ຟ້າທະລາຍໂຈນ
ຟ້າທະລາຍໂຈນ
(ຊື່ວິທະຍາສາດ: Andrographis paniculata ( Burm.f. ) Wall ex Nees.) ເປັນພືດລົ້ມລຸກລະດູດຽວ ໃນຕະກູນ Acanthaceae ມີຖິ່ນກຳເນີດໃນອິນເດຍແລະສີລັງກາ ໂດຍໃນຕຳຣາຢາບູຮານຂອງໄທ
ຈັດໃຫ້ເປັນສະມຸນໄພພື້ນບ້ານທີ່ສາມາດຫາມາຮັບປະທານແກ້ພະຍາດໄດ້ເອງ ສູງປະມານ
30-70 ຊມ. ລຳຕົ້ນເປັນສີ່ຫຼ່ຽມ
ແຕກກິ່ງຫລາຍ ໃບຮີຍາວ ປາຍໃບແຫຼມ ດອກຂະໜາດນ້ອຍສີຂາວ ມີຮອຍກະສີມ່ວງແດງ
ລັກສະນະເປັນຫຼອດ ຝັກຄ້າຍຝັກຕ້ອຍຕິ່ງ ເມັດສີນ້ຳຕານອ່ອນ ໃບມີສານປະກອບແລກໂຕນ
ຊຶ່ງມີລິດເປັນຢາແກ້ໄຂ້ ພະຍາດທາງເດີນຫາຍໃຈ ແກ້ເຈັບຄໍ ແຕ່ບາງຄົນອາດເກີດອາການແພ້ໄດ້
ລັກສະນະທາງພຶດສາດ
ຟ້າທະລາຍໂຈນເປັນພືດລົ້ມລຸກມີຄວາມສູງປະມານ
30 - 70 ເຊັນຕິແມັດ ຫລືປະມານ 1-2 ສອກ[4] ລຳຕົ້ນເປັນຫຼ່ຽມສີ່ມຸມ<ປ້ານ> ໃບເປັນໃບດ່ຽວຮູບຮ່າງຮຽວຍາວສີຂຽວເຂ້ັມເປັນມັນ
ປາຍແຫຼມ ກວ້າງປະມານ 1 ເຊັນຕິແມັດ ດອກຊໍ່ອອກທີ່ປາຍກິ່ງແລະຊອກໃບ
ມີດອົກຍ່ອຍຂະໜາດນ້ອຍສີຂາວ ດ້ານໃນສີມ່ວງ ໂຄນກີບຕິດກັນ ກີບດອກດ້ານເທິງມີ
3 ຫຍັກດ້ານລຸມມີ 2 ຫຍັກ ໝາກເປັນຝັກເມື່ອຜົນແກ່ຈະມີສີນ້ຳຕານ ພາຍໃນມີເມັດສີນ້ຳຕານອ່ອນຈຳນວນຫລາຍ
ການໃຊ້ປະໂຫຍດ
ຟ້າທະລາຍໂຈນມີສັບພະຄຸນຫຼາຍປະການ
ເຊັ່ນ ແກ້ໄຂ້ທົ່ວໆ ໄປ ເຊັ່ນ ໄຂ້ຫວັດ ໄຂ້ຫວັດໃຫຍ່ ລະງັບອາການອັກເສບ ໄອ ເຈັບຄໍ
ຄໍອັກເສບ ຕ່ອມອາມິດານ ຫລອດລົມອັກເສບ ຂັບເສມຫະ ປິ່ນປົວພະຍາດຜິວໜັງ ຝີ ແກ້ຕິດເຊື້ອ
ທີ່ເຮັດໃຫ້ປວດທ້ອງ ທ້ອງເສຍ ບິດ ແລະແກ້ກະເພາະລຳໄສ້ອັກເສບ ເປັນຢາຂົມຈະເລີນອາຫານ
ມີລິດລະງັບການຕິດເຊື້ອ ຫລື ລະງັບການຈະເລີນເຕີບໂຕຂອງເຊື້ອພະຍາດໄດ້ ຊຶ່ງຄວນໃຊ້ໃຫ້ຖືກຕ້ອງດ້ວຍຈະໄດ້ຜົນດີີຫລາຍ
ສານສະກັດດ້ວຍນ້ຳຂອງຟ້າທະລາຍໂຈນທີ່ຄວາມເຂ້ມຂົ້ນ 31.25 ໄມໂຄຣກຣັມຕໍ່ມິນລິລີດ ຢັບຢັ້ງການຈະເລີນຂອງ Streptococcus agalactiae ໃນອາຫານລ້ຽງເຊື້ອໄດ້ ປານິນ ທີ່ລ້ຽງດ້ວຍອາຫານທີ່ປະສົມກັບສານສະກັດຟ້າທະລາຍໂຈນ 4:36 (w/w) ແລະ 5:35 (w/w) ຕາຍເນື່ອງຈາກການຕິດເຊື້ອ S. agalactiae ນ້ອຍລົງ[5]
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ