ຜັກໝາກໄມ້ 7 ຊະນິດທີ່ຜູ້ຍິງຄວນຮັບປະທານ

ພືດຜັກໝາກໄມ້ນັ້ນ ມີແຮ່ທາດ ແລະ ວິຕາມີນທີ່ເປັນປະໂຫຍດຕໍ່ຮ່າງກາຍຢູ່ຫຼວງຫຼາຍ ເຊິ່ງສຳລັບຜູ້ຍິງກໍຕ້ອງມໝາກໄມ້ທີ່ມັກເປັນພິເສດ..ມາເບິ່ງກັນວ່າ ຜັກ ແລະ ໝາກໄມ້ທັງ 7 ຊະນິດທີ່ທ່ານມັກຮັບປະທານຮວມຢູ່ໃນນີ້ ຫຼື ບໍ່ ແລະ ມີປະໂຫຍດທີ່ບໍ່ຄວນເບິ່ງຂ້າມແບບໃດແດ່.

ຜັກໝາກໄມ້ 7 ຊະນິດທີ່ຜູ້ຍິງຄວນຮັບປະທານ

1. ໝາກສີດາ:    ຮູ້ບໍ່ວ່າໝາກສີດາພຽງ 1 ຂີດ ມີວິຕາມີນສູງເຖິງ 180 ມີນລີກຣາມເລີຍ ເຊິ່ງຈະຊ່ວຍໃນການສ້າງຄໍລາເຈັນພາຍໃນຮ່າງກາຍຂອງເຮົາໄດ້ເປັນຢ່າງດີ ແລະ ເຮັດໃຫ້ຜິວພັນເຕັ່ງຕຶງ ແລະ ບໍ່ແຫ່ວຍານກ່ອນອາຍຸອີກດ້ວຍ.

 

2. ບຣອກໂຄລີ:    ຜູ້ຍິງຫຼາຍໆຄົນອາດຈະບໍ່ມັກກິນເທົ່າໃດ ເພາະສີຂອງມັນຂຽວເປັນຕາຢ້ານອີຫຼີ ແຕ່ຮູ້ບໍ່ວ່າບຣອກໂຄລີມີລົດຊາດທີ່ຫວານ ພ້ອມທັງຍັງເປັນແຫຼ່ງຊີລີນ້ຽມຕາມທຳມະຊາດ ທີ່ຊ່ວຍບຳລຸງຜິວພັນ ແລະ ເພີ່ມຄວາມຍືດຫຍຸ່ນໃຫ້ຜິວໜັງ ໃຫ້ຜິວອ່ອນນຸ່ມມີນ້ຳມີນວນຄືໜຸ່ມສາວ ພ້ອມທັງຍັງຫຼຸດຮອຍແຫ່ວຍານໄດ້ເປັນຢ່າງດີ.

 

3. ໝາກກ້ວຍ:    ໝາກກ້ວຍທີ່ລົດຊາດຫອມຫວານນີ້ ມີສານເບຕ້າແຄໂຣທີນມີຫຼິດໃນການຕ້ານອະນຸມູນອິດສະລະຢູ່ເປັນຈຳນວນຫຼວງຫຼາຍ ຮູ້ບໍ່ວ່າຖ້າເຮົາມີອາຍຸເກີນ 20 ປີໄປແລ້ວ ຮ່າງກາຍຂອງເຮົາກໍຈະຜະລິດອະນຸມູນອິດສະລະອອກມາຫຼາຍຂຶ້ນ ເຊິ່ງນີ້ແຫຼະຄືຕົວການຂອງຄວາມເສື່ອມສະພາບ ແລະ ຄວາມສາມາດໃນການສ້ອມແປງສ່ວນທີ່ຫຼຸ້ຍຫ້ຽນໃນຮ່າງກາຍກໍຈະຫຼຸດລົງເລື້ອຍໆ ເພາະສະນັນ ການຮັບປະທານໝາກກ້ວຍເປັນປະຈຳຊ່ວຍໃຫ້ຮ່າງກາຍມີສານຕ້ານອະນຸມູນອິດສະລະຫຼາຍຂຶ້ນ ແລະ ຍັງເຮັດໃຫ້ເຮົາແກ່ຊ້າລົງ.

 

4. ໝາກກ້ຽງ:    ໝາກໄມ້ທີ່ມີລົດຊາດສົ້ມອັມຫວານທີ່ເປັນແຫຼ່ງລວມວິຕາມີນ, ເກືອແຮ່ ແລະ ສານອາຫານທີ່ຫຼາກຫຼາຍ ຖ້າກຳລັງຄວບຄຸມນ້ຳໜັກຢູ່ລອງກິນໝາກກ້ຽງເບິ່ງຈະຊ່ວຍໃຫ້ທ່ານອີ່ມໄວຂຶ້ນ ແລະ ດົນຂຶ້ນ.

 

5. ຖົ່ວ:    ໃນຖົ່ວນັ້ນອຸດົມໄປດ້ວຍໂປຣຕີນ ເຫຼັກ ແລະ ວິຕາມີນທີ່ເຮັດໃຫ້ຮູ້ສຶກອີ່ມໄວ ແລະ ດົນ ພ້ອມທັງຍັງມີສານອາຫານອື່ນໆ ທີ່ມີປະໂຫຍດຕໍ່ຮ່າງກາຍຢູ່ຫຼາຍເຊັ່ນກັນ.

 

6. ໝາກແອັບເປິ້ນ:    ຂອງມັກຂອງຫຼາຍໆຄົນເລີຍ ໃນໝາກແອັບເປິ້ນຈະມີສານອາຫານທີ່ສຳຄັນຄືວິຕາມີນຊີ ເບຕ້າແຄໂຣທີນ ແລະ ເພັກຕີນ ເຊິ່ງເປັນໄຟເບີ້ທີ່ສາມາດລະລາຍນ້ຳໄດ້ ຖ້າເຮົາຮັບປະທານແອັບເປິ້ນໜ່ວຍໜຶ່ງ ກ່ອນຮັບປະທານອາຫານຈັກ 20 ນາທີ ກໍຈະຊ່ວຍຫຼຸດຄວາມຢາກອາຫານຂອງເຮົາໄດ້ ຜົນຂອງມັນກໍຄື ຊ່ວຍຫຼຸດນ້ຳໜັກ ແລະ ຫຼຸດຄໍເລສເຕີຣໍໄດ້ເປັນຢ່າງດີ ຫາກມື້ໃດທີ່ຢາກເຂົ້າເວລາເດິກໆ ແອັບເປິ້ນຈະຊ່ວຍທ່ານໄດ້.

 

7. ໝາກໝັ້ນ:    ໝາກໝັ້ນຖືວ່າເປັນແຫຼ່ງໂປເຕສຊ້ຽມ ເຫຼັກ ແລະ ໄຟເບີ້ທີ່ສຳຄັນຕໍ່ຮ່າງກາຍ ຊ່ວຍເຮັດໃຫ້ຜິວພັນຂອງເຮົາເບິ່ງມີສຸຂະພາບທີ່ດີຂຶ້ນມີເລືອດຝາດ ເພາະທາດເຫຼັກທີ່ມີຢູ່ຫຼາຍໃນໝາກໝັ້ນ ຈະຊ່ວຍເບິ່ງແຍງເລື່ອງລະບົບການໄຫຼວຽນຂອງເລືອດພາຍໃນຮ່າງກາຍຂອງເຮົາ.