ການເຜົາໄໝ້ເຊື້ອໄຟຈາກທຳມະຊາດ ແມ່ນເປັນວິທີທາງທີ່ສ່ວນໃຫຍ່ຜະລິດພະລັງງານໄຟຟ້າ. ການຂຸດຄົ້ນ ແລະ ຈູດເຊື້ອໄຟຈາກທຳມະຊາດກໍ່ໃຫ້ເກີດມົນລະພິດຕໍ່ອາກາດ, ຕໍ່ດິນ ແລະ ຕໍ່ນ້ຳ ຊຶ່ງມັນຈະນຳໄປສູ່ບັນ ຫາທາງການຫາຍໃຈ ແລະ ຜິວ ໜັງໄດ້. ມັນກໍ່ຍັງຜະລິດສານພິດເຄມີທີ່ເປັນສາເຫດຂອງໂລກມະເຮັງ ແລະ ເຮັດໃຫ້ເກີດບັນຫາຕໍ່ກັບການເກີດລູກ. ການໃຊ້ພະລັງງານເຊື້ອໄຟໄຈາກທຳມະຊາດຂອງພວກເຮົາແມ່ນເປັນສາເຫດໃຫ້ເກີດພາວະໂລກຮ້ອນ ແລະ ເກີດສົງຄາມຍາດແຍ່ງຊັບພະຍາກອນນ້ຳມັນກັນ.
ພະລັງງານໄຟຟ້ານ້ຳຕົກຂະໜາດໃຫຍ່ (ໂດຍການໃຊ້ນ້ຳຕົກຈາກເຂື່ອນເພື່ອສ້າງພະລັງງານໄຟຟ້າ) ມັນໄດ້ເຮັດໃຫ້ຜູ້ຄົນທີ່ອາໄສຢູ່ເຂດນັ້ນຕ້ອງໄດ້ປະຖີ້ມເຮືອນຊານ, ເກີດ ຄວາມອຶດຢາກ ແລະ ສູນເສຍດິນດອນຕອນຫຍ້າອັນມີຄ່າຂອງພວກເຂົາ ແລະ ມັນກໍ່ເປັນສາເຫດກໍ່ໃຫ້ເກີດການເພີ່ມຂຶ້ນຂອງໂລກພະຍາດຕ່າງໆເຊັ່ນ: ໂລກມາເລເລຍ ແລະ ໂລກໃບໄມ້ໃນເລືອດ. ເຂື່ອນໄຟຟ້ານ້ຳຕົກຂະໜາດນ້ອຍແມ່ນມີຜົນກະທົບໜ້ອຍກວ່າ. ພະລັງ ງານນິວເຄຼຍແມ່ນເປັນອັນຕະລາຍຫຼາຍເນື່ອງຈາກວ່ານຳໃຊ້ວັດຖຸທີ່ມີພິດ, ໄພຄຸກຄາມຈາກອຸບັດເຫດຂອງການໃຊ້ພະລັງງານນິວເຄຼຍ ແລະ ສິ່ງເປິເປື້ອນທີ່ເປັນອັນຕະລາຍທີ່ຖີ້ມໄວ້ພາຍຫຼັງ ຊຶ່ງມັນເປັນສາເຫດກໍ່ໃຫ້ເກີດບັນຫາທາງສຸຂະພາບຕໍ່ຫຼາຍໆສິ່ງທີ່ມີຊີວິດ. ພະລັງງານນິວເຄຼຍບໍ່ແມ່ນພະລັງງານສະອາດ.
ສາຍໄຟຟ້າແຮງສູງ (ເປັນສາຍທີ່ສົ່ງກະແສໄຟຟ້າຈາກບ່ອນຜະລິດໄປຫາບ່ອນຊົມ ໃຊ້) ເປັນສາເຫດເຮັດໃຫ້ເກີດບັນຫາຕໍ່ສຸຂະພາບເຊັ່ນ: ເກີດໂລກມະເຮັງເມັດເລືອດ ແລະ ໂລກມະເຮັງອື່ນໆ. ມັນຈະເປັນການດີ ທີ່ຈະບໍ່ສ້າງເຮືອນຊານບ້ານຊ່ອງຢູ່ໃກ້ກັບສາຍໄຟຟ້າແຮງສູງ, ໂດຍສະເພາະແມ່ນບໍ່ໃຫ້ຕັ້ງເຮືອນຊານຢູ່ກ້ອງສາຍໄຟຟ້າແຮງສູງໂດຍກົງ.ສາຍໄຟຟ້າແຮງສູງແມ່ນເປັນອັນຕະລາຍເມື່ອໃຊ້ມັນກັບພະ ລັງງານສະອາດ ແລະ ເຊັ່ນດຽວກັນກັບການໃຊ້ພະລັງງານເຊື້ອໄຟຈາກ ທຳມະຊາດ. ການສ້າງພະລັງງານໃນ ທ້ອງຖິ່ນນັ້ນ, ມັນຈະເປັນພາກສ່ວນທີ່ສຳຄັນຂອງພະລັງງານສະອາດ, ຫຼຸດຜ່ອນຄວາມຕ້ອງການຂອງສາຍໄຟຟ້າແຮງສູງ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ