ປະຫວັດຄວາມເປັນມາຂອງເຂົ້າ

ປະຫວັດ​ຄວາມ​ເປັນ​ມາ​ຂອງ​​ເຂົ້າ

ເຂົ້າ (Oryza sativa) ​ເປັນ​ພືດ​ຕະກູນ​ຫຍ້າ ​ແລະ ​ເປັນ​ພືດ​ທັນ​ຍາ​ຫານ​ທີ່​ປູກ​ມາ​ແຕ່​ດົນ​ນານ​ແລ້ວ ​ແຕ່​ບໍ່​ມີ​ເອກະສານ​ສະບັບ​ໃດ​ຢັ້ງຢືນ​ໄດ້​ແນ່ນອນ​ວ່າ​ໄດ້​ມີ​ການ​ປູກ​ທຳ​ອິດ​ເມື່ອ​ໃດ ​ແລະ ຖິ່ນ​ກຳ​ເນີ​ດຂອງ​ເຂົ້າ​ທີ່​ແທ້​ຈິງ​ຢູ່​ບ່ອນ​ໃດ, ຕາມ​ການ​ສັນນິຖານ​ຂອງ​ນັກ​ພຶກສາສາດ​ໄດ້​ລາຍ​ງານ​ວ່າ: ​ເຂົ້າ​ທີ່​ປູກ​ກັນ​ມາ​ໃນ​ທຸກ​ວັນ​ນີ້​ໄດ້​ມີ​ການ​ສືບ​ພັນ​ມາ​ຈາກ​ເຂົ້າ​ປ່າ (wild rice) ​ແຕ່​ບັນຫາ​ທີ່​ຖົກ​ຖຽງ​ກັນ​ຂອງ​ນັກ​ສຶກສາ​ສາດ​ບໍ່​ສາມາດ​ຕົກລົງ​ກັນ​ໄດ້​ແນ່ນອນ​ວ່າ​ ​ເຂົ້າກຳ​ເນີ​ດມາ​ຈາກ​ແຫຼ່ງ​ໃດກັນແທ້, ຈາກ​ເຫດຜົນ​ຫຼາຍ​ຢ່າງຂອງ​ນັກ​ຄົ້ນ​ຄວ້າ ​ແລະ ນັກວິທະຍາສາດ​ທັງຫຼາຍ​ພໍ​ສະຫຼຸບ​ໄດ້​ວ່າ: ​ເຂົ້າ​ມີ​ຖິ່ນ​ກຳ​ເນີ​ດມາ​ຈາກ 2 ​ແຫ່ງ​ຄື:

ເຂົ້າ​ມີ​ຖິ່ນ​ກຳ​ເນີ​ດມາ​ຈາກ​ອາຊີ​ຕາ​ເວັນ​ອອກ​ສ່ຽງ​ໃຕ້ (South East Asia) ​ເຊິ່ງມີ​ປະ​ເທດອິນ​ເດຍ, ຈີນ, ລາວ, ​ໄທ ​ແລະ ປະ​ເທດ​ອື່ນໆ ທີ່​ຕັ້ງ​ຢູ່​ເສັ້ນ​ສູນ​ສູດ 40 ອົງສາໃຕ້​ ​ເຖິງ​ເສັ້ນ​ສູນ​ສູດ 45 ອົງສາ​ເໜືອ.

ເຂົ້າ​ມີ​ຖິ່ນ​ກຳ​ເນີ​ດຢູ່​ທະວີບອາ​ຟຼິກາ (Africa) ​ເພາະ​ນັກ​ຄົ້ນ​ຄວ້າ​ພົບ​ວ່າ​ເຂົ້າ​ຫຼາຍ​ຊະນິດ​ໄດ້​ກຳ​ເນີ​ດຢູ່​ທີ່​ນັ້ນ ​ແລະ ​ເປັນ​ພືດ​ທີ່​ເກົ່າ​ແກ່​ກວ່າ​ໝູ່​ຈົນ​ເຖິງ​ສະຕະວັດ​ທີ 20 ຈຶ່ງ​ໄດ້​ຮັບ​ການ​ປັບປຸງ​ພັນ​ໃໝ່​ຂື້ນ​ ໂດຍ​ມີ​ສູນ​ກາງ​ໃຫຍ່​ຄື: ສະ​ຖາ​ບັນ​ຄົ້ນ​ຄວ້າ​ເຂົ້ານາໆ​ຊາດ (IRRI) ​ເຊິ່ງຕັ້ງ​ຢູ່​ປະ​ເທດ​ຟີ​ລີບ​ປິນ ​ໃນ​ປີ 1962 (ອຳ​ມານ ​ແລະ ວິ​ໂຣດ, 1990).

ປະພາດ (1988) ​ໄດ້​ຂຽນ​ໄວ້​ວ່າ: ​ເຂົ້າ​ທີ່​ເກີດ​ຂື້ນ​ຢູ່​ໃນ​ທ້ອງ​ຖິ່ນ​ຕ່າງໆ​ຂອງ​ໂລກ ​ແບ່ງ​ອອກ​ເປັນ 2 ໝວດ​ຄື: O. sativa ມີ​ປູກ​ກັນ​ທົ່ວ​ໄປ, O. glaberrima ມີ​ປູກ​ສະ​ເພາະ​ໃນ​ທະວີບອາ​ຟຼີກາ​ເທົ່າ​ນັ້ນ ​ແລະ ​ເຂົ້າ​ປ່າ ​ເຊິ່ງ​ເກີດ​ຂື້ນ​ເອງ​ຕາມ​ທຳ​ມະ​ຊາດ, ​ໃນ​ປະ​ເທດ​ຕ່າງໆ​ທີ່​ປູກ​ເຂົ້າ​ມີ​ດ້ວຍ​ກັນ​ຫຼາຍ​ຊະນິດ Species ​ແຕ່​ທີ່​ສຳຄັນ ​ແລະ ຄວນ​ຮູ້ ​ໄດ້​ແກ່ O. perennis O. Officinalis, ສ່ວນ​ທີ່​ເປັນ​ຕະກູນ​ຂອງ​ເຂົ້າ​ທີ່​ເຮົາ​ນິຍົມ​ປູກ​ບໍລິ​ໂພ​ກກັນ​ທຸກ​ມື້​ນີ້​ໄດ້​ແກ່ O. sativa  ​ແລະ O. glaberrima. ໃນ​ປັດຈຸບັນ​ນີ້​ເຂົ້າ​ທີ່​ມັກ​ປູກ​ກັນ​ຫຼາຍ​ໃນ​ອາຊີ​ແມ່ນ O. Sativa ທີ່​ຮູ້ຈັກ​ກັນ ​ແລະ ​ເປັນ​ທີ່​ຍອມຮັບ​ຢ່າງ​ກວ້າງ​ຂວາງ​ເຮັດ​ໃຫ້​ມີ​ການ​ນຳ​ເຂົ້າ​ໄປ​ປູກ​ແທນ​ທີ່​ເຂົ້າ​ອາ​ຟຼີກາ​ຫຼາຍ​ຂື້ນ. ສຳລັບ​ເຂົ້າ​ອາຊີ ​ຍັງ​ໄດ້​ແບ່ງ​ອອກ​ເປັນ 3 ພວກ​ດ້ວຍ​ກັນ​ ຄື: Indica, Japonica, Javanica

• Indica: ປູກ​ທົ່ວ​ໄປ​ໃນ​ເຂດ​ຮ້ອນ​ຂອງ​ທະວີບອາຊີ​ເຊ່ນ: ລາວ,​ ໄທ, ອິນ​ເດຍ, ຟີ​ລີບ​ປິນ​ເປັນ​ຕົ້ນ, ​ເຂົ້າ​ພວກ​ນີ້​ສ່ວນ​ຫຼາຍ​ເປັນ​ພັນ​ເຂົ້າ​ຕົ້ນ​ສູງ, ​ເມັດ​ນ້ອຍ​ຍາວ, ມີ​ເປືອ​ກບາງ, ຂົນ​ສັ້ນ ​ແລະ ​ເມັດ​ລົ່ນງ່າຍ.
• Japonica: ປູ​ກກັນ​ທົ່ວ​ໄປ​ໃນ​ເຂດ​ເຄິ່ງຮ້ອນ ​ຫຼື​ ອົບ​ອຸ່ນ​ເຊ່ນ: ຍີ່ປຸ່ນ, ​ເກົາຫຼີ ​ແລະ ປະ​ເທດ​ຈີນ​ຕອນ​ເໜືອເປັນ​ຕົ້ນ, ​ເຂົ້າປະ​ເພດ​ນີ້​ຂ໊ອນຂ້າງ​ລຳ​ຕົ້ນ​​ແຂງເຕ້ຍ ​ແຕກ​ກໍ​ປານ​ກາງ​ເຖິງ​ແຕກ​ກໍ​ຫຼາຍ, ​ໃບ​ແຄບ​ມີ​ສີຂຽວ​ເຂັ້ມ, ​ເມັດ​ປ້ອມ ​ແລະ ລົ່ນຍາກ, ມີ​ຄວາມ​ທົນ​ທານ​ຕໍ່​ອາກາດ​ໜາວ​ເຢັນ.
• Javanica: ປູກ​ຫຼາຍ​ໃນ​ປະ​ເທດ​ອິນ​​ໂດ​ເນ​ເຊຍ ​ແລະ ມ່ຽນມາ, ​ເປັນ​ເຂົ້າ​ທີ່​ມີ​ລັກສະນະ​ເຄິ່ງ Indica  ​ແລະ ​ເຄິ່ງ Javanica, ​ແຕກ​ກໍ​ໜ້ອຍ ສຳ​ຕົ້ນ​ສູງ ​ໃບ​ກວ້າງ​ມີ​ສີຂຽວ​ອ່ອນ, ລຳ​ຕົ້ນ​ແຂງ, ​ເມັດ​ຂ້ອນ​ຂ້າງ​ປ້ອມ ​ແລະ ຕຸ້ຍ, ​ເມັດ​ລົ່ນຍາກ ​ແລະ ມີ​ຂົນ​ເປືອກ​ຍາວ.

Nutritional value per 100 g (3.5 oz)
Energy	130 kcal (540 kJ)
Carbohydrates	28.1 g
Sugars	0.05 g
Dietary fiber	0.4 g
Fat	0.28 g
Protein	2.69 g
Vitamins	Quantity%DV†
Thiamine (B1)	2%, 0.02 mg
Riboflavin (B2)	1%, 0.013 mg
Niacin (B3)	3%, 0.4 mg
Pantothenic acid (B5)	0%, 0 mg
Vitamin B6	7%, 0.093 mg
Minerals	Quantity%DV†
Calcium	1%, 10 mg
Iron	2%, 0.2 mg
Magnesium	3%, 12 mg
Manganese	0%, 0 mg
Phosphorus	6%, 43 mg
Potassium	1%, 35 mg
Sodium	0%, 1 mg
Zinc	1%, 0.049 mg
Other constituents	Quantity
Water	68.44 g