ພະລັງງານໄຟຟ້າສ່ວນໃຫຍ່ໃນທຸກມື້ນີ້ແມ່ນໄດ້ມາຈາກການເຜົາເຊື້ອໄຟຈາກທຳມະຊາດເຊັ່ນ: ຖ່ານຫີນ, ນ້ຳມັນ ແລະ ແກັດທຳມະຊາດ). ພະລັງງານບາງຢ່າງແມ່ນໄດ້ມາຈາກພະລັງງານນິວເຄຼຍ ແລະ ພະລັງງານເຂື່ອນໄຟຟ້ານ້ຳຕົກຂະໜາດໃຫຍ່ . ເພື່ອເຂົ້າໃຈເຖິງສາເຫດວ່າ ເປັນຫຍັງພວກເຮົາຈຶ່ງຕ້ອງການພະລັງງານສະອາດ ເພື່ອທົດແທນ ພະລັງງານເກົ່າທີ່ມີ, ຊຶ່ງມັນຈະຊ່ວຍໃຫ້ເຂົ້າໃຈວ່າ ພະລັງງານໄຟຟ້າມາແຕ່ໃສ່ ແລະ ມັນເປັນສາເຫດກໍ່ໃຫ້ເກີດຄວາມເສຍຫາຍແນວໃດ ຖ້າພະລັງງານນັ້ນມາຈາກແຫຼ່ງພະລັງງານບໍ່ສະອາດ ຫຼື ແຫຼ່ງພະລັງງານທົດແທນ.
ບໍ່ວ່າຈະຜະລິດໄຟດ້ວຍຖ່ານຫີນ ຫຼື ແກັດທຳມະຊາດ ແລະ ພະລັງງານນິວເຄຼຍກໍ່ລ້ວນແລ້ວແຕ່ເປັນການຜະລິດໃນຮູບແບບດຽວກັນ. ເບື້ອງຕົ້ນແຫຼ່ງທີ່ມາຂອງພະລັງງານແມ່ນສ້າງຄວາມຮ້ອນ, ຊຶ່ງເຮັດໃຫ້ເກີດອາຍນ້ຳ, ເພື່ອວ່າອາຍນ້ຳຈະເຮັດໃຫ້ເຄື່ອງກົງປິ່ນກຳເນີດໄຟຟ້າໃຫຍ່ສ້າງພະລັງງານໄຟຟ້າ. ເຂື່ອນໄຟຟ້ານ້ຳຕົກຂະໜາດໃຫຍ່ແມ່ນອາໄສກະແສນ້ຳຕົກໃສ່ໃບພັດຂອງເຄື່ອງກົງປິ່ນ, ແທນທີ່ຈະເປັນພະລັງງານອາຍນ້ຳທີ່ເຮັດໃຫ້ເຄື່ອງກົງປິ່ນ
ຜະລິດກະແສໄຟຟ້າ. ແຕ່ວ່າທຸກວິທີຂອງການຜະລິດພະລັງງານໄຟຟ້າກໍ່ລ້ວນແລ້ວແຕ່ນຳໄປສູ່ມົນລະພິດຕ່າງໆ, ມັນເປັນການທຳລາຍຊຸມຊົນ ແລະ ສັດນ້ຳ ແລະ ມັນຍັງກໍ່ໃຫ້ເກີດ ບັນຫາທາງດ້ານສຸຂະພາບຢ່າງຮ້າຍແຮງອື່ນໆອີກນຳ. ບໍ່ມີສິ່ງໃດຈະມີສຸຂະພາບດີ ຫຼື ມີອາຍຸຍືນໄດ້, ໂດຍສະເພາະສິ່ງຕ່າງໆເຫຼົ່ານັ້ນໄດ້ຮັບປະລິມານມົນລະພິດໃນປະລິມານທີ່ຫຼາຍ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ