ຕົ້ນກາງຂອງ / Millingtonia hortensis L.f.

ກາງຂອງ / Cork tree

ການນຳໃຊ້	ພືດເປັນຢາ ພືດປະດັບ ສີ່ງປູກສ້າງ
ຊື່ວິທະຍາສາດ / ຕະກຸນ	Millingtonia hortensis L.f. / Bignoniaceae
ຊື່ພ້ອງ	Bignonia azedarachta König & Sims Bignonia cicutaria K.D.Koenig ex Mart. Bignonia hortensis (L.f.) Oken Bignonia suberosa Roxb. Millingtonia dubiosa Span. Nevrilis suberosa Raf
ຊື່ອື່ນ	ພາ​ສາ​ລາວ: ຕົ້​ນ​ກາງ​ຂອງ ​ພາ​ສາ​ໄທ: ປີບ, ກາສະຣອງ ​ພາ​ສາ​ອັງ​ກິດ: Cork tree, Indian cork

ລັກສະນະພືດສາດ

ຕົ້ນກາງຂອງເປັນໄມ້ຢືນຕົ້ນຂະໜາດນ້ອຍ, ລໍາຕົ້ນຕັ້ງຊື່, ມີຄວາມສູງ 5-10 ມ, ເປືອກຕົ້ນເປັນສີເທົາເຂັ້ມເປັນຮ່ອງເລິກ, ຂະຫຍາຍພັນດ້ວຍການກ້າແກ່ນ. ໃບມີລັກສະນະເປັນໃບປະສົມແບບຂົນນົກ 3 ຊັ້ນ, ໃບກວ້າງ 13-20 ຊມ ແລະ ຍາວ 16-26 ຊມ, ມີໃບຍ່ອຍ 4-6 ຄູ່ ມີລັກສະນະເປັນຮູບຫອກແກມຮູບໄຂ່, ປາຍໃບແຫຼມ. ລັກສະນະຂອງດອກເປັນຊໍ່ກະຈຸກແບບແຍກຂະແໜງ, ມີຄວາມຍາວ 10-25 ຊມ, ດອກຍ່ອຍປະກອບໄປດ້ວຍກາບລ້ຽງສີຂຽວ, ດອກມີກິ່ນຫອມ, ກົກດອກເຊື່ອມຕິດກັນເປັນຫຼອດປາກຮູບລຳໂພງ, ແຍກອອກເປັນ 5 ແຊກ, 3 ແຊກຮູບຂອບຂະໜານ. ໝາກມີລັກສະນະເປັນໝາກແຫ້ງແຕກ, ແປຍາວ, ເປັນຮູບຂອບຂະໜານ, ມີເນື້ອ ແລະ ມີແກ່ນຈໍານວນຫຼາຍ.

ການນຳໃຊ້

ປະໂຫຍດ

   ກາງຂອງເປັນໄມ້ຟຸ່ມມີໃບ ແລະ ດອກງາມ ແຖມຍັງມີກິ່ນຫອມອີກ, ຈຶ່ງສາມາດນໍາໄປປູກປະດັບສວນເພື່ອຄວາມສວຍງາມ ແລະ ເພື່ອຄວາມເປັນສິລິມຸງຄຸນ.

   ເນື້ອໄມ້ມີສີຂາວອ່ອນສາມາດເລື້ອຍ ຫຼື ວົງກົບເພື່ອຕົກແຕ່ງໃຫ້ຂຶ້ນເງົາໄດ້ງ່າຍ, ຈຶ່ງເໝາະແກ່ການນໍາໃຊ້ເຮັດເຄື່ອງເຮືອນ, ເຄື່ອງຕົກແຕ່ງພາຍໃນເຮືອນ.

ສັບພະຄຸນ:

•    ດອກມີສັບພະຄຸນເປັນຍາບໍາລຸງກໍາລັງ.
•    ດອກຊ່ວຍບໍາລຸງເລືອດ.
•    ຮາກຊ່ວຍບໍາລຸງປອດ.
•    ຮາກຊ່ວຍຮັກສາພະຍາດວັນນະໂລກ.
•    ດອກໃຊ້ເປັນຢາແກ້ລົມ.
•    ດອກໃຊ້ເປັນຢາແກ້ຫອບຫືດ.

ວິທີ ແລະ ປະລິມານທີ່ໃຊ້ເຮັດຢາ:

   1) ເປັນຢາຮັກສາພະຍາດຫອບຫືດ ໂດຍໃຊ້ດອກແຫ້ງປະມານ 10-15 ດອກມາສອຍໃຫ້ມຸນແລ້ວມວນເປັນຢາສູບ, ສູບມື້ລະ 2-3 ຄັ້ງ ເປັນປະຈໍາຈົນກວ່າຈະດີ.

 

ເອກະສານອ້າງອີງ / ການອ້າງອີງ

1. Medthai. 2017. ປີບ ສັບພະຄຸນ ແລະ ປະໂຫຍດຂອງຕົ້ນປີບ 19 ຂໍ້ (ກາສະຣອງ).
2. ໂຊຕິອະນັນ ແລະ ຄະນະ. 2007. ຮັກສາພະຍາດດ້ວຍສະໝຸນໄພໃກ້ໂຕ. The knowledge Center. Thailand. Pages 199-201. ISBN 978-974-8371-95-5.
3. Devang Khamar, Raviraj Devkar, Reshma K.K, C S Shreedhara, M Manjunath Setty, Smitha Hegde. 2013. ENHANCED HISPIDULIN PRODUCTION IN VITRO FROM CALLUS CULTURE OF MILLINGTONIA HORTENSIS L.F. International Journal of Pharmacy and Biological Sciences. Volume 3. E-ISSN 2230-7605.
4. Chalermporn Thongpoon and Pisit Poolprasert. 2015. Phytochemical Screening and Larvicidal Activity of Millingtonia hortensis L.f. Flower Extract Against Aedes aegypti Linn. Kasetsart J. Pages 597-605.

 

 

 

 

.