ລັກສະນະທົ່ວໄປຂອງຫອມເປ
ຜັກຫອມເປເປັນພືດລົ້ມລຸກມີລວງສູງປະມານ 35 ຊັງຕີແມັດ ມີລຳຕົ້ນຝັງຢູ່ດິນ, ໃບສີຂຽວເຂັ້ມ ຮຽວຍາວປາຍໃບຈະເປັນວັກຄ້າຍກັບໃບເລື່ອຍ ແຕ່ລະວັກຈະມີຫນາມເວລາເກັບຈຶ່ງເຮັດໃຫ້ບາດມືເຮົາໄດ້ງ່າຍ ຫອມເປຈະມີອາຍຸຍືນກວ່າພືດຜັກສະນິດອື່ນໆ ແລະ ເກິດງ່າຍປູກງ່າຍຮັກສາງ່າຍ
ຫ້ອມເປເປັນພືດທີ່ຕ້ອງການນ້ຳຫນ້ອຍ ແສງຫລາຍແລະທາດອາຫານໃນປະລິມານພຽງພໍ ແຕ່ກໍ່ຂາດບໍ່ໄດ້ເຊັ່ນກັນ ວິທີສັງເກດເບິ່ງວ່າຫອມເປຂາດທາດອາຫານໃຫ້ສັງເກດທີ່ ສີຂອງໃນ ແລະ ລັກສະນະຂອງໃນ ຖ້າໃບເຂັ້ມກ່ວາປົກະຕິ ຫລື ເປັນສີເຫລືອງອ່ອນສະແດງວ່າຂາດທີ່ P ແລະ ທາດເຫຼັກ ນອກນັ້ນຍັງແມ່ນນ້ຳທີ່ໃຫ້ບໍ່ພຽງພໍ ຫລື ໃຫ້ນ້ຳບໍ່ປົກະຕິ ສຳລັບວິທີການປູກ ແລະ ບົວລະບັດຮັກສາຫອມເປຕາມການສຶກສາມາ ແມ່ນປະຕິບັດດັ່ງຕໍ່ໄປນີ້:
ຕາມຫລັກວິຊາການ ແລະ ເຕັກນີກທີ່ໃຊ້ມາ ການຂະຫຍາຍພັນຫອມເປມີຢູ່ 3 ວີທີຄື:
1. ການກ້າເມັດ(ວ່ານເມັດ)
2. ການແຍກກໍ່
3. ການປັກຊຳ
1.1 ການວ່ານເມັດ:
ນຳແກ່ນພັນທີ່ກຽມໄວ້, ຫລືຊື້ມາຈາກຮ້ານຄ້າ ຫລືທີ່ໃດກໍ່ຕາມທີ່ທ່ານຫາມາໃດໃນມູນຫນຶ່ງຂອງໂລກຫນ່ວຍນີ້ ກ່ອນອື່ນແມ່ນໃຫ້ທ່ານ ນຳແກ່ນພັນມາຄັດເອົາເມັດທີ່ບໍ່ສົມບູນອອກ ຫລັງຈາກນັ້ນໃຫ້ທຳການແຊ່ນ້ຳໄວ້ຫນຶ່ງຄືນ ນຳມາຫໍ່ໄວ້ຫນຶ່ງຄືນ ຖ້າທ່ານໃດໃຈຮ້ອນກໍ່ສາມາດນຳໄປວ່ານໃສ່ຫນານໄດ້ເລີຍແຕ່ໃນທີ່ນີ້ຂໍອະທິບາຍຕາມຫລັກວິຊາການ, ຫລັງຈາກທີ່ເຮົານຳໄປຫໍ່ໄວ້ໃນຜ້າເພື່ອໃຫ້ເມັດມີການກະຕຸ້ນແຕກຫນໍ່ ມາເຖິງຂັນຕອນວ່ານ ເຊິ່ງມີຂັ້ນຕອນດັ່ງນິ້
- ກຽມຫນານວ່ານ: ຫນານວ່ານຕ້ອງໃຫ້ສຳເລັດກ່ອນທີ່ຈະແຊ່ເມັດພັນ ໂດຍການ ກຳຈັດວັດສະພືດເຂດທີ່ຈະວ່ານ. ຂຸດດິນໃຫ້ເປັນຫນານ ຖ້າຢາກໃຫ້ດິນດີແມ່ນຄວນປະສົມຈຳພວກຝຸນຊີວະພາບໃນຕອນສັບບົດດິນໃຫ້ລະອຽດ
- ວິທີການວ່ານ: ໃຫ້ວ່ານທົ່ວບໍລິເວນຫນານທີ່ກຽມໄວ້ນັ້ນຈົນທົ່ວ ເຊິ່ງໃນການວ່ານມີ 2 ວິທີ 1 ແມ່ນການວ່ານເພື່ອນຳໃຊ້ເລີຍ ແລະການວ່ານເພື່ອເອົາຕົ້ນກ້າ
- ການໃຫ້ນ້ຳ: ຫລັງການວ່ານໃຊ້ບົວຫົດພໍໃຫ້ດິນປຽກຊຸ່ມແຕ່ບໍ່ແມ່ນປຽກຂັງຫົດເຊົາແລງຈົນກວ່າຈະອອກ ປະມານ 3-7 ວັນຈະເຫັນເບ້ນນ້ອຍເກີດຂື້ນ ຫັລງຈາກນັ້ນຈຶ່ງຫລຸດການໃຫ້ນ້ຳມາເປັນຊ່ວງຕອນເຊົ້າກ່ອນແດດອອກແມນ
1.2 ການແຍກກໍ
ເປັນການປູກໂດຍທີ່ມີແນວພັນຢູ່ແລ້ວ ເຊິ່ງເຮົາຈະສັງເກດເຫັນວ່າໃນຫນານຫອມເປຂອງເຮົານັ້ນເມື່ອປູກໄດ້ອາຍຸແຕ່30ວັນ ຂື້ນໄປແມ່ນຈະມີຕົ້ນອ່ອນ ທີ່ເກຫີດຈາກຮາກເກີດຂື້ນມາຕາມຫນານເຕັມໄປຫມົດ ດັ່ງນັ້ນວິທີນີ້ເປັນວິທີ່ທີ່ເຮົາຈະແຍກເອົາສ່ວນທີ່ມັນເກີດໃຫມ່ນັ້ນມາປູກເປັນແນວພັນຕໍ່ໄປ
1.3 ການປັກຊຳ:
ໃນທີ່ນີ້ ການປັກຊຳຫມາຍເຖິງການນຳເອົາຕົ້ນແກ່ທີ່ໄດ້ມາຈາກຕະຫລາດຫລືສວນຄົວຂອງເຮົາກໍ່ຕາມ ເວລານຳໄປປຸງແຕ່ງອາຫານບາງຄັ້ງສ່ວນທີ່ເຫລືອຈະເປັນຈຸດລຳຕົ້ນທີ່ຕິດຮາກ ເພາະສ່ວນໃຫຍ່ແລ້ວ ຄົນເຮົາຈະໃຊ້ໃບເພື່ອປຸງແຕ່ງອາຫານຫລາຍກ່ອນດັ່ງນັ້ນ ສ່ວນທີ່ເຫລືອເປັນລຳຕົ້ນຕິດຮາກແມ່ນສາມາດນ້ຳໄປປູກແບບດຽວກັບການແຍກກໍໄດ້ເລີຍ
2. ການປູກ:
ປົກະຕິແລ້ວເຮົາຈະປູກຫອມເປໄດ້ຫລາຍວິທີ ແຕ່ວິທີທີ່ດີທີ່ສຸດຈະມາແນະນຳແມ່ນ ປູກໃນໄລຍະຫ່າງ 20x20ຊມ (ກໍ່ລະນີເປັນຫອມເປເທບຫລືໃຫຍ່) ຂະຫນາດແຖວ 10-15x10-15 ຊມ ແມ່ນຫອມເປທົວໄປ ການປູກກໍ່ຄືກັບປູກພືດທົວໆໄປຄືກຳຈັດວັດສະພືດ ຂຸດດິນ ແປງຫນານວ່ານຝຸ່ນ ຫົດນ້ຳແລ້ວກໍ່ເອົາເບ້ຍລົງປູກ
3. ການໃຫ້ນ້ຳ
ຫລັງປູກ 1 ອາທິດທຳອິດ ໃຫ້ຫົດນ້ຳເຊົາແລງ ເຊົ້າຕ້ອງກ່ອນຕາເວັນຂື້ນ ແລງຕ້ອງແດດອ່ອນກ່ອນ ຫລັງຈາກ 1 ອາທິດ ຕໍ່ມາໃຫ້ຫົດສະເພາະຕອນເຊົ້າ ກ່ອນແດດຂື້ນເປັນປະຈຳທຸກວັນຈົນເກັບກ່ຽວ
4. ການໃຫ້ຝຸ່ນ
ໂດຍທົ່ວໄປຫອມເປຈັກມັນຝຸ່ນຄອນຫລາຍກວ່າ ຝຸ່ນວິທະຍາສາດ ແຕ່ກໍ່ໃຊ້ໄດ້ ພາຍຫລັງປູກໄດ່ 3 ວັນຄວນໃຫ້ຝຸ່ນຄອກຈຳນວນຫນ້ອຍ ແລະອີກ 3ວັນຕໍ່ມາໃຫ້ຕຶ່ມອີກ ຫລັງຈາກນັ້ນໃຫ້ທຸກໆອາທິດ ຈະເປັນຝຸຄອນຫລື ເຄມີກໍ່ໄດ້ ແຕ່ດີທີ່ສຸດ ເພື່ອສຸກຂະພາບທີ່ດີ ແມ່ນຄວນໃຫ້ ຝຸ່ນຄອນປະສົມກັບເຄມີຈຶ່ງຈະເຫັນຜົນດີທີ່ສຸດ
5. ສັດຕູພືດ
ສ່ວນໃຫຍ່ຫອມເປຈະເປັນພືດທີ່ມີກິນແຮງເຮັດໃຫ້ແມ່ນໄມ້ຫລາຍສະນິດບໍ່ມາໄກ້ ແຕ່ກໍ່ມີຈຳພວກມົກ, ບົ້ງແມງກະເບື້ອແລະ ເພ້ຍຈັກຈັ້ນທີ່ມັກລົບກວນ ແຕ່ຈຳພວກນີ້ມີວີທີ່ແກ້ງ່າຍໆ ດັ່ງນີ້: ໂດຍການນຳໃຊ້ນຳສະຫມູນໄພທຳມະຊາດ ເຊັນ: ນ້ຳຖ່ານ ແລະ ສານກະກັດຈາກເຄືອເຂົາຮໍປະສົມຫມາກເຜັດກໍ່ສ້າມາດປາບໄດ້ແລ້ວ ສຳລັບນ້ຳຖ່ານມີຂໍ້ດີກໍ່ຄືເປັນທັງຢາປາບພະຍາດແມງໄມ້ຕ່າງໆໃນພືດຜັກແລ້ວ ຍັງຊ່ວຍບຳລຸງ
ຂໍ້ມູນລະອຽດສອບຖາມທີ່
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ