ 1: 

ຊອກພື້ນທີ່ໃນການປູກການຊອກພື້ນທີ່ໃນການປູກແມ່ນໄດ້ຊອກພື້ນທີ່ ທີມີດິນອຸດົມສົມບູນ ໂດຍແບ່ງອອກເປັນ 2 ພື້ນທີ່:

1. ພື້ນທີ່ທີ 1 ສໍາລັບປູກຂີງມີຈໍານວນເນື້ອທີ່ທັງໝົດ 2 ຮຕ
2. ພື້ນທີ່ທີ 2 ສໍາລັບປູກ ຂີ້ມີ້ນ ເຊິ່ງມີຈໍານວນເນື້ອທີ່ທັງໝົດ 2 ຮຕ

ຂັ້ນຕອນທີ 2:

ການກະກຽມແນວພັນປູກແມ່ນນໍາເອົາຫົວຂີງມາອານະໄມ ແລະ ຄັດສ່ວນທີ່ເປັນຫົວເກົ່າອອກ ແລ້ວຕັດເອົາຂະໜາດເທົ່ານິ້ວມື ຕາມບອນທີ່ມີຕາ ແລ້ວນໍາໄປປູກ (ການເລືອກເອົາຫົວແມ່ນເລືອກເອົາຫົວທີ່ໃຫຍ່ ແລະ ມີຄວາມສົມບູນດີທີ່ສຸດ)

ຂັ້ນຕອນທີ 3:

• ຖາງ ແລະ ຈູດພື້ນທີ່ ທີຈະທໍາການປູກຂີງການຖາງພື້ນທີ່ແມ່ນເລີ້ມໃນເດືອນ 4 
• ຈຸດພື້ນທີ່ ທີຈະປູກຂີງໃນເດືອນ 5

ຂັ້ນຕອນທີ 4:

ກະກຽມໜານປູກເຊິ່ງພື້ນທີ່ນັ້ນແມ່ນຈະຂຸດເປັນໜານຄືກັບໜານປູກຜັກຈາກນັ້ນກໍ່ນໍາເອົາແນວພັນລົງປູກ (ແນວພັນທີ່ປູກແມ່ນສາມາດຂະຫຍາຍພັນໄດ້ເອງ)

ຂັ້ນຕອນທີ 5:

ຂັ້ນຕອນການປູກ ແລະ ບົວລະບັດຮັກສາ

• ເລີ້ມປູກໃນຕົ້ນເດືອນ 6 ປີ 2011
• ທໍາການບົວລະບັດຮັກສາໜານປູກ 2 ເດືອນຕໍ່ 1 ຄັ້ງ

ຂັ້ນຕອນທີ 6:  ເກັບກູ້ຜົນລະປູກ

ໃນຊ່ວງເດືອນ 11 ຫາ ເດືອນ 4 (ການເກັບກູ້ແມ່ນອີງໃສ່ຈໍານວນລູກຄ້າທີ່ສັ່ງຕົວຈິງ)

ຂະບວນການໃນການຜະລິດຊາຂີງ ອີນຊີ

ຂັ້ນຕອນທີ່ 1: ກະກຽມວັດຖຸດິບ

ນໍາເອົາວັດຖຸດິບມາລ້າງໃຫ້ສະອາດ

ນໍາເອົາວັດຖຸດິບມາຊອຍເປັນຕ່ອນນ້ອຍໆ

ຊັ່ງຕວງນໍາໜັກ ເພື່ອຮູ້ສ່ວນປະສົມຂອງນໍ້າຕານ

ນໍາເອົາວັດຖຸດິບມາຕຳດ້ວຍຄົກໃຫ້ມຸນ ຫຼື ບົດດ້ວຍເຄື່ອງປັ່ນນໍ້າໝາກໄມ້

ກັ່ນຕອງເອົານໍ້າວັດຖຸດິບທີ່ຕໍາແລ້ວໆ (ໂດຍການນໍາເອົານໍ້າສະອາດເທລົງໄສ່ເຫຍື້ອຂີງ ຈາກນັ້ນກໍ ນວດ ແລ້ວປັ້ນເອົານໍ້າ ໃສ່ຊາມປະໄວ້.)

ກະກຽມອຸປະກອນສໍາລັບຜະລິດຊາຂີງ

• ຄົກ/ສາກ ສໍາລັບຕໍາຂີງ
• ເຄື່ອງບົດນໍ້າໝາກໄມ້ ສໍາລັບບົດຂີງ
• ຕາໜ່າງສໍາລັບກັນຕ້ອງນໍ້າຂີງ
• ໜໍ້ຕົ້ມ/ຂຽວຊາຂີງ
• ເຄື່ອງບົດຊາຂີງ
• ຊາມ, ພາຖາດ

ການອະນະໄມ ແລະ ຂ້າເຊື້ອອຸປະກອນ: ເອົາມາລ້າງໃຫ້ສະອາດ ຈາກນັ້ນນໍາເອົານໍ້າມາໃສປະມານເຄິ່ງໝໍ້ແລ້ວຄ້າງຂື້ນເຕົາໄຟ ຕົມໃຫ້ຟົດ ເພື່ອຂ້າເຊື້ອ ຫຼື ລ້າງໝໍ້ໃສສະອາດ 1 ຄັ້ງ.

ສ່ວນປະກອບ

ຂັ້ນຕອນການປຸງແຕ່ງ

• ຂັ້ນຕອນການປຸງແຕ່ງແມ່ນນໍາເອົາວັດຖຸດິບທີ່ກ່ຽມໄວ້ມາເທລົງໝໍ້ຂາງ ແລ້ວນໍາໄປຄ້າງໃສ່ເຕົາ
• ເອົາໄມ້ກະດ້າມ ຫຼື ຈອງຄົນຈົນນໍ້າຟົດ
• ຕົ້ມຂ້ຽວລົງໃຫ້ແຫ້ງ ເຄິ່ງໜື່ງ ຫຼື ຫຼາຍກວ່ານັ້ນກໍ່ໄດ້ (ຕົ້ມຂ້ຽວ 2-3 ຊົ່ວໂມງຂົນ)
• ຈາກນັ້ນເທເອົານໍ້າຕານລົງໃສ່ ແລ້ວຄົນໄປເລື້ອຍໆ ຈົນນໍ້າຕານເປື່ອຍ
• ຕົ້ນຂ້ຽວຈົນນໍ້າແຫ້ງ ຫຼື ນໍ້າຕານເລີມເປັນຜົງ ຈາກນັ້ນກໍ່ປົງລົງ ແລະ ສືບຕໍ່ຄົນຈົນເປັນຜົງ ຫຼື ເປັນກ້ອນນ້ອຍໆ.
• ນໍາເອົາຜົງຂີງໄປອົບ ຫຼື ຕາກແດດໃຫ້ມັນແຫ້ງດີທີສຸດ
• ນໍາມາບົດໃສ່ເຄື່ອງບົດຊາຂີງໃຫ້ເປັນຝຸ່ຍໃຫ້ລະອຽດ
• ນໍາມາຫຸ້ມຫໍ່ ເຊິ່ງການຫຸ້ມຫໍ່ແມ່ນມີ 2 ຮູບແບບ 1 : ໃສ່ຖົງຢາງລະ 2 ກິໂລ.