ການຕັດແຕ່ງ-ບົວລະບັດຮັກສາຕົ້ນຊາປູກ ແລະ ຕົ້ນຊາແນວພັນຊາປ່າ
ຈຸດປະສົງການຕັດແຕ່ງຕົ້ນຊາແມ່ນເພື່ອສ້າງຮູບຊົງ, ເຮັດໃຫ້ງ່າສະເໝີກັນ, ເຮັດໃຫ້ລວງສູງຕົ້ນຊາສະເໝີກັນ, ສະດວກໃນການເກັບ ແລະ ເພີ່ມປະລິມານຂອງຜົນຜະລິດຊາ.
ໄລຍະຂອງການຕັດແຕ່ງຕົ້ນຊາ ແມ່ນຊ່ວງໄລຍະທີ່ຕົ້ນຊາພັກຕົວ: ເລີ່ມແຕ່ເດືອນ ພະຈິກ - ທັນວາ ຂອງທຸກປີ.
ການຕັດແຕ່ງຕົ້ນຊາປູກ
ປີທີ 2: ຕັດແຕ່ງ ຕົ້ນຊາສູງເພີ່ມຂື້ນອີກ 5 ຊມ, ດັ່ງນັ້ນລວງສູງຂອງຕົ້ນຊາປີນີ້ຈະກາຍເປັນ 45 ຊມ, ຊ່ວງໄລຍະ 2 ປີທຳອິດແມ່ນ ຫ້າມບໍ່ໃຫ້ເດັດຍອດຊາ ແລະ ປ່ອຍງ່າ ໃຫ້ໄດ້ຊົງພຸ່ມ
ປີທີ 4: ເປັນປີທີ່ສາມາດເກັບຍອດຊາໄດ້ເຕັມທີ່, ການຕັດແຕ່ງແມ່ນ ຕັດຍອດ, ແຊມງ່າ ເປັນຊົງພຸ່ມກ້ວາງ, ແຊມງ່າ ທີ່ຕຶບ , ງ່າ ທີ່ບໍ່ແຂງແຮງອອກ ເພື່ອໃຫ້ແສງສະຫວ່າງເຂົ້າທົ່ວເຖິງ ເຊິ່ງເຮັດໃຫ້ເຊື້ອລາທີ່ເກີດຢູ່ຕົ້ນຊາຖືກ ແສງສະຫວ່າງແລ້ວຕາຍ.
ການຕັດແຕ່ງ ຕົ້ນຊາແນວພັນຊາປ່າ
ການຕັດແຕ່ງຕົ້ນຊາແນວພັນຊາປ່າ ເພື່ອຮັກສາຊົງພຸ່ມ
ການຕັດແຕ່ງ ຮັກສາຊົງພຸ່ມນີ້ແມ່ນ ໃຫ້ແຊມຍອດຊາອອກປະມານ 3-5 ຊມ ເພື່ອໃຫ້ແສງສະຫ່ວາງສ່ອງເຂົ້າເຖິງ ຕົ້ນຊາໄດ້ທົ່ວເຖິງ ແລະ ຂ້າເຊື້ອລາໄປພ້ອມ.
ໝາຍເຫດ: ສຳລັບຕົ້ນຊາທີ່ມີອາຍຸ 15 ປີຂື້ນ ໄປແລ້ວ ສັງເກດເຫັນວ່າ ມີຜົນຜະລິດຕ່ຳ, ມີເຊື້ອ ລາຂື້ນ ຫຼາຍ, ກິ່ງງ່າແຫ້ງ ຫືຼ ຈີກຂາດຫຼາຍ, ແມ່ນ ໃຫ້ຕັດຕົ້ນຊາແບບໜຸ່ມຄືນ ໂດຍຕັດຫ່າງຈາກໜ້າດິນ 15 - 20 ຊມ.
ການບົວລະບັດຮັກສາ ຕົ້ນຊາປູກ ແລະ ຕົ້ນຊາແນວພັນຊາປ່າ
ເດືອນ ມັງກອນ: ແມ່ນໄລຍະຂອງການ ເສຍຫຍ້າ, ພວນດິນ, ຂຸດຂຸມຢູ່ດ້ານເທິງຕົນຊາ ເພື່ອປ້ອງກັນການເສາະເຈື່ອນຂອງດິນ ແລະ ຊ່ວຍຮັກສາຫຍ້າ ເນົ່າເປ່ືອຍ ທີ່ເປັນຝຸ່ນໃຫ້ຊືມ ເຂົ້າເຖິງ ຮາກຊາ.
ເດືອນ ມັງກອນ - ກຸມພາ: ເລີ່ມໃສ່ຝຸ່ນ, ການໃສ່ຝຸ່ນຕົ້ນຊາແຕ່ລະປີ ຕ້ອງເບິ່ງ ຊົງພຸ່ມຂອງຕົ້ນຊາ, ຊົງພຸ່ມໄປຮອດໃສໃຫ້ໃສ່ຝຸ່ນບ່ອນນັນ, ໂດຍຂຸດຂຸມແລ້ວ ໃສ່ຝຸ່ນ ເພາະວ່າປາຍຮາກຊາດູດອາຫານແມ່ນ ຢູ່ຊື່ກັບຊົງພຸ່ມ, ຫັຼງຈາກນັນຈຶ່ງ ຖົມດິນໄວ້.
ຂໍ້ຫ້າມ: ບໍ່ໃຫ້ໃສ່ຝຸ່ນໃກ້ຕົ້ນຊາ ເພາະຖ້າໃສ່ໃກ້ຕົ້ນຊາຝຸ່ນເຂັ້ມຂຸ້ນສາມາດເຮັດໃຫ້ຕົ້ນຊາຕາຍໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ