10 ອາຫານ ຊ່ວຍຂັບຂອງເສຍ-ກິນງ່າຍຖ່າຍສະດວກ
ເຄີຍໄດ້ຍິນຄໍາວ່າ “ຊ່ວຍຂັບຂອງເສຍ” ກັນມາແດ່ແມ່ນບໍ່ ຄົນລາວຫຼາຍຄົນມັກຄຳນີ້ຫລາຍ ເພາະເຂົ້າໃຈວ່າເປັນການເຮັດຫຍັງບາງຢ່າງທີ່ຈະຊ່ວຍຂັບຂອງເສຍອອກຈາກຮ່າງກາຍ ບາງຄົນໄປໄກຮອດການຂັບລ້າງສານພິດຕ່າງໆ ອອກຈາກຮ່າງກາຍເລີຍ
ພວກເຮົາຂໍແນະນຳວິທີງ່າຍໆ ໃນການດີທັອກຮ່າງກາຍ ຂັບຂອງເສຍ ເພີ່ມກາກໃຍອາຫານເພື່ອການຂັບຖ່າຍທີ່ກຄ່ອງໂຕໃຫ້ໝູ່ເພື່ອນ ລອງເຮັດເບິ່ງກັນດີກວ່າ
- ຫມາກໄມ້
ແນ່ນອນວ່າຖ້າຢາກເພີ່ມກາກໃຍອາຫານໃຫ້ເຮົາຖ່າຍຄ່ອງຂຶ້ນ ກໍຕ້ອງມາຈາກຫມາກໄມ້ທີ່ແຫຼະ ຫມາກໄມ້ເປັນອາຫານທີ່ມີປະລິມານນ້ຳຫລາຍ ຍ່ອຍງ່າຍ ມີສານຕ້ານອະນຸມູນອິດສະຫລະສູງ ແລະມີສານອາຫານທີ່ເປັນປະໂຫຍດຕໍ່ຮ່າງກາຍຫລວງຫລາຍອີກດ້ວຍ ພຽງແຕ່ເຄັດລັບຢູ່ທີ່ການເລືອກກິນຫມາກໄມ້ທີ່ມີປະລິມານນ້ຳຫລາຍ ແລະລົດບໍ່ຫວານຈັດຈົນເກີນໄປ ເຊັ່ນ ໝາກໂມ ຫລື ໝາກນັດ ເທົ່ານີ້ກໍຮຽບຮ້ອຍ
2. ຜັກໃບຂຽວ
ຜັກໃບຂຽວທັງຫຼາຍ ໄລ່ມາເລີຍຕັ້ງແຕ່ຜັກກາດນາ ກວາງຕຸ້ງ ຄັ້ງາ້າຍ ຜັກໂຫມ ແລະອື່ນໆ ຊ່ວຍລ້າງສານພິດຈາກຕັບໄດ້ເປັນຢ່າງດີ ແຖມຍັງເພີ່ມສານອາຫານດີໆ ໃຫ້ກັບຮ່າງກາຍໄດ້ໂດຍກົງອີກດ້ວຍ ຫາກຈະປັ່ນລວມກັນກໍບໍ່ຄວນແຍກ ດື່ມເຂົ້າໄປເລີຍຈະດີກວ່າ
3. ໝາກນາວເຫຼືອງ ໝາກນາວຂຽວ ແລະ ໝາກກ້ຽງ
ເຄີຍໄດ້ຍິນທີ່ຝຣັ່ງເອີ້ນ “ຊີຕັສ” ຫລືບໍ່ ເຂົາໝາຍເຖິງຜັກຫມາກໄມ້ທີ່ມີລົດສົ້ມນັ້ນແຫຼະ ຄົງຈະເຄີຍໄດ້ຍິນວ່າຜັກຫມາກໄມ້ລົດສົ້ມຊ່ວຍເພີ່ມຄວາມສົດຊື່ນ ຊ່ວຍໃນເລື່ອງຂອງການຂັບຖ່າຍ ແລະເຕັມໄປດ້ວຍສານຕ້ານອະນຸມູນອິດສະຫລະ ດີທັອກຮ່າງກາຍໄດ້ງ່າຍໆ ແຄ່ດື່ມນ້ຳອຸ່ນປະສົມໝາກນາວ ຫລືໝາກກ້ຽງ ນອກຈາກນີ້ຍັງປ້ອງກັນຫວັດຈາກວິຕາມິນຊີໃນຊີຕັສເຫຼົ່ານີ້ອີກດ້ວຍ
4. ກະທຽມ
ກະທຽມເປັນໜຶ່ງໃນຜັກທີ່ດີທັອກຮ່າງກາຍໄດ້ຢ່າງດີເລີຍ ເພາະກະທຽມຊ່ວຍກະຕຸ້ນຕັບໃຫ້ຜະລິດເອນໄຊທີ່ຈະມາຊ່ວຍຂັບຂອງເສຍໃນຮ່າງກາຍໄດ້ ໂດຍເອນໄຊໂຕນີ້ຈະເຂົ້າຊ່ວຍກັນພວກສານພິດຕ່າງໆ ອອກຈາກລະບົບຍ່ອຍອາຫານ ຈະກິນສົດ ຫລືໃສ່ລົງໄປໃນອາຫານກໍໄດ້ເລີຍ
5. ຕົ້ນອ່ອນບັອກໂຄລີ່ (ຜັກກາດດອກ)
ອາດຈະບໍ່ຄ່ອຍຄຸ້ນຫູ ແຕ່ຫາກຮູ້ສັບພະຄຸນແລ້ວອາດຈະຢາກຫາມາກິນຂຶ້ນມາທັນທີ ເພາະຕົ້ນອ່ອນບັອກໂຄລີ່ເຕັມໄປດ້ວຍສານຕ້ານອະນຸມູນອິດສະຫລະ ກະຕຸ້ນການສ້າງເອນໄຊທີ່ຈະຊ່ວຍກຳຈັດສານພິດອອກຈາກຮ່າງກາຍ ແຖມຍັງຊ່ວຍຂັບຂອງເສຍໃນຮ່າງກາຍໄດ້ດີກວ່າບັອກໂຄລີ່ທີ່ໃຫຍ່ເຕັມທີ່ເສຍອີກ
6. ຊາຂຽວ
ໜ້າຈະຮູ້ກັນມາດົນແລ້ວລ່ະວ່າຊາຊຽວຊ່ວຍດີທັອກຮ່າງກາຍໄດ້ ນອກຈາກນີ້ຍັງມີສານຕ້ານອະນຸມູນອິດສະຫລະທີ່ຊື່ “ແຄທີຊິນ” ທີ່ຊ່ວຍໃນການເຮັດວຽກງານຂອງຕັບອີກດ້ວຍ
7. ຖົ່ວຂຽວ
ຖົ່ວຂຽວຊ່ວຍເພີ່ມການເຮັດວຽກງານຂອງລະບົບຂັບຖ່າຍ ດູດຊັບສານພິດຈາກຝາລຳໄສ້ ແລະຂັບອອກໄປພ້ອມກັບອາຈົມ ດີແບບນີ້ກິນຕົ້ມຖົ່ວຂຽວ (ຫວານນ້ອຍ” ກັນຫລາຍໆເລີຍ)
8. ຜັກສົດ
ຮູ້ກັນແມ່ນບໍ່ວ່າບາງເທື່ອຄຸນຄ່າທາງສານອາຫານໃນຜັກຈະຫລຸດລົງ ຫາກນຳໄປປະກອບອາຫານໂດຍໃຊ້ຄວາມຮ້ອນຫລາຍເກີນໄປ (ຍົກເວັ້ນຜັກບາງຊະນິດ ເຊັ່ນ ໝາກເລັ່ນ) ແຕ່ຜັກຢ່າງເຊັ່ນ ຫົວຫອມ ກະລົດ ໝໍ່ໄມ້ຝຣັ່ງ ບັອກໂຄລີ່ ຜັກກາດ ດອກກະຫຼ່ຳ ກະທຽມ ກິນສົດຈະມີຄຸນຄ່າທາງສານອາຫານຫລາຍກວ່າ ຊ່ວຍດີທັອກສານພິດຈາກຕັບໄດ້ດີເລີຍ
9. ຖົ່ວ ແລະ ແກ່ນພືດ
ໄລ່ມາເລີຍຕັ້ງແຕ່ ເແກ່ນໝາກອຶ ແອວມອນ ແກ່ນອິຕູ່ ແກ່ນຕະເວັນ ແລະ ອື່ນໆ ມີສານຕ້ານອະນຸມູນອິດສະຫລະ ເຕັມໄປດ້ວຍຄຸນຄ່າທາງອາຫານ ແລະຊ່ວຍໃນເລື່ອງຂອງການຂັບຖ່າຍໄດ້ດີ ໂດຍສະເພາະໃຜທີ່ຢາກຄວບຄຸມນ້ຳໜັກ ກິນໄດ້ເລີຍ
10. ນ້ຳມັນໂອເມກ້າ 3
ນອກຈາກຫາກິນໄດ້ຈາກແຫຼ່ງອາຫານທຳມະຊາດຢ່າງປາທະເລນ້ຳເລິກ ແລ້ວຍັງຫາໄດ້ຈາກທັນຍາພືດຕ່າງໆ ຢ່າງອໂວຄາໂດ ແລະ ໝາກກອກອີກດ້ວຍ ຊ່ວຍດີທັອກ ແລ້ວຍັງບຳລຸງສະຫມອງໄດ້ດີພ້ອມ
ຫາກິນອາຫານຊະນິດໃດໄດ້ງ່າຍ ກໍເລືອກກິນອັນນັ້ນ ແຕ່ລອງສັບປ່ຽນໝຸນວຽນກັນກໍຈະເຮັດໃຫ້ຮ່າງກາຍໄດ້ຮັບສານອາຫານທີ່ຫຼາກຫຼາຍຫລາຍຂຶ້ນໄປດ້ວຍ ແລະສິ່ງທີ່ສຳຄັນທີ່ສຸດຄື ດື່ມນ້ຳໃຫ້ພຽງພໍ ນ້ຳດື່ມທໍາມະດານີ້ແຫຼະທີ່ຈະຊ່ວຍຂັບຂອງເສຍໃນຮ່າງກາຍໄດ້ ບໍ່ຕ້ອງເສຍເງິນຫລາຍພ້ອມ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ