ອ້ອຍ
ອ້ອຍ (ຊື່ວິທະຍາສາດ:
Saccharum officinarum) ເປັນພືດວົງ
POACEAE ວົງດຽວກັບ ໄຜ່ ຫຍ້າແລະທັນຍະພືດ ເຊັ່ນ ເຂົ້າວີດ, ເຂົ້າ, ສາລີ ແລະ ເຂົ້າບາເລ່ ມີຖິ່ນກຳເນີດໃນເຂດຮ້ອນຂອງທະວີບເອເຊຍ ໃນລຳຕົ້ນອ້ອຍ ທີ່ນຳມາໃຊ້ເຮັດນ້ຳຕານ ມີປະລິມານຊູໂຄຣດປະມານ
17-35% ເສດອ້ອຍ (bagasse)
ທີ່ຖືກບີບເອົານ້ຳອ້ອຍອອກໄປແລ້ວ
ສາມາດນຳມາໃຊ້ເຮັດເຈ້ຍ ພລາດຕິກ ເປັນເຊື້ອເພິງ ແລະ ອາຫານສັດ ສ່ວນກາກນ້ຳຕານ
(molasses) ທີ່ແຢກອອກຈາກນ້ຳຕານໃນລະຫວ່າງການຜະລິດ
ສາມາດນຳໄປໝັກເປັນເຫຼົ້າ (rum) ໄດ້ອີກດ້ວຍ
ອ້ອຍເປັນພືດຊະນິດໜຶ່ງທີ່ມີຄວາມສຳຄັນເປັນຢ່າງຫລາຍເມື່ອພິຈາລະນາໃນແງ່ຂອງຜົນຜະລິດ
ເພາະອ້ອຍສາມາດໃຊ້ປັດຈັນສຳລັບການຈະເລີນເຕີບໂຕ ເຊັ່ນ ແສງແດດ ນ້ຳ ອາກາດ ແລະ ທາດອາຫານໄດ້ຢ່າງມີປະສິດທິພາບ
ນອກຈາກນີ້ອ້ອຍຢັງເປັນພືດທີ່ປຸກງ່າຍ ແລະເມື່ອປຸກເທື່ອໜຶ່ງແລ້ວ ສາມາດເກັບກ່ຽວໄດ້ຫຼາຍເທື່ອ
ອ້ອຍມັກອາກາດຮ້ອນ ແລະ ຊຸ່ມຊື້ນ ດັ່ງນັ້ນປະເທດທີ່ປຸກອ້ອຍ
ຊຶ່ງມີປະມານ 70 ປະເທດຈຶ່ງຢູ່ໃນແຖບຮ້ອນ ແລະ ຊຸ່ມຊື້ນ ໃນລະຫວ່າງເສັ້ນແວງທີ່ 35 ອົງສາເໜືອ ແລະ 35 ອົງສາໃຕ້ ປະເທດຜູ້ປຸກອ້ອຍທີ່ສຳຄັນ ໄດ້ແກ່ ບຣາຊິນ ຄິວບາ ອິນເດຍ
ການຈຳແນກຊັ້ນທາງວິທະຍາສາດ
- ອານາຈັກ: Plantae
- ບໍ່ຖືກຈັດອັນດັບ: Angiosperms
- ບໍ່ຖືກຈັດອັນດັບ: Monocots
- ບໍ່ຖືກຈັດອັນດັບ: Commelinids
- ອັນດັບ: Poales
- ວົງ: Poaceae
- ວົງຍ່ອຍ: Panicoideae
- ເຜົ່າ: Andropogoneae
- ສກຸນ: Saccharum L.
ສັບພະຄຸນຂອງອ້ອຍ
- ອ້ອຍມີສັບພະຄຸນ ເປັນຢາບໍາລຸງກໍາລັງທີ່ຈະເຮັດໃຫ້ຮ່າງກາຍບໍ່ອ່ອນເພຍ
- ອ້ອຍອຸດົມໄປດ້ວຍແຮ່ທາດສໍາຄັນຕໍ່ຮ່າງກາຍເຊັ່ນທາດເຫຼັກ ຊຶ່ງມີໜ້າທີ່ຊ່ວຍປ້ອງກັນ ແລະປິ່ນປົວພະຍາດໂລຫິດຈາງທີ່ມີສາເຫດມາຈາກການຂາດທາດເຫຼັກ ຊ່ວຍບໍາລຸງເລືອດ ລວມທັງເສີມສ້າງການຈະເລີນເຕີບໂຕຂອງຮ່າງກາຍໃຫ້ເປັນປົກກະຕິ
- ຊ່ວຍຫຼຸດການເກີດແຂ້ວແມງໄດ້ ເພາະສ່ວນປະກອບຂອງນໍ້າຕານຊູໂຄຣສທີ່ມີໃນອ້ອຍມີຄ່າດັຊນີຂອງນໍ້າຕານຕໍ່າ ແລະຍັງເໝາະກັບຄົນທີ່ເປັນເບົາຫວານ ກໍສາມາດກິນອ້ອຍໄດ້
- ມີສັບພະຄຸນຊ່ວຍບັນເທົາອາການໄອ ເພາະນໍ້າອ້ອຍມີລິດເຢັນ ແລະຊຸ່ມຄໍ ແກ້ອາການຄໍແຫ້ງ ແລະຫິວນໍ້າ
- ອ້ອຍມີລິດໃນການການແກ້ອາການທ້ອງຜູກ ( ຖ່າຍຍາກ ) ເຮັດໃຫ້ລໍາໄສ້ສາມາດຂັບຖ່າຍອາຈົມໄດ້ສະດວກຂຶ້ນ ໃຊ້ເປັນຢາປິ່ນປົວພະຍາດກະເພາະອາຫານອັກເສບຊໍາເຮື້ອ ແລະຊ່ວຍບໍາລຸງກະເພາະອາຫານ
- ເປັນແຫຼ່ງລວມຂອງສານຕ້ານອະນຸມຸນອິດສະລະອີກແຫຼ່ງໜຶ່ງທີ່ໜ້າສົນໃຈຫຼາຍ ເພາະມີຢູ່ຫຼາກຫຼາຍຊະນິດ ຊຶ່ງຊ່ວຍເຮັດໃຫ້ຮ່າງກາຍມີປະສິດທິພາບຫຼາຍພໍຈະຕໍ່ສູ້ກັບພະຍາດ ແະລປົກປ້ອງຮ່າງກາຍຈາກມົນລພິດ ແລະສານເຄມີທີ່ເປັນອັນຕະລາຍ ແລະສົ່ງຜົນໃຫ້ອະໄວຍະວະຕ່າງໆຂອງຮ່າງກາຍທັງພາຍໃນ ແລະນອກບໍ່ເສື່ອມສະພາບໄວ
- ຊ່ວຍຢັບຢັ້ງບໍ່ໃຫ້ເຊວມະເຮັງແພ່ກະຈາຍໄດ້ໂດຍງ່າຍ ແລະມີຄຸນສົມບັດຕໍ່ຕ້ານອະນຸມຸນອິດສະລະລວມເຖິງເຊວມະເຮັງຕ່າງໆ
- ມີປະໂຫຍດຕໍ່ຜູ້ຍິງ ໂດຍສະເພາະຊ່ວງທີ່ມີປະຈໍາເດືອນ ແລະສາມາດບັນເທົາອາການເຈັບທ້ອງປະຈໍາເດືອນ ແລະຍັງບໍາລຸງໃຫ້ເລືອດປະຈໍາເດືອນມາປົກກະຕິ
- ມີສັບພະຄຸນປິ່ນປົວອາການໄຂ້ຂຶ້ນສູງ, ແກ້ອາການຮ້ອນໃນ ຫຼືແກ້ອາການຊໍ້າໃນ
- ມີລິດໃນການຂັບປັດສະວະ ຊ່ວຍລ້າງທາງເດີນປັດສະວະ ແລະສາມາດຂັບນິ້ວ ແລະປິ່ນປົວພະຍາດນິ້ວໄດ້
- ເປັນຢາປິ່ນປົວພະຍາດຫວັດທີ່ມີປະສິດທິພາບສູງ ເພາະໃນອ້ອຍອຸດົມໄປດ້ວຍວິຕາມິນຊີ
- ອ້ອຍເປັນແຫຼ່ງລວມຂອງສານອາຫານທີ່ມີຄຸນຄ່າທາງໂພຊະນາການສູງ ຊຶ່ງມີທັງສ່ວນປະກອບຂອງນໍ້າຄາຣ໌ໂບໄຮເດຣຕ, ໂປຣຕີນ, ໄຂມັນ, ເກືອ ແລະວິຕາມິນຫຼາກຫຼາຍ
- ມີວິຕາມິນບີ 6 ສູງ ຊຶ່ງສາມາດຊ່ວຍເສີມສ້າງພູມຕ້ານທານໃນຮ່າງກາຍໃຫ້ພ້ອມຕໍ່ສູ້ກັບເຊື້ອພະຍາດຕ່າງໆ ທີ່ເຂົ້າສູ້ຮ່າງກາຍ ແລະຍັງປ້ອງກັນພະຍາດກ່ຽວກັບລະບົບປະສາດ ແລະພະຍາດຜິວໜັງ
- ສັບພະຄຸນຂອງອ້ອຍຊ່ວຍໃຫ້ຮ່າງກາຍສາມາດເຜົາຜານອາຫານປະເພດແປ້ງ, ໄຂມັນ ແລະໂປຣຕີນໄດ້ດີຂຶ້ນ
- ອ້ອຍມີແຮ່ທາດສໍາຄັນ ທີ່ຈະຊ່ວຍບໍາລຸງຜິວພັນ ເບິ່ງແຍງກະດູກ, ເລັບ, ແຂ້ວ ແລະເສັ້ນຜົມໃຫ້ແຂງແຮງ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ