ການຈຳແນກພືດ

        ພືດທີ່ເຮົາພົບເຫັນຢູ່ອ້ອມຕົວເຮົາ ມີຢູ່ຫລາຍຊະນິດ ຫລາຍສາຍພັນ ຈົນນັກວິທະຍາດສາດ ຈຳເປັນຕ້ອງໄດ້ຈຳແນກພືດໄວ້ເປັນກຸ່ມໆ ເພື່ອເຮັດໃຫ້ສະດວກໃນການສຶກສາ ເຊິ່ງມີເກນໃນການກຳນົດດັ່ງນີ້:

1.   ພືດມີດອກ ແລະ ພືດບໍ່ມີດອກ

ເປັນການຈຳແນກພືດໂດຍການພິຈາລະນາ ອະໄວຍະວະທີ່ໃຊ້ໃນການສືບພັນ

1.1       ພືດມີດອກ: ຄືພືດທີ່ໃຊ້ດອກ ໃນການສືບພັນ ເຊິ່ງຈັດເປັນພືດກຸ່ມໃຫຍ່ເຊັ່ນ: ຫມາກມ່ວງ, ຫມາກເງາະ, ກຸຫລາບ, ພູດ່າງ, ກ້ວຍໄມ້ ແລະ ອື່ນໆ

1.2       ພືດບໍມີດອກ: ຄືພືດທີ່ບໍ່ມີດອກໃນການສືບພັນ ພືດໃນກຸ່ມນີ້ມີຈຳນວນບໍ່ຫລາຍປານໃດ ບໍ່ຄືກັບພືດມີດອກ ເຊິ່ງປະກອບມີ: ເພີນ (ຜັກກູດ) ຕົ້ນສົນ, ຕົ້ງປົງ, ຜັກແວ່ນ, ຊາຍຜ້າສີດາ ກະແຕໄຕ່ໄມ້

2.    ພືດໃບລ້ຽງດ່ຽວ ພືດໃບລ້ຽງຄູ່

ການຈຳແນກພືດ ນອກຈາກເກນການຈຳແນກຈາກ ພືດມີດອກແລະ ບໍ່ມີດອກແລ້ວ ຍັງແບ່ງພືດໄດ້ 2 ປະເພດ ໂດຍພິຈາລະນາຈາກສ່ວນປະກອບການຕ່າງໆ ຂອງພືດ

2.1       ພືດໃບລ້ຽງດ່ຽວ: ເປັນພືດລ້ຽງ ຈະເລີນງອກອອກຈາກແກ່ນ ພຽງໃບດຽວ ແລະ ເມື່ອໃບລ້ຽງຈະເລີນເຕີບໃຫຍ່ຂື້ນ ກໍ່ສາມາດສັງເກດຈາກລັກສະນະຂອງຮາກ, ລຳຕົ້ນ ແລະ ໃບໄດ້ດັ່ງນີ້

·        ເສັ້ນໃບຮຽງແບບຂະຫນານ

·        ລຳຕົ້ນມີປ້ອງຊັດເຈນ ແລະ ບໍ່ມີການຈະເລີນເຕີບໃຫຍ່ອອກທາງຂ້າງ

·        ມີລະບົບຮາກຝອຍ

2.2       ພືດໃບລ້ຽງຄູ່: ເປັນພືດລ້ຽງ ຈະເລີນງອກອອກຈາກແກ່ນ 1ຄູ່ ຫລື 2ໃບ ແລະ ເມື່ອໃບລ້ຽງຈະເລີນເຕີບໃຫຍ່ຂື້ນ ກໍ່ສາມາດສັງເກດຈາກລັກສະນະຂອງຮາກ, ລຳຕົ້ນ ແລະ ໃບໄດ້ດັ່ງນີ້

·        ເສັ້ນໃບຮຽງເປັນດາງແຫ

·        ລຳຕົ້ນບໍ່ມີຂໍ້ບໍ່ມີປ້ອງ ແລະ ມີການຈະເລີນເຕີບໂຕທາງດ້ານຂ້າງ

·        ມີລະບົບຮາກແກ້ວ