ນາງສັງຂານ
ປີຊວດ-ກົດໃຈ້-ໂທສົກ, ທາງຈັນທະຄະຣະຕິ ເປັນປົກະຕິມາສ, ອາທິກະວາ, ທາງສຸລິຍິຄະຕິ
ເປັນອະທິກະສຸຣະທິນ...
ນາງສົງການປີນີ້ ມີນາມວ່າ: ນາງເທພພະທິດາ ທີ່ 2 ຊົງພະນາມວ່າ ໂຄຣາຄະເທວີ
ຊົງພະຫັດ ທັດດອກກາງຂອງ ອາພອນປະດັບໄປດ້ວຍ ແກ້ວມຸກດາຫານ (ສີຫມອກ-ສີໄຂ່ມຸກ),
ສະເຫວີຍ ນ້ຳນົມ ເປັນພັກສາຫານ ພະຫັດຂວາຊົງຖືຂັນດ (ງ້າວ) ພະຫັດຊ້າຍຊົວຖື
ໄມ້ເທົ້າ
ສະເດັຈໃສຍານ (ນອນມືນຕາ) ມາເທິງຫລັງພະຍັຄຄະ (ເສືອໂຄ່ງ) ເປັນພາຫະນະ
ເກນທາລາທິຄຸນ:
ພະສຸກເປັນອະທິບໍດີ ນາຄິຫລີ້ນນຳ້ 1ໂຕ ບັນດານໃຫ້ຝົນຕົກ 600 ຫ່າ
ຕົກໃນຂອບເຂດຈັກກະວານ 240ຫ່າ ຕົກໃນປ່າຫິມະພານ 180ຫ່າ ຕົກໃນມະຫາສະຫມຸດ 120ຫາ
ຕົກໃນມະນຸດສະໂລກ 60ຫ່າ
ເກນທາຣາຄຸນ
ຕົກລາສີວາໂຍ ນ້ຳຈະພໍຄວນ ຝົນຈະຕົກສະຫມ່ຳສະເຫມີຕະຫລຶດປີ ນາດອນນາລຸ່ມ
ຂະດີທຸກໆແຫ່ງ ຈະມີລົມພັດບາງຄັ້ງບາງຄາວຈາກທິດທັງ 4 ຕາມຣະດູການ
ເກນທັນຍາຫານ
ຊື່ວ່າລາພະ ເຂົ້າກ້າໄຮ່ນາ ຈະໄດ້ຜົນ 10ສ່ວນ ເສຍ 1ສ່ວນ
ປະຂາຂົນພົນລະເມືອງຈະຢູ່ເຢັນເປັນສຸກ ສະບາຍດີແລ ທັນຍາຫານບໍລິບູນ ສົມບູນດີແລ
ຜະລາມັດສະມັງສາຫາຮ
ຫມາກໄມ້ຈະມີພໍສົມຄວນ ຂີ້ນປາ ອາຫານ ຈະມີອຸດົມສົມບູນດີ
ຣຸກຂະຊາດ
ໄມ້ປ່າແປ້ງ (ໄມ້ໂພ) ເປັນພະຍາ ມັກຈະມີຄວາມເດືອດຮ້ອນບາງບ່ອນບາງແຫ່ງ
ເກນກາໂລໂຍກ
ວັນພະຫັດເປັນທຸງໄຊ ວັນທິດເປັນວັນອະທິບໍດີ ວັນພຸດເປັນອຸບາດ ວັນອັງຄານເປັນໂລກາວິນາດ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ