ການ​ປູກ​ຫມາກ​ໂມ ອິນ​ຊີ

​ເຕັກ​ນິກ​ການ​ປູກ​ໝາກ​ໂມ

ໝາກໂມເປັນພືດຜັກຊະນິດໜຶ່ງ ທີ່ນິຍົມປູກ ຫລັງການເກັບກ່ຽວເຂົົ້າ ແລ້ວເນື່ອງຈາກສາມາດໃຊ້ຄວາມຊຸມທີ່ຍັງເຫຼືອຢູ່ໃນດິນ ຊ່ວຍການຈະເລີນເຕີບໂຕ ຈັດເປັນພືດເສດຖະກິດທີ່ສໍາຄັນໃນຫລາຍທ້ອງຖິ່ນປູກໄດ້ທົ່ວທຸກພາກ.

ແຕງ​ໂມ (ຊື່ວິທະຍາສາດ: Citrullus lanatus) ເປັນໝາກໄມ້ ທີ່​ມີ​ນ້ຳ​ປະກອບ​ຢູ່​ເປັນ​ຈຳນວນ​ຫລາຍ ແລະ​ຫວານ​ຫລາຍ​ແຕ່​ມີ​ນ້ຳ​ຕານ​ນ້ອຍ​ກວ່າ​ຫມາກໄມ້​ບາງ​ຊະນິດ​ເນື່ອງ​ຈາກ​ນ້ຳ​ຕານ​ໃນ​ຜົນ​ຄື​ນ້ຳ​ຕານ​ກລູ​ໂຄດ ​ ພາກ​ຕະເວັນ​ອອກ​ສຽງ​ເໜືອ​ຮຽກ ບັກ​ໂມ ພາກ​ເໜືອ​ຮຽກ ບະ​ເຕົ້າ, ​ຮຽກ​ແຕງ​ຈີນ ຖິ່ນ​ກຳ​ເນີດ​ຢູ່ໃນທະເລຊາຍຄາລາຮາລີ ທວີບ​ແອ​ຟ​ຣິ​ກາ^[1] ຊາວ​ອີຢິບ​ເປັນ​ຊາດ​ແຮກ​ທີ່​ປຸກ​ແຕງ​ໂມ​ໄວ້​ຮັບປະທານ​ເມື່ອ​ສີ່​ພັນ​ປີ​ມາ​ແລ້ວ^[2] ຊາວຈີນ ເລີ່ມ​ປຸກ​ແຕງ​ໂມ​ທີ່ ຊິນກຽງສະໄໝຣາສວົງຖັງ แລະ​ຊາວ​ມົວ ​ໄດ້​ນຳ​ແຕງ​ໂມ​ໄປ​ສູ່​ທະວີບ​ຢຸ​ໂຣບ ແຕງ​ໂມ​ແພຣ່​ຫຼາຍ​ເຂົ້າ​ສູ່ທະວິບອາເມລິກາ ພ້ອມ​ກັບ​ຊາວ​ແອ​ຟ​ຣິ​ກາ​ທີ່​ຖືກ​ຂາຍ​ເປັນ​ຂ້າທາດ ແຕງ​ໂມ​ຕ້ອງ​ການ​ດິນ​ທີ່​ມີ​ຄວາມ​ຊຸ່ມ​ຊື້ນ​ພໍ​ເໝາະ ນ້ຳ​ບໍ່​ຂັງ ມັກ​ປຸກ​ກັນ​ໃນ​ດິນ​ຣ່ວນ​ປົນ​ຊາຍ ໃນ​ປະເທດ​ລາວ​ມີ​ການ​ປຸກ​ແຕງ​ໂມ​ທົ່ວ​ທຸກ​ພູມິພາກ ແລະ ​ປຸກ​ໄດ້​ທຸກ​ລະດູ

ການຈຳແນກຊັ້ນທາງວີທະຍາດສາດ
ອານາຈັກ:	Plantae
ໝວດ:	Magnoliophyta
ຊັ້ນ:	Magnoliopsida
ອັນ​ດັບ:	Cucurbitales
ວົງ:	Cucurbitaceae
ສ​ກຸນ:	Citrullus
ສ​ປີ​ຊີ​ສ​໌:	C.  lanatus

ພັນທີ່ນິຍົມປູກ.

• ພັນ 9930 ຕົົ້ນແຂງແຮງ ໝາກດົກ ເນື້ອສີແດງ ລົດຫວານ ຂະໜາດໝາກ 2-3 ກິໂລ ອາຍຸການເກັບກ່ຽວ 55 ວັນ.
• ພັນ 9935 ທົນຕໍ່ພະຍາດຜິວນ້ຳມັນ ເນື້ອ​ສີແດງ ລົດຫວານກອບ ເປືອກໜາ ອາຍຸການເກັບກ່ຽວ 55-60 ວັນ.
• ພັນ 9942 ເນື້ອສີເຫລືອງ ຂະໜາດໝາກ 5-6 ກິໂລ ເປືອກໜາ ທົນການຂົນສົ່ງ ອາຍຸການເກັບກ່ຽວ 60 ວັນ.

ການກຽມດິນ

ໄຖດິນໃຫ້ເລິກ 30-40 ຊມ ຕາກດິນໄວ້ 7-10 ວັນ ຍໍາດິນໃຫ້ລະອຽດ ຫວ່ານປູກຂາວໃນອັດຕາ 100-200 ກິໂລ/ໄລ່ ໃສ່ຝຸ່ນໝັກ ຫລື ຝຸ່ນຄອກອັດຕາ 1,000 ກິໂລ/ໄລ່ ປຸຸ໋ຍເຄີ່ ສູດ 15-15-15 ອັດຕາ 50 ກິໂລ/ໄລ່ ແລະ ສານໂບແຮກຊ໌ 1-2 ກິໂລ/ໄລ່ ຍົກໜານໃຫ້ສູງປະມານ 30 ຊມ ກວ້າງປະມານ 1 ແມັດ ຄຸມດ້ວຍແຜ່ນຢາງພາລາສະຕິກ ອີກດ້ານຄຸມຕາຂ່າຍເພື່ອໃຫ້ພືດຍືດເກາະ ເລືອໄປໃນທິດທາງດຽວກັນ ສະດວກໃນການດູແລຮັກສາ ນອກຈາກນີ້ພາລສະຕິກຈະຊ່ວຍຮັກສາຄວາມຊຸ່ມ ແລະ ຮັກສາວັດສະພືດ.

ສິ່ງ​ທີ່​ຕ້ອງ​ຕຽມ

1.    ເມັດ​ແຕງ​ໂມ (ຊື້​ໄດ້​ຕາມ​ທ້ອງ​ຕະ​ລາດ​ ຫລື ​ຕິດ​ຕໍ່​ຈາກ​ຄົົນທີ່​ເຂົາ​ປຸກ​ຢູ່​ແລ້ວ​ຈະ​ໄດ້​ລາ​ຄາ​ຖືກ​)

2.    ພື້ນ​ທີ່​ເພາະ​ປຸກ

3.    ປຸ໋ຍ​ຄອກ (ຂີ້​ໝູ ຂີ້​ງົວ ຂີ້​ໄກ່ ຫລື​ປຸ໋ຍ​ອິນທີ​ຢ່າງ​ໃດ​ກໍ​ໄດ້)

4.    ນ້ຳ​ໝັກ​ໄລ່​ແມງ​ແລະ​ປຸ໋ຍ​ອິນທີ​ນ້ຳ

ວິ​ທີ​ການ

ໃຊ້​ລົດ​ໄຖ​ເດີນຕາມ​ຍົກຣ່ອງ (ຖ້າ​ບໍ່​ມີ​​ລົດດ​ໄຖ​ກໍ​ປຸກ​ເປັນ​ແຖວ​ເປັນ​ແນວ​ຕາມ​ທີ່​ເຮົາ​ສະ​ດວກ

ຮອງ​ພື້ນ​ດ້ວຍ​ປຸ໋ຍ​ຄອກ​ທີ່​ຕຽມ​ໄວ້​ພໍ​ປະ​ມານ

ຢອດ​ເມັດ​ລົງ​ຫຼຸມ​ປະ​ມານ​ຫຼຸມ​ລະ 2-3 ເມັດ ລະຫວ່າງ​ຫຼຸມ​ຫ່າງ​ກັນ​ປະ​ມານ 80 ຊົມ.(ຍ່າງ 2 ກ້າວ​ທຳມະດາ)

ເມັດ​ອາດ​ແຊ່​ນ້ຳ​ກ່ອນ​ປຸກ​ກໍ​ໄດ້​ຫລື​ຖ້າ​ດິນ​ຊຸ່ມ​ກໍ​ສາມາດ​ຢອດ​ໄດ້​ເລີຍ

ຜ່ານ​ໄປ 5-7 ມື້ ຍອດ​ອ່ອນ​ແຕງ​ໂມ​ຈະ​ໂຜລ່​ອອກ​ມາ​ໃຫ້​ເຫັນ

ເລີ່ມ​ແຕກ​ໃບ​ຈິງ ໃຫ້​ເຮົາ​ສີດ​ນ້ຳ​ໝັກ​ໄລ່​ແມງໄມ້ ​ແລະ ​ປຸ໋ຍ​ອິນທີ​ນ້ຳ​ອາທິດ​ລະ​ເທື່ອ ຊ່ວງ​ນີ້​ຈະ​ເລີ່ມ​ມີ​ແມງ​ເຕົ່າ​ແຕງ ​ເຂົ້າ​ລົບກວນ ໃຫ້​ສີດ​ນ້ຳ​ໝັກ​ໄລ່​ແມງ 3 ມື້​ຕໍ່​ເທື່ອຖ້າ​ລົງ​ໜັກ​ໃຫ້​ສີດ​ມື້​ເວັ້ນ​ມື້ ເຮົາ​ອາດ​ປະສົມ​ໄປ​ກັບ​ປຸ໋ຍ​ອິນທີ​ນ້ຳ​ໄດ້​ເລຍ

ອາຫານ​ຈານ​ດ່ວນ​ສຳລັບ​ພືດ​ທີ່​ໄດ້​ຈາກ​ໄຂ່​ແລະ​ນົມ​ງົວ​ໝັກ

ແຕງ​ໂມ 3-4 ອາທິດ ຈະ​ເຣີ່ມ​ມີ​ໃບ​ຈິງ 8-10 ໃບ​ແລ້ວ ແມງ​ເຕົ່າ​ແຕງ​ຈະ​ເຂົ້າ​ກັດ​ກິນ​ໃບ

ສີດ​ປຸ໋ຍ​ແລະ​ນ້ຳ​ໝັກ​ອາທິດ​ລະ 1 ເທື່ອ​ເໝືອນ​ເດີມ

1 ເດືອນ ຖ້າ​ແຕງ​ໂມ​ອາ​ຍຸ 1 ເດືອນ​ຂຶ້ນ​ໄປ​ກໍ​ບໍ່​ເປັນ​ຫຍັງ​ ກິນ​ໄດ້​ກິນ​ໄປ​ຜົນ​ກໍ​ຈະ​ເລີ່ມ​ອອກ​ແລ້ວ​ເທົ່າ​​ຫົວ​ໂປ້​ມື

ໄລ​ຢະ​ນີ້​ຖ້າ​ຢາກ​ເຫັນ​ຜົນ​ແຕງ​ໂມ​ກໍ​ຕ້ອງ​ເປີດ​ເບິ່ງ​ຕາມ​ເຄືອ​ແຕງ​ໂມ​

1 ເດືອນ​ກວ່າ ແຕງ​ໂມ​ເລື້ອຍ​ເຕັມ​ໄຮ່​ແລ້ວ ຜົນ​ກໍ​ເລີ່ມ​ຫລາຍ​ແລ້ວ​ເດີ່ຕອນ​ນີ້​ຍ່າງ​ໄປ​ທາງ​ໃດ​ໃນ​ໄຮ່​ກໍ​ເຈີ​ ບໍ່​ຕ້ອງ​ເປີດ​ເບິ່ງ​ໃຫ້​ຍາກ

ເຂົ້າ​ເດືອນ​ທີ່ 2 ກໍ​ເຈີ​ພະຍາດ​ເລຍ​ ເປັນ​ພະຍາດ​ຍອດ​ໄໝ້​ທີ່​ເກີດ​ຈາກ​ການ​ເຂົ້າ​ທຳລາຍ​ຂອງ​ເພ້ຍ​ໄຟຖ້າ​ເລີ່ມ​ເຈີ​ໃຫ້​ຮີບ​ເດັດ​ໃບ​ຖິ້ມ​ແລະ​ສີດ​ບິວ​ເວ​ອ​ຣ​໌​ເຣຍ ​ເພື່ອ​ຢັບ​ຢັ້ງ​ແລະ​ບໍ່​ຄວນ​ປຸກ​ແຕງ​ໂມ​ຊ້ຳ​ທີ່​ເດີມຕອນ​ນີ້​ກໍ​ຕ້ອງ​ເຮັດ​ໃຈ ລູກ​ທີ່​ມີ​ຂະໜາດ​ເທົ່າ​ກຳ​ປັ້ນ ​ກໍ​ແຫ້ງ​ຫ່ຽວ​ໄປ​ຕາມ​ລະບຽບ ເນື່ອງ​ຈາກ​ໃບ​ຖືກ​ທຳລາຍ​ຈຶ່ງ​ບໍ່​ມີ​ອາຫານ​ມາ​ລ້ຽງ​ຜົນສ່ວນ​ລູກ​ທີ່​ໃຫຍ່​ແລ້ວ​ຕາມ​ທີ່​ຍ່າງ​ເບິ່ງ​ກໍ​ບໍ່​ສົ່ງ​ຜົນ​ກະທົບ​ໃດ ໆ ກໍ​ຕ້ອງ​ເບິ່ງ​ກັນ​ຕໍ່ໄປ​

ຂໍ້​ແນະ​ນຳ​ທີ່ ບໍ່​ມີ​ສອນ​ໃນ​ໂຮງ​ຮຽນ: ເຖິງ​ເວລາ​ຕັດ​ແລ້ວ ຕັດ​ກ່ອນ​ສຸກ​ປະ​ມານ 3-4 ມື້ ເພື່ອ​ໃຫ້​ເກັບ​ໄດ້​ດົນ ຖ້າ​ຕັດ​ຕອນ​ສຸກ​ເລີຍ​ໝາກ​ຈະ​ຊ້ຳ