ຄຸນປະໂຫຍດ ຂອງຫົວຜັກກາດຂາວ [Chinese radish]

ຊື່ວິທະຍາສາດ: Raphanus sativus L.
ຊື່ສາມັນ: Chinese radish
ຕະກຸນ: Brassicaceae (Cruciferae)

ຜັກ​ກາດ​ຫົວ
​ຜັກ​ກາດ​ຫົວ (ສີ​ຂາວ)
​ການ​ຈຳ​ແນກ​ຊັ້ນ​ທາງວິ​ທະ​ຍາ​ສາດ
​ອາ​ນາ​ຈັກ:	Plantae
​ບໍ່​ໄດ້​ຈັດ ​ອັນ​ດັບ:	Angiosperms
ບໍ່​ໄດ້​ຈັດ ​ອັນ​ດັບ:	Eudicots
ບໍ່​ໄດ້​ຈັດ ​ອັນ​ດັບ:	Rosids
ອັນ​ດັບ:	Brassicales
​ວົງ:	Brassicaceae
​ສະ​ກຸນ:	Raphanus
​ສະ​ປີ​ຊີ:	R.  sativus
​ຊະ​ນິດ ຍ່ອຍ/noitalics:	R.  sativus subsp. longipinnatus[1]
Trinomial name
Raphanus sativus subsp. longipinnatus L.

ລັກສະນະທາງພືດສາດ: 

ຮາກ ແລະ ຫົວ: ຮາກ ຫຼື ຫົວຂອງຫົວຜັກກາດຂາວ (ຫົວໄຊໂປ້) ມີລັກສະນະຊົງກົມຮູບຊົງກະບອກ ຫຼື ຮູບກວຍຍາວ ຫຼື ຮູບຊົງອື່ນໆຕາມສາຍພັນ, ຫົວມີສີຂາວຈົນເຖິງສີແດງເປັນສ່ວນທີ່ນາໍ ມາປະກອບອາຫານສ່ວນປາຍຂອງຮາກ ຫຼື ຫົວມີຮາກຝອຍຂະໜາດນ້ອຍແທງດິ່ງລົງດ້ານລຸ່ມ.

ລໍາຕົ້ນ: 

ລໍາຕົ້ນຂອງຫົວຜັກກາດມີຂະໜາດສັ້ນ, ກົມ ແລະ ເປັນຂໍ້ສັ້ນບໍ່ມີກິ່ງກ້ານແທງອອກມາບໍລິເວນກາງ ຫຼື ຮາກ
ຂອງຫົວຜັກກາດຂາວ.

ໃບ: 

ໃບຂອງຫົວຜັກກາດຂາວ ເປັນໃບດ່ຽວແທງອອກບໍລິເວນຂໍ້ຂອງລໍາຕົ້ນ, ມີທັງຊະນິດຂອບໃບລຽບ ແລະ ຂອບ
ໃບວໍ້າສີກຂາດເຂົ້າ.

ດອກ: 

ດອກຂອງຫົວຜັກກາດຂາວ ເປັນດອກສົມບູນເພດອອກຈາກກາງລໍາຕົ້ນມີກ້ານດອກຍາວ 50-100 ຊມ.
ດອກມີສີຂາວ ຫຼື ຂາວມ້ວງປະກອບດ້ວຍກີບລ້ຽງ 5 ອັນ ລຽງຕົວເປັນ 2 ຊັ້ນ, ສ່ວນກີບດອກມີ 5 ອັນ ມີທໍ່ນໍ້າຫວານຢູ່ຖານກີບ, ພາຍໃນດອກມີເກສອນຜູ້ 6 ອັນ ແລະ ເກສອນໂຕແມ່ 1 ອັນ, ດອກບານໃນຊ່ວງເຊົ້າ.

ຝັກ ແລະ ແກ່ນ: 

ຝັກຂອງຫົວຜັກກາດຂາວຍາວປະມານ 2-6 ຊມ, ມີສີຂຽວເຂັ້ມຝັກຈະແກ່ຈາກດ້ານລຸ່ມຂື້ນຫາດ້ານເທິງ ເມື່ອຝັກແກ່ຈະມີສີນໍ້າຕານ ເປືອກແຂງບໍ່ມີຮອຍແຕກຕາມຮອຍຕະເຂັບພາຍໃນມີແກ່ນປະມານ1-10 ແກ່ນ ມີລັກສະນະກົມສີນໍ້າຕານເຖີງສີນໍ້າຕານແດງ, ບາງພັນຈະເປັນສີເຫຼືອງຂະໜາດແກ່ນປະມານ 3 ມມ.

ປະໂຫຍດຈາກການແປຮູບ

• ເນື່ອງຈາກຫົວຜັກກາດຂາວມີລົດຊາດເຂັ້ມຈື່ງນິຍົມນໍາມາປະກອບອາຫານໄດ້ຫຼາຍຢ່າງ.
• ຈະເອົາມາແປຮູບເປັນຫົວຜັກກາດດອງເຄັມ ແລະ ດອງຫວານໄວ້ກິນດົນ.
• ຫຼື ຈະແປຮູບໃນຮູບແບບຕາກແຫ້ງ.
• ນໍາມາຝານເປັນແຜ່ນບາງໆ ນິຍົມເອົາມາແປະໄວ້ເທິງ
• ໜ້າເພື່ອບໍາລຸງຜິວໜ້າຊ່ວຍລົບເລືອນຮອຍຫ້ຽວ, ຮັກສາຟ້າ ແລະ ຈຸດດ່າງດໍາໄດ້.
• ສານສະກັດຈາກຫົວຜັກກາດຂາວ ແມ່ນນໍາມາສະກັດເປັນຢາຮັກສາຟ້າ ແລະ ຈຸດດ່າງດໍາເນື່ອງຈາກວ່າມີສານຫຼາຍຊະນິດ ທີ່ອອກລິດຍັບຢັ້ງເອັນໄຊໄທໂຣຊິເນສ (AntivrosinaseActivity) ທີ່ເປັນສານສໍາຄັນໃນຂະບວນການສ້າງເມັດສີຂອງຜິວໜັງເຮັດໃຫ້ຜິວພັນຄໍ້າ.
• ໃບ ແລະ ລໍາຕົ້ນ ຫຼັງການເກັບກ່ຽວນໍາມາໃຊ້ເປັນອາຫານສັດລ້ຽງໄດ້ແກ່: ໝູ, ງົວ ແລະ ຄວາຍ.
• ໃບ ແລະ ລໍາຕົ້ນ ນໍາມາຜະລິດເປັນນໍ້າໝັກຊີວະພາບ ຫຼື ໃຊ້ເຮັດປຸ໋ຍໝັກ

ຄຸນປະໂຫຍດ

• ຊ່ວຍກະຕຸ້ນຄວາມຢາກກິນອາຫານໄດ້ດີ.
• ຊ່ວຍຍ່ອຍອາຫານ, ຊ່ວຍໃຫ້ລະບາຍ.
• ມີລິດຂ້າເຊື້ອລາ.
• ຊ່ວຍຫຼຸດນໍ້າຕານໃນເລືອດ.
• ຊ່ວຍກະຕຸ້ນການໄຫຼວຽນຂອງນໍ້າບີ.
• ຕ້ານອະນຸມູນລິດສະລະ ແລະ ຊ່ວຍຫຼຸດຮອຍຫ້ຽວ.
• ຕ້ານການອັກເສບ.
• ຕ້ານມະເຮັງ.
• ວິຕາມິນຊີ ແລະ ສານປະກອບຟີນອບ ໃນຫົວຜັກກາດຂາວມີຄຸນສົມບັດຊ່ວຍໃຫ້ຜິວຂາວ.
• ໃຊ້ບົດແລ້ວເອົາໄປພອກໃສ່ບາດເແຜເກີດຈາກໄຟໄໝ້, ນໍ້າຮ້ອນລວກໄດ້.

ໃບ: ນໍ້າຄັ້ນສົດທີ່ໄດ້ຈາກໃບມີລິດຂັບປັດສະຫວະ ແລະ ເປັນຢາລະບາຍ.

ຂໍ້ຄວນລະວັງ

• ຫົວຜັກກາດຂາວມີສານ Allyl isothiocyanateແລະ Thioglycoside ທີ່ສາມາດເຮັດໃຫ້ເກີດອາການຜື່ນແພບໍລິເວນຜິວໜັງໄດ້.
• ຫົວຜັກກາດຂາວມີສານ Saponin ທີ່ອອກລິດທໍາລາຍລະບົບປະສາດ ທີ່ນິຍົມໃຊ້ເປັນສ່ວນປະສົມຂອງຢາຂ້າແມງໄມ້ເມື່ອຮັບປະທານດິບອາດເຮັດໃຫ້ເກີດອັນຕະລາຍໄດ້.

ຄຸນປະໂຫຍດດ້ານໂພສະນາການ

ພະລັງງານ 14 ກິໂລແຄລໍລີ, ໂປຼຕີນ 0.6 ກຼາມ, ຄາໂບຣາຍເດຼດ 3 ກຼາມ, ແຄນຊຽມ 24 ກຼາມ, ຟອດສະຟໍລັດ 14

ກຼາມ, ເຫຼັກ 0.4 ມິນລີກຼາມ, ວິຕາມິນຊີ 22 ມິນລີກຼາມ, ວິຕາມິນ B1.

ສານສໍາຄັນທີ່ພົບ: ໃນສ່ວນຂອງຮາກກົກຜັກກາດຂາວ ສົດພົບອົງປະກອບທາງເຄມີຫຼາຍຊະນິດໄດ້ແກ່.

• Kaempferol.
• Cyanide.
• Triterpenes.
• Gentisic acid.
• Hydrocinnamic acid.
• Vanillic acid.
• Pelargonidin.
• Luteolin.
• Myricetin.
• Quercetin.
• Flavonoid.
• Alkaloids.
• Saponins.
• Coumarins -(Methylthio)- butenyl isothiocyanate.
• Allyl isothiocyanate
• Benzyl isothiocyanate
• Phenethyl isothiocyanate
• L-ascorbic acid