ສະພາບລວມ ກ່ຽວກັບປ່າໄມ້ໃນ ສປປລາວ
ສປປລາວ ອຸດົມສົມບູນໄປດ້ວຍປ່າໄມ້
ທີ່ມີຄຸນຄ່າ ແລະ ເປັນເອກະລັກທາງດ້ານນະເວດ ເຊິ່ງມີຄວາມສຳຄັນ ບໍ່ພຽງແຕ່
ສຳຄັນດ້ານເສດຖະກິດເທົ່ານັ້ນ ແຕ່ປ່າໄມ້ຍັງເປັນແຫລ່ງ ສະຫນອງສະບຽງອາຫານ
ແລະ ເປັນແຫລ່ງລາຍຮັບ ໃຫ້ແກ່ປາຊາຊົນໃນຂົງເຂດ ເຊົນນະບົດ ໂດຍສະເພາະຜູ້ທຸກຍາກ
ພ້ອມກັນນັ້ນ, ປ່າໄມ້ຍັງເປັນຖິ່ງອາໃສສຳຄັນສຳລັບຊີວະນາໆພັນທີ່ຮັ່ງມີຂອງຊາດ
ແລະ ຍັງປ້ອງກັນດິນ, ແຫລ່ງນ້ຳ ແລະ ຊັບພະຍາກອນນ້ຳ ປະຊາຊົນປະມານ 30% ອາໃສປ່າໄມ້ເພື່ອ
ນຳໃຊ້ໄມ້, ໄມ້ຟືນ, ເສັ້ນໄຍ, ຢາປົວພະຍາດ, ອາຫານ ແລະ ນອກຈາກນັ້ນ ຍັງເພື່ອຄວາມເຊື່ອຖືທາງດ້ານຮີດຄອງປະເພນີ
ສຳລັບບາງທ້ອງຖິ່ນອີກດ້ວຍ. ຢູ່ໃນຊົນນະບົດ ປ່າໄມ້ປ່າໄມ້ສະຫນອງກິດຈະກຳດ້ານເສດຖະກິດຕົ້ນຕໍ່
ໃຫ້ແກ່ປາຊາຊົນ ໂດຍສະເພາະ ເຄື່ອປ່າຂອງດົງ ສະຫນອງລາຍຮັບ ຫລາຍກວ່າເຄິ່ງຫນື່ງຂອງລາຍຮັບພາຍໃນຄອບຄົວທັງຫມົດ
ຂອງປະຊາຊົນ
ໃນປີ 2001 ປ່າໄມ້ປະກອບສ່ວນ
3.2% ຂອງລວມຍອດຜະລິດຕະພັນພາຍໃນ (GDP) ໂດຍສະເພາະແມ່ນໄມ້ ຖ້າລວມທັງມູນຄ່າການປຸງແຕ່ງໄມ້
ແລະ ເຄື່ອງປ່າຂອງດົງ ຕົວເລກປະກອບສ່ວນຂອງປ່າໄມ້ ລວມເຂົ້າຍອດຜະລິເຕະພັນພາຍໃນ
ອາດສູງກວ່ານັ້ນ, ນອກນັ້ນ ຜະລິດຕະພັນໄມ້ ຍັງປະກອບສ່ວນປະມານ 25%ຂອງລາຍຮັບຈາກການສົ່ງອອກທັງຫມົດ
ໃນດ້ານການນຳໃຊ້ພະລັງງານ ພະລັງງານຈາກໄມ້ ລວມທັງຖ່ານຫີນ ແລະ ໄມ້ຟືນ ແມ່ນແຫລ່ງພະລັງງານຕົ້ນຕໍ່
ສຳລັບການປຸງແຕ່ງອາຫານ ລວມທັງໃນເຂດນະຄອນຫລວງ ວຽງຈັນ ແລະ ເຂດເນີນສູງ ເຂດພູດອຍ
ຫລື ເຂດຊົນນະບົດ ກໍ່ເຊັ່ນດຽວກັນ ໄມ້ຍັງສະຫນອງຄວາມອົບອຸ່ນທີ່ຈຳເປັນອີກດ້ວຍ
ຈາກຜົນການສືກສາການປ່ຽນແປງຄວາມປົກຫຸ້ມປ່າໄມ້ໃນປີ
2002 ຊີ້ໃຫ້ເຫັນວ່າ ເນື້ອທີ່ທົ່ວປະເທດທັງຫມົດ 23.68 ລ້ານ ເຮັກຕາ ມີປ່າໄມ້ທີ່ຂ້ອນຂ້າງອຸດົມສົມບູນ
ມີລະດັບຄວາມຫນ້າແຫນ້ນ ຂອງຊັ້ນເຮືອນຍອດຫລາຍກວ່າ 20% ຂື້ນໄປ ກວມປະມານ
41.5% ນັ້ນສະແດງວ່າປາໄມ້ມີການປ່ຽນແປງໄປ ໃນລະດັບທີ່ເຕືອນໄພແລ້ວ ເມື່ອປຽບທຽບກັບລະດັບປ່າໄມໃນຊຸມປີ
1960 ການປ່ຽນແປງຂອງປ່າໄມ້ ແມ່ນລວມທັງການຫລຸດລົງຂອງປະລິມານໄມ້ ການປ່ຽນແປງທາງດ້ານອົງປະກອບຂອງຊະນິດພັນ
ແລະ ໂຄງສ້າງຂອງປ່າໄມ້ ການສູນເສຍຖິ່ນອາໃສ ແລະ ການຫລຸດລົງຂອງປະຊາກອນສັດປ່າ
ແລະ ພືດພັນຢູ່ຫລາຍເຂດ
ທ່າອຽງໃນການຫລຸດລົງຂອງປ່າໄມ້ດັ່ງທີ່ກວ່າມາຂ້າງເທິງນັ້ນ
ອາດຈຳນຳໄປສູ່ຜົນກະທົບທາງລົບ ຕໍ່ເສດຖະກິດ ສັງຄົມ ແລະ ສິ່ງແວດລ້ອມ ຍິ່ງໄປກວ່ານັ້ນ
ການທຳລາຍປ່າໄມ້ ແລະ ການເຊື່ອມໂຊມລົງຂອງປ່າໄມ້ ອາດສົ່ງຜົນກະທົບໂດຍກົງ
ຕໍ່ປາຊາຊົນຜູ້ທຸກຍາກ ໂດຍສະເພາະແມ່ຍິງ ແລະ ປະຊາຊົນບັນດາເຜົ່າ ທີ່ດຳລົງຊີວິດ
ຕິດພັນກັບຊັບພະຍາກອນປ່າໄມ້ເປັນສ່ວນໃຫຍ່. (ທີ່ມາຂອງຂໍ້ມູນ: ຍຸດທະສາດປ່າໄມ້
ຮອດປີ 2020 ຂອງສປປລາວ, ກໍລະກົດ 2005)
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ