ການ​ຈຳ​ແນກ​ຊັ້ນ​ທາງ​ວິທະຍາ​ສາດ

ອານາຈັກ:        Plantae

ໝວດ:           Magnoliophyta

ຊັ້ນ:              Magnoliopsida

ອັນ​ດັບ:          Urticales

ວົງ:              Cannabaceae

ສ​ກຸນ:            Cannabis

ສ​ປີ​ຊີ​ສ​໌:          C.  sativa

ຊື່​ທະວິ​ນາມ

Cannabis sativa

Linnaeus

ສ​ປີ​ຊີ​ສ​໌​ຍ່ອຍ

C. sativa L. subsp. sativa

C. sativa L. subsp. indica

ກັນ​ຊາ​ແລະ​ກັນຊົງ​ແຕກ​ຕ່າງ​ກັນ​ຢ່າງໃດ

ກັນຊາ​ເປັນ​ພືດ​ລົ້ມ​ລຸກ​ໃນ​ວົງ Cannabaceae ຈັດ​ຢູ່ໃນ​ສ​ະກຸນ Cannabis ມີ​ທັງ​ໝົດ 3 ຊະນິດ ຊຶ່ງ​ແຕ່​ລະ​ຊະນິດ​ຕ່າງ​ກັນ​ທັງ​ລັກສະນະ​ທາງ​ກາຍະ​ພາບ ​ແລະ​ ການ​ອອກ​ລິດ ເຊິ່ງປະປກອບມີ:

• Cannabis sativa ລຳ​ຕົ້ນ​ຕັ້ງ​ຊື່ ໃບ​ປະກອບ​ແບບ​ຮູບ​ມື ມີ​ໃບ​ຍ່ອຍ 5-8 ໃບ ໃບ​ຣຽວ​ຍາວ ຂອບ​ໃບແຊກ​ແຂ້ວ​ເລື່ອຍ ອອກ​ດອກ​ແຍກ​ເພດ​ຢູ່​ຕ່າງ​ຕົ້ນ ດອກ​ເພດ​ຜູ້​ອອກ​ເປັນ​ຊໍ່​ແບບ​ຂະແໜງ​ທີ່​ຊອກ​ໃບ ​ແລະ ​ປາຍ​ກິ່ງ ສ່ວນ​ດອກ​ເພດ​ເມຍ​ອອກ​ເປັນ​ຊໍ່​​ເທິງ​ປາຍ​ຍອດ​ ແລະ​ ຊອກ​ໃບ ຕົ້ນ​ສູງ​ແຕ່​ອອກ​ດອກ​ນ້ອຍ​ກວ່າ​ກັຍ​ຊາ​ຊະນິດ​ອື່ນ ອອກ​ລິດ​ໃນ​ລັກສະນະ​ກະຕຸ້ນ ເພີ່ມ​ຄວາມ​ຢາກ​ອາຫານ ລຸດ​ອາການ​ຊຶມ​ເສົ້າ ແລະ​ຊ່ວຍ​ບັນ​ເທົາ​ໄມ​ເກຣນ ແຕ່​ຜົນ​ຂ້າງ​ຄຽງ​ຄື ອາດ​ມີ​ອາການປຸ້ນທ້ອງ
• Cannabis indica ໃບ​ປະກອບ​ແບບ​ຮູບ​ມື ມີ​ໃບ​ຍ່ອຍ 5-8 ໃບ ໃບ​ກວ້າງ​ແລະ​ສີ​ເຂ້ມ​ກວ່າ sativa ໃຊ້​ເປັນ​ສັນຍະລັກ​ຂອງ​ໃບ​ກັນ​ຊາ​ທີ່​ເຫັນ​ກັນ​ທັ່ວ​ໄປ ຕົ້ນ​ບໍ່​ສູງ​ແຕ່​ອອກ​ດອກ​ຫລາຍ ນິຍົມ​ໃຊ້​ກັນ​ໃນ​ທາງ​ການ​ແພດ ຊ່ວຍ​ໃຫ້​ຜ່ອນ​ຄາຍ ລະ​ງັບ​ອາການ​ປວດ ປິ່ນປົວພະຍາດ​ນອນ​ບໍ່​ຫຼັບ ພະຍາດ​ຊຶມ​ເສົ້າ ແລະ​ພະຍາດ​ກ້າມ​ຊີ້ນ​ກະ​ຕຸກ ເປັນ​ຕົ້ນ ມີ​ຜົນ​ຂ້າງ​ຄຽງ​ຄ່ອນ​ຂ້າງ​ນ້ອຍ
• Cannabis ruderalis ລັກສະນະ​ພິເສດ​ຄື​ໃບ​ມີ​ສາມ​ແສກ​ແລະ​ຂະໜາດ​ນ້ອຍ​ກວ່າ​ຊະນິດ​ອື່ນ ອອກ​ລິດ​ຫຼາກ​ຫຼາຍ ແຕ່​ບໍ່​ໄດ້ຮັບ​ຄວາມ​ນິຍົມ​ຈຶ່ງ​ບໍ່​ຄ່ອຍ​ມີ​ບັນ​ທຶກ​ໄວ້

ສຳລັບ​ຄວາມ​ແຕກ​ຕ່າງ​ລະຫວ່າງ​ກັນ​ຊາ (marijuana) ແລະ​ກັນ​ຊົງ (hemp) ແອດ​ມິນ​ເພດ​ປະຕິວັດ​ກັນຊາ ໃຫ້​ຂໍ້​ມູ​ນວ່າ ທັງ​ກັນ​ຊາ​ແລະ​ກັນ​ຊົງ​ເປັນ​ພືດ​ຊະນິດ​ດຽວ​ກັນ ມີ​ລັກສະນະ​ພາຍນອກ​ແຕກ​ຕ່າງ​ກັນ​ນ້ອຍດຽວ ແຕ່​ສາມາດ​ສັງເກດ​ໃນ​ເບື້ອງ​ຕົ້ນ​ໄດ້​ຄື ກັນ​ຊົງ​ມີ​ໃບ​ແຄບ​ຮຽວ ​ແລະ​ສີ​ຂຽວ​ອ່ອນ​ກວ່າ ມີ​ລຳ​ຕົ້ນ​ສູງ​ ແລະ​ ແຕກ​ກິ່ງ​ກ້ານ​ນ້ອຍ​ກວ່າ ຊໍ່​ດອກ​ມີ​ຢາງ​ນ້ອຍ​ກວ່າ​ກັນ​ຊາ ຈຶ່ງ​ມີ​ການ​ນຳ​ກັນ​ຊົງ​ໄປ​ໃຊ້​ເປັນ​ພືດ​ເສັ້ນ​ໃຍ​ສຳລັບ​ເຮັດ​ເສື້ອ​ຜ້າ​ແລະ​ເຈ້ຍ

ຖ້າ​ຕ້ອງ​ການ​ຈຳ​ແນກ​ໃຫ້​ເລິກ​ລົງ​ໄປ ໃຫ້​ພິຈາລະນາ​ຈາກ​ສານ​ປະກອບ​ທີ່​ຮຽກວ່າ​ແຄນ​ນາ​ບິນ​ອ​ຢ​ດ​໌ (cannabinoid) ໂດຍ​ສະເພາະ ສານ​ທີ່​ອອກ​ລິດ​ຕໍ່​ຈິດ​ປະສາດ ນັ້ນ​ຄື THC (delta-9-Tetrahydrocannabinol) ແລະ​ສານ​ສຳຄັນ​ອີກ​ຊະນິດ​ຄື CBD (cannabidiol) ຊຶ່ງ​ຊ່ວຍ​ຢັບ​ຢັ້ງ​ການ​ອອກ​ລິດ​ຂອງ THC ຖ້າ​ຕົ້ນ​ທີ່​ມີ​ສານ THC ນ້ອຍ​ກວ່າ 0.3 ເປ​ອ​ຣ​໌​ເຊັນ​ຕ​໌​ຕໍ່​ນ້ຳ​ໜັກ​ແຫ້ງ ຈະ​ຖື​ວ່າ​ເປັນ hemp ຫລື​ກັຍ​ຊົງ ແຕ່​ຖ້າ​ມີ​ຄ່າ THC ສູງ​ກວ່າ​ນີ້​ຖື​ວ່າ​ເປັນ marijuana ຫລື​ກັຍ​ຊາ ກໍລະນີ​ໃຊ້​ທາງ​ການ​ແພດ​ຕ້ອງ​ສ​ກັດ​ສານ THC, CBD ທັງຫມົດ​ເຖິງ​ສານ​ປະກອບ​ແຄນ​ນາ​ບິນ​ອ​ຢ​ດ​໌​ອື່ນ​ໆ ອອກ​ມາ​ຈາກ​ຕົ້ນ ຊຶ່ງ​ແຕກ​ຕ່າງ​ຈາກ​ການ​ເສບ​ກັຍ​ຊາ​ທີ່​ໃຊ້​ສ່ວນ​ຕ່າງ ໆ ຂອງ​ພືດ​ໂດຍ​ກົງ