ສັບພະຄຸນທາງຢາຂອງຫມາກລີ້ນຈີ່

ນວນທາງໃນໝາກຂອງ ລິ້ນຈີ່ກິນເປັນຢາແກ້ອາການໄອ ຊຳເຮື້ອ, ແກ້ອາການຢາກນໍ້າ, ຄັດດັງ, ຫຼຸດກົດໃນກະເພາະອາ ຫານ ແລະບັນເທົາອາການບໍ່ປົກ ກະຕິຂອງທາງເດີນອາຫານ ນອກ ຈາກນີ້ ປະເທດຈີນ ໃຊ້ຊາເປືອກ ໝາກລິ້ນຈີ່ບັນເທົາອາການໄຂ້ ຫວັດ, ແກ້ການຕິດເຊື້ອໃນລຳຄໍ, ອາການຖອກທ້ອງ ແລະໂລກຈາກ ການຕິດເຊື້ອໄວຣັສ, ແກ້ບິດ, ແກ້ ຜົດຜື່ນ, ເມັດມີລິດແກ້ປວດບວມ ໂດຍໃຊ້ບົດເປັນຜົງຊົງນໍ້າຊາດື່ມ ຫຼື ໃຊ້ຟອກບໍລິເວນເມື່ອມີອາການ,ຮາກລິ້ນຈີ່ ຫຼື ເປືອກໃນຕົ້ນໃຊ້ແກ້ ອາການຕິດເຊື້ອໄວຣັສ, ຕຸ່ມອີສຸກ  ອີ່ໃສ ແລະເພີ່ມຄວາມສາມາດໃຫ້ ລະບົບພູມຄຸ້ມກັນຂອງຮ່າງກາຍ ເພາະລິ້ນຈີ່ມີປະລິມານເສັ້ນໃຍອາຫານສູງມີປະລິມານພະລັງ ງານຕໍ່າ ແລະເຊື່ອກັນ ວ່າມີຄຸນສົມບັດຊ່ວຍ ເຜົາຜານສານອາຫານ ໃນຮ່າງກາຍຢ່າງມີປະ ສິດທິພາບ.

ສັບພະຄຸນທາງຢາຂອງຫມາກລີ້ນຈີ່

ສັບພະຄຸນກັບການ ຕ້ານໂລກມະເຮັງ: ມີງານວິໄຈໃນປະເທດ ຈີນເວົ້າ ເຖິງການສະ ກັດສານຟລາໂວນອຍ ທີ່ມີຢ່າງຫຼວງຫຼາຍໃນ ເປືອກ ແລະນວນລິ້ນ ຈີ່ວ່າສາມາດຊ່ວຍຢັບ ຢັ້ງການຈະເລີນຂອງ ເຊລມະເຮັງເຕົ້ານົມ ແລະການຢຶດເກາະພື້ນຜິວຂອງເຊລມະເຮັງ ໄດ້. 

ຄຸນປະໂຫຍດຂອງຫມາກຖົ່ວພູ

 

ຄຸນປະໂຫຍດຂອງຫມາກຖົ່ວພູ

ໝາກຖົ່ວພູມີຄຸນຄ່າທຽບ ເທົ່າກັບຖົ່ວເຫຼືອງ ແລະ ເມັດຖົ່ວພູກໍໃຫ້ໂປຣຕີນສູງກວ່າເມັດຖົ່ວເຫຼືອງ ແລະ ທຸກສ່ວນທີ່ນຳມາກິນໄດ້ຂອງຖົ່ວພູ  ( ດອກ, ໃບອ່ອນ, ໝາກ ແລະຫົວ ໃຕ້ ດິນ) ລ້ວນປະກອບ ໄປດ້ວຍໂປຣຕີນ ແລະສານອາຫານຕ່າງໆເຊັ່ນ: ອາ ຊິດ, ໂພແທສຊຽມ, ແຄຊຽມ, ແມັກນີ ຊຽມ ແລະທາດເຫຼັກ ສັບພະຄຸນຂອງຮາກໃຊ້ປະກອບເປັນສະໝຸນໄພ ແລະ ນໍ້າດອກໄມ້ ເປັນຢາແກ້ໂລກຫົວໃຈ ແລະຊູກຳລັງ , ຫົວໃຕ້ດິນເຜົາ ຫຼື ໜຶ້ງ ກິນຊ່ວຍບຳລຸງກຳລັງ, ເມັດແກ່ຂອງຖົ່ວພູຕາກແຫ້ງບົດເປັນຜົງລະລາຍ ນໍ້າຄັ້ງລະ 5-6 ກຣາມ ກິນມື້ລະ 3 ຄັ້ງ ກ່ອນອາຫານຊ່ວຍບຳລຸງຮ່າງກາຍ, ໝາກໃຊ້ກິນເປັນຜັກແກ້ມກັບອາຫານຕ່າງໆ.

    
ຄຸນຄ່າທາງອາຫານຂອງຖົ່ວພູ 100 ກຣາມ 

• ໃຫ້ພະລັງງານ 19 ກິໂລແຄລໍຣີ, 
• ປະກອບດ້ວຍນໍ້າ 93,8 ກຣາມ, 
• ຄາໂບໄຮເດຣຕ 2,4 ກຣາມ,
• ໂປຣຕີນ 2,1 ກຣາມ, 
• ທາດເຫຼັກ 0,5 ມິນລິກຣາມ, 
• ໄນອະຊິນ 0,8 ມິນລິກກຣາມ, 
• ໄຂມັນ 0,1 ກຣາມ, 
• ເສັ້ນໄຍ  1,2 ກຣາມ, 
• ແຄຊຽມ 5 ມິນລິກຣາມ, 
• ອາຊິດ 43 ມິນລິກຣາມ, 
• ວິຕາມິນບີ 1 ມີ 0,35 ມິນລິກຣາມ, 
• ວິຕາມິນບີ2 ມີ 0,14 ມິນລິກຣາມ ແລະ ວິຕາມິນ ເຊ 32 ມິນລິກຣາມ.

ຄຸນປະໂຫຍດຂອງຫມາກເຜັດປົ່ນ

ຄຸນປະໂຫຍດຂອງຫມາກເຜັດປົ່ນ

ໝາກເຜັດປົ່ນມີຢູ່ຫຼາຍ ຊະນິດດ້ວຍກັນ ນອກຈາກຈະຮັບ ປະທານແບບສົດໆແລ້ວ ຍັງນຳ ມາຕາກແຫ້ງເຮັດເປັນໝາກເຜັດປົ່ນເກັບໄວ້ກິນດົນໆໄດ້ອີກ, ເຜັດປົ່ນທີ່ຫຼາຍຄົນຮູ້ ບໍ່ໄດ້ມີປະ ໂຫຍດພຽງແຕ່ການໃຫ້ຄວາມ ເຜັດເທົ່ານັ້ນ ເພາະໃນເຜັດປົ່ນຍັງ ມີຄຸນສົມບັດທີ່ຊ່ວຍກຳຈັດເຊວມະ ເຮັງໄດ້ ໂດຍບໍ່ທຳຮ້າຍເຊວດີໆໃນ ຮ່າງກາຍ.

   ນອກຈາກນັ້ນແລ້ວ ຄົນທີ່ຕ້ອງ ນັ່ງ ຫຼື ຢືນເຮັດວຽກເປັນເວລາ ດົນໆ ຄວນຈະຮັບປະທານໝາກ ເຜັດປົ່ນ ເພາະຈະຊ່ວຍບັນເທົາອາການປວດກ້າມຊີ້ນ ແລະ ຫຼັງໄດ້ດີ ເພາະໃນໝາກເຜັດປົ່ນຍັງມີສານ ທີ່ຊ່ວຍກຕຸ້ນໃຫ້ເກີດຂະບວນ ການບົວລະບັດຮັກສາຕົນເອງ ຂອງ ຮ່າງກາຍ ຈິ່ງຄືການໄດ້ເຮັດດີ ທ໊ອກໄປໃນຕົວອີກດ້ວຍ. 

ວິທີປ້ອງກັນອາຫານເປັນພິດເບື້ອງຕົ້ນ

ເມື່ອກິນອາຫານເຂົ້າໄປ ແລ້ວເປັນພິດ ຫຼື ເກີດອາການຖອກ ທ້ອງຫຼາຍຈົນເກີນໄປຄວນດື່ມນໍ້າ ເກືອແຮ່ເພື່ອທົດແທນການສູນ ເສຍນໍ້າໃນຮ່າງກາຍ ແຕ່ຖ້າມີອາ ການທາງລະບົບປະສາດເຊັ່ນ: ຊັກ, ໝົດສະຕິ ຫຼື ສົງໄສວ່າຈະເກີດ ຈາກຢາຂ້າແມງໄມ້ ຫຼື ພິດອື່ນໆ ຄວນຟ້າວນຳສົ່ງໂຮງໝໍໂດຍ ດ່ວນ ແລະຖ້າຖອກທ້ອງຢ່າກິນຢາ ຢຸດຖ່າຍ ເພາະອາການຖອກທ້ອງ ສ່ວນໃຫຍ່ມັກຈະຫາຍເຊົາໄດ້ ເອງເພາະເປັນກົນໄກທຳມະຊາດ ຂອງຮ່າງກາຍທີ່ຈະຕ້ອງຂັບຖ່າຍ ຂອງເສຍອອກຈາກຮ່າງກາຍ.

    ວິທີງ່າຍໆທີ່ຈະປ້ອງກັນບໍ່ ໃຫ້ອາຫານນັ້ນເປັນພິດກໍຄື: ລ້າງ ມື ແລະຂຽງທັນທີທີ່ຈັບບາຍ ແລະ ຊອຍຊີ້ນ ງົວ, ຊີ້ນໝູ, ຊີ້ນເປັດ ແລະໄກ່ດິບໆ, ຄວນລ້າງບ່ອນ ແຕ່ງກິນທັງທີເປັນຕົ້ນແມ່ນເຄົາ  ເຕີທີ່ໃຊ້ເປັນບ່ອນແຕ່ງກິນດ້ວຍ ກະດາດທິບຊູ້ຢ່າໃຊ້ຟອງນໍ້າ ຫຼື ຜ້າແພເພາະຈະເກັບ ເຊື້ອໂລກເອົາໄວ້ ໄດ້, ອາຫານທີ່ແຊ່ຕູ້ເຢັນຄວນກິນ ໃຫ້ ໝົດພາຍໃນ 3 ມື້, ຊີ້ນສັດດິບໆທີ່ແຊ່ ໃນຕູ້ເຢັນກໍບໍ່ຄວນ ແຊ່ດົນເກີນ 3 ມື້ຄວນນຈະກິນໃຫ້ ໝົດ, ຊີ້ນໄກ່, ເປັດຄວນຈະປຸງແຕ່ງໃຫ້ ສຸກຈົນທາງໃນບໍ່ ເປັນສີບົວ ແລະເຮັດໃຫ້ຊີ້ນນັ້ນ ແຫ້ງດີເວລາຕັດຕ້ອງບໍ່ເປັນນໍ້າ ຍ້ອຍອອກມາ, ອາຫານທະເລທີ່ ແຊ່ໃນຕູ້ເຢັນຄວນຈະປຸງແຕ່ງໃຫ້ ໝົດພາຍໃນ 2 ມື້ ສ່ວນຜັກ  ແລະ ໝາກໄມ້ກໍຄວນລ້າງ ໂດຍເປີດ ນໍ້າໃຫ້ໄຫຼຜ່ານ 10-15 ວິນາທີ ເດັດໃບທີ່ບໍ່ຂຽວອອກແລ້ວນຳໄປແຊ່ ໄວ້ໃນຕູ້ເຢັນ.

 

ການປູກເຫັດປວດ Termite Mushroom

ວິທີ່ການປູກເຫັດປວກ

 ວັນທີ 24 ມີນາ 2015 - ເວລາ 15:461:03  

 

    ເຫັດປວກ (Termite Mushroom) ເປັນເຫັດອີກຊະ ນິດໜຶ່ງທີ່ມີຄວາມຕ້ອງການສູງ ໃນການບໍລິໂພກຂອງປະຊາ ຊົນທົ່ວທຸກພູມີພາກ ເນື່ອງຈາກ ເຫັດຊະນິດນີ້ມີລົດຊາດແຊບ, ອີກທັງເປັນເຫັດທີ່ມີຄວາມຫອມ ຂອງກິ່ນເຫັດ ແລະທີ່ຜ່ານມາ ເຫັດຊະນິດດັ່ງກ່າວຍັງບໍ່ມີລາຍ ງານວ່າສາມາດເພາະໄດ້, ປະ ຈຸບັນ ເຫັດປວກກໍຍັງບໍ່ສາມາດ ນຳມາເພາະໃນວັດສະດຸເພາະທີ່ ບັນລຸຢູ່ໃນຖົງພາສຕິກ, ເພາະ ເຫັດປວກນີ້ກ່ອນຈະພັດທະນາເປັນດອກເຫັດໄດ້ກໍຕໍ່ເມື່ອເສັ້ນໃຍເຫັດໄດ້ຜ່ານຂະບວນການຍ່ອຍຂອງໂຕປວກກ່ອນ ແລະ ເມື່ອເຮົາຂຸດເບິ່ງຮາກຂອງເຫັດ ປວກກໍຈະເຫັນວ່າຮາກຂອງ ດອກເຫັດທຸກດອກເກີດມາ ຈາກຮັງປວກ ຫຼື ເອີ້ນອີກຊື່ວ່າ ຈອມປວກ.

    ສະພາບແວດລ້ອມທີ່ຈະເຮັດໃຫ້ເກີດເຫັດໄດ້ນັ້ນຈະຕ້ອງມີ ລະບົບນິເວດທີ່ດີ ແລະສົມບູນ ຕາມທຳມະຊາດຫຼາຍ,  ມີຄວາມ              ຫຼາກຫຼາຍຂອງແນວພັນໄມ້ ແລະສັດນາໆຊະນິດລວມທັງ ເຫັດ ແລະລາທີ່ສາມາດພົບເຫັນ ໄດ້ຕາມແມ່ນ້ຳລຳທານ, ຂອນ ໄມ້, ປ່າໄຜ່ ຫຼື ບໍລິເວນທີ່ມີໃບໄມ້ລົ່ນທັບຖົມກັນເປັນເວລາ ດົນຈົນມີສະພາວະເໝາະສົມ ຈົນເກີດເປັນເຫັດຂຶ້ນຫຼາຍ.

    ເຫັດປວກ ເປັນເຫັດທີ່ມີ ຄວາມສຳພັນກັບສັດຈຳພວກປວກ, ເຫັດພວກນີ້ຈະອາໄສອາຫານ ແລະອຸນຫະພູມ, ຄວາມພໍດີຂອງປະລິມານກາສໃນໂພ່ງຮັງປວກເອີ້ນວ່າສວດເຫັດລາ ໃນສະພາວະທີ່ພໍເໝາະເຮັດໃຫ້ ເຊື້ອລາງອກ ແລະຈະເລີນຂຶ້ນ ສ້າງສາຍໃຍສ້າງເປັນແທ່ງ ຂອງດອກເຫັດ ແລະຄ່ອຍໆ ປ່ຽນເປັນເຫັດໂຜ່ພົ້ນດິນຂຶ້ນມາ.

 

    ວິທີການເຮັດເຫັດປວກ ນອກລະດູຄື: ຂັ້ນຕອນທຳອິດ ແມ່ນຕ້ອງຫາແຫຼ່ງເຫັດປວກທີ່ ເຄີຍຂຶ້ນມາກ່ອນ ຫຼື ເປັນແຫຼ່ງທີ່ ມີປວກຢູ່ຫຼາຍ, ຖ້າຫາກພົບ ເຫັນບ່ອນທີ່ປວກຢູ່ຫຼາຍແລ້ວ ໃຫ້ເຮັດຫຼັກປັກໝາຍໄວ້ສຳລັບເອົາຖົງພາສຕິກສີດຳ ໂດຍໃຫ້ມີ ໄລຍະຫ່າງລະຫວ່າງພື້ນດິນ ແລະຖົງພາສຕິກປະມານ 30 ຊັງຕີແມັດ ເພື່ອສ້າງອາກາດ ໃຫ້ມີຄວາມຊຸ່ມຕໍ່ລະບົບໃຫ້ນ້ຳ ແບບສະປີງເກີ,  ສ່ວນຂັ້ນຕອນຕໍ່ໄປໃຫ້ນຳເອົາເຊື້ອເຫັດນາງຟ້າ ທີ່ອອກດອກແລ້ວຈຳນວນ 20 ຖົງມາໂຮຍໃສ່ບໍລິເວນທີ່ຕ້ອງ ການໃຫ້ເຫັດປວກຂຶ້ນ, ຈາກນັ້ນຫົດນ້ຳດ້ວຍລະບົບສະປີງ ເກີດົນປະມານ 30 ນາທີແລ້ວກໍ ປົກດ້ວຍພາສຕິກສີດຳ ແຕ່ໃຫ້ ເອົາໄມ້ທັບຕີນພາສຕິກໄວ້ໃຫ້ ແຈບເພື່ອສ້າງຄວາມຊຸ່ມໃຫ້ມີສະພາບແວດລ້ອມຮ້ອນສະຫຼັບກັບຊຸ່ມ ຄືກັບສະພາບແວດລ້ອມ ຈິງຂອງເຫັດປວກ.

     ຫຼັງຈາກ 2 ມື້ຜ່ານໄປແລ້ວໃຫ້ຫົດນ້ຳຕອນແລງ 30 ນາທີ  ແລະ ໃຊ້ພາສຕິກປົກໜ້າດິນແບບ ເກົ່າ 5 ມື້ ໂດຍຫຼັງຈາກການຫົດ ນ້ຳ 1-2 ຊົ່ວໂມງ ໃຫ້ສັງເກດ ເລີ່ມມີປວກດິນຫາອາຫານເທິງໜ້າດິນ, ຫົດນ້ຳຕອນເຊົ້າ 30 ນາທີ ແລະປົກໄວ້ຄືເກົ່າ 2 ມື້ ແລະໃຫ້ຫົດນ້ຳຕອນແລງໃຊ້ ພາສຕິກປົກໜ້າດິນແບບ ເກົ່າ 5 ມື້,  ຈາກນັ້ນ ກໍເອົາພາສຕິກອອກ ບໍ່ຕ້ອງຫົດນ້ຳ 2 ມື້ ຕໍ່ມາໃຫ້ຫົດ ນ້ຳ 1 ມື້ໃນຕອນແລງລວມເປັນເວລາທັງໝົດ 15 ມື້, 5 ຮອບ ເຮັດແບບນີ້ໄປຈົນກວ່າເຫັດຈະ ອອກດອກ  ຫຼື ຈະໃຊ້ວິທີນຳເອົາຮັງປວກ 1 ກຳມື ປະສົມກັບເຂົ້າ1 ກິໂລກຣາມ ແຊ່ນ້ຳ 20 ລິດ,  ຈາກນັ້ນ ໝັກໄວ້ໃນຖັງວາງໄວ້ ໃນບ່ອນຮົ່ມປະໄວ້ 7-10 ວັນແລ້ວໃຫ້ເອົານ້ຳທີ່ໝັກໄວ້ໄປ ລາດລົງໃສ່ຈອມປວກ ແລະໃຫ້ຫາເຟືອງ ຫຼື ໃບໄມ້ແຫ້ງມາຄຸມ ຈາກນັ້ນ ກໍຫົດນ້ຳພໍຊຸ່ມປະມານ10-15 ວັນ ກໍຈະມີເຫັດໂຜ່ຂຶ້ນ ມາໃຫ ້ກິນແລ້ວ ໂດຍບໍ່ຈຳເປັນຕ້ອງລໍຖ້າຮອດຍາມເປັນປີ.

   

ຫມາກຕອບແຕບ, ໂທງເທງຝຣັງ ຫລື ແຄັບສະກູເບີລີ

ໝາກຕຸມຕາບ ຫຼື Cape gooseberry ຈັດເປັນພືດຊະ ນິດຕະກູນກັນກັບໝາກເຜັດ ມີຖິ່ນກຳເນີດໃນອາເມລິກາໃຕ້ ເປັນໝາກໄມ້ຊະນິດໜຶ່ງທີ່ມີຄຸນ ຄ່າວິຕາມິນຊີ ແລະເອສູງ ຊຶ່ງ ສາມາດປ້ອງກັນໄຂ້ຫວັດ, ພູມ ແພ້, ອາການຕາບອດ, ຊ່ວຍ ບຳລຸງສາຍຕາ...

    ໝາກຕຸມຕາບຈະມັກພົບ ເຫັນຢູ່ຂ້າງທາງທົ່ວໄປໂດຍສະ ເພາະແມ່ນຢູ່ເຂດຊົນນະບົດ ໝາກໄມ້ຊະນິດນີ້ບໍ່ຄ່ອຍມີຜູ້ຮູ້ ຄຸນຄ່າຂອງມັນພໍປານໃດຈ່ິງບໍ່ ຄ່ອຍມີໃຜນຳມາປູກໄວ້ອັນທີ່ ຈິງພືດຊະນິດດັ່ງກ່າວແມ່ນມີ ຄຸນຄ່າທາງດ້ານໂພສະນາການ ສູງຕໍ່ຮ່າງກາຍ ແລະບໍ່ຕ່າງໄປ ຈາກໝາກໄມ້ຊະນິດອື່ນໆເລີຍ ຊຶ່ງໃຜໆກໍສາມາດປູກໄວ້ໃນ ສວນຄົວບ້ານຕົນເອງໄດ້ພຽງ ແຕ່ນຳເອົາເມັດພັນທີ່ສຸກເຫຼືອງ ຈາກຕົ້ນມາວ່ານລົງໃນໜານ ກ້າ ເມື່ອສັງເກດເຫັນວ່າມັນ ໃຫຍ່ພໍນຳເອົາໄປປູກໄດ້ກໍສາ ມາດເອົາໄປປູກໃສ່ຂຸມທີ່ກຽມ ໄວ້ຕາມໄລຍະຫ່າງທີ່ຕ້ອງການ ຕາມຄວາມເໝາະສົມຂອງໃຜ ລາວພືດຊະນິດດ່ັງກ່າວບໍ່ຕ້ອງ ການຄວາມເອົາໃຈໃສ່ພໍປານ ໃດ ພຽງແຕ່ທ່ານໃຫ້ນ້ຳມື້ລະ 2 ເທື່ອເທ່ົານັ້ນຄື: ເຊົ້າ ແລະ ແລ້ງໃຫ້ສັງເກດເບິ່ງວ່າເມື່ອ ມັນອອກດອກໃຫ້ຮີບໝັ່ນໃຫ້ ນ້ຳເປັນປະຈຳຫຼັງຈາກນັ້ນສັງ ເກດເບິ່ງວ່າເປືອກຫຸ້ມດ້ານ ນອກ ແລະໝາກມັນມີສີເຫຼືອງ ເຂັ້ມກໍສາມາດເກັບກິນໄດ້.

    ບ້ານເຮົາອາກາດມີການ ປ່ຽນແປງຢູ່ເລື້ອຍເຮັດໃຫ້ບາງ ຄົນມີອາການພູມແພ້, ເປັນ ຫວັດ...ສະນັ້ນ ໃຫ້ທຸກທ່ານປູກ ໝາກໄມ້ຊະນິດດັ່ງກ່າວໄວ້ປະ ຈຳບ້ານເພື່ອຈະເປັນການບັນ ເທົາອາການຕ່າງໆໄດ້.

ຜີກ່ອງກອຍ

ໃຜເຄີຍເຫັນໂຕເປັນໆໆໆໆ ຂອງຜີກ່ອງກ່ອນແດ່ ເຊີນເບີ່ງໄດ້ເລີຍ

ການສຶກສາຜົນກະທົບທາງດ້ານສິ່ງແວດລ້ອມຂອງເຂື່ອນໄຟ້ານ້ຳ ງາ 2

ບົດລາຍງານທາງດ້ານສະພາບແວດລ້ອມເປັນ ບົດສຶກສາທີ່ສຳຄັນທີ່ສຸດສຳລັບການປະເມີນຜົນກະທົບທີ່ຈະເກີດຂື້ນພາຍຫລັງກໍ່ສ້າງເຂື່ອນໄຟຟ້າ ໂດຍການເກັບກັກນ້ຳ ເພື່ອນຳມາຜະລິດເປັນພະລັງງານໄຟຟ້າອອກມາຊົມໃຊ້

              ໃນບົດລາຍງານສະບັບນີ້ ເປັນບົດສຶກສາທາງດ້ານຜົນກະທົບສິ່ງແວດລ້ອມ ຂອງເຂື່ອນໄຟຟ້ານ້ຳງາ 2  ເຊິ່ງທ່ານໃດສົນໃຈກາລຸນາດາວໂຫລດໄປສຶກສາໄດ້