ເຊື້ອຣາໃນສະກຸນ Phytopthora ເປັນເຊື້ອພະຍາດທີ່ທໍາລາຍພືດ
ເຮັດໃຫ້ພືດເນົ່າຢ່າງຮຸນແຮງ, ເຊື້ອຣາສະກຸນ Phytopthora
ມີຄວາມໝາຍໃນພາສາລາຕິນວ່າຜູ້ທໍາລາຍ Anton de Bary, (1876).
ການຈັດຈໍາແນກເຊື້ອຣາດັ່ງກ່າວແມ່ນໄດ້ອີງຕາມທ່ານ Erwin, et al., (1983) ; Lucas, et al., (1991) ; Hawksworth, et al., (1995) ແລະ Beakes, (1998) ເຊິ່ງໄດ້ລຽງລໍາດັບຕາມຂັ້ນອະນຸກົມວິຖານແຕ່ໃຫຍ່ຫານ້ອຍດັ່ງນີ້:
Kingdom
Chromista
Phylum
Oomycota
Class
Oomycetes
Order
Peronoporales
Family
Pythiaceae
Genus
Phytophthora
ເຊື້ອຣາສະກຸນ
phytophthora ເປັນສະກຸນນຶ່ງບັນຈຸຢູ່ໃນ 9 ສະກຸນທີ່ເປັນສາຍເຫດກໍ່ໃຫ້ເກີດພະຍາດພືດ
ໃນເຫຼົ່າ Oomycetes ເຊິ່ງມີລັກສະນະຮູບຮ່າງ
ແລະ ຈະເລີນເຕີບໂຕຄ້າຍຄືເຊື້ອຣາ (Fungus-like)
ແລະ ຖືກກໍານົດໃຫ້ເປັນພວກ Stramenopiles ເຊິ່ງແມ່ນພວກທີ່ສ້າງ
Zoospore ມີຫາງ 2 ຫາງ ທີ່ມີຄວາມຍາວບໍ່ເທົ່າກັນ, ການສ້າງ
Zoospore ຂອງເຊື້ອຣາສະກຸນ Phytophthora ເກີດຈາກການແບ່ງຕົວຂອງທາດຈຸລັງ
(Cytoplasm) ພາຍໃນ Sporangia, Zoospore ບໍ່ມີຂອບຈຸລັງ (Cell wall) ແຕ່ມີເຈ້ຍຫຸ້ມຈຸລັງ
(Plasmamembrane) ເມື່ອ Zoospore ລອຍນໍ້າ ຫຼື ເຄື່ອນທີ່ໄປພົບຕົ້ນພືດກາຝາກຈະປ່ອຍຫາງຖີ້ມ
ແລະ ເຂົ້າປໍ້ (Encyst) ພ້ອມກັບມີການສ້າງຂອບຈຸລັງທີ່ມີສ່ວນປະກອບຂອງເຊລລຸຍໂລສ
(Cellulose) ພາຍໃນ 5-10 ນາທີ ສະປໍຈະແຕກງອກເປັນເສັ້ນໄຍແລ້ວເຂົ້າທໍາລາຍພືດໂດຍກົງ,
ວົງຈອນຊີວິດຂອງເຊື້ອຣາສະກຸນ Phytophthora ມີປະມານ 50% ຂອງຊະນິດ ແມ່ນເປັນພວກປະສົມຕົວເອງ
(Homothallic) ເມື່ອມັນເຂົ້າທໍາລາຍພືດແລ້ວ
ຈະມີການປະສົມພັນດ້ວຍຕົວເອງເກີດເປັນ Oospores ທີ່ມີຂອບຈຸລັງໜາຢູ່ພາຍໃນແພຈຸລັງພືດ,
ສ່ວນທີ່ເຫຼືອເປັນພວກທີ່ມີຄູ່ປະສົມພັນຕ່າງກັນ (Heterothallic) ລະຫວ່າງ 2 ເຊື້ອບວກ ແລະ ເຊື້ອລົບ (A1 ແລະ A2) ເມື່ອປະສົມເຂົ້າກັນແລ້ວຈະເກີດເປັນ
Oospores ມີຄວາມທົນທານຕໍ່ສະພາບແວດລ້ອມທີ່ບໍ່ເໝາະສົມໄດ້ດີ ແລະ ມີຊີວິດຢູ່ຕາມຊາກເສດພືດ ຫຼື ທາດອົງຄະທາດໃນດິນໄດ້ຫຼາຍປີ
ແລະ ມັນເປັນສ່ວນຂະຫຍາຍພັນທີ່ມີອາຍຸຍາວກວ່າສະປໍຊະນິດອື່ນ. ນອກຈາກ Oospores ແລ້ວ ການປະສົມພັນທີ່ບໍ່ອາໃສເພດທີ່ຖືກສ້າງຂຶ້ນເປັນຈໍານວນຫຼາຍໃນພືດກາຝາກ
ເຊັ່ນ: Sporangia ຂອງ Phytophthora ບາງຊະນິດ ເມື່ອແກ່ແລ້ວ ສະປໍຈະຫຼຸດອອກຈາກກ້ານໄດ້ງ່າຍ
ເຮັດໃຫ້ສາມາດແພ່ກະຈາຍໄປຕາມສາຍລົມໄດ້ໄກ, ສ່ວນ Sporangia ທີ່ບໍ່ຫຼຸດອອກຈາກກ້ານແມ່ນອາໃສນໍ້າເປັນໂຕພາໄປ, ການເຄື່ອນທີ່ຂອງ Zoospores ທີ່ມີສອງຫາງສາມາດລອຍນໍ້າໄປຕາມແຮງດຶງດູດຂອງສານເຄມີ
ທີ່ປ່ອຍອອກມາຈາກຮາກພືດທີ່ເກີດຢູ່ໃນບໍລິເວນນັ້ນ. ເຊື້ອຣາສະກຸນ
Phytophthora ປ່ຽນແປງລັກສະນະຮູບຮ່າງໄດ້ 4
ແບບເມື່ອອາໃສຢູ່ໃນທໍາມະຊາດຄື: Sporangia,
Zoospores, Chlamydospores, Oospores ສ່ວນຫຼາຍແມ່ນອາໃສຢູ່ດິນ ແລະ ຊາກເສດພືດຕ່າງໆ ເຊິ່ງ Chlamydospores, Oospores ແມ່ນຈະຢູ່ຂ້າມລະດູ (ທະວີ ສະກຸນສິລິ, 2549). ການສືບພັນຂອງເຊື້ອຣາ
ມີ 2 ແບບຄື: ແບບອາໃສເພດ ແລະ ບໍ່ອາໃສເພດ ຖ້າມີສາຍບວກ ແລະ ສາຍລົບ (ເພດຜູ້ ແລະ
ເພດແມ່) ຢູ່ໃນໂຄໂລນີດຽວກັນ, ການສືບພັນທັງສອງແບບເກີດຂຶ້ນໄດ້ງາຍເຊິ່ງເອີ້ນເຊື້ອຣາພວກນີ້ວ່າ
Homothallic fungus ແລະ ອີກພວກນຶ່ງແມ່ນມີສາຍບວກ ແລະ ສາຍລົບຕ່າງໂຄໂລນີກັນ ການປະສົມພັນຈະເກີດຂຶ້ນໄດ້ຕ້ອງມີການຊັກນໍາເຊັ່ນ: ການນໍາມາລ້ຽງໃນອາຫານລ້ຽງເຊື້ອຢູ່ຫ້ອງທົດລອງເຊິ່ງເອີ້ນເຊື້ອຣາພວກນີ້ວ່າ
Heterothallic
fungus (ວິໄຈ ຮັກວິທະຍາສາດ, 2546).
ການສືບພັນ
ແລະ ການຈະເລີນເຕີບໂຕຂອງເຊື້ອຣາສະກຸນ Phytophthora
ການຈະເລີນເຕີບໂຕຂອງເຊື້ອຣາສະກຸນ Phytophthora ແມ່ນການຂະຫຍາຍຕົວ ຂອງເສັ້ນໄຍທີ່ມີແກ່ນຈຸລັງ ເຊີ່ງເລີ່ມຈາກເສັ້ນໄຍຂອງຮ່າງກາຍທີ່ມີຈໍານວນສີໂສມເທົ່າກັບ
2n, ຈາກນັ້ນຈະຮ່ວມຕົວກັນເພື່ອສ້າງອະໄວຍະວະສືບພັນເພດແມ່
ແລະ ເພດຜູ້, ອະໄວຍະວະສືບພັນເພດແມ່ຈະເກີດຂຶ້ນໃນໄລຍະທໍາອິດ
ແລະ ຈະຂະຫຍາຍອະໄວຍະວະສືບພັນເພດແມ່ອອກໂດຍການແບ່ງແກ່ນຈຸລັງນ້ອຍໆ
ອອກເປັນຄູ່ໆ ຈາກນັ້ນອະໄວຍະວະສືບພັນເພດແມ່ ແລະ
ອະໄວຍະວະສືບພັນເພດຜູ້ຈຶ່ງມີການແບ່ງຈຸລັງແບບໄມໂອຊິສ (Meiosis) ແລ້ວ Oosphere ເລີ່ມມີການຂະຫຍາຍຕົວ
ແລະ
ແກ່ນຂອງຈຸລັງສືບພັນເພດຜູ້ຈະເຄື່ອນຍ້າຍຈາກອະໄວຍະວະສືບພັນເພດຜູ້ເຂົ້າໄປຫາຈຸລັງສືບພັນເພດແມ່ໂດຍການເຈາະທະລຸເຂົ້າໄປຫາ
Oosphere
ຫຼັງຈາກນັ້ນ, ຈະມີການຮ່ວມຕົວກັນຂອງແກ່ນຈຸລັງສືບພັນເພດແມ່ ແລະ ເພດຜູ້ຈະກາຍເປັນ Oospore ຢູ່ໃນ Oosphere, ແລ້ວ Oosphere
ຈະສ້າງຂອບຫຸ້ມທີ່ໜາຫຸ້ມໄວ້, ແລ້ວຈະເລີນເຕີບໂຕໃຫ້ກາຍເປັນໄລຍະທີ່ມີສີໂສມ 2n, ຢູ່ໃນໄລຍະນີ້ຈະມີການແບ່ງຕົວເພື່ອໃຫ້ໄດ້ຫຼາຍໆ
ແກ່ນ ເພື່ອໃຫ້ໄດ້ຫຼາຍໆ ສະປໍຢູ່ໃນຖົງຫຸ້ມສະປໍອັນນຶ່ງ ແລະ
ສຸດທ້າຍຈຸລັງທີ່ມີສີໂສມ 2n ຈະກາຍເປັນຈຸລັງທີ່ມີແກ່ນຈຸລັງອັນດຽວ ແລະ
ມີຫາງລອຍ (Flagella)
ສອງຫາງສໍາລັບໄວ້ເຄື່ອນທີ່.
A.
ເສັ້ນໄຍທີ່ມີແກ່ນຈຸລັງ
B. ການຮ່ວມຕົວກັນເພື່ອສ້າງອະໄວຍະວະສືບພັນເພດແມ່ ແລະ ເພດຜູ້
C. ອະໄວຍະວະສືບພັນເພດແມ່ຈະເກີດຂຶ້ນໃນໄລຍະທໍາອິດ
D. ອະໄວຍະວະສືບພັນເພດແມ່ຈະຂະຫຍາຍອອກໂດຍການແບ່ງແກ່ນຈຸລັງນ້ອຍໆ
ອອກເປັນຄູ່ໆ
E, F. ອະໄວຍະວະສືບພັນເພດແມ່ ແລະ ເພດຜູ້ ແບ່ງຈຸລັງແບບໄມໂອຊິສ
G.
Oosphere ເລີ່ມມີການຂະຫຍາຍຕົວ ແລະ
ແກ່ນຂອງຈຸລັງສືບພັນເພດຜູ້ຈະ
ເຄື່ອນຍ້າຍຈາກອະໄວຍະວະສືບພັນເພດຜູ້ເຂົ້າໄປຫາຈຸລັງສືບພັນເພດແມ່
H.
ການເຈາະທະລຸເຂົ້າໄປຫາ Oosphere ໂດຍແກ່ນຈຸລັງເພດຜູ້
I. ມີການຮ່ວມຕົວກັນຂອງແກ່ນຈຸລັງສືບພັນເພດແມ່ ແລະ ເພດຜູ້ຈະກາຍເປັນ
Oospore
J. Oospore ຈະສ້າງຂອບຫຸ້ມທີ່ໜາຫຸ້ມໄວ້
K. ການຈະເລີນເຕີບໂຕໃຫ້ກາຍເປັນໄລຍະທີ່ມີສີໂສມ 2n
L. ການແບ່ງຕົວເພື່ອໃຫ້ໄດ້ຫຼາຍໆ ແກ່ນ, ຫຼາຍໆ ສະປໍຢູ່ໃນຖົງຫຸ້ມສະປໍອັນນຶ່ງ
M. ຈຸລັງທີ່ມີສີໂສມ 2n ມີແກ່ນຈຸລັງອັນດຽວ ແລະ
ມີຫາງລອຍ (Flagella)
ອາຫານລ້ຽງເຊື້ອຣາສະກຸນ Phytophthora
ອາຫານລ້ຽງເຊື້ອຣາສະກຸນ Phytophthora ທີ່ຜະລິດຖົງຫຸ້ມສະປໍ
ແລະ zoospore ມີອາຫານ Bean seed, Frozen Pea Medium, Hemp seed Broth or Agar, Prune Juice Broth
ແລະ ອາຫານທີ່ມີສ່ວນປະກອບຂອງເກືອເຊັ່ນ: Wills’ Mineral Salts Solution
(Wills, 1954b), (Schmitthenner, 1973) Salts Solution ແລະ (Salts Solution of Chen and
Zentmyer, (1970) ນອກຈາກນັ້ນ, ຍັງມີອາຫານທີ່ສະເພາະໃນການຜະລິດຖົງຫຸ້ມສະປໍ ແລະ zoospore ຂອງເຊື້ອຣາສະກຸນ Phytophthora ບາງຊະນິດເຊັ່ນ: (Cuppett and Lilly, 1973) ສໍາລັບລ້ຽງເຊື້ອຣາ Phytophthora infestans, Sucrose-Asparagine-EDTA (Elliott, 1972) ແມ່ນສໍາລັບລ້ຽງເຊື້ອຣາ Phytophthora
catorum ແລະ ອື່ນໆ.
ເຊື້ອຣາສະກຸນ Phytophthora ສາມາດສ້າງຖົງຫຸ້ມສະປໍຢູ່ໃນອາຫານແຂງ, ໃນນໍ້າທີ່ລະລາຍເກືອ ແລະ ດິນສະກັດມີດັ່ງລຸ່ມນີ້: ກຸ່ມທີ່ຜະລິດຖົງຫຸ້ມສະປໍໃນອາຫານແຂງມີເຊື້ອຣາ P. acecae, P. botryosa, P.boehmeriae, P. cactorum, P. capsici, P.
clandestine,
P. iranica, P. heveae, P. hibernalis, P. ilicis, P. infestans, P. inflata,
P. megakarya, P. mirabilis, P. nicotinae (= parasitica), P. palmivora, P. parasitica var. nicotianae, P. phaseoli, P. porri, P. primulae, P. primulate,
P. syringgae ແລະ ກຸ່ມທີ່ສາມາດຜະລິດຖົງຫຸ້ມສະປໍໃນນໍ້າລະລາຍເກືອ ແລະ ດິນສະກັດມີຄື: P. cajani, P. canmbivora, P. cinnamomi, P.clandestina, P. citricola, P.
cryptogea, P.dreschsleri, P. erythroseptica,
P. fragariae, P. gonapodyides, P. lateralis,
P.
medicaginis (= megasperma f. sp. medicaginis), P. megasperma, P. quinnea
sojae (= megasperma f. sp. glycinea), P. trifolii (megasperma f. sp.
trifolii).
ໄລຍະເວລາ
ແລະ ອຸນຫະພູມແມ່ນປັດໄຈນຶ່ງທີ່ສ້າງ sporangium ໄດ້ດີເຊັ່ນ: ເວລາ 14 ຊົ່ວໂມງ ໃນອຸຫະພູມ 18-22 ອົງສາ, ອຸນຫະພູມຕໍ່າສຸດ 9-15 ອົງສາ ແມ່ນໃຊ້ເວລາ 48 ຊົ່ວໂມງ (Alexopoulos, C.J., et al.,
1996), ດັ່ງໃນຕາຕະລາງທີ 1
|
ລ/ດ
|
ຊະນິດ
|
< 30
|
30-35
|
>35
|
|
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
ລ/ດ
|
P. eriugena
P.
fragariae
P.
hibernalis
P.
infestans
P.
laterralis
P.
megakarya
P.
megasperma
P.
mirabilis
P. phaseoli
P. primulae
P.
pseudotsugae
P. quinines
P. syringgae
P. vignae
P. boehmeriae
P. botryose
P. cactorum
P. cambivora
P. cinnamomi
P. cinnamomi
var. parvispora
P. citricola
P. citrophthora
P. clandestine
P.
cryptogea
P.
erythroseptica, var. erythroseptica, var. pisi
|
|
|
|
|
ຊະນິດ
|
< 30
|
30-35
|
>35
|
|
|
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
|
P.
gonapodyides
P. heveae
P. humicola
P. inflate
P. japonica
P. katsurae
P.
macrochlamdospora
P.
medicaginis
P. megasperma
P. mexicana
P.
palmivora var. herocystica, var.
palmivora
P. porri
P. richardiae
P. sojae
P. tentaculata
P. trifolii
P. vignae
P. acecae
P. cajani
P. capsici
P. colocasiae
P. drechsleri
P. insolita
P. inanica
P. japonica
P. meadii
P. melonis
P.
nicotianae
P.
parasitica
P. sinensis
P. undulata
|
|
|
|
ການຈັດຈໍາແນກເຊື້ອຣາສະກຸນ Phytophthora ໂດຍອີງໃສ່ລັກສະນະຂອງຖົງຫຸ້ມສະປໍ Sporangia ແລະ ອະໄວຍະວະສືບພັນເພດຜູ້ Antheridial ແມ່ນແບ່ງອອກເປັນ 6 ກຸ່ມ (Andre and Sendall, B., 2001) ,
ດັ່ງໃນຕາຕະລາງທີ 2
Group Sporangia
Antheridial attachment
Example
I
II
III
IV
V
IV
Papillate
Papillate
Semi-papillate
Semi-papillate Nonpapillate
Non- papillate
Paragynous
Amphignous
Paragynous
Amphignous
Paragynous
Amphignous
P. cactorum, P. clandestina P. capsici, P. palmivora
P. inflata, P. multivesiculata
P. infestans, P. ilicis
P. megasperm, P. sojae P.cinnamomi,
P. drechsleri
Amphigynous: ອະໄວຍະວະສືບພັນເພດຜູ້ເລີ່ມຕົ້ນຈະເລີນເຕີບໂຕຈາກອະໄວຍະວະສືບພັນເພດແມ່
ຫຼື ອະໄວຍະວະສືບພັນເພດຜູ້ຈະສ້າງຂຶ້ນຕິດກັບອະໄວຍະວະສືບພັນເພດແມ່
Paragynous: ອະໄວຍະວະສືບພັນເພດຜູ້ຈະສ້າງຂຶ້ນຢູ່ດ້ານນອກຂອງອະໄວຍະວະສືບພັນເພດແມ່
ລັກສະນະໂຄງສ້າງຂອງຖົງຫຸ້ມສະປໍ
ຂອງເຊື້ອຣາສະກຸນ Phytophthora
ລັກສະນະຂອງ Sporangium ໃນສະກຸນ Phytophthora
ໄດ້ຈັດແບ່ງເປັນ 3 ກຸ່ມ ເຊິ່ງມີລາຍລະອຽດດັ່ງລຸ່ມນີ້: ກຸ່ມທີ
1: ປາຍຂອງ Sporangium ບໍ່ມີປາກເປີດ
ຫຼື ຫົວຈຸກ (Nonpapillate) ຫຼື ບໍ່ມີປາຍຍອດເປັນຂອບນູນຂຶ້ນ, ມີການແຕກຂອງ
Sporangium ໃໝ່ຈາກ Sporangium ເປົ່າ ຫຼື ບໍ່ຫຼຸດອອກ (Nondeciduous), ກຸ່ມທີ 2: Sporangium ມີ Papillate ນູນຂຶ້ນ ແລະ
ໜາເປັນຈຸກ, ບໍ່ມີການແຕກຂອງ Sporangium ໃໝ່ຈາກ Sporangium ເປົ່າ, ປົກກະຕິຈະຫຼຸດອອກ (Deciduous) ອີກພວກນຶ່ງໃນກຸ່ມນີ້
Papillate ຈະນູນພຽງເລັກນ້ອຍບໍ່ເກີນ
3,5 μm, Sporrangium ຈະບໍ່ຫຼຸດອອກ
ແລະ ກຸ່ມທີ 3: Papillate ນູນຂຶ້ນເຫັນໄດ້ຊັດເຈນ ປະມານ 4 μm ຫຼື ຫຼາຍກວ່ານັ້ນ, ໂດຍປົກກະຕິ Sporangium ຈະຫຼຸດອອກ.
ຄວາມແຕກຕ່າງດ້ານສັນຖານວິທະຍາ ລະຫວ່າງ ເຊື້ອຣາສະກຸນ Phytophthora ແລະ ເຊື້ອຣາສະກຸນ Pythium
ລັກສະນະຮູບຮ່າງສັນຖານວິທະຍາ ລະຫວ່າງເຊື້ອຣາສະກຸນ Phytophthora ແລະ ເຊື້ອຣາສະກຸນ Pythium ແມ່ນມີຄວາມຄ້າຍຄືກັນ ສະນັ້ນ, ເມື່ອວິໄຈທາງດ້ານສັນຖານວິທະຍາຂອງເຊື້ອທັງສອງສະກຸນຕ້ອງມີຄວາມຊໍານິຊໍານານ
ແລະ ຄວນສຶກສາໃຫ້ລະອຽດຄື: ເສັ້ນໄຍເຊື້ອຣາສະກຸນ Phytophthora ຂ້ອນຂ້າງກວ້າງຂະໜາດສະເລ່ຍ 14 μm, ກວ້າງສຸດ 16 μm ແລະ ບໍ່ມີຂີດຂັ້ນ (Septum), Sporangium ເປັນຮູບໝາກນາວ (Limoniform) , ຮູບໄຂ່ປາຍຕັດ (Obpyriform) ຫຼື ຮູບໄຂ່ (Ovoid), Zoospore ເກີດໃນ Sporangium ເມື່ອແກ່ເຕັມທີ່ແລ້ວ Zoospore ຈະອອກມາທາງ Papillate, Zoospore ມີຫາງ (Flagella), 2 ຫາງ ຂອບ Oogonium ມີ 2 ແບບຄື: ແບບກ້ຽງ ແລະ ແບບບໍ່ກ້ຽງ ຫຼື ເປັນຕຸ່ມແຕ່ບໍ່ມີໝາມ, ຂອບຂອງ Oogonium ອາດຈະໜາຂຶ້ນ ແລະ ມີສີນໍ້າຕານ, ສ່ວນ Antheridium ເປັນແບບ Amphigynous ແລະ ແບບ Paragynous
(ຂະຈອນສັກ ແລະ ຄະນະ, 2550).
ລັກສະນະທີ່ສໍາຄັນຂອງເຊື້ອຣາສະກຸນ Pythium ເສັ້ນໄຍແມ່ນບໍ່ມີຂີດຂັ້ນ (Septum), Sporangium
ມີລັກສະນະມົນ, ບໍ່ຄ່ອຍພົບ Sporangium ເປັນຮູບໝາກນາວ (Lemoniform), ຮູບໄຂ່ຕັດປາຍ (Obpyriform) ຫຼື ຮູບໄຂ່ (Ovoid) ແລະ ໃນເຊື້ອຣາສະກຸນ Pythium ສ່ວນຫຼາຍຈະເປັນພວກປະສົມຕົວເອງ (Homothallic fungi), ສະປໍຈະງອກເປັນເສັ້ນໄຍ ຫຼື ອາດສ້າງສະປໍທີ່ມີຫາງທີ່ສາມາດລອຍນໍ້າໄດ້ (ອະມົນລັດ ພູໄພບູນ, 2550).
ການແຍກເຊື້ອຣາ ສະກຸນ Phytophthora
ການແຍກເຊື້ອຣາສະກຸນ Phytophthora ໂດຍປົກກະຕິຈະໃຊ້ 2 ວິທີຄື: ໃຊ້ເຫຍື່ອລໍ້ (Baiting) ແລະ ແຍກຈາກຊິ້ນສ່ວນຂອງພືດ, ການເກັບຕົວຢ່າງດິນແມ່ນເກັບໃກ້ຕົ້ນທີ່ເປັນພະຍາດ, ໃກ້ຮາກພືດທີ່ຍັງແຂງແຮງ ແລະ ດິນທີ່ມີຄວາມຊຸ່ມເລິກປະມານ 5 ຊມ. ເຊື້ອຣາສະກຸນ Phytophthora ທຸກໆ ຊະນິດສາມາດຂະຫຍາຍໂຕໄດ້ໃນອາຫານລ້ຽງເຊື້ອຣາຫຼາຍຊະນິດເມື່ອ ບົ່ມໃນອຸນຫະພູມ 15-25 ອົງສາ ໃນຫ້ອງມືດຈະສ້າງ Sporangium ໃນອາຫານແຂງມີຄື: ເຊື້ອຣາ P. capsici, P. heveae, P.
megakarya, P. nicotianae ແລະ P. palmivara ແລະ ສ້າງ sporangium ໃນອາຫານແຫຼວມີຄື: ເຊື້ອຣາ P. cambivora, P. cinnamomi,
P. citricola, P. cryptogea ແລະ P. drechsleri Drenth, A., et al., (2004).
ຄວາມຫຼາກຫຼາຍຂອງເຊື້ອຣາ ສະກຸນ Phytophthora
ພະຍາດພືດທີ່ເກີດຈາກເຊື້ອຣາສະກຸນ Phytophthora ເປັນພະຍາດພືດທີ່ມີມາແຕ່ດົນ ແລະ ມີພືດກາຝາກຫຼາຍຊະນິດ, ໃນປະຈຸບັນພະຍາດດັ່ງກ່າວແມ່ນຍັງຄົງລະບາດຢູ່ທົ່ວໄປ. ເຊື້ອຣາໃນສະກຸນ Phytophthora ແມ່ນເຊື້ອຣາພະຍາດພືດຊະນິດທີ່ມີຢູ່ໃນດິນມີທັງໝົດປະມານ 64 ຊະນິດ ທີ່ໄດ້ບັນລະຍາຍລັກສະນະແລ້ວ ແລະ ທັງ 64 ຊະນິດ ແມ່ນເປັນເຊື້ອຣາສາຍເຫດເຮັດໃຫ້ເກີດພະຍາດພືດ. ການສຶກສາການຈັດຈໍາແນກ ເຊື້ອຣາສະກຸນ Phytophthora (Waterhouse, 1973) ໄດ້ລາຍງານທັງໝົດມີ 48 ຊະນິດ, ລັກສະນະຂອງເຊື້ອ ທີ່ໄດ້ຖືກຈັດຈໍາແນກແມ່ນ ອີງຕາມລັກສະນະຮູບຮ່າງພາຍນອກເຊັ່ນ ຖົງຫຸ້ມສະປໍ, ຂະໜາດຂອງຖົງຫຸ້ມສະປໍ ແລະ ອະໄວຍະວະສືບພັນເພດແມ່
ແລະ ເພດຜູ້, ຂະໜາດຂອງອະໄວຍະວະສືບພັນເພດແມ່
ແລະ ເພດຜູ້. ຕໍ່ມາ Donald, E., Olaf, k.R., (1996) ກໍໄດ້ສືບຕໍ່ຈັດຈໍາແນກຕາມລັກສະນະຮູບຮ່າງພາຍນອກຂອງເຊື້ອຣາສະກຸນ Phytophthora ທີ່ພົບໃນທົ່ວໂລກໄດ້ບັນຍາຍລັກສະນະຂອງຊະນິດມີ ປະມານ 64 ຊະນິດ ເຊິ່ງເຊື້ອຣາໃນສະກຸນ Phytophthora ທຸກຊະນິດ ແມ່ນມີຄວາມຕ້ອງການຄວາມຊຸ່ມສູງເພື່ອສ້າງສະປໍ, ການແຕກໜໍ່ຂອງຖົງສະປໍ Sporangiospores ແລະ Zoospores.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ