ສັບພະຄຸນຂອງ ໝາກກຽງປ່າ Syzygium jambos (L.) Alston

 

ໝາກກຽງປ່າ

ໝາກກຽງປ່າ ຊື່​ສາ​ມັນ Rose Apple

ໝາກກຽງປ່າ ຊື່​ວິທະຍາ​ສາດ Syzygium jambos (L.) Alston ຈັດ​ຢູ່ໃນ​ວົງ​ໝາກກຽງ (MYRTACEAE)

ສ​ະມຸນ​ໄພໝາກກຽງປ່າ ມີ​ຊື່​ທ້ອງ​ຖິ່ນ​ອື່ນໆ ວ່າ: ​ຊົມ​ພູ່ ມະ​ນ້ຳ​ຫອມ (ພາ​ຢັບ), ຊົມ​ພູ່​ນ້ຳ ຝ​ຣັ່ງ​ນ້ຳ, ມະ​ຫ້າ​ຄອກ​ລອກ, ມະ​ຊາ​ມຸດ ມະ​ຊາ​ມຸດ, ຢາ​ມູ​ປະ​ນາ​ວາ ເປັນ​ຕົ້ນ

 

ລັກສະນະ​ຂອງໝາກກຽງປ່າ

ຕົ້ນ​ໝາກກຽງປ່າ ເປັນໝາກກຽງປ່າ​ດັ້ງ​ເດີມ​ຂອງ​ລາວ ມີ​ຖິ່ນ​ກຳ​ເນີດ​ໃນ​ພູມິພາກ​ອິນ​ໂດ​-​ມາ​ລາ​ຢັນ ໃນ​ປະເທດ​​ພົບ​ໄດ້​ເກືອບທົ່ວ​ທຸກ​ພາກ ໂດຍ​ຈັດ​ເປັນ​ພັນ​ໄມ້​ຢືນ​ຕົ້ນ​ຂະໜາດ​ກາງ ເຊັ່ນ​ດຽວ​ກັບ​ໝກກຽງ​ແດງ ມີ​ຄວາມ​ສູງ​ຂອງ​ຕົ້ນ​ປະ​ມານ 10 ແມັດ ເປືອກ​ຕົ້ນ​ຄ່ອນ​ຂ້າງ​ລຽບ​ເປັນ​ສີ​ນ້ຳ​ຕານ ຂະຫຍາຍ​ພັນ​ດ້ວຍ​ວິທີ​ການ​ເພາະ​ເມັດ ​ແລະ ​ວິທີ​ການ​ຕອນ​ກິ່ງ ຈະເລີນ​ເຕີບໂຕ​ໄດ້​ດີ​ໃນ​ດິນ​ທີ່​ມີ​ຄວາມ​ຊື້ນ​ພໍ​ເໝາະ ມັກ​ແສງ​ແດດ​ສ່ອງ​ເຖິງ​ແບບ​ເຕັມ​ມື້ ໃນ​ປະຈຸບັນ​ມີ​ສາຍ​ພັນ​ຫຼັກ​ຢູ່ 2 ສາຍ​ພັນ ຄື ພັນ​ທີ່​ມາ​ຈາກ​ປະເທດ​ໄທ ​ຜົນ​ຈະ​ເປັນ​ສີ​ຂຽວ​ອ່ອນ ແລະ​ພັນ​ທີ່​ມາ​ຈາກ​ປະເທດ​ມາ​ເລ​ເຊຍ​ຜົນ​ຈະ​ເປັນ​ສີ​ແດງ ໂດຍ​ຈະໃຫ້​ຜົນ​ຫຼັງ​ການ​ປຸກ​ປະ​ມານ 2 ປີ ມັກ​ຂຶ້ນ​ຕາມ​ປ່າ​ເລົ່າ​ທົ່ວ​ໄປ ພົບ​ປຸກ​ກັນ​ດ້ວຍ​ຕາມ​ສວນ​ເພື່ອ​ຮັບປະທານ​ ຫລື ​ຂາຍ​ເປັນ​ສິນ​ຄ້າ

ໃບ​ໝາກກຽງ ໃບ​ເປັນ​ໃບ​ດ່ຽວ ອອກ​ລຽງ​ກົງກັນຂ້າມ​ກັນ​ເປັນ​ຄູ່ ລັກສະນະ​ຂອງ​ໃບ​ເປັນ​ຮູບ​ຂອບ​ຂະຫນານ​ແກມ​ໃບ​ຫອກ​ຮຽວ​ຍວ ປາຍ​ໃບ​ແຫຼມ ​ແລະ ​ມີ​ຕິ່ງ​ແຫຼມ ໂຄນ​ໃບ​ມົນ​ຮີ ສ່ວນ​ຂອບ​ໃບ​ລຽບ ໃບ​ມີ​ຂະໜາດ​ກວ້າງ​ປະ​ມານ 3-4 ຊັງ​ຕິ​ແມັດ ແລະ​ຍາວ​ປະ​ມານ 12-17 ຊັງ​ຕິ​ແມັດ ແຜ່ນ​ໃບ​ໜາ​ເປັນ​ສີ​ຂຽວ​ເຂັ້ມ

ດອກຫມາກກຽງ ອອກ​ດອກ​ເປັນ​ຊໍ່​ກະ​ຈະ ໂດຍ​ຈະ​ອອກ​ທີ່​ປາຍ​ກິ່ງ ມີດ​ອກ​ຍ່ອຍ​ປະ​ມານ 3-8 ດອກ ກີບ​ດອກ​ບາງ​ເປັນ​ສີ​ຂາວ​ ຫລື​ສີ​ເຫຼືອງ​ອ່ອນ ຖານ​ຮອງ​ດອກ​ມີ​ລັກສະນະ​ເປັນ​ຮູບ​ກວຍ ດອກ​ມີ​ເກ​ສົນ​ເພດ​ຜູ້​ຈຳນວນ​ຫລາຍ

ໜ່ວຍຫມາກກຽງ ໝາກ​ເປັນ​ໝາກ​ສົດ​ໃຊ້​ຮັບປະທານ​ໄດ້ ​ເປັນ​ໝາກດ່ຽວ ມີ​ລັກສະນະ​ເກືອບ​ກົມ ເບິ່ງ​ຄ້າຍ​ກັບ​ຫມາກ​ຈັນ​ສີ​ເຫຼືອງ ປາຍຫມາກ​ມີກ​ີບ​ລ້ຽງ​ຕິດ​ຢູ່ 4 ກີບ ພາຍ​ໃນໜ່ວຍໂລ່ງ ​ລວງ ​ມີກີ່ນ​ຫອມ​ຄ້າຍ​ກັບ​ດອກ​ນົມ​ແມວ ມີ​ຂະໜາດ​ເສັ້ນ​ຜ່ານ​ສູນ​ກາງ​ປະ​ມານ 5-6 ຊັງຕິ​ແມັດ ແລະ​ມີ​ນ້ຳ​ໜັກ​ປະ​ມານ 80-100 ກຣາມ ຫມາກ​ດິບ​ເປັນ​ສີ​ຂຽວ​ເຂ້ັມ ເມື່ອ​ແກ່​ສຸກ​ແລ້ວ​ຈະ​ເປັນ​ສີ​ຂຽວ​ອ່ອນ​ ຫລື​ສີ​ເຫຼືອງ​ທອງ ຊີ້ນ​ດ້ານ​ໃນ​ບາງ​ເປັນ​ສີ​ຂາວ​ນວນ ​ຫລື​ສີ​ຂຽວ​ອ່ອນ ສ່ວນ​ເມັດ​ເປັນ​ສີ​ນ້ຳ​ຕານ ​ແລະ​ມີ​ຂະໜາດ​ໃຫຍ່ ມີ​ຣົດ​ຫວານ​ຫອມ​ຊື່ນ​ໃຈ ໂດຍ​ຈະ​ເລີ່ມ​ອອກໝາກ​ໃນ​ຊ່ວງ​ປາຍ​ລະດູ​ໜາວ (ປະ​ມານ​ເດືອນ​ທັນວາ​ເຖິງ​ເດືອນ​ເມ​ສາ)

ສັບພະຄູນ​ຂອງ​ໝາກກຽງ

1. ຫມາກໃຊ້​ປຸງ​ເປັນ​ຢາ​ຊູ​ກຳ​ລັງ (ຜົນ)
2. ມີ​ສັບພະຄຸນ​ເປັນ​ຢາ​ບຳ​ຣຸງ​ຫັວ​ໃຈ (ຜົນ)
3. ມີ​ສັບ​ພະຄຸນ​ເປັນ​ຢາ​ແກ້​ເບົາ​ຫວານ (ເປືອກ, ຕົ້ນ, ເມັດ)
4. ຊ່ວຍ​ແກ້ລົ​ມ​ປາຍ​ໄຂ້ (ຜົນ)
5. ໃບ​ມີ​ສັບພະຄຸນ​ເປັນ​ຢາລົດ​ໄຂ້ (ໃບ)
6. ໃບ​ໃຊ້​ເປັນ​ຢາ​ແກ້​ຕາ​ອັກ​ເສບ (ໃບ)
7. ໃຊ້​ເປັນ​ຢາ​ແກ້​ທ້ອງ​ເສຍ (ເປືອກ, ຕົ້ນ, ເມັດ) ເປືອກ​ຕົ້ນ​ໃຊ້​ເປັນ​ຢາ​ແກ້​ທ້ອງ​ຣ່ວງ​ໄດ້​ດີ (ເປືອກ​ຕົ້ນ)
8. ເມັດ​ມີ​ສັບພະຄຸນ​ເປັນ​ຢາ​ແກ້​ພະຍາດ​ບິດ (ເມັດ)
9. ໃບ​ສົດ​ນຳ​ມາ​ຕົ້ມ​ກັບ​ນ້ຳ​ໃຊ້​ລ້າງ​ແຜລສົດ (ໃບ)
10. ໃບ​ສົດ​ໃຊ້​ຕຳ​ພອກ​ປິ່ນປົວພະຍາດ​ຜິວ​ໜັງ (ໃບ)

ຄຸນຄ່າ​ທາງ​ໂພຊະນາ​ການ​ຂອງຫມາກກຽງ ຕໍ່ 100 ກຣາມ

• ພະລັງ​ງານ                                25 ກິ​ໂລ​ແຄ​ລໍ​ຣີ
• ນ້ຳ                                       93 ກຣາມ
• ຄາ​ຣ​໌​ໂບ​ໄຮ​ເດ​ຣດ                         5.7 ກຣາມ
• ໄຂ​ມັນ                                   0.3 ກຣາມ
• ໂປຣ​ຕີນ                                  0.3 ກຣາມ
• ວິ​ຕາ​ມິນ​ເອ                               17 ໄມ​ໂຄຣກ​ຣັມ (2%)
• ວິ​ຕາ​ມິນ​ບີ1                              0.02 ມິນ​ລິກ​ຣັມ (2%)
• ວິ​ຕາ​ມິນ​ບີ2                              0.03 ມິນ​ລິກ​ຣັມ (2%)
• ວິ​ຕາ​ມິນ​ບີ3                              0.8 ມິນ​ລິກ​ຣັມ (5%)
• ວິ​ຕາ​ມິນ​ຊີ                                22.3 ມິນ​ລິກ​ຣັມ (27%)
• ແຄລ​ຊຽມ                                29 ມິນ​ລິກ​ຣັມ (3%)
• ທາດ​ເຫຼັກ                                 0.07 ມິນ​ລິກ​ຣັມ (1%)
• ແມກ​ນີ​ຊຽມ                              5 ມິນ​ລິກ​ຣັມ (1%)
• ແມງ​ກາ​ນີດ                               0.029 ມິນ​ລິກ​ຣັມ (1%)
• ຟອດ​ຟໍ​ຣັດ                                8 ມິນ​ລິກ​ຣັມ (1%)
• ໂພ​ແທດ​ຊຽມ                             123 ມິນ​ລິກ​ຣັມ (3%)
• ສັງ​ກະ​ສີ                                   0.06 ມິນ​ລິກ​ຣັມ (1%)

% ຮ້ອຍ​ລະ​ຂອງ​ປະລິມານ​ແນະ​ນຳ​ທີ່​ຮ່າງກາຍ​ຕ້ອງ​ການ​ໃນ​ແຕ່​ລະ​ມື້​ສຳລັບ​ຜູ້ໃຫຍ່ (ຂໍ້​ມູນ​ຈາກ : USDA Nutrient database)

ສັບພະຄຸນທາງຢາ ຂອງ ໝາກຕາກົບ Muntingia calabura L

ໝາກຕາກົບ

ໝາກຕາກົບ ຊື່​ສາ​ມັນ Calabura, Jam tree, Jamaican cherry, Malayan Cherry, West Indian Cherry [1],[2]

ໝາກຕາກົບ ຊື່​ວິທະຍາ​ສາດ Muntingia calabura L.[1] ປະຈຸບັນ​ຈັດ​ຢູ່ໃນ​ວົງ MUNTINGIACEAE

ສະ​ມຸນ​ໄພ ຕາກົບ ມີ​ຊື່​ທ້ອງ​ຖິ່ນ​ອື່ນ ໆ ວ່າ ຄົບ​ຝ​ຣັ່ງ, ໝາ​ກ​ຕະ​ໂກ່​ເສະ (ກະ​ຫຣ່ຽງ​ແດງ), ຕາກ​ົບ (ມົ້ງ), ພ່ຽນ​ໝ່າຍ (ມຽນມ່າ), ຕາຂົບ​ຝ​ຣັ່ງ (ໄທ) ເປັນ​ຕົ້ນ

ລັກສະນະ​ຂອງ​ຕາ​ຂົບ

ຕົ້ນ​ຕາກົບ ຈັດ​ເປັນ​ໄມ້​ພຸ່ມ ​ຫລື​ໄມ້​ຢືນ​ຕົ້ນ​ຂະໜາດ​ນ້ອຍ ມີ​ຄວາມ​ສູງ​ໄດ້​ປະ​ມານ 5-7 ແມັດ ແລະ​ ອາດ​ສູງ​ໄດ້​ເຖິງ 10 ແມັດ ແຕກ​ກິ່ງ​ກ້ານ​ແຜ່ຂະໜານ​ກັບ​ພື້ນ​ດິນ ເປືອກ​ລຳ​ຕົ້ນ​ລຽບ​ເປັນ​ສີ​ເທົາ ຕາມ​ກິ່ງ​ອ່ອນ​ມີ​ຂົນ​ນຸ່ມ​ຂຶ້ນ​ປົກ​ຄຸມ ຫມາກຕາກົບ ​ຫລື​ ຕະ​ຂົບ​ ນີ້​ມີ​ຖິ່ນ​ກຳ​ເນີດ​ໃນ​ ອ​າເມ​ຣິ​ກາກ​າງ​ ແລະ​ ອາ​ເມ​ຣິ​ກາ​ໃຕ້ ພົບ​ປຸກ​ເປັນ​ໄມ້​ປະ​ດັບ​ຫລື​ຕົ້ນໄມ້ໃຫ້ຜົນ​ທົ່ວ​ໄປ​ໃນ​ເຂດ​ຮ້ອນ ໃນ​ປະເທດ​ພົບ​ປຸກ​ເປັນ​ໄມ້​ປະ​ດັບ​ ຫລື ​ຕົ້ນໄມ້ໃຫ້ຫມາກ ແລະ​ ມັກ​ພົບ​ຂຶ້ນ​ເປັນ​ວັດ​ພືດ​ຕາມ​ທີ່ນ​ກວ້າງ ​ວ່າງ​ເປົ່າ ​ຕາມ​ປ່າ​ໂປ່ງ​ທົ່ວ​ໄປ ຫລື​ ມັກ​ຂຶ້ນ​ເອງ​ຕາມ​ທຳມະຊາດ​ທີ່ນົ​ກ​ ແລະ ​ສັດ​ຂະໜາດ​ນ້ອຍ​ຖ່າຍ​ມູນ​ແກ່ນ​ຕາກົບ​ຖິ້ມ​ໄວ້ ສາມາດ​ຂະຫຍາຍ​ພັນ​ໄດ້​ເອງ​ໂດຍ​ວິທີ​ການ​ເພາະ​ເມັດ ອອກ​ດອກ ​ແລະ ​ຕິດ​ຫນ່ວຍ​ໄດ້​ຕະຫລອດ​ທັງ​ປີ

ໃບ​ຕາກົບ ໃບ​ເປັນ​ໃບ​ດ່ຽວ ອອກ​ລຽງ​ສະ​ລັບ​ແບບ​ຄຽງໃສ່​ກັນ ລັກສະນະ​ຂອງ​ໃບ​ເປັນ​ຮູບ​ໄຂ່​ແຄມ​ຂອບ​ຂົນ ປາຍ​ໃບ​ຮຽວ​ແຫຼມ ໂຄນ​ໃບ​ມົນ​ຫລື​ຂ້າງ​ໜຶ່ງ​ມົນ​ສ່ວນ​ອີກ​ຂ້າງ​ໜຶ່ງ​ແຫຼມ ສ່ວນ​ຂອບ​ໃບ​ຈະແວ່ງເປັນຟັນເຟືອງ​ນ້ອຍ ໆ ໃບ​ມີ​ຂະໜາດ​ກວ້າງ​ປະ​ມານ 1.5-3.5 ຊັງຕິ​ແມັດ ແລະ​ຍາວ​ປະ​ມານ 4.5-9 ຊັງ​ຕິ​ແມັດ ຫຼັງ​ໃບ​ດ້ານ​ເທິງ​ເປັນ​ສີ​ຂຽວ ສ່ວນ​ທ້ອງ​ໃບ​ດ້ານ​ລຸ່ມ​ເປັນ​ສີນ​ວນ ຫຼັງ​ໃບ​ແລະ​ທ້ອງ​ໃບ​ມີ​ຂົນ​ນຸ່ມ​ຈັບ​ເບິ່ງ​ຈະ​ຮູ້ສຶກ​ໜຽວ​ມື​ນ້ອຍໆ ເສັ້ນ​ຂະແໜງ​ໃບ​ມີ 3-5 ເສັ້ນ ກ້ານ​ໃບ​ຍາວ​ປະ​ມານ 0.2-0.6 ຊັງ​ຕິ​ແມັດ ແລະ​ມີ​ຂົນ

ດອກ​ຕາກົບ ອອກ​ເປັນ​ດອກ​ດ່ຽວ​ ຫລື ​ອອກ​ເປັນ​ຄູ່ ໂດຍ​ຈະ​ອອກ​ບໍລິເວນ​ເໜືອ​ຊອກ​ໃບ ດອກ​ເປັນ​ສີ​ຂາວ ເມື່ອ​ດອກ​ບານ​ຈະ​ມີ​ຂະໜາດ​ເສັ້ນ​ຜ່ານ​ສູນ​ກາງ​ປະ​ມານ 2 ຊັງ​ຕິ​ແມັດ ກີບ​ດອກ​ຍົ່ນ​ເປັນ​ສີ​ຂາວ​ມີ 5 ກີບ ລັກສະນະ​ຂອງ​ກີບ​ດອກ​ເປັນ​ຮູບ​ໄຂ່​​ປ້ອມໆ ປາຍ​ກີບ​ມົນ ມີ​ຂະໜາດ​ກວ້າງ​ປະ​ມານ 9 ມິນ​ລິ​ແມັດ ແລະ​ຍາວ​ປະ​ມານ 11 ມິນ​ລິ​ແມັດ ສ່ວນ​ກີບ​ລ້ຽງ​ມີ 5 ກີບ ບໍ່​ຕິດ​ກັນ ເປັນ​ສີ​ຂຽວ ລັກສະນະ​ເປັນ​ຮູບ​ຫອກ ປາຍ​ກີບ​ແຫຼມ​ເປັນ​ຫາງ​ຍາວ ໂຄນ​ກີບ​ຕັດ ກີບ​ດ້ານ​ນອກ​ມີ​ຂົນ​ຂຶ້ນ​ປົກ​ຄຸມ ສ່ວນ​ດ້ານ​ໃນ​ກ້ຽງດີ ກີບ​ລ້ຽງ​ມີ​ຂະໜາດ​ກວ້າງ​ປະ​ມານ 3 ມິນ​ລິ​ແມັດ ແລະ​ຍາວ​ປະ​ມານ 10-12 ມິນ​ລິ​ແມັດ ດອກ​ມີ​ເກ​ສອນ​ເພດ​ຜູ້​ຈຳນວນ​ຫລາຍ ກ້ານ​ເກ​ສົນ​ຍາວ​ປະ​ມານ 5-6.5 ມິນ​ລິ​ແມັດ ກ້ຽງ ສ່ວນ​ກ້ານ​ເກ​ສອນເພດ​ເມຍ​ສັ້ນ ພາຍ​ໃນ​ມີ 5-6 ຊ່ອງ ແຕ່​ລະ​ຊ່ອງ​ຈະ​ມີ​ໄຂ່​ອ່ອນ​ຈຳນວນ​ຫລາຍ ກ້ານ​ດອກ​ຍາວ​ປະ​ມານ 1.5-1.6 ຊັງ​ຕິ​ແມັດ ແລະມີ​ຂົນ

ສັບພະຄຸນຂອງຫມາກຕາກົບ

1. ໜ່ວຍ​ສຸກ​ມີ​ລົດ​ຫວານ​ເຢັນ​ຫອມ ມີ​ສັບພະຄຸນ​ເປັນ​ຢາ​ບຳ​ຣຸງ​ກຳ​ລັງ ເຮັດໃຫ້​ຊຸ່ມ​ຊື່ນ​ຫັວ​ໃຈ
2. ດອກ​ຕາກົບ​ມີ​ສັບພະຄຸນ​ເປັນ​ຢາ​ແກ້​ອາການ​ປວດ​ຫົວ ດ້ວຍ​ການ​ໃຊ້​ດອກ​ແຫ້ງ​ປະ​ມານ 3-5 ກຣາມ ນຳ​ມາ​ຊົງ​ເປັນ​ນ້ຳ​ຊາ​ດື່ມ ດ້ວຍ​ໃຊ້​ຊີ້ນ​ໄມ້​ເປັນ​ຢາ​ແກ້​ອາການ​ປວດ​ຫົວ (ເນື້ອ​ໄມ້)
3. ໃຊ້​ເປັນ​ຢາ​ແກ້​ຫວັດ ຫລຸດ​ໄຂ້ ດ້ວຍ​ການ​ໃຊ້​ດອກ​ແຫ້ງ​ປະ​ມານ 3-5 ກຣາມ ນຳ​ມາ​ຊົງ​ເປັນ​ນ້ຳ​ຊາ​ດື່ມ (ດອກ) ດ້ວຍ​ໃຊ້​ຊີ້ນ​ໄມ້​ເປັນ​ຢາ​ແກ້​ໄຂ້​ຫວັດ (ຊີ້ນ​ໄມ້)
4. ໃບ​ມີ​ຣົດ​ຝາດ​ ມີສັບພະຄຸນ​ເປັນ​ຢາ​ຂັບ​ເຫື່ອ (ໃບ)
5. ຮາກ​ມີ​ສັບພະຄຸນ​ເປັນ​ຢາ​ແກ້​ເສມ​ຫະ ຊ່ວຍ​ກ່ອມ​ເສມ​ຫະ​ ແລະ​ອາ​ຈົມ (ຮາກ)
6. ຊ່ວຍ​ແກ້​ອາການ​ປວດ​ເກັງ​ໃນ​ທາງເດີນ​ອາຫານ ດ້ວຍ​ການ​ໃຊ້​ດອກ​ຕາກົບ​ແຫ້ງ 3-5 ກຣາມ ນຳ​ມາ​ຊົງ​ກັບ​ນ້ຳ​ເປັນ​ຊາ​ດື່ມ (ດອກ)
7. ຊີ້ນ​ໄມ້​ມີ​ສັບພະຄຸນ​ເປັນ​ຢາ​ແກ້​ທ້ອງ​ຣ່ວງ ທ້ອງບິດ​ (ຊີ້ນ​ໄມ້)
8. ຕົ້ນ​ ໃຊ້​ຕົ້ມ​ກັບ​ນ້ຳ​ກິນ​ເປັນ​ຢາ​ລະບາຍ ເນື່ອງ​ຈາກ​ມີ​ສານ mucilage ຫລາຍ (ຕົ້ນ) ຫລື​ຈະ​ໃຊ້​ເປືອກ​ຕົ້ນ​ສົດ ​ຫລື​ແຫ້ງ (ຣົດ​ຝາດ) ປະ​ມານ 1 ຝ່າ​ມື ນຳ​ມາ​ສັບ​ເປັນ​ຊິ້ນ​ຕົ້ມ​ໃນ​ນ້ຳ​ເດືອດ 1 ລີດ ປະ​ມານ 15 ນາ​ທີ ແລ້ວ​ກອງ​ເອົາ​ແຕ່​ນ້ຳ​ດື່ມ​ເປັນ​ຢາ​ລະບາຍ​ກໍ​ໄດ້ (ເປືອກ​ຕົ້ນ)
9. ດອກ​ໃຊ້​ຕົ້ມ​ທັງຫມົດ​ກັບ​ສະ​ມຸນ​ໄພຣ​ອື່ນ​ກິນ​ເປັນ​ຢາ​ຂັບ​ປະຈຳເດືອນຂອງ​ສະຕີ (ດອກ)
10. ໃຊ້​ເປັນ​ຢາ​ແກ້​ພະຍາດ​ຕັບ​ອັກ​ເສບ ດ້ວຍ​ການ​ໃຊ້​ດອກ​ນຳ​ມາ​ຕົ້ມ​ທັງຫມົດ​ກັບ​ສ​ະມຸນ​ໄພ​ອື່ນ​ກິນ (ດອກ)
11. ໃຊ້​ເປັນ​ຢາ​ແກ້​ຕານ​ເຕັ້ນ (ຊີ້ນ​ໄມ້)
12. ຕົ້ນ​ໃຊ້​ເປັນ​ຢາ​ແກ້​ພະຍາດ​ຜິວ​ໜັງ ສ່ວນ​ຮາກ​ໃຊ້​ເປັນ​ຢາ​ປິ່ນປົວພະຍາດ​ຜິວ​ໜັງ ແກ້​ຜື່ນ​ຄັນ​ຕາມຕົນໂຕ (ຕົ້ນ, ຮາກ)
13. ດອກ​ໃຊ້​ເປັນ​ຢາ​ແກ້​ປວດ​ແລະ​ແກ້​ອັກ​ເສບ (ດອກ)

ໝາກ​ເດື່ອ Ficus carica L.

ໝາກ​ເດື່ອ

ໝາກ​ເດື່ອ ຊື່​ສາ​ມັນ                 Fig, Common Fig

ໝາກ​ເດື່ອ ຊື່​ວິທະຍາ​ສາດ          Ficus carica L.

ຈັດ​ຢູ່ໃນ​ວົງ​ ຂອງຫມາກມີ້         (MORACEAE)

ສະຫມຸນໄພຫມາກ​ເດື່ອ ຊະນິດ​ນີ້​ມີ​ຊື່​ຮຽກ​ອື່ນ​ວ່າ ມະ​ເດື່ອ​ຝ​ຣັ່ງ, ມະ​ເດື່ອ​ຍີ່​ປຸ່ນ (ລູກ​ຟິກ)

ໝາຍ​ເຫດ : ໝາກ​ເດື່ອ​ທີ່​ເວົ້າ​ເຖິງ​ໃນ​ບົດ​ຄວາມ​ນີ້​ຈະ​ເປັນ​ຄົນ​ລະ​ຊະນິດ​ກັບ​ມະ​ເດື່ອ​ໄທ (ມະ​ເດື່ອ​ຊຸມ​ພົນ) ທີ່​ມີ​ຊື່​ວິທະຍາ​ສາດ​ວ່າ Ficus racemosa L.

ລັກສະນະ​ຂອງ​ມໝາກເດື່ອ

ຕົ້ນ​ໝາກເດື່ອ ເປັນ​ພືດ​ທີ່​ມີ​ຖິ່ນ​ກຳ​ເນີດ​ໃນ​ແຖບ​ຕະເວັນ​ອອກ​ກາງ ພົບ​ຫລາຍ​ໃນ​ປະເທດ​ຕວກກີ​ ແລະ ​ກຣີກ ຈັດ​ເປັນ​ພັນ​ໄມ້​ຢືນ​ຕົ້ນ​ຂະໜາດ​ກາງ ລຳ​ຕົ້ນ​ຈະ​ເປັນ​ປຸ່ມ​ແຕກ​ກິ່ງ​ກ້ານ​ອອກ ລຳ​ຕົ້ນ​ມີ​ຢາງ​ສີ​ຂາວ ລັກສະນະ​ຂອງ​ໃບ​ເປັນ​ໃບ​ດ່ຽວ​ໜາ​ຄ່ອນ​ຂ້າງ​ແຂງ ດ້ານ​ໜຶ່ງ​ມີ​ຂົນ​ອ່ອນ ສ່ວນ​ຜິວ​ດ້ານ​ເທິງ​ຈະ​ຢາບ ຂອບ​ໃບ​ຍັກ​ເລິກ 3-5 ຍັກ ສ່ວນ​ໜ່ວຍໝາກ​ເດື່ອ​ຈະ​ອອກ​ເປັນ​​ຈຸກ ໜ່ວຍກົມ​ແປ້ນ​ຫລື​ຮູບ​ໄຂ່ ມີ​ເປືອກ​ບາງ ໂດຍ​ຜົນ​ອ່ອນ​ຈະ​ສີ​ຂຽວ ແຕ່​ເມື່ອ​ສຸກ​ແລ້ວ​ຈະ​ປ່ຽນ​ເປັນ​ສີ​ເຫຼືອງ ສີ​ແດງ ຫລື​ສີ​ຊົມ​ພູ ທັງ​ນີ້​ຂຶ້ນ​ຢູ່​ກັບ​ແຕ່​ລະ​ສາຍ​ພັນ ດ້ານ​ໃນ​ມີ​ຊີ້ນ​ສີ​ແດງ​ເຂັ້ມ ເມື່ອ​ສຸກ​ແລ້ວ​ຈະ​ມີກິ່ນຫອມ ນອກ​ຈາກ​ນີ້​ໝາກ​ເດື່ອ​ຍັງ​ຈັດ​ເປັນ​ຫມາກໄມ້​ສັກສິດ​ຂອງ​ປະເທດ​ອີ​ຢິ​ປ​ ອິ​ຕາ​ລີ ແລະ​ກຣີ​ຊ ​ອີກ​ດ້ວຍ

ໝາກຂອງໝາກເດື່ອ

ໝາກເດື່ອ ເປັນໝາກໄມ້ທີ່ສາມາດນຳມາຮັບປະທານໄດ້ທັງດິບ ແລະ ສຸກ ໄລຍະດິບ ນິຍົມນຳມາກິນສົ້ມ ກັບແຈ່ວປາແດກເຄື່ອງ ແຈ່ວຂີງ ແຈ່ວຫົວສີໄຄ ນອກນັກຍັງນຳມາຫນ່ວຍດິບ ມາກິນກັບລາບ, ກ້ອຍ ແລະ ຫລາຍໆເມນູ ຖືວ່າເປັນອາຫານຫລັກ ແລະ ສຳຮອງໄດ້ດີສົມຄວນ ສຳລັບຫນ່ວຍສຸກ ນິຍົມກິນເປັນຂອງຫວ່າງເນື່ອງຈາກ ຫມາກເດືອນມີລົດຊາດຫວານ ຕ່າງຈາກຕອນດິບ ຈະມີລົດຊາດສົ້ມ ອົມຝາດ

ຫມາກເດືອ ຍັງເປັນອາຫານສັດໄດ້ແກ່ ນົກ ຫນູ ກະຮອກ ອື່ນໆ

ສັບ​ພະຄຸນ​ຂອງ​ມະ​ເດື່ອ​

1. ຊ່ວຍ​ບຳ​ຣຸງ​ຮ່າງກາຍ ​ແລະ ​ຕໍ່​ຕ້ານ​ອາ​ນຸ​ມູນ​ອິດສະຫລະ
2. ຊ່ວຍ​ຢັບ​ຢັ້ງ​ເຊ​ລ​ລ​໌​ມະ​ເຣັງ​ແລະ​ລຸດ​ຄວາມ​ສ່ຽງ​ຂອງ​ການ​ເກີດ​ພະຍາດ​ມະ​ເຣັງ​ຕ່າງ ໆ
3. ຊ່ວຍ​ລຸດ​ຄວາມ​ສ່ຽງ​ຂອງ​ການ​ເກີດ​ພະຍາດ​ຫົວ​ໃຈ ​ແລະ​ ຫຼອດ​ເລືອດ
4. ຊ່ວຍ​ເຮັດໃຫ້​ຫົວ​ໃຈ​ເຮັດວຽກ​ໄດ້​ຢ່າງ​ເປັນ​ປົກກະຕິ ​ແລະ​ ຊ່ວຍ​ປ້ອງ​ກັນ​ການ​ເກີດ​ພະຍາດ​ຄວາມ​ດັນ​ເລືອດ​ສູງ
5. ຊ່ວຍ​ປ້ອງ​ກັນ​ພະຍາດ​ເລືອດ​ຈາງ ເນື່ອງ​ຈາກ​ມີ​ທາດ​ເຫຼັກ ​ແລະ​ໂຟ​ເລດ​ສູງ
6. ຊ່ວຍ​ບຳ​ຣຸງ ​ແລະ ຮັກສາ​ສາຍ​ຕາ
7. ຊ່ວຍ​ບຳ​ຣຸງ​ກະດູກ ​ແລະ ​ແຂ້ວ​ໃຫ້​ແຂງ​ແຮງ ປ້ອງ​ກັນ​ພະຍາດ​ກະດູກ​ພ່ອຍ
8. ຊ່ວຍ​ປັບ​ສົມ​ດຸນ​ຂອງ​ກົດ​ດ່າງ​ໃນ​ຮ່າງກາຍ
9. ຊ່ວຍ​ບັນ​ເທົາ​ອາການ​ເຈັບ​ຄໍ
10. ຊ່ວຍ​ສ​ະຫມານ​ແຜ​ໃນ​ຊ່ອງ​ປາກ
11. ໝາກ​ເດື່ອ​ເປັນ​ຫມາກໄມ້​ທີ່​ມີ​ເສັ້ນ​ໃຍ​ອາຫານ​ສູງ ຈຶ່ງ​ຊ່ວຍ​ໃນ​ການ​ຍ່ອຍ​ອາຫານ ຊ່ວຍ​ໃນ​ການ​ຂັບ​ຖ່າຍ ​ແລະ​ ກຳຈັດ​ຂອງ​ເສຍ​ອອກຈາກ​ຮ່າງກາຍ​ໄດ້​ເປັນ​ຢ່າງ​ດີ ແລະ ຍັງ​ຊ່ວຍ​ປ້ອງ​ກັນ​ອາການ​ທ້ອງ​ຜູກ​ໄດ້​ອີກ​ດ້ວຍ
12. ໃຊ້​ເປັນ​ຢາ​ລະບາຍ ປ້ອງ​ກັນ​ອາການ​ທ້ອງ​ຜູກ
13. ຊ່ວຍ​ປ້ອງ​ກັນ ​ແລະ ​ລຸດ​ຄວາມ​ສ່ຽງ​ຂອງ​ການ​ເກີດ​ພະຍາດ​ມະ​ເຣັງ​ລຳ​ໄສ້​ໃຫຍ່
14. ຊ່ວຍ​ປ້ອງ​ກັນ​ນິ່ວ​ໃນ​ຫມາກໄຂ່ຫລັງ​ ແລະ​ ກະເພາະ​ຍ່ຽວ​ອັກ​ເສບ
15. ຊ່ວຍ​ຟອກ​ຕັບ​ແລະ​ມ້າມ
16. ຊ່ວຍ​ບັນ​ເທົາ​ອາການ​ຂອງ​ພະຍາດ​ກາມມະໂລກ
17. ເຊື່ອ​ວ່າ​ຫມາກ​ເດື່ອ​ສາມາດ​ຊ່ວຍ​ເສີມ​ສ້າງ​ພະລັງ​ທາງ​ເພດ ເນື່ອຈາກມີສານທີ່ຊ່ວຍເສີມສະມັດຕະພາບທາງເພດໄດ້
18. ຊ່ວຍ​ປ້ອງ​ກັນ​ ແລະ​ ລຸດ​ຄວາມ​ສ່ຽງ​ຂອງ​ການ​ເກີດ​ພະຍາດ​ມະ​ເຣັງ​ເຕົ້າ​ນົມ​ໃນ​ໄວ​ທອງ

ຄຸນຄ່າ​ທາງ​ໂພສະນາ​ການ​ຂອງ​ມະ​ເດື່ອ​​ແຫ້ງ ຕໍ່ 100 ກຣາມ

• ພະລັງ​ງານ                             249 ກິ​ໂລ​ແຄ​ລໍ​ຣີ
• ຄາ​ຣ​໌​ໂບ​ໄຮ​ເດ​ຣົດ                      63.87 ກຣາມ
• ນ້ຳ​ຕານ                               47.92 ກຣາມ
• ເສັ້ນ​ໃຍ                               9.8 ກຣາມ
• ໄຂ​ມັນ                                0.93 ກຣາມ
• ໂປຣ​ຕີນ                               3.3 ກຣາມ
• ວິ​ຕາ​ມິນ​ບີ 1                          0.085 ມິນ​ລິກ​ຣັມ 7%
• ວິ​ຕາ​ມິນ​ບີ 2                          0.082 ມິນ​ລິກ​ຣັມ 7%
• ວິ​ຕາ​ມິນ​ບີ 3                          0.619 ມິນ​ລິກ​ຣັມ 4%
• ວິ​ຕາ​ມິນ​ບີ 5                          0.434 ມິນ​ລິກ​ຣັມ 9%
• ວິ​ຕາ​ມິນ​ບີ 6                          0.106 ມິນ​ລິກ​ຣັມ 8%
• ວິ​ຕາ​ມິນ​ບີ 9                          9 ໄມ​ໂຄຣກ​ຣັມ 2%
• ໂຄ​ລີນ                                15.8 ມິນ​ລິກ​ຣັມ 3%
• ວິ​ຕາ​ມິນ​ຊີ                             1.2 ມິນ​ລິກ​ຣັມ 1%
• ວິ​ຕາ​ມິນ​ເຄ                            15.6 ໄມ​ໂຄຣກ​ຣັມ 15%
• ທາດ​ແຄລ​ຊຽມ                        162 ມິນ​ລິກ​ຣັມ 16%
• ທາດ​ເຫຼັກ                             2.03 ມິນ​ລິກ​ຣັມ 16%
• ທາດ​ແມກ​ນີ​ຊຽມ                      68 ມິນ​ລິກ​ຣັມ 19%
• ທາດ​ແມງ​ກາ​ນີດ                       0.51 ມິນ​ລິກ​ຣັມ 24%
• ທາດ​ຟອດ​ຟໍ​ຣັດ                       67 ມິນ​ລິກ​ຣັມ 10%
• ທາດ​ໂພ​ແທດ​ຊຽມ                    680 ມິນ​ລິກ​ຣັມ 14%
• ທາດ​ໂຊ​ດຽມ                          10 ມິນ​ລິກ​ຣັມ 1%
• ທາດ​ສັງ​ກະ​ສີ                          0.55 ມິນ​ລິກ​ຣັມ 6%

ທີ່ມາຂໍ້ມູນ: https://medthai.com/%E0%B8%A1%E0%B8%B0%E0%B9%80%E0%B8%94%E0%B8%B7%E0%B9%88%E0%B8%AD%E0%B8%9D%E0%B8%A3%E0%B8%B1%E0%B9%88%E0%B8%87/

ໝາກ​ຫວດ Lepisanthes rubiginosa (Roxb.) Leenh.

ໝາກ​ຫວດ ຈັດ​ເປັນ​ຫມາກໄມ້​ປ່າ​ທີ່​ພົບ​ຫລາຍ​ໃນ​ພາກ​ພື້ນແຕ່ໃຕ້ ເຖິງ​ພາກ​ເໜືອ ຂອງລາວ ໂດຍ​ນິຍົມ​ນຳ​ຜົນ​ສຸກ​ທີ່​ມີ​ສີ​ດຳ​ອົມ​ມ່ວງ​ ມາ​ຮັບປະທານ​ສົດ​ເປັນ​ຫຼັກ ນອກ​ຈາກ​ນັ້ນ ບາງ​ທ້ອງ​ຖິ່ນ​ຍັງ​ແປຮູບ​ເປັນ​ຜະລິດຕະພັນ​ໄວ​ໝາກ​ຫວດ​ຈຳ​ໜ່າຍ ຊຶ່ງ​ໃຫ້​ໄວ​ມີ​ສີ​ມ່ວງ​ດຳ ແລະ​ໃຫ້​ລົດ​ຊາດ​ບໍ່​ພ່າຍແພ້​ໄວ​​ຫມາກໄມ້​ຊະນິດ​ອື່ນໆ

• ວົງ : Sapindaceae
• ຖິ່ນ​ກຳ​ເນີດ : ໄທ ພ​ະມ່າ ລາວ ແລະ​ຈີນ​ຕອນ​ໃຕ້
• ຊື່​ວິທະຍາ​ສາດ : Lepisanthes rubiginosa (Roxb.) Leenh.
• ຊື່​ພ້ອງ​ວິທະຍາ​ສາດ : Eriogussum rubiginosum.

ລັກສະນະ​ທາງ​ພ​ຶດ​ສາດ

ລຳ​ຕົ້ນ

ໝາກ​ຫວດ​ເປັນ​ໄມ້​ຢືນ​ຕົ້ນ​ຊະນິດ​ປ່ຽນ​ໃບ ລຳ​ຕົ້ນ​ສູງ​ປະ​ມານ 5 – 10 ແມັດ ຫລື​ ຫລາຍກວ່າ ລຳ​ຕົ້ນ​ແຕກ​ກິ່ງ​ບໍ່​ຫລາຍ​ເຮັດໃຫ້​ມີ​ຊົງ​ພຸ່ມ​ບາງ ​ເບິ່ງ​ຄ່ອນ​ຂ້າງ​ໂປ່ງ ເປືອກ​ລຳ​ຕົ້ນ​ສີ​ນ້ຳ​ຕານ ຜິວ​ເປືອກ​ແຕກ​ເປັນ​ຮ່ອງ ກິ່ງ​ມັກ​ແຕກ​ອອກ​ຕັ້ງ​ແຕ່ລະ​ດັບ​ລຸ່ມ​ຂອງ​ລຳ​ຕົ້ນ ກິ່ງ​ແໜງ​ມັກ​ແຕກ​ອອກ​ບໍລິເວນ​ສ່ວນ​ປາຍ​ຂອງ​ກິ່ງ​ຫຼັກ ປາຍ​ກິ່ງ​ແໜງ​ມີຂົນປົກຄຸມ ສ່ວນ​ຊີ້ນ​ໄມ້​ແຂງ​ປານ​ກາງ ມີ​ສີ​ເຫຼືອງ​ອົມ​ນ້ຳ​ຕານ

ໃບ

ໃບ​ໝາກ​ຫວດ ເປັນ​ໃບ​ປະກອບ​ແບບ​ໃບ​ຄູ່ ຄື ໃບ​ສຸດ​ທ້າຍ​ມີ 2 ໃບ ມີ​ກ້ານ​ໃບ​ຫຼັກ​ທີ່​ແທງ​ອອກ​ບໍລິເວນ​ປາຍ​ກິ່ງແໜງ ກ້ານ​ໃບ​ຫຼັກ​ຢາວ 25-40 ຊັງ​ຕິ​ແມັດ ຕາມ​ກ້ານ​ໃບ​ມີກາບ​ຄຸມ ເທິງ​ກ້ານ​ໃບ​ມີ​ໃບ​ຍ່ອຍ 4-6 ຄູ່ ອອກ​ຮຽງ​ສະ​ລັບ​ກັນ ແລະ​ເຢື້ອງ​ກັນ​ຕາມ​ຄວາມຍາວ​ຂອງ​ກ້ານ​ໃບ​ຫຼັກ

ໃບ​ຍ່ອຍ​ມີ​ກ້ານ​ໃບ​ສັ້ນ ໃບ​ມີ​ຮູບ​ໄຂ່ ແລະ​ ຮີຍາວ ຂະໜາດ​ປະ​ມານ 5-8 ຊັງ​ຕິ​ແມັດ ຍາວ​ປະ​ມານ 10-20 ຊັງ​ຕິ​ແມັດ ໂຄນ​ໃບ​ມົນ ປາຍ​ໃບ​ແຫຼມ ແຜ່ນ​ໃບ​ລຽບ ຂອບ​ບໍ່​ເປັນ​ຍັກ ແຜ່ນ​ໃບ​ມີ​ສີ​ຂຽວ​ເຂ້ັມ ສ່ວນ​ສີ​ດ້ານ​ລຸ່ມ​ຄ່ອນ​ຂ້າງ​ຈາງ​ກວ່າ ແລະ​ໃບ​ທັງ​ສອງ​ດ້ານ​ມີ​ຂົນ​ອ່ອນ​ສີ​ນ້ຳ​ຕານ​ປົກ​ຄຸມ ຊີ້ນ​ໃບ​ຄ່ອນ​ຂ້າງ​ໜຽວ ນອກ​ຈາກ​ນັ້ນ ໃບ​ມີ​ເສັ້ນ​ກາງ​ໃບ ແລະ​ເສັ້ນ​ຂະແໜງ​ເບິ່ງ​ເຫັນ​ຊັດເຈນ ໂດຍ​ເສັ້ນ​ແໜງ​ບໍລິເວນ​ໂຄນ​ໃບ​ຈະ​ອອກ​ກົງ​ກັນ​ຈົນ​ເຖິງ​ປະ​ມານ​ກາງ​ໃບ​ຄ່ອຍ​ອອກ​ເຍື້ອງ​ກັນ​ໃນ​ທິດ​ຈາກ​ເສັ້ນ​ກາງ​ໃບ​ໄປ​ຈົນ​ດ​ຂອບ​ໃບ ມີ 7-8 ຄູ່ ຫລື​ ອາດ​ເປັນ​ເລກ​ຄີ່ ບໍ່​ເປັນ​ຄູ່

 

ດອກ

ດອກ​ມະ​ຫວດ​ແທງ​ອອກ​ເປັນ​ຊໍ່​ບໍລິເວນ​ປາຍ​ສຸດ​ຂອງ​ກິ່ງ ປະກອບ​ດ້ວຍ​ກ້ານ​ຊໍ່​ຫຼັກ ຍາວ​ປະ​ມານ 30-50 ຊັງ​ຕິ​ແມັດ ແລະ ​ກ້ານ​ຊໍ່​ຂະແໜງ ຍາວ​ປະ​ມານ 15-25 ຊັງ​ຕິ​ແມັດ 5-10 ຊໍ່​ແໜງ ແຕ່​ລະ​ຊໍ່​ແໜງ​ມີດ​ອກ​ຈຳນວນ​ຫລາຍ 20-30 ດອກ ແລະ​ຈະ​ມີ​ຈຳນວນ​ຫລາຍ​ເທິງ​ປາຍ​ກ້ານ​ຊໍ່​ຫຼັກ ໂດຍ​ດອກໝາກ​ຫວດ​ມີ​ຂະໜາດ​ນ້ອຍ ມີກ​ີບ​ລ້ຽງ​ສີ​ຂຽວ​ສົດ ແລະ​ມີຂົນປົກ​ຄຸມ ສ່ວນ​ກີບ​ດອກ​ມີ​ສີ​ຂາວ​ຂະນະ​ເປັນ​ດອກ​ຕູມ ແລະ​ເມື່ອ​ບານ​ຈະ​ມີ​ສີ​ເຫຼືອງ ດ້ານ​ໃນ​ປະກອບ​ດ້ວຍ​ເກ​ສົນ​​ຜູ້ ແລະ​ ​ເມຍ ຊຶ່ງ​ເປັນ​ດອກ​ສົມບູນ​ເພດ ເຮັດໃຫ້​ຕິດ​ຜົນ​ໄດ້​ເກືອບ​ທຸກ​ດອກ ໂດຍ​ດອກໝາກ​ຫວດ​ຈະ​ເລີ່ມ​ອອກ​ຕັ້ງ​ແຕ່​ເດືອນ​ ມັງກອນ (1) ແລະ​ ທ​ະຍອຍ​ອອດ​ອົກ​ຈົນ​ເຖິງ​ເດືອນ ມີນາ (3)

ຂອບໃຈຮູບຈາກ: www.technologychaoban.com

ໝາກ ແລະ​ ແກ່ນ

ໜ່ວຍຫມາກ​ຫວດ​ມີ​ລັກສະນະ​ເປັນ​ຮູບ​ໄຂ່ ຊຶ່ງ​ເກີດ​ຈາກ​ຮວຍໄຂ່3ຊ່ອງ ຈຶ່ງ​ສາມາດ​ໃຫ້​ຜົນ​ໄດ້​ເຖິງ 3 ຜົນ ໃນ​ດອກ​ດຽວ ໂດຍ​ຜົນ​ທັງ 3 ຜົນ​ທີ່​ເກີດ​ຈາກ 1 ດອກ ຈະ​ມີ​ຖານ​ຜົນ​ຕິດ​ກັນ​ເປັນ​ຮູບ​ສາມ​ຫຼ່ຽມ ແລະ​ແຕ່​ລະ​ຜົນ​ອາດ​ຈະເລີນ​ຈົນ​ສຸກ​ພຽງ​ຜົນ​ດຽວ ​ຫລື​ ຈະເລີນ​ຈົນ​ສຸກ​ໄດ້​ຄົບ​ທັງ​ສາມ​ໜ່ວຍ ຂະໜາດ​ໜາວຍ​ປະ​ມານ 0.8-1.2 ຊັງ​ຕິ​ແມັດ ຍາວ​ປະ​ມານ 1.5-2 ຊັງ​ຕິ​ແມັດ ໝາກ​ອ່ອນ​ມີ​ສີ​ຂຽວ ເມື່ອ​ຈະເລີນ​ຕໍ່​ຈະ​ປ່ຽນ​ເປັນ​ສີ​ເຫຼືອງ ສີ​ສົ້ມ ສີ​ແດງ ແລະ​ຄ່ອຍ​ໆ​ສຸກ​ປ່ຽນ​ເປັນ​ສີ​ແດງ​ອົມ​ມ່ວງ ຈົນ​ສຸກ​ເຕັມ​ທີ່​ຈະ​ມີ​ສີ​ດຳ

ໜ່ວຍຫມາກ​ຫວດ​ມີ​ເປືອກ​ກັບ​ຊີ້ນ​ຕິດ​ເປັນ​ສ່ວນ​ດຽວ​ກັນ ຊີ້ນ​ຜົນ​ສຸກ​ຄ່ອນ​ຂ້າງ​ໜາ ມີ​ສີ​ດຳ​ອົມ​ມ່ວງ ຊີ້ນ​ນຸ່ມ ໃຫ້​ລົດຊາດ​ຫວານ ຖັດ​ມາ​ຈາກ​ຊີ້ນ​ຜົນ​ຈະ​ເປັນ​ສ່ວນ​ຂອງແກ່ນ​ທີ່​ມີ​ລັກສະນະ​ເປັນ​ຮູບ​ໄຂ່ ເປືອກ​ເມັດ​ຄ່ອນ​ຂ້າງ​ແຂງ ມີ​ສີ​ເປືອກ ​ສີ​ນ້ຳ​ຕານ ໂດຍ 1 ຜົນ ຈະ​ມີ 1 ເມັດ

ໜ່ວຍຫມາກ​ຫວດ​ຈະ​ເລີ່ມ​ຕິດ​ຜົນ​ຂະໜາດ​ນ້ອຍ​ປະ​ມານ​ປາຍ​ເດືອນ​ມັງກອນ (1) ​ແລະ ໝາກ​ຈະ​ເຣີ່ມ​ສຸກ​ປະ​ມານ​ເດືອນ​ພືດສະພາ ​ຊຶ່ງ​ຈະ​ທະຍອຍ​ສຸກ​ໄປ​ເລື້ອຍ​ຈົນ​ເຖິງ​ເດືອນ​ມິ​ຖຸ​ນາ

ປະໂຫຍດ​ຂອງໝາກ​ຫວດ

1. ຜົນ​ໝາກ​ຫວດ​ສຸກ​ທີ່​ມີ​ສີ​ດຳ​ອົມ​ມ່ວງ ນິຍົມ​ຮັບປະທານ​ເປັນ​ຫມາກໄມ້ ຊີ້ນ​ຜົນ​ໜາ ແລະ​ນຸ່ມ ຊີ້ນ​ໃຫ້​ລົຊາດດ​ຫວານ​ອົມ​ຝາດ​ນ້ອຍໆ
2. ຜົນ​ໝາກ​ຫວດ​ສຸກ​ນຳ​ມາ​ໝັກ​ວ​າຍຈະ​ໄດ້​ໄວາຍສີ​ມ່ວງ ໃຫ້​ລົດ​ຫວານ ແລະ​ໃຫ້​ແອນ​ກໍ​ຮ​ໍໄດ້​ດີ
3. ເປືອກ​ລຳ​ຕົ້ນ​ໃຊ້​ຕົ້ມ​ຍ້ອມ​ຜ້າ ຢ້ອມ​ແຫ ໃຫ້​ສີ​ດຳ​ມ່ວງ ສ່ວນ​ໃບ​ກໍ​ໃຊ້​ຍ້ອມ​ໄດ້​ເຊັ່ນ​ກັນ ຊຶ່ງ​ຈະໃຫ້​ສີ​ຂຽວ​ຂີ້​ມ້າ
4. ຊີ້ນ​ໄມ້​ຫມາກຫວດ​ມີ​ຄວາມ​ແຂງ​ປານ​ກາງ ສາມາດ​ນຳ​ມາ​ເປັນ​ໄມ້​ໃຊ້​ສອຍ ເຊັ່ນ ເຮັດ​ດ້າມ​ມີດ ເສົາ​ຮົ້ວ ເຮັດ​ໄມ້​ຟືນ ເປັນ​ຕົ້ນ ແຕ່​ບໍ່​ນິຍົມ​ແປ​ຮູບ​ເປັນ​ໄມ້​ເຮັດ​ບ້ານ ເພາະ​ລຳ​ຕົ້ນ​ຄ່ອນ​ຂ້າງ​ນ້ອຍ ແລະ​ຊີ້ນ​ໄມ້​ບໍ່​ຄ່ອຍ​ແຂງ​ແຮງ
5. ຕົ້ນ​ມະ​ຫວດ​ຕາມ​ປ່າ​ເປັນ​ປະໂຫຍດໃນ​ແງ່​ອາຫານ​ສັດ​ປ່າ ໂດຍ​ສະເພາະ​ນົກ ແລະ​ກະ​ຮອກ

ສັບພະຄຸນຂອງໝາກ​ຫວດ

ຜົນ (ຫວານ​ອົມ​ຝາດ)

• ຊ່ວຍ​ລຸດ​ການ​ເກີດ​ເຊ​ລ​ລ​໌​ມະ​ເຣັງ
• ຊ່ວຍ​ປິ່ນປົວພະຍາດ​ທ້ອງ​ຣ່ວງ ທ້ອງ​ເສຍ
• ແກ້​ໄຂ້​ຮາກ​ສາດ
• ຊ່ວຍ​ລຸດ​ກົດ​ໃນ​ກະເພາະ ລຸດ​ອາການ​ແສບ​ກະເພາະ​ຈາກ​ພະຍາດ​ອາຫານ
• ຊ່ວຍ​ຮັກສາ​ແຜ​ໃນ​ກະເພາະ​ອາຫານ
• ຊ່ວຍ​ຟື້ນ​ຟູ​ສະພາບ​ຜິວ​ໃຫ້​ແລ​ເບິ່ງ​ສົດ​ໃສ
• ຊ່ວຍ​ຜ່ອນ​ຄາຍ​ກ້າມ​ຊີ້ນ ແກ້​ອາການ​ເມື່ອຍ​ລ້າ
• ຜົນ​ມີ​ລົດ​ຝາດ ຊ່ວຍ​ສະ​ມານ​ແຜ ລຸດ​ອາການ​ແສບ​ຂອງ​ແຜ ແລະ​ຮັກສາ​ແຜໃນ​ຊ່ອງ​ປາກ
• ຜົນ​ດິບ​ນຳ​ມາບົ​ດ​ທາ​ແຜ ຊ່ວຍ​ຮັກສາ​ແຜ​ໃຫ້​ຫາຍ​ໄວ ແຜ​ບໍ່​ເປື່ອຍ​ເນົ່າ​ງ່າຍ

ເມັດ

• ນ້ຳ​ຕົ້ມ​ເມັດ ນຳ​ມາ​ດື່ມ ຊ່ວຍ​ແກ້​ອາການ​ໄອ​ຊຳເຮື້ອ
• ຊ່ວຍ​ຂັບ​ພະຍາດ
• ແກ້​ຍ່ຽວ​ຂຸ່ນ
• ບັນ​ເທົາ​ພະຍາດ​ຫອບ​ຫືດ
• ແກ້​ຊາງ​ໃນ​ເດັກ

ໃບ

• ນຳ​ໃບ 5-10 ໃບ ມາ​ຕົ້ມ​ນ້ຳ​ດື່ມ ຊ່ວຍ​ແກ້​ອາການ​ຕົວ​ຮ້ອນ ແລະ​ ເປັນ​ໄຂ້
• ນ້ຳ​ຕົ້ມ​ຊ່ວຍ​ລຸດ​ຍ່ຽວຢອດ
• ນ້ຳ​ຕົ້ມ​ຊ່ວຍ​ແກ້​ຍ່ຽວ​ຂຸ່ນ
• ນ້ຳ​ຕົ້ມ​ໃຊ້​ອາບ ແກ້​ພະຍາດ​ຜິວ​ໜັງ

ເປືອກ​ລຳ​ຕົ້ນ ແລະ ​ແກ່ນ

• ເປືອກ​ສັບ​ເປັນ​ຕ່ອນ ກ່ອນ​ຕົ້ມ​ນ້ຳ​ດື່ມ ຊ່ວຍ​ແກ້ ​ບິດ​ມູກ​ເລືອດ (ທ້ອງເສຍຢ່າງຮຸນແຮງ)
• ແກ້​ທ້ອງ​ເສຍ
• ນຳ​ມາ​ອາບ​ສຳລັບ​ປິ່ນປົວພະຍາດ​ຜິວ​ໜັງ
• ນຳ​ມາບົ​ດ ໃຊ້​ປະ​ຄົບ​ແຜ ຊ່ວຍ​ໃຫ້​ແຜລແຫ້ງ ລຸດ​ນ້ຳ​ເຫຼືອງ​ໄຫຼ

 

ຮາກ

• ລຸດ​ຕົວ​ຮ້ອນ ແກ້​ໄຂ້
• ຮາກ​ນຳ​ມາ​ຕົ້ມ​ດື່ມ ແກ້​ອາຫານ​ເປັນ​ພິດ
• ຮັກສາ​ຝີ​ພາຍ​ໃນ
• ຮັກສາ​ວັນນະໂຣກ ລຸດ​ອາການ​ໄອ
• ແກ້​ອາການ​ຮ້ອນ​ໃນ ລຸດ​ການ​ກະ​ຫາຍ​ນ້ຳ
• ຊ່ວຍ​ຂັບ​ພະຍາດ
• ແກ້​ເສັ້ນ​ເອັນ​ດຶງ​ຣັ້ງ
• ແກ້​ຊາງ​ຕາຂະເຫມັ່ນ
• ປິ່ນປົວພະຍາດ​ງູດ​ວັດ
• ຊ່ວຍ​ຂັບ​ຍ່ຽວ
• ນ້ຳ​ຕົ້ມ​ໃຊ້​ອາບ ຕ້ານ​ເຊື້ອ​ຣາ ປິ່ນປົວພະຍາດ​ຜິວ​ໜັງ