ສະພາບການປູກເຂົ້າຢູ່ໃນ ສປປ ລາວ
ປະເທດລາວຂອງພວກເຮົາເປັນປະເທດໜຶ່ງ ທີ່ກຳລັງພັດທະນາ, ໃນນັ້ນການກະສິກຳກໍເລັ່ງໃສ່ການຜະລິດເຂົ້າໃຫ້ໄດ້ຫຼາຍຂື້ນໄປເລື້ອຍໆ, ຜົນຜະລິດຂອງເຂົ້າທີ່ໄດ້ມາ ແມ່ນຊົມໃຊ້ຢູ່ພາຍໃນປະເທດ, ມາເຖິງປັດຈຸບັນນີ້ການຜະລິດເຂົ້າແມ່ນຍັງຂື້ນກັບສະພາບເງື່ອນໄຂຂອງທຳມະຊາດເຮັດໃຫ້ຜົນຜະລິດບໍ່ຄົງຕົວ, ສ່ວນຫຼາຍແມ່ນປູກເຂົ້າໜຽວ ແລະ ເປັນແນວພັນພື້ນເມືອງ ໂດຍສະເພາະແມ່ນລະດູຝົນ.
ການເຮັດການຜະລິດກໍໄດ້ນຳໃຊ້ແຮງງານພາຍໃນຄອບຄົວເປັນຕົ້ນຕໍ, ການນຳໃຊ້ເຕັກນິກວິທະຍາສາດ ວິທະຍາການ ຝຸ່ນເຄມີ
ຢາຂ້າແມງໄມ້ ແລະ ການນຳໃຊ້ແນວພັນປັບປຸງໃໝ່ ແມ່ນຍັງຢູ່ໃນຂອບເຂດຈຳກັດ
ສ່ວນຫຼາຍການນຳໃຊ້ ແມ່ນມີພຽງແຕ່ຢູ່ຕາມຕົວເມືອງທີ່ຕິດກັບຊາຍແດນ
ຫຼື ອ້ອມແອ້ມເທດສະບານເມືອງ, ນັບແຕ່ມື້ສະຖາປະນາ
ສປປ ລາວເປັນຕົ້ນມາ
ປະເທດເຮົາໄດ້ປະເຊີນໜ້າກັບໄພທຳມະຊາດຢ່າງເນື່ອງນິດລຽນຕິດເຊັ່ນ: ປີ1977, 1983, 1987, 1991, 1995, 1999, 2008, 2009,
2012, 2013 ໄດ້ມີໄພແຫ້ງແລ້ງ ແລະ ນ້ຳຖ້ວມເກີດຂື້ນຫຼາຍທ້ອງຖິ່ນ ເຮັດໃຫ້ຜົນຜະລິດເສຍຫາຍ, ນັບແຕ່ປີ 1994 ເປັນຕົ້ນມາ ກະຊວງກະສິກຳ ແລະ ປ່າໄມ້ໄດ້ເປີດກອງປະຊຸມກະສິກຳປະຈຳປີທົ່ວປະເທດຂື້ນທຸກໆປີ ເພື່ອເລັ່ງໃສ່ການຜະລິດສະບຽງອາຫານ ໃນນັ້ນໄດ້ເນັ້ນໃສ່ການຜະລິດເຂົ້າເປັນບັນຫາບູລິມະສິດທີ່ສຳຄັນ ໂດຍແບ່ງຄວາມຮັບຜິດຊອບໃຫ້ເຊິ່ງກັນ ແລະ ກັນ ແຕ່ຂັ້ນກະຊວງລົງຮອດທ້ອງຖິ່ນ ເພື່ອເຮັດໃຫ້ເນື້ອທີ່ປູກເຂົ້າໄຮ່ຫຼຸດລົງ ກ້າວໄປເຖິງບ່ອນຢຸດຕິການຖາງປ່າເຮັດໄຮ່ຢູ່ຍອດຫ້ວຍລົງມາເຮັດໄຮ່ຂຸດ, ຢູ່ພື້ນທີ່ໄຮ່ຄົງທີ່ຫັນມາປູກພືດອື່ນໆ ທີ່ເປັນສິນຄ້າ ດ້ວຍການເຮັດກະເສດສຸມ, ພ້ອມທັງເປີດກວ້າງການກໍ່ສ້າງພະນັກງານວິຊາການຢູ່ແຕ່ລະທ້ອງຖິ່ນ ໂດຍການສ້າງຄອບຄົວຕົວແບບ ແລະ ສູນບໍລິການເຕັກນິກ.
ການປະຕິບັດແຜນການດັ່ງກ່າວນີ້ຍັງພົບຂໍ້ຫຍຸ້ງຍາກຫຼາຍປະການ ເປັນຕົ້ນແມ່ນ ແຜນວຽກ ແຜນງານ ແລະ ແຜນເງິນ
ຍັງບໍ່ທັນສອດຄ່ອງ ແລະ
ກົມກຽວກັນ ຕົ້ນຕໍແມ່ນຂາດພະນັກງານສະເພາະດ້ານທີ່ຮູ້ເຮັດຕົວຈິງໄປຊີ້ນຳ ແລະ
ນຳພາຢູ່ແຕ່ລະບ່ອນ
ຈາກມະຫາພາກລົງສູ່ຈຸລະພາກ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ