google-site-verification: google0d91bc93cfc88895.html
ປະໂຫຍດ ແລະ ໂທດຂອງກັນຊາ - Hukased
ປະໂຫຍດ ແລະ ໂທດຂອງກັນຊາ
ປະໂຫຍດຂອງກັນຊາ
- ໃນອະດີດທີ່ຜ່ານມາກັນຊາຖືກນຳໄປປະສົມກັບອາຫານ
ເພື່ອຊ່ວຍກະຕຸ້ນໃຫ້ຈະເລີນອາຫານ ທາງການແພດຈຶ່ງເລືອກໃຊ້ສານ THC ທີ່ມີສູດໂຄງສ້າງທາງເຄມີຊື່ວ່າ
Dronabinol ນຳມາປະຍຸກໃຊ້ກັບຜູ້ປ່ວຍພະຍາດມະເຣັງແລະຜູ້ປ່ວຍພະຍາດເອດທີ່ໄດ້ຮັບການຖືຮັກສາດ້ວຍຢາເຄມີບຳບັດ
ຊຶ່ງພົບວ່າສາມາດຊ່ວຍລຸດອາການປຸ້ນທ້ອງຮາກຂອງຜູ້ປ່ວຍກຸ່ມນີ້ ແລະ ເຮັດໃຫ້ຜູ້ປ່ວຍຮັບປະທານອາຫານໄດ້ດີຢິ່ງຂຶ້ນ
- ໃນປະຈຸບັນມີການນຳກັນຊາມາໃຊ້ເປັນຢາລົດຄວາມດັນໃນໃນຕາຂອງຄົົນທີ່ເປັນຕໍ້ຫິນ
(glaucoma) ແຕ່ຜົນທີ່ໄດ້ຍັງບໍ່ຊັດເຈນ
ແລະຍັງຕ້ອງລໍການພິສູດຢູ່ ນອກຈາກນີ້ຍັງມີການນຳສານສຳຄັນໃນເຣຊິນມາໃຊ້ເປັນຢາລະງັບການຮາກທີ່ເກິດຂື້ນໃນຄົົນທີ່ເປັນພະຍາດມະເຣັງ
ຊຶ່ງໄດ້ຮັບການຮັກສາໂດຍວິທີເຄມີບຳບັດ (chemotherapy)
- ການທີ່ຮ່າງກາຍໄດ້ຮັບສານ Cannabinoids ໃນປະລິມານທີ່ເໝາະສົມ
ຈະສາມາດຊ່ວຍປ້ອງກັນການເກີດອາການຊຶມເສົ້າທີ່ມີສາເຫດມາຈາກການປ່ຽນແປງຂອງຮໍໂມນໃນຜູ້ສູງອາຍຸໄດ້
ເນື່ອງຈາກສານ Cannabinoids ຈະຊ່ວຍປັບສົມດຸນຕ່າງໆ ໃນຮ່າງກາຍ ເຮັດໃຫ້ຜູ້ໃຊ້ມີຄວາມສຸກ ໃຈເຢັນລົງ
ແລະລຸດການສະແດງພຶດຕິກຳຮຸນແຮງໃນທາງດ້ານອາລົມ (ຫາກໃຊ້ໃນປະລິມານທີ່ເໝາະສົມ)
- ຈາກງານວິໄຈພົບວ່າ ສານ THC ສາມາດຢັບຢັ້ງເຊລເອເບຕາໂປຣຕີນ
ບໍ່ໃຫ້ຜະລິດສານພິດ ທີ່ເປັນສາເຫດຂອງການເກີດພະຍາດອັນໄຊເມີ່ໄດ້ ເພາະສະນັ້ນກັນຊາຈຶ່ງສາມາດປ້ອງກັນການເກີດອັນໄຊເມ່ີໄດ້
- ຈາກການສຶກສາພົບວ່າ ກັນຊາມີສັບພະຄຸນໃນການຂ້າເຊວມະເຣັງ
ແລະ ເຮັດໃຫ້ຊີ້ນຮ້າຍໃນສະຫມອງຫ່ຽວລຸດລົງໄດ້ ໂດຍຈາກການສຶກສາຂອງສຳນັກປາບປາມຢາເສບຕິດແຫ່ງຊາດອາເມຣິກັນ
ສະແດງໃຫ້ເຫັນວ່າ ສານສະກັດຂອງກັນຊາສາມາດຊ່ວຍໃຫ້ຄົນໄຂ້ຕອບສະຫນອງກັບການບຳບັດດ້ວຍການສາຍລັງສີດີຂຶ້ນ
ສ່ວນການທົດລອງກັບສັດ ກໍ່ພົບວ່າສານຈາກກັນຊາສາມາດຂ້າເຊລມະເຣັງບາງຊະນິດໄດ້
ເຮັດໃຫ້ຊີ້ນຮ້າຍຫົດຫ່ຽວລົງ ໂດຍມີຫຼັກຖານວ່າ ສານສະກັດຈາກກັນຊາສາມາດເຮັດໃຫ້ຊີ້ນຮ້າຍໃນສະຫມອງຊະນິດທີ່ຮ້າຍແຮງທີ່ສຸດມີຂະໜາດລຸດລົງ
ຊຶ່ງສານສະກັດເຫຼົ່ານີ້ເມື່ອນຳມາໃຊ້ຄອບຄູ່ກັບການສາຍແສງ ຈະເຮັດໃຫ້ລິດໃນການຂ້າມະເຣັງມີເພີ່ມຫລາຍຂຶ້ນດ້ວຍ
- ຈາກການທົດລອງລ່າສຸດສະແດງໃຫ້ເຫັນວ່າ ສານສະກັດຈາກກັນຊາອາດສາມາດປິ່ນປົວພະຍາດທີ່ເກີດຈາກການອັກເສບຂອງສະຫມອງແລະໄຂສັນຫຼັງ
ຫລື ພະຍາດທີ່ກ່ຽວຂ້ອງກັບການອັກເສບອື່ນໆ ຫລື ແມ້ນແຕ່ອາດຊ່ວຍທຳລາຍເນື້ອງອກທີ່ອາດກລາຍເປັນມະເຣັງໄດ້
ຈາກການວິໄຈພົບວ່າ ຄົນໄຂ້ທີ່ຮັບ THC ຫລື ສານສະກັດຈາກກັນຊາອີກຕົວທີ່ເອີ້ນວ່າ cannabidiol (CBD) ສາມາດຊ່ວຍຫລຸດອາການຈັງຂອງກ້າມຊີ້ນ
ແລະ ອາການສັ່ນ ສາມາດເຮັດໃຫ້ນອນຫຼັບ ແລະ ມີການເຄື່ອນໄຫວທີ່ດີຂຶ້ນ ອີກທັງ
CBD ຍັງອອກລິດໄດ້ດົນກວ່າການໃຊ້ສະເຕຮອຍ
ຫລື ຢາແກ້ອັກເສບອີກດ້ວຍ ຈຶ່ງເຮັດໃຫ້ໃນແຄນາດາມີການໃຊ້ສະເປທີ່ມີສ່ວນປະສົມຂອງ
cannabinoid ເພື່ອປິ່ນປົວພະຍາດທີ່ເກີດຈາກການອັກເສບຂອງສະຫມອງ
ແລະ ໄຂສັນຫຼັງ (Multiple Sclerosis
- MS)
- ສານ cannabinoid ທີ່ພົບໃນກັນຊາອາດມີຄວາມສຳພັນກັບລະບົບການເຜົາຜານຂອງຮ່າງກາຍ
ໂດຍພົບວ່າໃນຜູ້ທີ່ສູບກັນຊາຈະເປັນພະຍາດຕຸ້ຍ ແລະ ພະຍາດເບົາຫວານນ້ອຍກວ່າຄົົນທີ່ບໍ່ເຄີຍສູບ
ໂດຍ Ms. Penner ແລະຄະນະ
ໄດ້ເຮັດການສຶກສາຄວາມສຳພັນຂອງການສູບກັນຊາກັບລະດັບນ້ຳຕານໃນເລືອດໃນອາສາສະໝັກຈຳນວນ
4,657 ລາຍ (ແບ່ງເປັນ ກຸ່ມກຳລັງສູບ, ກຸ່ມທີ່ເຄີຍສູບແຕ່ເລີກແລ້ວ ແລະ ກຸ່ມທີ່ບໍ່ເຄີຍສູບ)
ຜົນການສຶກສາພົບວ່າ ກຸ່ມທີ່ສູບກັນຊາມີລະດັບນ້ຳຕານໃນເລືອດຕ່ຳກວ່າກຸ່ມທີ່ບໍ່ເຄີຍສູບກັນຊາຮ້ອຍລະ
16 ນອກຈາກນັ້ນຍັງພົບວ່າມີຄ່າ HOMA-IR ຕ່ຳກວ່າຮ້ອຍລະ 17 ລະດັບຄໍເລດເຕີຣອນ
HDL ຫລື ໄຂມັນຊະນິດດີ
ສູງກວ່າ 1.63 mg/dL ແລະມີອ້ອມແອວນ້ອຍກວ່າຢ່າງມີທີ່ສຳຄັນທາງສຖິຕິ
ສ່ວນກຸ່ມທີ່ເຄີຍສູບແຕ່ເລີກໄປແລ້ວ ບໍ່ພົບວ່າມີການລຸດລົງຂອງລະດັບນ້ຳຕານເມື່ອປຽບທຽບກັບກຸ່ມທີ່ບໍ່ເຄີຍສູບ
ຈາກການທົດລອງດັ່ງກລ່າວ ຈຶ່ງສັນນິດຖານໄດ້ວ່າ ຜົນຂອງກັນຊາທີ່ຊ່ວຍລຸດລະດັບນ້ຳຕານໃນເລືອດຈະມີຜົນສະເພາະໃນຊ່ວງທີ່ໃຊ້ກັນຊາເທົ່ານັ້ນ
- ເສັ້ນໃຍຂອງລຳຕົ້ນ ສາມາດນຳມາໃຊ້ໃນການຕຳແຜ່ນ
ຫລື ຖັກເປັນເປົາໄດ້ ຊຶ່ງຈະໄດ້ຜ້າທີ່ມີຄຸນນະພາບດີ ມີຄວາມໜຽວສູງ ມີຄ່າການຕ້ານແຮງດຶງສູງ
ມີຄວາມຢືດຢຸ່ນ ມີແຮງບິດສູງ ນ້ຳໜັກເບົາ ແລະ ມີຄວາມຄົງທົນຫລາຍ ນິຍົມໃຊ້ເຮັດເສື້ອເກາະ
ວັດດຸກໍ່ສ້າງ ອຸປະກອນລົດ
- ທຸກມື້ນີ້ບໍລິສັດເຮັດເຈ້ຍຂອງອາເມຣິກາ
ແລະ ຍີ່ປຸ່ນ ຕ້ອງທຳລາຍປ່າໄມ້ປີລະກວ່າ 50,000 ຕາຣາງກິໂລແມັດ
ແຕ່ການປຸກກັນຊາຊຶ່ງເປັນພືດທີ່ມີວົງຊີວິດພຽງ 120 ມື້
ສາມາດທີ່ຈະປຸກໄດ້ 10 ໂຕນຕໍ່ພື້ນທີ່ 2 ໄຮ່ ພາຍໃນເວລາພຽງ
4 ເດືອນ ຊຶ່ງປຸກໄດ້ໄວກວ່າຝ້າຍ 4 ເທົ່າ ແລະ ໃຫ້ນ້ຳໜັກຫລາຍກວ່າຝ້າຍເຖິງ
3 ເທົ່າ ອີກທັງກັນຊາຢັງບໍ່ຕ້ອງໃສ່ປຸ໋ຍ ບໍ່ຕ້ອງໃຊ້ຢາຂ້າແມງ ແລະ
ຍັງຊ່ວຍເພີ່ມຄຸນນະພາບຂອງດິນ ໂດຍຈາກການສຶກສາພບວ່າ ກັນຊາສາມາດປຸກ ແລະ ນຳມາເຮັດເຈ້ຍໄດ້ຫລາຍເປັນ
4 ເທົ່າຂອງການເຮັດດ້ວຍໄມ້ຢືນຕົ້ນ ເສັ້ນໃຍມີຄຸນນະພາບທີ່ດີກວ່າ ບໍ່ຕ້ອງໃຊ້ຄລໍຣີນເໝືອນການເຮັດຈາກໄມ້
ຊຶ່ງຈະເຮັດໃຫ້ເກີດສານໄດອອກຊິນ ສ່ວນທີ່ເຫຼືອຈາກການເຮັດເສັ້ນໃຍກໍສາມາດນຳມາປະສົມກັບປູນຂາວ
ແລະ ນ້ຳ ກໍ່ຈະໄດ້ວັດດຸທີ່ເບົາ ແລະ ແຂງ ມີຄວາມທົນທານກວ່າປູນຊີມັງ (ມີການກ່າວກັນວ່າ
ເຈ້ຍທີ່ໃຊ້ພິມຄຳພີໄບເບີນ ທົງຊາດອາເມຣິກັນ ຫລື ໂສ້ງຢີນ ລີວາຍ ທີ່ລືຊື່
ແຕ່ເດີມກໍເຮັດມາຈາກປ່ານທີ່ໄດ້ຈາກຕົ້ນກັນຊາທັງຫມົດ)
- ໃບຈາກພືດຊະນິດນີ້ສາມາດນຳມາໃຊ້ລ້ຽງສັດໄດ້
- ນ້ຳມັນທີ່ໄດ້ຈາກເມັດຈະເປັນນ້ຳມັນບໍ່ລະເຫີຍ
(fixed oil) ຊຶ່ງສາມາດນຳມາໃຊ້ໃນໂຣງງານອຸດສາຫະກຳ
ເຊັ່ນ ໃຊ້ເຮັດສີທາເຮືອນ ເຮັດສະບູ່ ເປັນຕົ້ນ
- ນອກຈາກນີ້ ເສດ ຫລື ກາກທີ່ໄດ້ຈາກກາສະກັດເອົານ້ຳມັນຈາກເມັດອອກແລ້ວຍັງໃຊ້ເປັນອາຫານຂອງ
ງົວ ຄວາມຍໄດ້ອີກດ້ວຍ
ໂທດຂອງກັນຊາ
- ໃນເບື້ອງຕົ້ນການເສບກັນຊາຈະມີລິດກະຕຸ້ນປະສາດ
ເຮັດໃຫ້ຜູ້ເສບມີອາການລ່າເລີງ ຊ່າງເວົ້າ ຕື່ນເຕັ້ນ ຫົວຂວັນຕະຫລອດເວລາ ຕໍ່ມາຈະມີລິດກົດປະສາດ
ເຮັດໃຫ້ຜູ້ເສບມີອາການຄ້າຍເມົາເຫຼົ້າຢ່າງອ່ອນ ເຊື່ອງຊຶມ ແລະ ຫິວນອນ ຫາກເສບເຂົ້າໄປໃນປະລິມານຫລາຍຈະຫຼອນປະສາດ
ເຮັດໃຫ້ເຫັນພາບລວງຕາ ຫູແວ່ວ ຫວາດລະແວງ ຄວາມຄິດສັບສົນ ແລະ ຄວບຄຸມຕົວເອງບໍ່ໄດ້
ໃນບາງຄົນອາດບໍ່ຮູ້ຈັກຕົນເອງ ຫລືບໍ່ ເຂົ້າໃຈສິ່ງຕ່າງໆ ທີ່ຢູ່ອ້ອມຕົວ
- ການເສບກັນຊາເຖິງຈະເປັນໄລຍິສັ້ນ ຜູ້ເສບບາງຄົນອາດສູຍເສຍຄວາມຊົງຈຳໄດ້
ເພາະກັນຊາຈະເຮັດໃຫ້ສະຫມອງແລະ ຄວາມຈຳເສື່ອມ ເກີດຄວາມສັບສົນ ວິຕົກກັງວົນ
ແລະ ຫາກຜູ້ເສບເປັນຜູ້ທີ່ມີອາການທາງຈິດນຳແລ້ວ ກໍ່ຈະມີຄວາມສ່ຽງຫລາຍກວ່າຄົນປົກກະຕິທົ່ວໄປນຳ
ໂດຍອາການທາງຈິດປະສາດທີ່ພົບໄດ້ເລື້ອຍໆ ຄື ສະມາທິສັ້ນ ຄວາມຈຳຮ້າຍກວ່າເກົ່າ
ມີບັນຫາໃນການຕັດສິນໃຈ ແລະ ບາງຄົນອາດມີບັນຫາເລື່ອງການຊົງໂຕ ນອກຈາກນີ້ຍັງສົ່ງຜົນອື່ນໆ
ຕໍ່ຮ່າງກາຍນຳ ເຊັ່ນ ມ່ານຕາຫລີ່ ຕາແດງ ມີຄວາມຜິດປົກກະຕິຂອງລະບົບທາງເດີນຫາຍໃຈ
ຫົວໃຈເຕັ້ນໄວ ເປັນຕົ້ນ
- ກັນຊາມີລິດທຳລາຍສະມັດຖະພາບທາງກາຍ ຜູ້ເສບໃນປະລິມານຫລາຍເປັນໄລຍະເວລາດົນຈະເຮັດໃຫ້ຮ່າງກາຍເສື່ອມໂຊມຈົນບໍ່ສາມາດເຮັດວຽກໄດ້
ໂດຍສະເພາະງານທີ່ຕ້ອງໃຊ້ຄວາມຄິດ ການຕັດສິນໃຈ ແລະ ແຮງງານ ສານໃນກັນຊາຈະທຳລາຍລະບົບການເຮັດວຽກງານຂອງອະໄວຍະວະໃນຮ່າງກາຍຫຼາຍສ່ວນ
ທຳລາຍລະບົບການສ້າງພູມິຄຸ້ມກັນຂອງຮ່າງກາຍ ຈຶ່ງເຮັດໃຫ້ຮ່າງກາຍອ່ອນແອ ເຮັດໃຫ້ເກີດພະຍາດຕ່າງໆ
ໄດ້ງ່າຍ ເຊັ່ນ ພະຍາດຫລອດລົມອັກເສບຊຳເຮື້ອ ມີອາການເພຍ ເຮັດໃຫ້ນ້ຳໜັກຕົວຫລຸດ
ແລະ ອື່ນໆ
- ກັນຊາຍັງມີລິດທຳລາຍຄວາມຮູ້ສຶກທາງເພດ ເຮັດໃຫ້ລະດັບຮໍໂມນ
ເທດໂທດເຕີໂຣນ ໃນຊາຍລຸດລົງ ເຮັດໃຫ້ປະລິມານອະສຸຈິນ້ອຍລົງ ຜູ້ເສບຈຶ່ງມັກມີບັນຫາເສື່ອມສະມັດຖະພາບທາງເພດໃນທີ່ສຸດ
- ເຮັດໃຫ້ເກີດພະຍາດມະເຣັງປອດ ເນື່ອງຈາກຜູ້ເສບອັດຄວັນກັນຊາເຂົ້າໄປໃນປອດເລິກດົນຫຼາຍວິນາທີ ແຕ່ຢ່າງໃດກໍ່ຕາມ
ກໍ່ມີຂໍ້ມູນທີ່ລະບຸວ່າ "ການສູບກັນຊານັ້ນບໍ່ກໍ່ໃຫ້ເກີດພະຍາດມະເຣັງປອດ"
ເພາະແມ່ນການສູບກັນຊາຈະເຮັດໃຫ້ຮ່າງກາຍໄດ້ຮັບນ້ຳມັນດິບທີ່ເກີດຈາກການເຜົາໄໝ້ທີ່ບໍ່ສົມບູນຊຶ່ງເປັນສາເຫດຂອງການເກີດພະຍາດມະເຣັງປອດ
ແຕ່ໃນກັນຊານັ້ນມີສານ THC ທີ່ມີລິດໃນການລຸດການອັກເສບທີ່ເກີດຈາກນ້ຳມັນດິນໄດ້ ຈຶ່ງເປັນສາເຫດໃຫ້ການສູບກັນຊາບໍ່ກໍ່ໃຫ້ເກີດພະຍາດມະເຣັງປອດເໝືອນການສູບຢາທົ່ວໄປ
- ການສູບຢາຍັດໄສ້ກັນຊາພຽງ 4 ກອກ ຈະເທົ່າກັບການສູບຢາ 20 ກອກ ຫລື 1 ຊອງ ມັນຈຶ່ງສາມາດທຳລາຍການເຮັດວຽກງານຂອງລະບົບທາງເດີນຫາຍໃຈ
ເຮັດໃຫ້ມີຄວາມສ່ຽງຕໍ່ການເກີດພະຍາດມະເຣັງໄດ້ຫລາຍກວ່າຄົນສູບຢາທຳມະດາເຖິງ
5 ເທົ່າ ! ອີກທັງກັນຊາຍັງມີສານກໍ່ມະເຣັງທີ່ເປັນອັນຕະລາຍ ທີ່ສາມາດເຮັດໃຫ້ເກີດພະຍາດມະເຣັງໄດ້
ເມື່ອທຽບກັບບຸຢາທົ່ວໄປແລ້ວ ໃນກັນຊາຈະມີຫລາຍກວ່າ 50-70%
- ຜູ້ທີ່ເຄີຍເສບຕິດກັນຊາສ່ວນໃຫຍ່ຈະມີໂອກາດປ່ວຍເປັນພະຍາດຈິດ
ໃນພາຍຫຼັງຫລາຍກວ່າຄົົນທີ່ບໍ່ສູບເຖິງຮ້ອຍລະ 60 ຍິ່ງເສບຫລາຍ
ແລະ ເສບເປັນເວລາດົນກໍ່ຍິ່ງເພີ່ມຄວາມສ່ຽງເຂົ້າໄປອີກ ໂດຍຜູ້ທີ່ເສບໜັກທີ່ສຸດຈະມີໂອກາດເປັນພະຍາດຈິດສູງກວ່າ
ຄົນປົກກະຕິ 4-6 ເທົ່າ
- ການຂັບລົດໃນຂະນະເມົາກັນຊາຈະກໍ່ໃຫ້ເກີດອັນຕະລາຍໄດ້ງ່າຍຫລາຍ
ເພາະລິດຂອງກັນຊາຈະເຮັດໃຫ້ເຮົາເສຍສະມາທິ ເຮັດໃຫ້ການຕັດສິນໃຈຜິດພາດ ການຕອບສະຫນອງຊ້າ
ຄວາມສາມາດໃນການເບິ່ງເຫັນສິ່ງເຄື່ອນທີ່ນ້ອຍລົງ ຈຶ່ງອາດເປັນອັນຕະລາຍຢ່າງຍິ່ງຕໍ່ຜູ້ອື່ນ
- ພວກທີ່ເສບກັນຊາໃນໄລຍະຕັ້ງທ້ອງ ເດັກນ້ອຍທີ່ເກີດມາອາດພິການ
ແລະ ພົບຄວາມຜິດປົກກະຕິທາງຮ່າງກາຍໄດ້ ເຊັ່ນ ຄວາມຜິດປົກກະຕິຂອງເຊວລະບົບປະສາດ
ໃນສະຫມອງ ຄວາມຜິດປົກກະຕິຂອງຮໍໂມນເພດ ແລະ ອາດເປັນພະຍາດທາງພັນທຸກຳ ອີກທັງກັນຊາຍັງມີຜົນເສຍຕໍ່ພັດທະນາການຂອງເດັກນ້ອຍໃນມົດລູກ
ເພາະກັນຊາມີລິດທຳລາຍໂຄຣໂມໂຊມຂອງເດັກນ້ອຍ
- ເມື່ອຮ່າງກາຍຂາດຢາ ຈະເກີດອາການຜິດປົກກະຕິທາງດ້ານຈິດໃຈ
ເຊັ່ນ ມີອາການກະສັບກະສ່າຍ ນອນບໍ່ຫຼັບ ວິຕົກກັງວົນ ອ່ອນເພຍ ແລະ ອື່ນໆ
- ການເສບກັນຊາເປັນ ເວລາດົນຈະນຳມາຊຶ່ງພາວະຫມາກໄຂ່ຫລັງກະລິເຊີໄຣ້ໃນເລືອດສູງ
ແລະ ກໍ່ໃຫ້ເກີດຄວາມຜິດປົກກະຕິຂອງຫົວໃຈ ເຮັດໃຫ້ເກີດພາວະຫົວໃຈລົ້ມເຫລວ
ມີຄວາມຜິດປົກກະຕິທາງສະຫມອງຈົນກໍ່ໃຫ້ເກີດອາການທາງຈິດປະສາດຕາມມາ ຍິ່ງເສບຫລາຍອາການກໍ່ຈະຍິ່ງທະວີຄວາມຮຸນແຮງຫລາຍຂຶ້ນ
ແລະ ອາການທີ່ສະແດງໃຫ້ເຫັນເຖິງຄວາມທໍລະມານຈາກການເສບກັນຊາກໍ່ມີຫລວງຫລາຍ
ເຊັ່ນ ຄື້ນໄສ້ຮາກຢ່າງຮຸນແຮງ ວິງວຽນຫົວ ປວດທ້ອງຫລາຍ ຫລື ອາດມີອາການພ່າຍແພ້ໄດ້
ເຊັ່ນ ເປັນຜື່ນຄັນ ຕົວບວມ ອຶດອັດ ຫາຍໃຈລຳບາກ ຫາຍໃຈບໍ່ອອກ ເປັນຕົ້ນ
- ດ້ວຍລິດຂອງກັນຊາທີ່ເຮັດໃຫ້ເກີດການຜ່ອນຄາຍ
ລຸດຄວາມວິຕົກກັງວົນ ຮູ້ສຶກສະໜຸກສະໜານ ເຄີບເຄີມມີຄວາມສຸກ ຈຶ່ງເຮັດໃຫ້ມີຜູ້ຮູ້ເທົ່າບໍ່ເຖິງການ
ແລະ ເສບຕິດກັນຊາເປັນຈຳນວນຫລາຍຢ່າງບໍ່ໜ້າເຊື່ອ ໂດຍຈະມີຈຳນວນເປັນຮອງກໍແຕ່ກຸ່ມຄົົນທີ່ຕິດເຫລົ້າ
ກາແຟ ແລະ ຢາສູບເທົ່ານັ້ນ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ