ປະຫວັດກ້ວຍໄມ້ກຸຫລາບກະເປົາເປີດ

ກຸຫລາບກະເປົາເປີດ ຫລື (Aerides falcata Lindl.)
ຈະພົບເຫັນຢູ່ເກືອບທຸກພາກຂອງລາວ ຍົກເວັ້ນ ຊຽງຂວາງ, ປາກຊອ່ງ ແລະ ເຂດແຫ້ງແລ້ງ ແຖບຊາຍແດນອັດຕະປື ແລະ ຍັງພົບທີ່ ໄທ ມ້ຽນມ່າ, ກຳປູເຈຍ ແລະ ຫວຽດນາມ ເປັນກ້ວຍໄມ້ທີ່ມີປາຍປາກອາກວ້າງອອກ ຍຶ່ນໄປທາງດ້ານຫນ້າມີເດືອຍດອກຂ້ອນຂ້າງຊື່ລີ້ຢູ່ກ້ອງປາຍປາກ ໃບຍາວ 20-30 ຊັງຕີແມັດ ກ້ວາງ 2-4 ຊັງຕີແມັດ ແລະ ຈະອອກດອກໃນຊ່ວງເດືອນເມສາເຖິງ ພຶດສະພາ ຊໍ່ດອກຫ້ອຍ ຂະຫນາດຂອງດອກປະມານ 2.5 ຊັງຕີແມັດ ດອກມີກິ່ນຫອມ

ປະຫວັດກ້ວຍໄມ້ສະກຸນເຂັມແດງ

ເຂັມແດງ (Ascocentrum curvifolium)

           ພົບວ່າກະຈາຍພັນຢູ່ແຄວ້ນອັສສຳ ປະເທດອິນເດຍ ມາທາງມ້ຽນມ່າຈົນເຖິງປະເທດໄທແຖບຈັງຫວັດແມ່ຮ່ອງສອນ ຊຽງໃໝ່ ຕາກ ແລະ ການຈະນະບູລີ ທີ່ລະດັບຄວາມສູງ 100-300 ແມັດ ຈາກລະດັບນ້ຳທະເລ ໃບສີຂຽວອ່ອນ ຂ້ອນຂ້າງອວບນ້ຳໃບແຄບໂຄ້ງກຽວ ຍາວປະມານ 20 ຊັງຕີແມັດ ກ້ວາງ 1 ຊັງຕີແມັດ ລະດູແລ້ງຂອບໃບຈະປາກົດມີຈຸດສີມ່ວງ ດອກມີສີແດງອົມສົ້ມ ດອກປະມານ 1.5 ຊັງຕີແມັດ ຊໍ່ດອກຈະເປັນຮູບຊົງກະບອກຕັ້ງຊື່ແຂງຍາວປະມານ 20 ຊັງຕີແມັດດອກແຫນ້ນຊໍ່ດອກບານດົນເປັນອາທິດ ແລະ ຈະອອກດອກໃນຊ່ວງເດືອນເມສາເຖິງພຶດສະພາ

ໂກສົນ

ໂກສົນມີຫລາຍສາຍພັນ ແລະ ໂກສົນ ແຕ່ລະສາຍພັນ ມີຮູບຮ່າງລັກສະນະທີ່ແຕກຕ່າງກັນໄປ ມີຄວາມງາມທີ່ໂດຍເດັ່ນສະເພາະ ທາງຂອງໂກສົນເອງ

ເພີ່ມຄຳບັນຍາຍ

ຕົ້ນໄມ້ປະຈຳວັນເກີດ

ເກີດວັນອາທິດ

ຕົ້ນໄມ້ມີ: ຕົ້ນພວງແສດ, ພຸດທະຮັກສາ, ທຳມະຮັກສາ ແລະ ເຢີບີລາທີ່ມີດອກສີສົ້ມ
ສ່ວນດອກໄມ້ມີ: ກຸຫລາບສີສົ້ມ ຈະຖຶກສະໂຫລກກັບຄົນວັນອາທິດ ຄົນວັນນີ້ມີນິໃສທະເຍີທະຍານກະຕືລືລົ້ນ ແລະ ອີກດອກຫນຶ່ງຄື ດອກຕາເວັນ ເຊິ່ງບົ່ງບອກເຖິງການຖືຕົວ ຍິ່ງໃນສັກສີ

ເກີດວັນຈັນ

ຕົ້ນໄມ້ມີ: ຕົ້ນມະລິ, ຕົ້ນແກ້ວ, ຕົ້ນພຸດ, ຕົ້ນຈຳປີ ຍິ່ງຖ້າວ່າປູກແລ້ວອອກກິ່ນຫອມຍິ່ງຈະມີໂຊກ
ດອກໄມ້: ດອກມະລິຂາວສະອາດ ຫມາຍເຖິງຕົວຄົນທີ່ນຸ່ມນວນອ່ອນໂຍນ ຮຽນຮ້ອຍ ສ່ວນອີກດອກຫນຶ່ງຄືດອກກຸຫລາບສີຂາວ ໝາຍເຖິງຄວາມຮັກທີ່ອ່ອນໂນ ແລະ ບໍ່ຕ້ອງການສິ່ງຕອບແທນເພາະຄົນວັນຈັນມັກອ່ອນໂຍນອ່ອນໄຫວ ໂລແມນຕິກ ແລະຊ່າງຝັນ

ເກີດວັນຄານ

ຕົ້ນໄມ້: ຕົ້ນໄຊຍະພຶກ, ຊົມພູພັນທິບ, ຕົ້ນຍີ່ໂຖ, ເຂັມດອກສີບົວ ຖ້າຕົ້ນໄມ້ອອກດອກຫລາຍໝາຍຄວາມວ່າເຈົ້າຈະມີຄວາມສຸກ

ດອກໄມ້ປະຈຳວັນເກີດ: ກວ້ຍໄມ້ ໂດຍສະເພາະດອກທີ່ມີສີຊົມພູ ເພາະໝາຍເຖິງຄວາມຮັກທີ່ຮ້ອນຮົນ ຫລື ວາບ​ວູບຕາມອາລົມຂອງຄົນວັນນີ້

ວັນພຸດ 

ຕົ້ນໄມ້ຂອງຄົນວັນນີ້ຈະແມ່ນ: ຕົ້ນໄມ້ທີ່ມີໃບສີຂຽວ ໂດຍສະເພາະຕົ້ນກະດັງງາ, ສົນສັດ ດັ່ງນັ້ນຄວນປູກໄມ້ໃຫ້ຫລາຍໆຈຶ່າງຈະໂຊກດີຕົ້ນໄມ້ເຫລົ່ານີ້ຈະປົກປ້ອງທ່ານໄດ້ຄື: ດອກບົວ ໝາຍເຖິງຈິດໃຈອັນສະຫງົບ ເພາະຄົນວັນພຸດມັກຈະເປັນນັກການທູດ

ດອກໄມ້ປະຈຳວັນເກີດມີ: ດອກບົວ ຊຶ່ງຄົນວັນພຸດມັກຈະເປັນນັກຄຳນວນ(ເງິນ)ດອກໄມ້ຊະນິດນີ້ຫມາຍເຖິງຄວາມຮັກທີ່ມາພ້ອມເງິນ

ວັນພະຫັດ

ຕົ້ນໄມ້ປະຈຳຕົວ: ຕົ້ນໂສນ, ລາດສະພຶກ, ບານບຸລີ ຫາກມີຕົ້ນໄມ້ພວກນີ້ຢູ່ເຮື່ອນຈະເຮັດໃຫ້ໂຊກດີ

ດອກໄມ້ມີ: ດອກກຸຫລາບສີເຫລືອງໝາຍເຖິງການປ່ຽນແປງດ້ານຄວາມຮັກ ເພາະຄົນວັນພະຫັດຈະເປັນຄົນຮັກງ່າຍນ່າຍໄວ ແລະ ເປັນຄົນເຈົ້າຊູ້

ເກີດວັນສຸກ

ຕົນໄມ້ມີ: ພະຍັກໝອກ ຕົ້ນແສ ຕົ້ນອັນຊັນ

ສ່ວນດອກໄມ້ມີ ກຸຫລາບທຸກສີ

ເກີດວັນເສົາ

ຕົ້ນໄມ້ມີ: ກັນລະປັງຫາ  ພວງຄາມຕົ້ນອິນທະນິນເປັນຕົ້ນໄມ້ປະຈຳວັນເກີດ

ດອກໄມ້ຈະມີ: ດອກລິນລີ່  

ລັກສະນະພືດສາດຂອງກ້ວຍໄມ້

 

ຊື່ວິທະຍາສາດ:    Orchid
ຊື່ວົງ:    ORCHIDACEAE
ຊື່ສາມັນ:    Orchid
ຊື່ພື້ນເມືອງ:    ເອື້ອງ

ລັກສະນະທົວໄປ:

    ລຳຕົ້ນ    ລຳຕົ້ນຂອງກ້ວຍໄມ້ບໍ່ມີແກນ ແລະ ເປືອກ  ເນື້ອດ້ານໃນສະເໝີກັນ  ລຳຕົນມີສອງລັກສະນະຄື: ລຳຕົ້ນແທ້ ແລະ ລຳຕົ້ນທຽມ  ມີຂໍ້ ແລະ ປ້ອງຄືກັບພືດໃບລ້ຽງດ່ຽວທົ່ວໄປ  ມີການຈະເລີນເຕີບໂຕທາງຍອດ  ລຳຕົ້ນທຽມຫລື ລຳລູກກ້ວຍມີໄວ້ສະສົມອາຫານ   ມີລຳຕົ້ນເປັນເຫງົ້າ  ມີຂໍ້ ແລະ ປ້ອງຖີ່ ຈະເລີນຕາມແນວນອນໄປຕາມຜິວຂອງເຄື່ອງປູກ  ຮາກກົມອອບເປັນເສັ້ນນ້ອຍແຂງຫລືແປຮາບ ມີທັງຮາກດິນ, ຮາກເຄິ່ງອາກາດ, ຮາກອາກາດ ແລະຮາກອື່ນໆ
    ໃບ    ເປັນໃບລ້ຽງດ່ຽວມີລັກສະນະຕ່າງກັນອອກໄປ ເຊັ່ນ: ຮູບແຖບ, ຮູບກົມຍາວ ຫລື ລົດຮູບເປັນພຽງເກັດ  ແຜ່ນໃບບາງຄ້າຍໃບຫມາກ ຫນາ ອວບ ຫລື ເປັນແທ່ງກົມ  ສ່ວນຫລາຍແລ້ວຈະບໍ່ມີສ່ວນທີ່ເປັນກ້ານໃບຊັດເຈນ  ສີໃບຈະຂຽວສົດ ບາງຊະນິດກໍ່ມີສີມ່ວງຄ້ຳ, ບາງຊະນິດກໍ່ມີສີສັນ ແລະລວດລາຍ

    ດອກ    ຈະອອກທີ່ປາຍລຳຕົ້ນ  ຊອກໃບ ຫລື ຂ້າງຕົ້ນ  ເປັນດອກດ່ຽວ ແລະ ດອກຊໍ່  ແຕ່ລະດອກມີກີບລ້ຽງ 3 ດອກສະຫລັບກັນກີບດອກ 3 ກີບ  ກີບດອກອັນລຸ່ມມີລັກສະນະຕ່າງອອກໄປເອີ້ນວ່າ ກີບປາກ ຫລື ກີບກະເປົາ ໄວ້ສຳລັບລໍ້ແມງໄມ້ ກ້ານເກສອນຕົວແມ່ ແລະ ຍອດເກສອນຕົວເມຍ ເຊື່ອມຕິດກັບເກສອນຕົວຜູ້ເປັນເສົາ ເກສອນຢູ່ລຸ່ມດອກ ເກສອນຜູ້ຈະຢູ່ຮ່ວມກັນເປັນກ້ອນ ແຕ່ລະອັນມີຝາປິດ 2,4 ຫລື 8 ກ້ອນ ແລ້ວແຕ່ຊະນິດຂອງກ້ວຍໄມ້  ຍອດເກສອນແມ່ຈະເປັນເມືອກໜຽວ  ຮັງໄຂ່ຈະຢູ່ສ່ວນກ້ານດອກ ເມື່ອໄດ້ຮັບການປະສົມພັນຈະກາຍເປັນດອກອີກຕໍ່ໄປ
    ໝາກ/ຝັກ    ກ້ວຍໄມ້ທີ່ມີອາຍຸແຕ່ປະສົມພັນຈົນເຖິງມີຝັກຈະແຕກຕ່າງກັນຕາມຊະນິດຂອງກ້ວຍໄມ້ ກ້ວຍໄມ້ບາງຊະນິດອາດຈະຝັກແກ່ໃນໄລຍະເວລາພຽງເດືອນກ່ວາໆ ແຕ່ບາງຊະນິດກໍ່ຈະມີອາຍຸເຖິງ ປີເຄິ່ງຈຶ່ງຈະແກ່ຝັກຂອງກ້ວຍໄມ້ປະເພດບໍ່ແຕກກໍ່ຈະຕິດຢູ່ກັບກ້ານລັກສະນະຕັ້ງເອົາປາຍຊີ້ຂຶ້ນ  ສ່ວນພວກແຕກກໍຈະຫ້ອຍລົງເປັນສ່ວນໃຫຍ່ເຊັ່ນຝັກຂອງກ້ວຍໄມ້ສະກຸນຫວາຍເປັນຕົ້ນ ແຕ່ລະຝັກຈະມີແກ່ນຕັ້ງແຕ່ 1,600 – 4,000,000 ເມັດ
    ເມັດ   ມີລັກສະນະຮຽວຍາວໂຄ່ງກາງຄ້າຍລູກຮັກບີ່ ມີສີສັນທີ່ແຕກຕ່າງກັນໄປເຊັ່ນ: ສີນ້ຳຕານ, ສີເທົາ, ສີເຫລືອງ, ສີຂາວ

ລະດູການອອກດອກ:    ຈະຂື້ນຢູ່ກັບສາຍພັນ
ການຂະຫຍາຍພັນ:    ແຍກລຳ,ແຍກຫນໍ່,ຊຳຕົ້ນ ແລະ ຍອດ,ລ້ຽງເນື້ອເຍື່ອ
ສ່ວນທີ່ມີກິ່ນຫອມ:    ດອກ ຂື້ນຢູ່ກັບສາຍພັນ
ຖິ່ນກຳເນີດ:    ລາຕິນອາເມລິກາ, ອາຊີປາຊີຟິກ

ການຈຳແນກປະເພດຂອງກ້ວຍໄມ້

ການຈຳແນກປະເພດຂອງກ້ວຍໄມ້

ກວ້ຍໄມ້ຖ້າຈຳແນກຕາມປະເພດແລ້ວ ສາມາດແບ່ງອອກເປັນ 4 ປະເພດຄື:

1. ຮາກດິນ
2. ຮາກເຄິ່ງດິນ
3. ຮາກອາກາດ
4. ຮາກເຄິ່ງອາກາດ
5. ຮາກເກາະ

ກວ້ຍ​ໄມ້​ຮາກ​ດິນ

ກ້ວຍ​ໄມ້ ຮາກ​ເຄິ່ງ​ດິນ

ກວ້ຍ​ໄມ້ ຮາກ​ເຄິ່ງ​ອາ​ກາດ

​ກ້ວຍ​ໄມ້ ຮາກ​ອາ​ກາດ

ກ້ວຍໄມ້ແຄດທຣີຢ່າ cattleya

ແຄດທຣີຢ່າມີຖິນກຳເນີດແຖບ ອາເມລິກາ ແຕ່ເຫນືອຮອດໄຕ້ ແລະ ກໍ່ມີການນຳເຂົ້າມາປູກທີ່ປະເທດລາວຫລາຍລິບປີຜ່ານມາແລ້ວ ນອກນັ້ນຍັງມີການປັບປຸງສາຍພັນ ໂດຍການປະສົມພັນກັບສະກຸນຕ່າງເພື່ອໃຫ້ກ້ວຍໄມ້ລາວມີສາຍພັນທີ່ງົດງາມເປັນເອກະລັກ ສີສັນສົດໃສ ເຫັນແລ້ວເປັນທີ່ຖືກໃຈຕ້ອງຕາຂອງຜູ້ຄົນ ເຊິ່ງການປະສົມພັນມີຂັນຕອນ ແລະ ວິທີ ການຢູ່ດ້ານຂ້າງກະລຸນາອ່ານເບິ່ງ


ກຸ່ມກ້ວຍໄມ້ແຄດທຣີຢ່າ ແມ່ນກຸ່ມທີ່ໄດ້ຜ່ານການປະສົມພັນກັບຫລາຍໆສະກຸນ ແລະ ຫລາຍສາຍພັນ ເຮັດໃຫ້ການເອີ່ນຊື່ແຕກຕ່າງກັນໄປຕາມສະກຸນ ແລະສາຍພັນ ເຊິ່ງສ່ວນໃຫຍ່ທີ່ມັກປະສົມແມ່ນກຸ່ມຂອງ อ Brakeria , Brassavola , Brongtonia , Cattleyonopsis , Diacrium , Laelia , Laeliopsis , Epidendrum , Schomburgkia และ Sophronitis



ນອກຈາກນີ້ຍັງສາມາດປະສົມກັບກ້ວຍໄມ້ປ່າໄດ້ອີກ

ເຊິ່ງການກຳນົດຊຶ່ເຂົ້າເຈົ້າມີຫລັກການດັ່ງນີ້:
Bishopara (Bish.) = Cattleya x Brongtonia x Sophronitis
Brassocattleya (Bc.) = Cattleya x Brassavola
Brassolaeliocattleya (Blc.) = Cattleya x Brassavola x Laelia
Brownara (Bwna.) = Cattleya x Brongtonia x Diacrium
Buiara (Bui.) = Cattleya x Brongtonia x Epidendrum x Laelia x Sophronitis
Cattletonia (Ctna.) = Cattleya x Brongtonia
Diacattleya (Diaca.) = Cattleya x Diacrium
Epicattleya (Epc.) = Cattleya x Epidendrum
Epilaeliocattleya (Eplc.) = Cattleya x Epidendrum x Laelia
Fergusonara (Ferg.) = Cattleya x Brassavola x Laelia x Schomburgkia x Sophronitis
Fujiwarara (Fiw.) = Cattleya x Brassavola x Laeliopsis
Hasegawarara (Hasgw.) = Cattleya x Brassavola x Brongtonia x Laelia x Sophronitis
Hawkesara (Hwkra.) = Cattleya x Cattleyonopsis x Epidendrum
Hawkinsara (Hknsa.) = Cattleya x Brongtonia x Laelia x Sophronitis
Herbertara (Hbtr.) = Cattleya x Laelia x Schomburgkia x Sophronitis
Higashiara (Hgsh.) = Cattleya x Diacrium x Laelia x Sophronitis
Hookerara (Hook.) = Cattleya x Brassavola x Diacrium
Iwanagara (Iwan.) = Cattleya x Brassavola x Diacrium x Laelia
Jewellara (Jwa.) = Cattleya x Brongtonia x Epidendrum x Laelia
Kirchara (Kir.) = Cattleya x Epidendrum x Laelia x Sophronitis
Laeliocatonia (Lctna.) = Cattleya x Brongtonia x Laelia
Laeliocattkeria (Lcka.) = Cattleya x Brakeria x Laelia
Laeliocattleya (Lc.) = Cattleya x Laelia
Northenara (Nrna.) = Cattleya x Epidendrum x Laelia x Schomburgkia
Osmentara (Osmt.) = Cattleya x Brongtonia x Laeliopsis
Ottara (Otr.) = Cattleya x Brassavola x Brongtonia x Laelia
Potinara (Pot.) = Cattleya x Brassavola x Laelia x Sophronitis
Recchara (Recc.) = Cattleya x Brassavola x Laelia x Schomburgkia
Rolfeara (Rolf.) = Cattleya x Brassavola x Sophronitis
Rothara (Roth.) = Cattleya x Brassavola x Epidendrum x Laelia x Sophronitis
Scullyara (Scu.) = Cattleya x Epidendrum x Schomburgkia
Sophrocattleya (Sc.) = Cattleya x Sophronitis
Sopholaeliocattleya (Slc.) = Cattleya x Laelia x Sophronitis
Stacyara (Stac.) = Cattleya x Epidendrum x Sophronitis
Stellamizutaara (Stlma.) = Cattleya x Brassavola x Brongtonia
Vaughnara (Vnra.) = Cattleya x Brassavola x Epidendrum
Westara (Wsta.) = Cattleya x Brassavola x Brongtonia x Laelia x Schomburgkia
Willburchangara (Wbchg.) = Cattleya x Brongtonia x Epidendrum x Schomburgkia
Yahiroara (Yhra.) = Cattleya x Brassavola x Epidendrum x Laelia x Schomburgkia
Yamadara (Yam.) = Cattleya x Brassavola x Epidendrum x Laelia

ການໃຫ້ປຸຍກ້ວຍໄມ້

ປຸຍສູດສະເໝີ ເຊັ່ນ:  21-21-21 ໃສ່ກັບກ້ວຍໄມ້ທີ່ຈະເລີນເຕີບໂຕປົກະຕິ
ປຸຍທີ່ມີທາດ N ສູງ ເຊັ່ນ 30-10-10 ເຫມາະແກ່ກ້ວຍໄມ້ທີ່ນ້ອຍ ແລະກຳລັງຈະເລີນເຕີບໂຕ ປຸຍທີ່ມີທາດ P ສູງ ເຊັ່ນ 10-30-10 ໃສ່ກັບກ້ວຍໄ້ມທີ່ໃຫຍ່ເຕັມທີ່ ແລະຕ້ອງການທີ່ຈະເລັ່ງການເກີດດອກ ແລະ ຮາກ ປຸຍທີ່ມີທາດ K ສູງ ເຊັ່ນ 10-10-30 ເຫມາະແກ່ກ້ວຍໄມ້ທີ່ກຳລັງຈະເລີນເຕີບໂຕ 




             ຕາມປົກະຕິແລ້ວເຮົາຈໃຫ້ປຸຍໃນເວລາເຊົ້າ ດີກວ່າຕອນບ່າຍ ເນື່ອງຈາກວ່າໃສ່ແລ້ວພືດຈະນຳໄປໃຊ້ໄດ້ເລີຍ ແລະ ອີກຢ່າງຫນຶ່ງການໃຫ້ປຸຍ ເຮົາຈະໃຫ້ ທຸກໆ 7 ວັນໂດຍການລະລ່າຍປຸຍໃນນ້ຳສີດພົ່ນ ແຕ່ກ່ອນຈະສີດພົ່ນຄວນຫົດ ນ້ຳໃຫ້ຊຸ່ມເສຍ ກ່ອນປຸຍຈຶ່ງຈະຊຶມເຂົ້າໄດ້ງ່າຍກວ່າ ແລະ ບໍ່ວ່າຈະເປັນລະດູໃດກໍ່ຄວນໃຫ້ປຸຍທັງຝົນ ແລະ ແລ້ງ ແຕ່ການໃຫ້ຝຸນລະດູຝົນ ຄວນມີຂໍປະຕິບັດດັ່ງນີ້: ໃຫ້ສັງເກດເບິ່ງ ໃນອາທິຫນຶ່ງມີມື້ໃດທີ່ອາກາດປອດໂປ່ງດີກໍ່ຄວນໃຫ້ວັນນັ້ນ ແຕ່ສິ່ງສຳຄັນບໍ່ຄວນໃຫ້ປູຍເມື່ອສັງເກດເຫັນວ່າຈະມີຝົນຕົກເພາະ ພືດຈະບໍ່ທັນໄດ້ໃຊ້ຜົນປະໂຫຍດຈາກປຸຍກໍ່ຖຶກນ້ຳຊະລ້າງຖີ້ມ ເສບດາຍປຸຍ ເພາະປຸຍມີລາຄາແພງ


               ຫມາຍເຫດ:
ໃນເວລາໃຫ້ປຸຍຄວນຫົດນ້ຳກ່ອນຈຶ່ງສິດປຸຍ ບໍ່ຄວນຫົດປຸຍຈຶ່ງສີດນ້ຳເພາະຈະເສຍປຸຍລ້າ




         

ການທາບກິ່ງຫມາກສີດາ

• ການກຽມເຄື່ອງມື ອຸປະກອນມີ

1. ມີດນ້ອຍ
2. ຜ້າເທັບ
3. ກາບພ້າວຕົ້ມ ແລະ ຟັກລະອຽດດີແລ້ວ
4. ຖົງຢາງ
5. ເຊືອກຟາງ
6. ຕົ້ນຕໍ
7. ງ່າພັນດີ
8. ຮໍໂມນເນື້ອເຍື່ອ ຖ້າມີກໍ່ໃສ່ ຖ້າບໍ່ມີກໍ່ບໍ່ໃສ່

1. ຄັດເລືອກກິ່ງພັນດີ                                  
2. ປາດເສືອນຕົ້ນຕໍ ແລະ ກິ່ງທາບໃຫ້ເປັນລັກສະນະກົງກັນຂາມກັນດັ່ງພາບ      
3. ໃຊ້ຜ້າເທັບພັນແຕ່ລຸ່ມຂື້ນເທິງດັ່ງພາບ                                                                  
4. ລໍຖ້າປະມານ 6-7 ອາທິດ ກໍ່ສາມາດຕັດໄປຊຳໄດ້                                             

ການຕິດຕາ

          ວິທີໃນການເລີ່ມຮຽນຕິດຕາ ຫລື ຢາກຕິດຕາ ມີຂັ້ນຕອນດັ່ງນີ້:

• ເຄື່ອງມື ແລະ ອຸປະກອນ ປະກອບມີ: 
• ຂັ້ນຕອນການປະຕິບັດ

1. ປາດເສືອນຕົ້ນຕໍທີ່ກຽມໄວ້  ໂດຍໃຫ້ຫ່າງກັນປະມານ 1 ໃນ 3 ຂອງລວງຮອບຕົ້ນ                                                                          
2. ປາດແກະເອົາຕາພັນດີ ໃຫ້ໄດ້ຂະຫນາດເທົ່າກັບປາກບາດຕົ້ນຕໍທີ່ປາດເສທອນອອກນັ້ນ
3. ນຳຕາພັນດີໄປປະກົບ ຫລື ຕິດໃສ່ຕົ້ນຕໍ ດັ່ງພາບ:                                                  
4. ພັນ ຫລື ປິດດ້ວຍຜ້າເທັບສະເພາະຂະຫຍາຍພັນໄມ້
5. ລໍຖ້າ 14 ວັນ ຫລື ຫນ້ອຍກວ່ານັ້ນຕາມສະນິດພືດ ຈຶ່ງມາເປີດຕາໄດ້

ສອບຖາມຂໍ້ມູນເພີ່ມເຕີມໄດ້ທີ່

ການປູກຖົ່ວງອກ

ການຜະລິດຖົ່ວງອກມີດັ່ງນີ້:

ນຳແກ່ນຖົ່ວລົງໃສ່ພາສະນະ ແລະ ຄວນເຄ່ຍໃຫ້ຢູ່ໃນສະພາບຮາບພຽງກັນ ປົກດ້ວຍຜ້າຂາວ ແລະ ຫົດນ້ຳໃສ່ທາງດ້ານຫນ້າໃຫ້ທົ່ວຫລືອາດຈະໃຫ້ແບບໃຊ້ບົວຫົດກໍ່ໄດ້ ການໃຫ້ນ້ຳຄວນໃຫ້ທຸກໆ 3-4 ຊົ່ວໂມງ           

ຕົ້ມນ້ຳໃຫ້ຟົດ
ນຳນ້ຳທີ່ຟົດນັ້ນມາເທລົງໃນພາສະນະທີ່ຕຽມໄວ້

ຫລັງຈາກນັ້ນໃຫ້ເທນຳທຳມະດາໃສ່ນ້ຳຮ້ອນໃຫ້ອຸນນະພູມລົດລົງເຫລືອ 50-60 ອົງສາກໍ່ພໍ

ນຳແກ່ນຖົ່ວທີ່ຕຽມໄວ້ນັ້ນລົງມາໃສ່ນ້ຳທີ່ໄດ້ຜ່ານການລົດຄວາມຮ້ອນລົງແລ້ວ ຫລື ໃສ່ນ້ຳຮ້ອນ1 ສ່ວນ/ນ້ຳເຢັນ 1 ສ່ວນ ແລະ ໃຫ້ແຊ່ໄວ້ 6-8 ຊົ່ວໂມງ

ເຈາະກົ້ນພາສະນະອີກອັນເພື່ອທີ່ຈະຕຽມເອົາລົງມາເພາະ

ນຳແກ່ນຖົ່ວທີ່ແຊ່ໄວ້ຄົບ 6-8 ຊົ່ວໂມງມາໃສ່ພາສະນະທີ່ຕຽມໄວ້ ໂດຍທົ່ວໄປເວລາແຊ່ຈະມີແກ່ນຈຳນວນຫນຶ່ງຟູຂື້ນມາ ໃຫ້ຕັກຖີ້ມໄດ້

ໂດຍທົ່ວໄປແລ້ວຖົ່ວຈະໃຫຍ່ກວ່າປົກະຕິ 5-6 ເທົາ ດັ່ງນັ້ນຄວນເລືອກພາສະນະທີ່ພຽງພໍກັບຖົ່ວ

ການໃຫ້ນ້ຳຄວນໃຫ້ທຸກໆ 3-4 ຊົ່ວໂມງ ຫົດໃຫ້ທົ່ວ ແລະ ຄວນຫົດ 2ຄັ້ງຈຶ່ງຈະເປັນຜົນດີ

ເກັບພາສະນະໄວ້ບ່ອນຮົ່ມ