ດຳລັດເລກທີ 84 ວ່າດ້ວຍການທົດແທນຄ່າເສຍຫາຍ ແລະ ການຈັດສັນຍົກຍ້າຍປະຊາຊົນ ຈາກໂຄງການພັດທະນາ ກົດຫມາຍທົດແທນຄ່າສາຍຫາຍ ດຳລັດວ່າດ້ສຍການທົດແທນຄ່າເສຍຫາຍ
ທ່ານສາມາດດາວໂຫລດ ເປັນຟາຍ PDF ໄດ້ ພຽງແຕ່ຄິກໃສ່ປຸ້ມດ້ານລຸ່ມນີ້ຄ່ອຍໆ
Agriculture, education, ການກະເສດ ກະສິກຳ ປູກຝັງ ລ້ຽງສັດ ແລະ ປ່າໄມ້ ຂະຫຍາຍແລະປັບປຸງພັນພືດ
Tuesday, May 25, 2021
Friday, May 07, 2021
ຜັກແພວ Vietnamese coriander
ຜັກແພວ
ຜັກແພວ
ຊື່ສາມັນ Vietnamese coriander
ລັກສະນະຂອງຜັກແພວ
- ຕົ້ນຜັກແພວ ຈັດເປັນພືດລົ້ມລຸກ ມີລຳຕົ້ນສູງປະມານ 30-35 ຊັນຕິແມັດ ລຳຕົ້ນຕັ້ງກົ່ງ ມີຂໍ້ເປັນຊ່ວງໆ ຕາມຂໍ້ມັກມີຮາກງອກອອກມາ ຫລືລຳຕົ້ນ ເປັນແບບທອດເລື້ອຍໄປຕາມພື້ນດິນ ແລະ ມີຮາກງອກອອກມາຕາມສ່ວນທີ່ສຳຜັດກັບພື້ນດິນ ເປັນພືດທີ່ຈະເລີນເຕີບໂຕໄດ້ດີໃນທີ່ຊື້ນແສະ ເຊັ່ນ ໃນບໍລິເວນຫ້ວຍ ໜອງ ຄອງ ບຶງ ຫລືຕາມແອ່ງນ້ຳຕ່າງໆ ຂະຫຍາຍພັນດ້ວຍວິທີການເພາະເມັດ ແລະ ການໃຊ້ລຳຕົ້ນປັກຊຳ (ເມັດງອກຍາກ ນິຍົມໃຊ້ກິ່ງປັກຊຳຫລາຍກວ່າ) ພັນໄມ້ຊະນິດນີ້ເປັນພືດລົ້ມລຸກ ພົບໄດ້ທົ່ວທຸກພາກຂອງປະເທດ ເພາະເກີດໄດ້ເອງຕາມທຳມະຊາດ
- ໃບຜັກແພວ ມີໃບເປັນໃບດ່ຽວ ອອກສະຫລັບກັນ ລັກສະນະຂອງໃບເປັນຮູບຫອກ ຫລືຮູ ບຫອກແກມຮູບໄຂ່ ໃບມີຂະໜາດກ້ວາງປະມານ 2.5-3 ຊັງຕິແມັດ ແລະຍາວປະມານ 5.5-8 ຊັງຕິແມັດ ປາຍໃບຮຽວແຫຼມ ຄ້າຍໃບໄຜ່ແຕ່ບາງກວ່າ ຂອບໃບລຽບ ຖານໃບເປັນຣູບລິ່ມ ກ້ານໃບສັ້ນມີຫູ ໃບລັກສະນະຄ້າຍປອກຫຸ້ມອ້ອມລຳຕົ້ນຢູ່ບໍລິເວນເໜືອຂໍ້ຂອງລຳຕົ້ນ
- ດອກຜັກແພວ ອອກດອກເປັນຊໍ່ ຊໍ່ດອກມີດອກຍ່ອຍຂະໜາດນ້ອຍສີຂາວນວນຫລືຊົມພູມ່ວງ
ສັບພະຄຸນຂອງຜັກແພວ
- ຜັກແພວອຸດົມໄປດ້ວຍສານຕໍ່ຕ້ານອະນຸມູນອິດສະຫລະ ຫຼາຍຊະນິດທີ່ຊ່ວຍເສີມສ້າງພູມິຕ້ານທານພະຍາດໃຫ້ກັບຮ່າງກາຍ ແລະຊ່ວຍໃນການຊະລໍໄວ (ໃບ)
- ຊ່ວຍປ້ອງກັນແລະຕໍ່ຕ້ານມະເຣັງ (ໃບ)
- ຊ່ວຍປ້ອງກັນພະຍາດຫັວໃຈ (ໃບ)
- ໃບໃຊ້ຮັບປະທານຊ່ວຍເຮັດໃຫ້ຈະເລີນອາຫານ (ໃບ)
- ຊ່ວຍບຳຣຸງປະສາດ (ຮາກ)
- ລົດເຜັດຂອງຜັກແພວຊ່ວຍເຮັດໃຫ້ເລືອດລົມໃນຮ່າງກາຍຍ່າງສະດວກຫລາຍຂຶ້ນ (ໃບ)
- ຊ່ວຍປິ່ນປົວພະຍາດຫວັດ (ໃບ)
- ຊ່ວຍຂັບເຫື່ອ (ດອກ)
- ຊ່ວຍປິ່ນປົວພະຍາດປອດ (ດອກ)
- ຊ່ວຍຮັກສາຫອບຫືດ (ຮາກ)
- ຊ່ວຍແກ້ອາການໄອ (ຮາກ)
- ຊ່ວຍໃນການຂັບຖ່າຍ ປ້ອງກັນ ແລະ ແກ້ອາການທ້ອງຜູກ ແລະຊ່ວຍປ້ອງກັນມະເຣັງລຳໄສ້ໃຫຍ່ ເພາະເປັນຜັກທີ່ມີໄຟເບີ່ສູງເຖິງ 9.7 ກຣາມ ຊຶ່ງຈັດຢູ່ໃນຜັກທີ່ມີເສັ້ນໃຍອາຫານຫລາຍທີ່ສຸດ 10 ອັນດັບຂອງຜັກພື້ນບ້ານ (ໃບ)
- ຜັກແພວມີຣົດເຜັດຮ້ອນ ຈຶ່ງຊ່ວຍແກ້ລົມ ຂັບລົມໃນກະເພາະອາຫານ ແກ້ທ້ອງອືດ ທ້ອງເຟີ້ (ໃບ) ຢອດຜັກແພວໃຊ້ເປັນຢາຂັບລົມຂຶ້ນເບື້ອງເທິງ ຊ່ວຍໃຫ້ລະບາຍລົມອອກມາເວລາທ້ອງຂຶ້ນ ທ້ອງເຟີ້ (ໃບ, ດອກ, ຕົ້ນຮາກ)
- ຮາກຜັກແພວຊ່ວຍປິ່ນປົວພະຍາດກະເພາະອາຫານ (ຮາກ) ແກ້ກະເພາະອາຫານພິການ ຫລືກະເພາະອັກເສບ (ໃບ, ດອກ, ຕົ້ນຮາກ)
- ຊ່ວຍແກ້ທ້ອງເສຍ ອຸດຈາລະພິການ (ໃບ, ດອກ, ຕົ້ນຮາກ)
- ຊ່ວຍແກ້ອາການເຈັບທ້ອງ (ໃບ, ດອກ, ຕົ້ນຮາກ)
- ຊ່ວຍແກ້ອາການທ້ອງລົງພຸງມານ (ໃບ, ດອກ, ຕົ້ນຮາກ)
- ລຳຕົ້ນຜັກແພວໃຊ້ເປັນຢາຂັບຍ່ຽວ (ຕົ້ນ)
- ຮາກ ຕົ້ນ ໃບ ແລະດອກ ນຳມາປຸງເປັນຢາໄດ້ ໃຊ້ຮັກສາຣິດສີດວງທະວານ (ໃບ, ດອກ, ຕົ້ນ, ຮາກ)
- ຊ່ວຍປິ່ນປົວພະຍາດຕັບແຂງ (ໃບ)
- ຊ່ວຍລຸດອາການອັກເສບ (ໃບ)
- ໃບຜັກແພວໃຊ້ແກ້ຕຸ່ມຄັນ ຜົດຜື່ນຄັນຈາກເຊື້ອຣາ ເປັນກາກເກື້ອນ ດ້ວຍການໃຊ້ໃບ ຫລືທັງຕົ້ນນຳມາຄັ້ນ ຫລືຕຳປະສົມກັບເຫຼົ້າຂາວ ແລ້ວໃຊ້ເປັນຢາທາ (ໃບ, ທັງຕົ້ນ)
- ຊ່ວຍແກ້ອາການປວດເມື່ອຍຕາມຮ່າງກາຍ (ຮາກ)
- ຊ່ວຍຮັກສາອາການປວດຂໍ້ ປວດກະດູກ (ຮາກ)
- ຊ່ວຍແກ້ເສັ້ນປະສາດພິການ ແກ້ປວດຊາຕາມປາຍນິ້ວມື ປາຍຕີນ ແລະອາການມືສັ່ນ (ໃບ, ດອກ, ຕົ້ນຮາກ)
- ໃຊ້ປຸງເປັນຢາບຳຣຸງເລືອດລົມຂອງສະຕີ (ໃບ, ດອກ, ຕົ້ນຮາກ)
ຂໍ້ຄວນຮູ້
! : ຜັກແພວຫຼັກ ໆ ແລ້ວຈະມີຢູ່ສອງຊະນິດທີ່ຕ່າງກັນແຕ່ສີຕົ້ນ ຄື ຜັກແພວແດງ
ແລະ ຜັກແພວຂາວ ເປັນສະມຸນໄພຄູ່ແຝດທີ່ນຳມາປະກອບໃຊ້ຄູ່ກັນເປັນຢາສະມຸນໄພຈະມີລິດຢາແຮງຂຶ້ນ
ແລະມີປະສິດທິພາບໃນການຮັກສາຫລາຍຂຶ້ນດ້ວຍ
ຄຸນຄ່າທາງໂພດນາການຂອງຜັກແພວ ຕໍ່ 100 ກຣາມ
- ພະລັງງານ 54 ກິໂລແຄລໍຣີ
- ຄາຣ໌ໂບໄຮເດຣົດ 7.7 ກຣາມ
- ເສັ້ນໃຢອາຫານ 1.9 ກຣາມດອກຜັກແພວ
- ໄຂມັນ 0.5 ກຣາມ
- ໂປຣຕີນ 4.7 ກຣາມ
- ນ້ຳ 83.4%
- ວິຕາມິນເອ 8,112 ຫນ່ວຍສາກົນ
- ວິຕາມິນບີ 1 0.05 ມິນລິກຣັມ
- ວິຕາມິນບີ 2 0.59 ມິນລິກຣັມ
- ວິຕາມິນບີ 3 1.7 ມິນລິກຣັມ
- ວິຕາມິນຊີ 77 ມິນລິກຣັມ
- ທາດແຄລຊຽມ 79 ມິນລິກຣັມ
- ທາດເຫຼັກ 2.9 ມິນລິກຣັມ
- ທາດຟອດຟໍຣັດ 272 ມິນລິກຣັມ
ຂໍ້ມູນຈາກ : ກອງໂພດນາການ ກຣົມອະນາໄມ (ຕາຕະລາງສະແດງຄຸນຄ່າທາງໂພດນາການຂອງອາຫານໄທ)
Sunday, May 02, 2021
ໝາກໄຟ Baccaurea ramiflora ສັບພະຄຸນທາງຢາ
|
ການຈຳແນກຊັ້ນທາງວິທະຍາສາດ |
|
|
ອານາຈັກ |
Plantae |
|
ໝວດ: |
Magnoliophyta |
|
ຊັ້ນ |
Magnoliopsida |
|
ອັນດັບ |
Malpighiales |
|
ວົງ |
Phyllanthaceae |
|
ສະກຸນ |
Baccaurea |
|
ສະປີຊີສ໌ |
B. ramiflora |
|
ຊື່ວິທະຍາສາດ |
Baccaurea
ramiflora |
ລັກສະນະພືດສາດຂອງຫມາກໄຟ
ເປັນໄມ້ຢືນຕົ້ນ ຂະໜາດກາງ, ລຳຕົ້ນສູງ 13-17 ມ, ຕາມຍອດ ແລະ ປາຍກີ່ງອ່ອນມີຂົນ. ໃບດ່ຽວຈັບແບບສະບັບກັນ, ຮູບຮີແກມຮູບໃບຫອກ ຫຼື ຮູບໃບຫອກັບ, ບາງຄັ້ງຮູບໄຂ່, ໂຄນໃບແຫຼມ, ຂອບໃບລຽບ ຫຼື ແຂ້ວເລື້ອຍຕື່ນໆບໍ່ສະເໝີ, ປາຍໃບຮຽວແຫຼມ, ກວ້າງ 4,5-8 ຊມ, ຍາວ 10,5-22 ຊມ, ເສັ້ນຂະແໜງໃບມີ 5-8 ຄູ່, ດ້ານລ່າງນູນ, ຜີວໃບກ້ຽງທັງສອງດ້ານ, ເນື້ອໃບຄ້ອນຂ້າງບາງ, ກ້ານໃບຍາວ 1,5-6 ຊມ. ດອກ ອອກເປັນຊໍ່ຍາວໆ, ຕາມງ່າມໃບ ແລະ ຕາມກີ່ງງ່າໃບ, ສີເຫຼືອງ, ດອກເພດຜູ້ ແລະ ດອກເພດແມ່ສ່ວນຫຼາຍຢູ່ຕ່າງຕົ້ນກັນ, ສ່ວນນ້ອຍທີ່ຢູ່ຕົ້ນດຽວກັນ, ຊໍ່ດອກມີຂົນ, ດອກເພດຜູ້ ອອກເປັນຊໍ່ຍາວ 5-7,5 ຊມ, ໃບປະດັບຮູບໃບຫອກ, ກວ້າງ 2-3 ມມ, ກິບຮອງກິບດອກມີ 4-5 ກິບ, ຂະໜາດບໍ່ເທົ່າກັນ ເກສອນຜູ້ມີ 4-8 ອັນ, ດອກເພດແມ່ ອອກເປັນຊໍ່ຍາວ, ມີໃບປະດັບຢູ່ທີ່ໂຄນກ້ານດອກ, ກິບຮອບກີບດອກຮູບຂອບຂະໜານແຄບໆ, ຍາວປະມານ 1,2 ຊມ. ຮັ່ງໄຂ່ມີຂົນ ບໍ່ມີທໍ່ຮັງໄຂ່, ປາຍເກສອນແຍກເປັນ 2-3 ອັນ, ພາຍໃນມີ 3 ຊ່ອງ. ໝາກຄ້ອນຂ້າງກົມ ຫຼື ຮູບຮີ ເສັ້ນຜ່າສູນກາງປະມານ 25 ມມ, ຜີວສີເຫຼືອງ, ກ້ຽງ ມີ 1-3 ເມັດ, ເນື້ອຫຸ້ມເມັດສີຂາວນຸ່ມ ມີລົດຊາດຫວານສົ້ມ.
ການນຳໃຊ້ຫມາກໄຟ
ໝາກໄຟເປັນໝາກໄມ້ທຳມະຊາດທີ່ສາມາດກິນໄດ້ ແລະ ມີຫຼາຍເຂດທີ່ສາມາດພົບໄດ້ໃນ ພາກເໜືອຂອງລາວ ໃນເຂດປ່າປະສົມປ່ຽນໃບ ຫຼື ປ່າດົງດິບແຫ້ງ, ບາງເຂດພົບຕາມປ່າແຄມຫ້ວຍທີ່ມີຄວາມຊຸ່ມເຢັນ, ໝາກໄຟນີ້ ສາມາດພົບ ໄດ້ຕາມຕະຫຼາດ ທົ່ວໄປໃນຊ່ວງປະມານເດືອນພືດສະພາ ເຖີງເດືອນຕຸລາ, ໂດຍສະເພາະແມ່ນ ຊ່ວງ ບຸນເຂົ້າສະຫຼາກ ແລະ ບຸນເຂົ້າປະດັບດິນຈະມັກພົບຫຼາຍຕາມຕະຫຼາດຫຼວງພະບາງ. ລາຄາປະມານ 3000-10000ກິບ/ກິໂລ, ແຕ່ກໍ່ອີງຕາມລະດູການຖ້າລະດູໃດມີຫຼາຍຈະລາຄາຂ້ອນຂ້າງຖືກ. ໝາກໄຟເມື່ອສຸກແລ້ວຈະມີ ລົດຊາດຫວານ ແລະ ມີສານອາຫານຫຼາຍຊະນິດ ລວມໄປເຖີງວີຕາມີຊີ, ນ້ຳຕານ ແລະ ອື່ນໆ ທີ່ເປັນປະໂຫຍດ ຕໍ່ຮ່າງກາຍ ນີຍົມກີນເປັນໝາກໄມ້ສົດ ຫຼື ນຳໄປເຮັດນ້ຳໝາກໄມ້ ນອກຈາກໝາກຂອງມັນ ແລ້ວສ່ວນ ອື່ນໆ ກໍ່ມີປະໂຫຍດເຊັ່ນກັນເຊັ່ນ: ໃບ ແລະ ຮາກ ຕ່າງກໍ່ມີປະໂຫຍດໂດຍມີສັບພະຄູນໃນກາຮັກສ າພະຍາດຕ່າງໆເຊັ່ນ: ແກ້ໄອ, ແກ້ຫວັດ, ແກ້ໄຂ້ ມາເລເຣີຍ, ເມື່ອຕົ້ມຮາກຈະຊ່ວຍໃນການຂັບນ້ຳປັດສະວະ. ໜາກໄຟມີວິຕາມີນຊີຊ່ວຍ ໃນການສ້າງຄໍລາເຈນເຮັດໃຫ້ຜີວລຽບນຽນສົດໃສ, ຊ່ວຍໃເຮັດໃຫ້ຜີວຊຸ່ມຊື່ນ, ຊ່ວຍແກ້ຫາຍໃຈຝືດ ຫຼື ແກ້ອາການ ທ້ອງ ອືດທ້ອງເຟີ, ໝາກອ່ອນຈະມີລົດຊາດສົ້ມມັກແກ້ງສົ້ມປາ. ນອກນັ້ນໝາກໄຟສຸກຍັງສາມາດເຮັດນ້ຳເຊື່ອມໄດ້.
ວິທີເຮັດນ້ຳໝາກໄຟ:
ກ. ກະກຽມວັດຖຸດິບດັ່ງນີ້ ໝາກໄຟ 500 ກຣາມ, ນ້ຳເຊື່ອມ ½, ເກືອປ່ນ ½ ບ່ວງແກ້ງ, ນ້ຳສະອາດ 3 ຖ້ວຍຂ. ນຳໝາກໄຟມາລ້າງນ້ຳໃຫ້ສະອາດ ແລ້ວນຳໄປປອກເປືອກ ແລ້ວນຳເນື້ອທີ່ໄດ້ ໃສ່ນ້ຳຕົ້ມໃຫ້ຟົດປະມານ 10 ນາທີ
ຄ. ຖ້າຈົນເນື້ອໝາກໄຟເລະ ຫຼັງຈາກນັ້ນໃຫ້ຕອງເອົາແຕ່ນ້ຳ
ງ. ໃສ່ນ້ຳເຊື່ອມ, ເກືອປົນຕາມລົງໄປ ແລ້ວຄົນໃຫ້ເຂົ້າກັນ ເມື່ອສຳເລັດ ເທ່ໃສ່ຂວດ
ຈ. ນຳມາແຊ່ໄວໃນຕູ່ເຢັນ ຖ້າຈະດື່ມກໍ່ໃສ່ນ້ຳແຂງດ້ວຍຈະດີ ນີ້ກໍ່ຄືຂັ້ນຕອນເຮັດນຳ້ເຊື່ອມໝາກໄຟ
ສັບພະຄຸນຂອງໝາກໄຟ
- ຊ່ວຍເຮັດໃຫ້ຊຸ່ມຄໍ
ຊ່ວຍບຳຣຸງທາດໃນຮ່າງກາຍ (ໃບ)
- ຊ່ວຍແກ້ພະຍາດຫວັດ (ໃບ)
- ຊ່ວຍແກ້ໄຂ້ມາລາເຣຍ (ໃບ)
- ຊ່ວຍແກ້ ແລະ ບັນເທົາອາການໄອ (ໃບ)
- ຊ່ວຍຂັບເສມຫະ ແລະ ຊ່ວຍລະລາຍເສມຫະ
- ຊ່ວຍດັບພິດຮ້ອນ (ຮາກສົດ ຫລື ຮາກແຫ້ງ)
- ຜົນໃຊ້ເປັນຢາຊ່ວຍຍ່ອຍ ຮັກສາອາການອາຫານບໍ່ຍ່ອຍ
- ຜົນຊ່ວຍແກ້ອາການທ້ອງອືດ ທ້ອງເຟີ້
- ແກ້ອາການທ້ອງລ່ວງ (ຮາກນຳໄປຕົ້ມກັບສະມຸນໄພຊະນິດອື່ນ ໆ)
- ຊ່ວຍບັນເທົາອາການປວດທ້ອງ (ເມັດ)
- ໃຊ້ເປັນຢາຖ່າຍພະຍາດ (ໃບ)
- ຊ່ວຍຂັບຍ່ຽວ (ໃບ)
- ຊ່ວຍຮັກສາ ຂີ້ກາກ ເກື້ອນ ແລະພະຍາດຂີ້ທູດ (ໃບ)
- ເປືອກມະໄຟຕົ້ມໃຊ້ແກ້ພະຍາດຜິວໜັງ
- ຊ່ວຍແກ້ອາການຜິວໜັງອັກເສບຊະນິດທີ່ເປັນຖົງນ້ຳແລະ ລອກອອກມາ (ຮາກສົດຫລືຮາກແຫ້ງ)
- ຊ່ວຍແກ້ພິດຝີ (ໃບ)
- ຊ່ວຍແກ້ຝີພາຍໃນ (ຮາກສົດຫລືຮາກແຫ້ງ)
- ຊ່ວຍບັນເທົາອາການໄຂ້ທີ່ມີອາການປວດຂໍ້ ປວດເຂົ່າ ແລະມີຜື່ນຄ້າຍລົມພິດ ຫລື "ໄຂ້ປະດົງ" (ຮາກສົດຫລືຮາກແຫ້ງ)
- ຊ່ວຍປິ່ນປົວພະຍາດເຣີມ (ຮາກສົດຫລືຮາກແຫ້ງ)
- ແກ້ພະຍາດວັນນະໂຣກ (ຮາກສົດຫລືຮາກແຫ້ງ)
- ໃຊ້ແກ້ພິດຕານເຕັ້ນ (ຮາກສົດຫລືຮາກແຫ້ງ)
ໄຄ Spirogyra varians (Hassall) Kützing
ໄຄ Spirogyra varians (Hassall) Kützing
ໄຄດິບປະກອບດ້ວຍສານອາຫານທີ່ເປັນປະໂຫຍດຕໍ່ຮ່າງກາຍ ແລະ ຫຼາຍຊະນິດໃນປະລິມານທີ່ສູງເມື່ອທຽບໃສ່ ອາຫານຫຼາຍ ຊະນິດ, ຈາກການສຶກສາປະລິມານສານອາຫານຂອງໄຄດິບສະກຸນ Chladophora ແລະ Microspora ພົບວ່າໄຄທັງ 2 ຕະກຸນມີທາດໂປຼຕີນສູງເທົ່າກັບປານໍ້າຈືດຄືປະມານ 20 ກຮາມຕໍ່ 100 ກຣາມນໍ້າຫນັກແຫ້ງ, ສ່ວນກາກ ຫຼື ເສັ້ນໃຍນັ້ນກໍມີປະລິມານຄ້າຍຄືກັນກັບຜັກໃບຂຽວທົ່ວໄປ. ນອກຈາກນັ້ນໄຄທັງ 2 ຕະກຸນຍັງມີວິຕາມິນ ແລະ ແຮ່ທາດທີ່ ສຳຄັນຫຼາຍຊະນິດ ເຊັ່ນ: ວິຕາມິນບີ 1 ແລະ ບີ 2, ວິຕາມິນຊີ, ທາດການຊຽມ ແລະ ທາດ selenium, ໂດຍສະເພາະທາດ selenium ເຊິ່ງເປັນສານຕ້ານອະນຸມູນອິດສະຫລະ ທີ່ສໍາຄັນນັ້ນແມ່ນພົບໃນປະລິມານຫຼາຍ ກ່ວາໃນຜັກໃບຂຽວທົ່ວໄປ; ດັ່ງນັ້ນໄຄຈຶ່ງເປັນແຫຼ່ງໂປຼຕີນເສີມທີ່ໜ້າສົນໃຈ (Peerapornpisal, Makonkawkeyoon et al. 2005).
- ຊື່ວິທະຍາສາດ / ຕະກຸນ
Spirogyra varians (Hassall) Kützing /
Zygnemataceae
- ຊື່ພ້ອງ
Zygnema varians Hassall
- ຊື່ອື່ນ
ໄຄ,ໄກ, ໄກຼ, ຊວ່າ, river weed
ລັກສະນະພືດສາດ
ໄຄຊະນີດນີ້ເປັນທີ່ຮູ້ຈັກກັນດີໃນສາຂາເທົາສີຂຽວ. ມັກເກີດລວມກັນເປັນກຸ່ມ, ອາດຈະເກີດຕາມແມ່ນ້ຳທີ່ມີກ້ອນຫິນ ຫຼື ຕາມແຄມນ້ຳ ທີ່ສະອາດ. ລັກສະນະເປັນ ເສັ້ນສາຍຍາວຄ້າຍ ເສັ້ນຜົນແຕ່ເປັນສີຂຽວສົດ, ເມື່ອສໍາຜັດຈະມີລັກສະນະ ມື່ນມື, ເນື່ອງຈາກມີເມືອກຫຸ້ມ ຢູ່ຊັ້ນນອກສຸດ, ຈຸລັງຈະມີຮູບຊົງກະບອກ, ເຊິ່ງມີຂະໜາດແຕ່ລວງຍາວເທົ່າກັບ ລວງກວ້າງ ແລະ ຍາວເຖິງ 1 ແມັດຂື້ນໄປ. ເຈັ້ຍຫຸ້ມຈຸລັງຈະມີ 3 ຊັ້ນຄື: ຊັ້ນໃນ ແລະ ຊັ້ນກາງຈະເປັນພວກເຊລລູໂລສ, ສ່ວນຊັ້ນນອກຈະເປັນພວກເພກໂຕສ (Pectose) ພາຍໃນ ຈຸລັງມີແວຄິວໂອລຢູ່ເຄີ່ງກາງເມັດໃຫຍ່ ມີນິວຄຽດແຂນລອຍຢູ່ ໂດຍມີສາຍໄຊໂຕພລາດຊືມ ເຊື່ອມໂຍງກັນ ແລະ ຍືດໄວ້ກັບເຈັ້ຍຫຸ້ມ ຈຸລັງ. Spirogyra ຊັ້ນຫຸ້ມຈຸລັງເປັນທາດເມືອກ (mucilaginous) 3 ຊັ້ນດ້ວຍກັນ ການທີ່ມີທາດເມືອກຫຸ້ມຢູ່ເຮັດ ໃຫ້ເຊື້ອໄຄ ຊະນິດອື່ນ ບໍ່ສາມາດຈະເລີນເຕິບໂຕໃນໄຄພວກນີ້ໄດ້. ບໍ່ມີການແຕກງ່າ. ການຂະຫຍາຍພັນໂດຍບໍ່ອາໄສເພດ ໂດຍມີເສັ້ນ ຕັດຂາດອອກຈາກກັນ ເປັນຫຼາຍໆເສັ້ນ. ໄຄເປັນພືດນ້ຳຊະນິດໜຶ່ງ ທີ່ມີສານ chlorophyll ເຊິ່ງເປັນສານທີ່ມີສີຂຽວເປັນອົງປະກອບ, ຈຶ່ງເປັນທີ່ມາຂອງຊື່ໄຄ ສີຂຽວ ຂອງພືດຊະນິດນີ້, ຂະໜາດຂອງໄຄມີແຕ່ໄມຄຣອນແມັດ (µm) ຫາຫຼາຍແມັດ (m) ຂຶ້ນຢູ່ກັບຕະກຸນ ແລະ ມີ 3 ຊະນິດຄື: Cladophora, Microspora ແລະ Sirogyra. ສຳລັບພັນທີ່ເຫັນໃນທ້ອງຖິ່ນ ຂອງ ສປປ ລາວ ສ່ວນໃຫຍ່ແມ່ນ Spirogyra ເຊິ່ງມີລັກສະນະເສັ້ນສາຍກົງຄືກັນແຕ່ຈະຕ່າງກັນໃນການຈັດລຽງຂອງ Chloroplast ໂດຍໄຄສະກຸນ Spirogyra ແມ່ນມີການຈັດລຽງຂອງ Chloroplast ລັກສະນະກ້ຽວວຽນ.
ການນຳໃຊ້
ອາຫານ:ໄຄເປັນອາຫານທີ່ມີຄຸນຄ່າທາງດ້ານໂພຊະນາການສູງ ແລະ ປະຊາຊົນສາມາດຊອກຫາໄດ້ງ່າຍ. ປະຊາຊົນຫລາຍທ້ອງຖິ່ນ ເຄີຍມີພູມປັນຍາສືບທອດກັນມາແຕ່ດົນນານໃນການປຸງແຕ່ງໄຄມາບໍລິໂພກເປັນອາຫານດ້ວຍຫລາຍວິທີ ແລະຫລາຍຮູບແບບ.
ສິນຄ້າ: ໄຄຢູ່ບາງທ້ອງຖິ່ນໄດ້ກາຍເປັນສິນຄ້າ ເຊຶ່ງປະຊາຊົນເອົາມາຈໍາໜ່າຍໃນຮູບແບບໄຄດິບ ແລະ ໄຄປຸງແຕ່ງ ໂດຍສະເພາະ ແມ່ນໄຄແຜ່ນທີ່ຕະຫລາດມີຄວາມຕ້ອງການສູງ. ຈາກການສໍາຫລວດໃນປີ 2015 ພົບວ່າ ການຜະລິດ ແລະ ຈໍາໜ່າຍໄຄແຜ່ນຕໍ່ ຄອບຄົວຕໍ່ລະດູການຜະລິດໃນ 25 ບ້ານຢູ່ ແຂວງຫຼວງພະບາງ ມີລາຍຮັບສະເລ່ຍ 6 ລ້ານກີບ (ສູງສຸດ 38 ລ້ານກີບ ແລະ ຕໍ່າສຸດ 1 ລ້ານກີບຕໍ່ຄອບຄົວຕໍ່ລະດູການຜະລິດ)
