ເປັນທີ່ຮູ້ແຈ້ງແລ້ວວ່າ ການສົ່ງເສີມສຸຂະພາບຂອງເດັກ ແລະ ຄອບຄົວແມ່ນມີຄວາມສໍາຄັນ.ແຕ່ວ່າ ຈະເຮັດແນວ ໃດ ເພື່ອສົ່ງເສີມສຸຂະອະນາໄມຂອງຊຸມ ຊົນ? ເມື່ອເຮົາເວົ້າເຖິງສຸຂະອະນາໄມຂອງຊຸມຊົນ, ພວກເຮົາຈະໝາຍ ເຖິງ ສຸຂະພາບ ຂອງເຮົາ ທີ່ ຮັບ ຜົນ ກະທົບ ຈາກ ສິ່ງ ແວດ ລ້ອມທີ່ຢູ່ ອ້ອມຂ້າງ ເຮົາ ເອງ ແລະ ຍັງໝາຍ ເຖິງ ການ ກະທໍາຂອງ ເຮົາ ທີ່ ມີ ຜົນ ກະທົບ ຕໍ່ ສິ່ງ ແວດ ລ້ອມ ເຊັ່ນກັນ. ຖ້າວ່າ ອາຫານ, ອາກາດ ແລະ ນໍ້າ ຖືກ ເຈືອປົນ , ມັນ ສາມາດ ເຮັດ ໃຫ້ ເຮົາ ເຈັບ ປ່ວຍ ໄດ້. ຖ້າວ່າ ພວກ ເຮົາ ບໍ່ ລະມັດລະວັງ ໃນ ການ ໃຊ້ອາກາດ, ນໍ້າ ແລະ ດິນ, ຕົວ ເຮົາ ເອງ ແລະ ສະພາບ ແວດ ລ້ອມອາດ ໄດ້ ຮັບ ຜົນ ກະທົບ ເຊັ່ນກັນ. ພວກ ເຮົາ ສາມາດ ຮັກສາ ສຸຂະພາບ ຕົວ ເຮົາ ເອງ ໄດ້ດ້ວຍ ການ ຮັກສາ ສິ່ງ ແວດ ລ້ອມ.
ການສົ່ງ ເສີມ ສຸຂະ ອະນາ ໄມສ່ວນ ໃຫຍ່ ແມ່ນ ເລີ່ ມຕົ້ນ ມາ ຈາກການ ທີ່ ຄົນ ເຮົາ ຮູ້ ສັງ ເກດເຫັນ ວ່າ ບັນຫາ ສຸຂະພາບ ມີ ຜົນ ກະທົບ ບໍ່ພຽງ ແຕ່ ບຸກຄົນໜຶ່ງ ຫຼື ກຸ່ມ ຄົນໜຶ່ງ ເທົ່າ ນັ້ນ, ແຕ່ມັນ ຍັງເປັນ ບັນຫາໂດຍ ລວມ ຂອງ ຊຸມ ຊົນ ອີກ ດ້ວຍ. ເມື່ອ ບັນຫາ ຕ່າງໆ ໄດ້ ຮັບ ຮູ້ ນໍາ ກັນ, ຜູ້ ຄົນ ສາມາດເຮັດ ວຽກຮ່ວມ ກັນ ເພື່ອນໍາ ມາ ເຊິ່ງການ ປ່ຽນ ແປງ.
ຢູ່ ໃນ ພາກນີ້ ພວກ ເຮົາ ຈະ ເວົ້າ ເຖິງ ເລື່ອງ ລາວ ຂອງ ການຈັດ ຕັ້ງ ສຸຂະ ອະນາ ໄມ ຂອງ ຊຸມຊົມຢູ່ ໃນ ເມືອງ ມົງກຼາລາ ໂຕ, ປະເທດເອຄົວດໍ ບ່ອນ ທີ່ ຄົນ ງານ ສາມາດ ຍຢຸດ ຢັ້ງ ການລະບາດຂອງ ອະຫິວາ. ຫຼັງຈາກ ນັ້ນຜູ້ ຄົນ ໃນ ຊຸມ ຊົນ ນັ້ນ ເອງ ສາມາດ ຄົ້ນ ພົບ ວິທີ ທີ່ ສາມາດ ຮ່ວມ ມື ກັນແກ້ ໄຂ ບັນຫາ ສຸຂະ ພາບ ອື່ນໆ ເຊັ່ນ ກັນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ