ຕົ້ນໄມ້ມົງຄົນສຳລັບວັນເກີດທັງ7

ຕົ້ນໄມ້ມົງຄົນ ສຳລັບຄົນເກີດ ວັນອາທິດ Sunday

ຕາມຄຳທຳນວາຍກ່າວໄວ້ວ່າ ຄົົນທີ່ເກີດວັນອາທິດ ຈະເປັນຄົົນທີ່ມີຄວາມມຸ້ງມັ່ນ ທະເຍີທະຍານສູງ ອາດບໍ່ສຸກສະບາຍໃນຊ່ວງຊີວິດໄວເດັກ ແຕ່ຈະມີຖານະມັ່ງຄັ່ງໃນຍາມເຕີບໂຕ ເປັນຄົນໃຈກວ້າງ ມັກຊ່ວຍເຫລືອຜູ້ທີ່ດ້ອຍກວ່າ ຈຶ່ງຄວນລະວັງໃນການໃຊ້ຈ່າຍ ນອກຈາກນີ້ຍັງເປັນຄົນຈິງໃຈ ຮັກເພື່ອນຝູງ ແຕ່ເຮັດດີກັບໃຜບໍ່ຄ່ອຍຂຶ້ນ ບໍ່ຄ່ອຍໄດ້ຮັບຄວາມຈິງໃຈຕອບ ເປັນຄົນເຈົ້າຊູ້ ແຕ່ຮັກໃຜຮັກຈິງ ມັກທ່ອງທ່ຽວ ຄວນລະວັງເລື່ອງຄວາມໃຈຮ້ອນ ເຊື່ອຄົນງ່າຍ ແລະຄວາມໜ້າໃຫຍ່ໃຈໃຫຍ່ ເພາະອາດສ້າງສັດຕູໂດຍບໍ່ຮູ້ຕົວ
          ຕົ້ນໄມ້ມົງຄົນທີ່ຄວນປຸກ ຄື ດອກໄມ້ສີເຫຼືອງ ຫລືສີສົ້ມ ເນື່ອງຈາກເປັນສີທີ່ຖືກສະໂຫຼກ ແລະຈະຊ່ວຍເສີມສິຣິມົງຄົນ ເຊັ່ນ
          ຕົ້ນເສດຖີ : ເລືອກປຸກສີສົ້ມຫລືສີເຫຼືອງ ຈະນຳໂຊກລາບເຂົ້າມາຫາ
          ກຸຫຼາບ : ຫາກປຸກໄວ້ຈະເກີດຄວາມສະງ່າງາມ ພາກພູມ
          ລາດຊະພຶກ : ຈະເຮັດໃຫ້ບ້ານເບິ່ງສົດໃສ ແລະເສີມໃຫ້ມີກຽດ ມີສັກສີ
          ຈຳປາ : ປຸກໄວ້ຈະຊ່ວຍນຳໂຊກ ເໝາະກັບຄົນວັນອາທິດຢ່າງຍິ່ງ

ຕົ້ນໄມ້ມົງຄົນ ສຳລັບຄົນເກີດ ວັນຈັນ Monday

ຄົົນທີ່ເກີດວັນຈັນ ຈະເປັນທີ່ຮັກໄຄ່ຂອງຄົນທົ່ວໄປ ມີສະເນ່ ເວົ້າຈາມ່ວນອ່ອນຫວານ ກິລິຍານຸ່ມນວນ ແຕ່ເມື່ອໂມໂຫຈະປາກຮ້າຍ ສ່ວນໃຫຍ່ມັກກຳພ້າພໍ່ ຫລື ແມ່ ຕັ້ງແຕ່ໄວເດັກ ພຶ່ງພາຍາດພີ່ນ້ອງບໍ່ຄ່ອຍໄດ້ ເປັນຄົນເຈົ້ານ້ຳຕາຊ່າງເອົາໃຈຜູ້ອື່ນ ແລະ ມັກຖືກເອົາໃຈດ້ວຍເຊັ່ນກັນ ເປັນຄົນເຈົ້າສຳລານ ມະນຸດສຳພັນດີ ມີນ້ຳໃຈ ລະອຽດຮອບຄອບ ນອກຈາກນີ້ຍັງມັກຄວາມຫລູຫຣາ ມີສະຕິປັນຍາດີ ໃຝ່ຮູ້ ແລະມັກບໍ່ຕົກອັບເພາະມີຜູ້ໃຫຍ່ໃຫ້ຄວາມອຸປະຖຳສະເໝີ ແຕ່ຕ້ອງລະວັງເລື່ອງການຄົບຄົນ ອາດນຳຄວາມເດືອດຮ້ອນມາໃຫ້ ບໍ່ຄວນວິຕົກກັງວົນຫລາຍໄປ ແລະຢ່າໃຊ້ຈ່າຍຕາມໃຈຕົວເອງ

ຕົ້ນໄມ້ມົງຄົນທີ່ຄວນປຸກ ຄື ດອກໄມ້ສີຂາວ ຫລືດອກໄມ້ສີເຫຼືອງ ເພາະຈະຖືກໂສລົກຫລາຍ ເຊັ່ນ

ວາດສະຫນາ : ຫາກປຸກວາດສະຫນາຣາຊະນີ ຈະໃຫ້ບຸນສູງ ວາດສະຫນາອະທິຖານ ຈະເຮັດໃຫ້ສົມຫວັງດັ່ງໃຈ ຫລືຈະເປັນວາດສະຫນາຊະນິດອື່ນກໍາໄດ້ຜົນດີີທັງສິ້ນ
ມະລິ : ເສີມສິຣິມົງຄົນໃຫ້ຄົນໃນບ້ານມີຄວາມບໍລິສຸດຜຸດຜ່ອງ ມີຄວາມຮັກຕໍ່ບຸກຄົນທົ່ວໄປ
ຕົ້ນເສດຖີ : ປຸກເສດຖີສີເຫຼືອງ ຫລືສີຂາວ ຈະຊ່ວຍໃຫ້ມີໂຊກລາບເຂົ້າມາເລື້ອຍ ໆ
ຈຳປີ : ເສີມໃຫ້ຊີວິດຮຸ່ງເຮືອງ ແລະຫນ້າທີ່ການງານຈະເລີນກ້າວໜ້າ
ກວນອິມ : ສົ່ງຜົນດີີກັບຜູ້ປຸກ ໃຫ້ໂຊກດ້ານການເງີນ ມີຖານະລ້ຳລວຍ
ມະມ່ວງ : ຊ່ວຍເສີມໃຫ້ຜູ້ປຸກແລະຜູ້ອາໄສມີເງີນທອງເຫຼືອໃຊ້
ພູນດ່າງ : ປຸກແລ້ວຈະຊ່ວຍໃຫ້ຊີວິດຈະເລີນງອກງາມ
ແກ້ວ : ສົ່ງຜົນໃຫ້ຄົນໃນບ້ານມີຈິດໃຈແຈ່ມໃສ ສູງຄ່າ ບໍລິສຸດດຸດແກ້ວ
ໝາກຍົມ : ປົກປ້ອງຄວາມຊົ່ວຮ້າຍ ແລະເລື່ອງບໍ່ດີບໍ່ໃຫ້ມາໃກ້ ແລະເສີມໃຫ້ມີຜູ້ນິຍົມຖຶກໃຈ

ຕົ້ນໄມ້ມົງຄົນ ສຳລັບຄົນເກີດ ວັນອັງຄານ Tuesday

ຄົົນທີ່ເກີດວັນອັງຄານ ສ່ວນໃຫຍ່ຈະເຕີບໂຕ ແລະຖືກລ້ຽງດູໂດຍຄົນອື່ນ ແລະມັກບໍ່ຄ່ອຍເຊື່ອຟັງພໍ່ແມ່ໃນຊ່ວງໄວເດັກ ຊີວິດຂຶ້ນໆ ລົງໆ ເນື່ອງຈາກໃຊ້ເງີນເກັ່ງ ຄວນຢູ່ຖິ່ນໄກບ້ານຈະເຮັດໃຫ້ກ້າວໜ້າ ອຸປນິໃສຂອງຄົນເກີດວັນອັງຄານ ເປັນຄົນຈິດໃຈກ້າຫານ ບຸກຄະລິກເໝືອນເວົ້າຈາບໍ່ມ່ວນ ເວົ້າຈາບໍ່ເກງໃຈໃຜ ທັງທີ່ເປັນຄົນຈິງໃຈ ຈຶ່ງເຮັດໃຫ້ບໍ່ມີເພື່ອນແທ້ ມັກງານອິດສະຫລະທີ່ບໍ່ຕ້ອງໃຊ້ຄວາມປານີດ ຄວນລວັງເລື່ອງໃຈຮ້ອນ ເພາະຈະເຮັດໃຫ້ບໍ່ປະສົບຄວາມສຳເລັດ ຕັ້ງໃຈເຮັດວຽກ ແລະຄວນຢັບຢັ້ງເລື່ອງການໃຊ້ຈ່າຍ ວາງແຜນຫລື ລຽງລຳດັບໃຫ້ເປັນ

          ຕົ້ນໄມ້ມົງຄົນທີ່ຄວນປຸກ ຄື ດອກໄມ້ສີແດງ ຫລືສີຊົມພູ ເພາະຈັດວ່າເປັນດອກໄມ້ທີ່ຖືກສະໂຫລກ ແລະຈະເສີມສິຣິມົງຄຸນ ເຊັ່ນ

          ເຂັມ : ເຮັດໃຫ້ສະຫມອງປອດໂປ່ງ ມີຄວາມຄິດຄວາມອ່ານທີ່ດີ

          ຊະບາ : ຫາກປຸກໄວ້ຈະຊ່ວຍໃຫ້ຈະເລີນກ້າວໜ້າ ຂາດບັນຫາແລະອຸປະສັກ

          ໂປ໊ຍຊຽນ : ຊ່ວຍໃຫ້ມີຄວາມໂຊກດີໃນຊີວິດຢູ່ສະເໝີ

          ກຸຫຼາບ : ສຸກກາຍ ສະບາຍໃຈ ມີຄວາມຈະເລີນຮຸ່ງເຮືອງໃນຊີວິດ ແລະມີຄວາມສະງ່າພາກພູມ

          ໝາກຍົມ : ປຸກໄວ້ຈະຊ່ວຍໃຫ້ການດຳເນີນຊີວິດລາບຣື່ນ ສົມບູນສຸກ

ໂກສົນ : ເປັນການປຸກເພື່ອເສີມຄຸນງາມຄວາມດີ ສ້າງບຸນໃຫ້ຊີວິດ

ຕົ້ນໄມ້ມົງຄົນ ສຳລັບຄົນເກີດ ວັນພຸດ Wednesday

ຄົົນທີ່ເກີດວັນພຸດ ສ່ວນໃຫຍ່ມັກມີພະຍາດປະຈຳຕົວ ພຶ່ງພາຍາດພີ່ນ້ອງບໍ່ໄດ້ ທັງຍັງຕ້ອງເກື້ອໜຸນຍາດພີ່ນ້ອງດ້ວຍ ຊີວິດບໍ່ໄດ້ຢູ່ປົນນິບັດພໍ່ແມ່ ມັກຄົບເພື່ອນທີ່ອາຍຸຫລາຍກວ່າ ຫລືຖານະສູງກວ່າ ຖ້າບວດຈະເດັ່ນດັ່ງໃນວົງການສາດສະຫນາ ອຸປະນິໄສມີສະເນ່ ຈິດໃຈດີ ມີນ້ຳໃຈ ເວົ້າຈາເປີດເຜີຍກົງໄປກົງມາ ຮັກແລະຊື່ສັດຕໍ່ເພື່ອນຝູງ ໃຈກວ້າງ ບໍ່ເຄັ່ງຄຽດກັບຊີວິດ ມັກເລື່ອງບັນເທີງໃຈ ເບິ່ງເປັນຄົນເລຶ້ອຍໆ ເສີຍໆ ແຕ່ບໍ່ແມ່ນຄົນກຽດຄ້ານ ຫູເບົາ ຂີ້ໃຈນ້ອຍ ມັກໃຫ້ຄົນເອົາໃຈ ບໍ່ລະມັດລະວັງ ຄວນລະວັງເລື່ອງໃຈອ່ອນ ເຊື່ອຄົນງ່າຍ

ຕົ້ນໄມ້ມົງຄົນທີ່ຄວນປຸກ ຄື ດອກໄມ້ທີ່ມີສີເຫຼືອງ ເນື່ອງຈາກເປັນສີທີ່ຖືກສະໂຫລກ ຈະຊ່ວຍເສີມສິ່ງດີ ໆ ໃຫ້ກັບຊີວິດ ເຊັ່ນ

          ໂປ໊ຍຊຽນ : ປຸກແລ້ວຈະນຳໂຊກລາບມາໃຫ້ຜູ້ປຸກແລະຄົນໃນຄອບຄົວ

          ວາດນາ : ເກີດຄວາມສຸກສົມຫວັງດັ່ງໃຈປາດຖະຫນາ ຄິດສິ່ງໃດກໍ່ໄດ້ສິ່ງນັ້ນ

          ກ້ວຍ : ເຮັດໃຫ້ບ້ານຮົ່ມເຢັນເປັນສຸກ ຜູ້ປຸກສຸກກາຍສະບາຍໃຈ

          ລາດຊະພຶກ: ເສີມດ້ານຊື່ສຽງ ກຽດຕິຍົດ ສັກດິ໌ສຣີ

          ກຸຫຼາບ : ຫາກປຸກກຸຫຼາບສີເຫຼືອງ ຈະຊ່ວຍໃຫ້ມີຄວາມສຸກສົມບູນໃນທຸກ ໆ ດ້ານ

          ໂກສົນ : ຊ່ວຍສ້າງບຸນ ເພີ່ມເຈົ້າງາມຄວາມດີ ໃຫ້ຣົ່ມເຢັນເປັນສຸກ

          ພູດ່າງ : ສົ່ງເສີມໃຫ້ມີຄວາມຈະເລີນງອກງາມໃນຊີວິດ

ຕົ້ນໄມ້ມົງຄົນ ສຳລັບຄົນເກີດ ວັນພະຫັດ Thursday

ຄົົນທີ່ເກີດວັນພະຫັດ ທັງຊາຍແລະຍິງຈະມີຣູບຮ່າງສະງ່າງາມ ມີສະຕິປັນຍາສະຫລາດຫຼັກແຫຼມ ມີຄວາມລະອຽດອ່ອນ ເຮັດວຽກປານີດ ໃຝ່ຫາຄວາມຮູ້ຢູ່ສະເໝີ ເວົ້າຈາສະສານ ເຊື່ອໃນຄວາມຄິດຂອງຕົວເອງຈົນບໍ່ຄ່ອຍຍອມຮັບຟັງຄົນອື່ນ ຄຽດງ່າຍຫາຍໄວ ມັກເອົາຊະນະ ມີຄວາມມຸ້ງມັ່ນ ຫາກຕັດສິນໃຈແລ້ວຈະບໍ່ປ່ຽນແປງ ມີຄວາມທະເຢີທະຢານ ຕ້ອງການຊື່ສຽງ ກຽດຕິຍົດ ຖານະ ວາງແຜນຮອບຄອບແລະ ລໍຢ່າງໃຈເຢັນ ນອກຈາກນີ້ຍັງມີໂອກາດໄດ້ດີ ແຕ່ຈະມີທຸກເລື່ອງເພື່ອນຝູງ ແລະ ຄູ່ຄອງເພາະເປັນຄົນເຈົ້າຊູ້

ຕົ້ນໄມ້ມົງຄົນທີ່ຄວນປຸກ ຄື ຕົ້ນໄມ້ຫລືດອກໄມ້ທີ່ມີສີຂາວ ຈະຈັດເປັນສີທີ່ຖືກສະໂຫລກແລະ ເສີມດວງໃຫ້ແກ່ຄົນເກີດວັນພະຫັດ ເຊັ່ນ

          ມະລິ : ເປັນສິລິມົງຄົນເສີມໃຫ້ຄົນໃນບ້ານມີຈິດໃຈທີ່ບໍລິສຸດຜ່ອງໃສ ເປັນທີ່ຮັກໃຄ່ຂອງຄົນທົ່ວໄປ
          ຈຳປີ : ຫາກປຸກໄວ້ຈະຊ່ວຍເສີມເລື່ອງຫນ້າທີ່ການງານໃຫ້ຈະເລີນກ້າວໜ້າ
          ກຸຫຼາບ : ເລືອກປຸກດອກສີຂາວ ຈະຊ່ວຍເສີມໃນເລື່ອງຄວາມສະງ່າ ໜ້ານັບຖື
          ພຸດ : ສົ່ງຜົນໃຫ້ຜູ້ປຸກ ແລະຄົນໃນບ້ານ ມີຄວາມແຂງແຮງ ສົມບູນ ຈະເລີນຫມັ້ນຄົງ

ຕົ້ນໄມ້ມົງຄົນ ສຳລັບຄົນເກີດ ວັນສຸກ Friday

ຄົນເກີດວັນສຸກ ຈະມີບຸກຄະລິກດີ ມີສະເນ່ດ້ານການເວົ້າ ຊ່າງຢົກຍເອົາໃຈ ປາກຫວານ ປອບປະໂລມເກັ່ງ ມັກອາພັບໃນໄວເດັກ ມີຍາດກໍເໝືອນບໍ່ມີ ສ່ວນໃຫຍ່ກຳພ້າພໍ່ຕັ້ງແຕ່ເດັກ ນອກຈາກນີ້ຍັງເປັນຄົນຮັກສວຍຮັກງາມ ແຕ່ແຕ່ງຕົວບໍ່ຄ່ອຍຂຶ້ນ ເປັນຄົນຂີ້ນ້ອຍໃຈ ເວົ້າຈາອ່ອນນ້ອມຖ່ອມຕົນ ແຕ່ປາກຮ້າຍເວລາຄຽດ ມີຄວາມຮູ້ຄວາມສາມາດ ບໍ່ທະເຢີທະຍານ ມັກຊີວິດສະຫງົບສຸກ ຫມັ້ນຄົງ ປອດໄພ ບໍ່ມັກສ່ຽງໂຊກ ມັກຖືກຜູ້ຄົນອ້ອມຂ້າງບຽດບຽນພຶ່ງພາອາໄສ ແຕ່ກໍ່ເຕັມໃຈຊ່ວຍ ເຮັດວຽກທີ່ໃຊ້ພົນສະຫວັນໄດ້ດີກວ່າທີ່ຣ່ຳຮຽນມາ ໝົກມຸ່ນໂລກີ ອາພັບຄູ່ຄອງ ແຕ່ບໍ່ຕົກຍາກ

          ຕົ້ນໄມ້ມົງຄົນທີ່ຄວນປຸກ ຄື ດອກໄມ້ສີແດງ ຫລືສີຊົມພູ ຊຶ່ງປຸກແລ້ວຈະຖືກສະໂຫລກ ເຊັ່ນ

          ກຸຫຼາບ : ຄວນປຸກກຸຫຼາບສີແດງ ເພື່ອເພີ່ມຄວາມສະງ່າພາກພູມ

          ເຂັມ : ເຮັດໃຫ້ຊີວິດກ້າວໜ້າ ແລະຍ່າງໄປໃນທາງທີ່ດີ

          ໂກສົນ : ສົ່ງຜົນໃຫ້ຜູ້ປຸກແລະຄົນໃນບ້ານມີຄວາມຮົ່ມເຢັນເປັນສຸກ ມີບຸນ

          ໂປ໊ຍຊຽນ : ຫາກປຸກໄວ້ຈະເຮັດໃຫ້ມີໂຊກລາບ ມີຂ່າວດີກ່ຽວກັບເລື່ອງເງີນທອງ

          ອັນຊັນ : ເສີມໃຫ້ມີການປະສົບຄວາມສຳເຣັດໃນຊີວິດ

ຕົ້ນໄມ້ມົງຄົນ ສຳລັບຄົນເກີດ ວັນເສົາ Saturday

ຄົົນທີ່ເກີດໃນວັນເສົາ ຈະເປັນຄົນກ້າແກ່ງ ໃຈນັກເລງ ກ້າໄດ້ກ້າເສຍ ເວົ້າຈານຸ່ມນວນບໍ່ເປັນ ເວົ້ານ້ອຍ ຫລື ເວົ້າບໍ່ມີ ຫາງສຽງ ເປັນຄົນສຸຂຸມຮອບຄອບ ແຕ່ໃຈໂລເລບໍ່ໜັກແໜ້ນ ເປັນຄົນຢາກຮູ້ຢາກລອງຫຍັງໃໝ່ໆ ດື້ງຽບ ມີທິດສະດີ ມີເລ້ຫລ່ຽມ ແລະໃນບາງເທື່ອກໍສົນໃຈແຕ່ເລື່ອງຕົວເອງຫລາຍໄປ ຈົນເບິ່ງເຫັນແກ່ຕົວ ນອກຈາກນີ້ຍັງມັກງານທີ່ບໍ່ຕ້ອງເຄັ່ງຄຽດ ມີຄອບຄົວໃຫຍ່ ມັກມີຄູ່ຫລາຍແຕ່ບໍ່ແມ່ນຄູ່ແທ້ ລະວັງເພື່ອນຈະນຳຄວາມເດືອດຮ້ອນມາໃຫ້

ຕົ້ນໄມ້ມົງຄົນທີ່ຄວນປຸກ ຄື ຕົ້ນໄມ້ທີ່ເສີມໂຊກລາບ ວາດນາໃຫ້ກັບຄົນເກີດມື້ວັນເສົາ ເຊັ່ນ

ວາດນາ : ເຮັດໃຫ້ມີແຮງບັນດານໃຈ ເກີດຄວາມສຸກຄວາມສົມຫວັງ ສົມປາດຖະຫນາ

ກວນອິມ : ສົ່ງຜົນໃຫ້ຜູ້ປຸກມີຖານະດີ ມີຄວາມລ້ຳລວຍ ມີເງີນທອງ

ຈຳປີ : ເສີມໃຫ້ປະສົບຄວາມສຳເຣັດໃນຊີວິດການງານ ມີຄວາມຈະເລີນກ້າວໜ້າ

ບັກມ່ວງ : ນອກຈາກຈະໃຫ້ຜົນໄວ້ກິນແລ້ວ ຍັງເຮັດໃຫ້ຜູ້ປຸກລ້ຳລວຍຢິ່ງຂຶ້ນດ້ວຍ

ທັງນີ້ ການເລືອກປຸກຕົ້ນໄມ້ມົງຄົນຕາມມື້ເກີດນັ້ນ ອາດຊ່ວຍສົ່ງຜົນໃຫ້ເສີມດວງແລະສິ່ງດີ ໆ ເຂົ້າມາໃນຊີວິດ ແຕ່ກໍ່ຂຶ້ນຢູ່

ກັບຄວາມເຊື່ອຂອງຜູ້ຢູ່ອາໄສຕື່ມ ບາງບ້ານອາດຈະປຸກໄວ້ເພື່ອຄວາມສວຍງາມໂດຍບໍ່ໄດ້ຄຳນຶງເຖິງເລື່ອງຄວາມເປັນມົງຄົນ

ກໍ່ມີ

Friday, April 23, 2021