ການ​ປັບ​ປຸງ​ດິນ Improved soil [green manure]

 

ພວກ​ເຮົາ​ນຳ​ໃຊ້​ວິ​ທີ​ການ ຕາມ​ປະ​ເພ​ນີ​ເຄີຍ​ສືບ​ທອດ​ກັນ​ມາ ໂດຍ​ບໍ່​ໄດ້​ມີ​ການ​ສຶກ​ສາ ເມື່ອ​ມາ​ເຖິງ​ຍຸກ​ປະ​ຈຸ​ບັນ ມີ​ການ​ຄົ້ນ​ພົບ​ວິ​ທີ​ການ ຈຶ່ງ​ໄດ້​ວິ​ໃຈ​ຫາ​ວິ​ທີ​ການ​ຈົນ​ໄດ້​ມາ ເຊິ່ງ​ການ​ນຳ​ໄປ​ໃຊ້​ໃນ​ຊີ​ວິດ​ປະ​ຈຳ​ວັນ

 ວິ​ທີ​ການ​ປັບ​ປຸງ​ດິນ​ຕາມ​ປະ​ເພ​ນີ:

ແມ່ນ​ການ​ໄຖ​ປົກ​ວັດ​ສະ​ພືດ​ຕ່າງໆ ທີ່​ເກີດ​ຕາມ​ພື້ນ​ທີ່​ປູກ ເຊັ່ນ ໄຮ່​ນາ ສວນ​ເປັນ​ຕົ້ນ ແລະ ສ່ວນ​ຫລາຍ​ທີ່​ພົບ​ແມ່ນ​ຈະ​ເປັນ​ພືດ​ສີ​ຂຽວ ເຊັ່ນ ຫຍ້າ​ຍຸບ, ຫຍ້າ​ຝ​ຣັງ ຫຍ້າ​ຂິ​ວ ຫຍ້າ ແລະ ອື່ນ ເຊິ່ງ​ສາ​ມາດ​ປັບ​ສະ​ພາບ​ຂອງ​ດິນ​ໄດ້​ດີ​ໃນ​ໄລ​ຍະ​ຫນຶ່ງ​ເຊັ່ນ​ກັນ

 

ວິ​ທີ​ການ​ແບບ​ວິ​ທະ​ຍາ​ສາດ (ແບບ​ປະ​ຈຸ​ບັນ):

ເປັນ​ການ ປູກ​ພືດ​ຄຸມ​ດິນ​ໄວ້ 1-2 ເດືອນ ຫລັງ​ຈາກນັ້ນ​ກໍ່​ໄຖ​ປົກ​ລົງ​ດິນ​ ເພ​ື່ອ​ໃຫ້​ເກີດ ການ​ເນົ່າ​ສະ​ຫລາຍ ການ​ເປັນ​ຝຸ່ນ ວິ​ທີ​ການ​ແບບ​ນີ້ ເອີ້ນ​ວ່າ ການ​ໃສ່​ຝຸ່ນ​ຂຽວ

 

ສຳ​ລັບ​ພືດ ທີ່​ຈະ​ນຳ​ມາ​ເປັນ​ຝຸ່ນ​ຂຽວ ສ່ວນ​ຫລາຍ​ແມ່ນ ພືດ​ຕະ​ກຸນ​ຖົ່ວ ເພາະ​ຈະ​ໃຫ້​ທາດ​ອາ​ຫານ ຈຳ​ພວກ N ຫລາຍກວ່າ​ພືດ​ອື່ນໆ ແລະ ພືດ​ຕະ​ກຸນ​ຖົ່ວ​ທີ​ມັກ​ປູກ​ກັນ​ປະ​ກອບ​ມີ ຖົ່ວ​ຫຍ້າ, ຖົ່ວ​ຂຽວ ຖົ່ວ​ແຮ ສະ​ໂນ ຄາມ ແລະ ອື່ນໆ

 

ຂັ້ນ​ຕອນ​ການ​ເຮັດ​ຝຸນ​ຂຽວ:

1.ຫວ່ານ​ແກ່ນ​ພືດ (ຕະ​ກຸນ​ຖົ່ວ)

 

2.ປ່ອຍ​ໄວ້​ປະ​ມານ 1-2 ເດືອນ

3.ໄຖ​ປີ້ນ​ລົງ​ດິນ

4.ປ່ອຍ​ໄວ້ ຫລື ເອີ້ນ​ວ່າ​ຫມັກ​ໄວ້ 2-3 ອາ​ທິດ ຈຶ່ງ​ປູກ​ພືດ​ຈິງ​ລົງ​ດິນ

 

ການ​ໃສ່​ຝຸ່ນ​ຂຽວ ໃນ​ນາ​ເຂົ້າ

 ຖ້າ​ທ່ານ​ຈະ​ດຳ​ນາ​ໃນ​ຕົ້ນ​ເດືອນ ມີ​ຖຸ​ນາ ຕົ້ນ​ເດືອນ ພຶດ​ສະ​ພາ ທ່ານ​ຄວນ​ປະ​ສົມ​ຝຸ່ນ​ຂຽວ​ລົງ​ນາ ແລະ ຕົ້ນ​ເດືອນ ມີ​ນາ ທ່ານ​ຕ້ອງ ໄດ້​ປູກ​ຝຸ່ນ​ຂຽວ​ໄວ້, ໃນ​ຫົວ​ຂໍ້​ນີ້​ທ່ານ​ຕ້ອງ​ເຂົ້າ​ໃຈ​ໃຫ້​ຖວນ​ຖີ່​ວ່າ ເມື່ອ​ທ່ານ​ຕ້ອງ​ການ​ທີ່​ຈະ​ລົງ​ມື​ເຮັດ​ນາ (ດຳ​ນາ)ໃນ​ຕົ້ນ​ເດືອນ ມີ​ຖຸ​ນາ ທ່ານ​ຕ້ອງ ໄດ້​ທຳ​ການ​ປູກ​ພືດ(ຕະ​ກຸນ​ຖົ່ວ) ເພື່ອ​ເຮັດ​ຝຸ່ນ​ຂຽວ​ໃນ​ຕົ້ນ​ເດືອນ​ມີ​ນາ

ຈຸດ​ດີ ຂອງ​ຝຸ່ນ​ຂຽວ

• ງ່າຍ​ໃນ​ການ​ປະ​ຕິ​ບັດ​ຢູ່​ໃນ​ເນື່ອ​ທີ່​ອັນ​ກວ້າ​ໃຫຍ່
• ໃຫ້​ປູກ​ພືດ​ຕາມ​ເວ​ລາ, ປະ​ສົມ​ລົງ​ດິນ​ໃຫ້​ຖຶກ​ຕາມ​ກຳ​ນົດ​ເວ​ລາລໍ​ຖ້າ​ໃຫ້​ຍ່ອຍ​ສະ​ຫລາຍແລ້ວ​ຝຸ່ນ​ຂຽວ​ກໍ່​ໃຊ້​ການ​ໄດ້

 

ຂໍ້​ຄວນ​ໃສ​ໃຈ:

• ພາຍ​ຫລັງ​ໄຖ​ປີ້ນ​ຝຸ່ນ​ຂຽວ​ລົງ​ໃນ​ດິນ ຢ່າ​ລືມ​ລໍ​ຖ້າ​ໃຫ້​ມັນ​ຍ່ອຍ​ສະ​ຫລາຍ ຫລື ເປື່ອຍ​ກ່ອນ ຢ່າງ​ນ້ອຍ 2-3 ອາ​ທິດ ກ່ອນ​ປູກ​ພືດ
• ຢ່າ​ປ່ອຍ​ໃຫ້​ງົວ-ຄວາມ​ເຈ​ຂົ້າ​ໄປ​ກິນ​ຝຸ່ນ​ຂຽວ