Thursday, November 25, 2021

ຜັກໜາມLasia spinosa (L.) ລັກສະນະຂອງຜັກໜາມ ແລະ ສັບພະຄຸນຂອງຜັກໜາມ

ຜັກໜາມ

ຜັກໜາມ ຊື່ວິທະຍາສາດ Lasia spinosa (L.) Thwaites ຈັດຢູ່ໃນວົງບອນ (ARACEAE)

ສະຫມຸນໄພຜັກໜາມ ມີຊື່ເອີ້ນອື່ນວ່າ ກະລີ, ບອນໜາມ (ໄທລື້, ຂະມຸ), ຜະຕູ່ໂປລ່ ເຮາະຕູ່ຄຸ (ກະຫຣ່ຽງ), ດໍ່ແກງເລີ່, ບ່ອນຢິ້ມ (ມ່ຽນ), ບ່ະໜາມ (ລົ້ວະ), ຫຼັ່ນສື່ໂກ ຈຸຍຫຼັກຕີນ (ຈີນແຕ້ຈິ໋ວ) ເປັນຕົ້ນ

ລັກສະນະຂອງຜັກໜາມ

ຕົ້ນຜັກໜາມ ຈັດເປັນພັນໄມ້ລົ້ມລຸກ ມີອາຍຸຫຼາຍປີ ລຳຕົ້ນມີລັກສະນະເປັນເຫງົ້າແຂງຢູ່ໃຕ້ດິນ ເລື້ອຍ ເລືອຂະຫນານກັບພື້ນດິນ ຕັ້ງກົງ ແລະ ໂຄ້ງລົງນ້ອຍໆ ລຳຕົ້ນມີຂະໜາດເສັ້ນຜ່ານສູນກາງປະມານ 4-5 ເຊັນຕິແມັດ ແລະ ຍາວໄດ້ປະມານ 75 ເຊັນຕິແມັດ ຕາມລຳຕົ້ນມີໜາມແຫຼມ ຂະຫຍາຍພັນດ້ວຍວິທີການເພາະເມັດ ແລະ ແຍກກໍ ມີເຂດການກະຈາຍພັນໃນອິນເດຍ ທາງຕອນໃຕ້ຂອງປະເທດຈີນ ເອເຊຍຕະເວັນອອກສຽງໃຕ້ເຖິງອິນໂດນີເຊຍ ໃນປະເທດພົບໄດ້ຕາມແຫຼ່ງທຳມະຊາດທົ່ວທຸກພາກ ມັກດິນຣ່ວນ ຄວາມຊື້ນຫລາຍ ແລະ ແສງແດດແບບເຕັມມື້ ມັກຂຶ້ນໃນທີ່ຊື້ນແສະ ມີນ້ຳຂັງ ເຊັ່ນ ຕາມແຄມນ້ຳ ແຄມຫ້ວນນ້ຳ ຫນອງ ຄອງບືງ ແຄມຄູ ຕາມຮ່ອງນ້ຳໃນສວນ ຫລື ບໍລິເວນດິນຕົມທີ່ມີນ້ຳຂັງ

ໃບຜັກໜາມ ໃບເປັນໃບດ່ຽວ ອອກຮຽງສະລັບກັນ ລັກສະນະຂອງໃບເປັນຮູບຫົວລູກສອນ ຫລື ຮູບໂລ່ ປາຍໃບແຫຼມ ຂອບໃບຮຽບ ແລະ ເປັນວັກເວົ້າເລິກເປັນ 9 ພູ ຮອຍເວົ້າ ມັກເລິກເກືອບເຖິງເສັ້ນກາງໃບ ໃບມີຂະໜາດກວ້າງຫລາຍກວ່າ 25 ເຊັນຕິແມັດ ແລະ ຍາວປະມານ 30-40 ເຊັນຕິແມັດ ມີໜາມແຫຼມຕາມເສັ້ນໃບດ້ານລຸມແລະ ຕາມກ້ານໃບ ໃບອ່ອນມ້ວນເປັນແທ່ງກົມ ກ້ານໃບມີລັກສະນະເປັນຮູບຊົງກະບອກຍາວ ແລະ ແຂງ ໂດຍມີຄວາມຍາວປະມານ 40-120 ເຊັນຕິແມັດ

ດອກຜັກໜາມ: ອອກດອກເປັນຊໍ່ແຫລມຍາວຊີ້ຟ້າ ລັກສະນະເປັນຮູບຊົງກະບອກ ເປັນແທ່ງຍາວຂະຫນານກັນເທົ່າກັບໃບ ປະມານ 4 ເຊັນຕິແມັດ ແທງອອກມາຈາກກາບໃບ ກ້ານຊໍ່ດອກມີໜາມ ແລະ ຍາວໄດ້ເຖິງ 75 ເຊັນຕິແມັດ ມີດອກຍ່ອຍອັດກັນແໜ້ນເປັນດອກແບບສົມບູນເພດ ໃບປະດັບເປັນກາບສີນ້ຳຕານແກມຂຽວ ເຖິງສີມ່ວງ ກາບຫຸ້ມມ້ວນບິດເປັນກຽວຕາມຄວາມຍາວຂອງກາບ ມີຄວາມຍາວໄດ້ເຖິງ 55 ເຊັນຕິແມັດ ດອກເປັນຊໍ່ດອກແບບແທ່ງ Spadix ຊໍ່ດອກເປັນສີນ້ຳຕານ ດອກເພດຜູ້ຈະມີຈຳນວນຫລາຍ ແລະ ຢູ່ສ່ວນເທິງ ສ່ວນດອກເພດເມຍຈະມີຈຳນວນນ້ອຍກວ່າ ແລະ ຢູ່ສ່ວນລຸມ ຈະອອກດອກໃນຊ່ວງປະມານເດືອນພຶດສະພາເຖິງເດືອນມິຖຸນາ

ຫມາກຜັກໜາມ: ຫມາກມີລັກສະນະຮຽງຊິດກັນແໜ້ນເປັນແທ່ງ ຮູບຊົງກະບອກ ເປັນຫມາກສົດ ໜາ ແລະ ໜຽວ ຫມາກອ່ອນເປັນສີຂຽວມີຊີ້ນນຸ່ມ ເມື່ອແກ່ແລ້ວຈະປ່ຽນເປັນສີເຫຼືອງແກມແດງ ຈະເປັນຫມາກໃນຊ່ວງປະມານເດືອນມິຖຸນາເຖິງເດືອນສິງຫາ

ສັບພະຄຸນຂອງຜັກໜາມ

ຕາມຕຳລາຢາຈະໃຊ້ທັງຕົ້ນເປັນຢາແກ້ຍ່ຽວພິການ ສ່ວນໃນອິນເດຍຈະໃຊ້ທັງຕົ້ນເປັນຢາແກ້ປວດທ້ອງ ປວດຕາມຂໍ້ແລະ ພະຍາດຜິດປົກກະຕິກ່ຽວກັບລຳໄສ້ ໃຊ້ນ້ຳຄັ້ນຈາກຕົ້ນເປັນຢາແກ້ຣິດສີດວົງທະວານ ແລະໃຊ້ລຳຕົ້ນ ແລະ ຫມາກເປັນຢາແກ້ອາການຜິດປົກກະຕິກ່ຽວກັບຄໍ
ໃຊ້ທັງຕົ້ນທັງຫມົດກັບໄມ້ເປົາ ແລະ ໄມ້ຈະລາຍ ນຳໄປຕົ້ມອາບ ແລະ ດື່ມເປັນຢາບຳຣຸງກຳລັງ ແກ້ອາການປວດເມື່ອຍ
ລຳຕົ້ນຜັກໜາມ ມີລົດເຜັດຊາ ໃຊ້ເປັນຢາແກ້ໄອ ແກ້ກະຫາຍນ້ຳ ຂັບເສມຫະ ຂັບຍ່ຽວ ແກ້ຍ່ຽວເຫຼືອງ ຫລືແດງ ຜິວໜັງເນົ່າເປື່ອຍເປັນໜອງ ໃຊ້ຕົ້ມເອົານ້ຳອາບແກ້ອາການຄັນເນື່ອງຈາກພິດຫັດ ເຫືອດ ໄຂ້ອອກຜື່ນ ອີສຸກອີ່ໃສ ດຳແດງ ເຮັດໃຫ້ຜື່ນຫາຍໄວ ແລະ ໃຊ້ເປັນຢາຖອນພິດ ດ້ວຍໃຊ້ລຳຕົ້ນແຫ້ງເຮັດເປັນຢາປິ່ນປົວພະຍາດຜິວໜັງ
ຕຳຮັບຢາແກ້ຜິວໜັງເນົ່າເປື່ອຍຊຳເຮື້ອ ຕີນເນົ່າເປື່ອຍ ຫລືຫົວເນົ່າເປື່ອຍເປັນແຜຊຳເຮື້ອ ໃຫ້ໃຊ້ລຳຕົ້ນຜັກໜາມນຳຕົ້ມເອົານ້ຳຊະລ້າງ ຫລື ບົດໃຫ້ເປັນຜົງແລ້ວນຳມາທາບໍລິເວນທີ່ເປັນ
ເຫງົ້າໃຊ້ເປັນຢາຂັບເສມຫະ ແກ້ໄອ ໃຊ້ຕົ້ມກັບນ້ຳອາບແກ້ຄັນເນື່ອງຈາກພິດຫັດ ເຫືອດ ອີ່ສຸກອີ່ໃສ ດຳແດງ ແລະພະຍາດຜິວໜັງ ດ້ວຍໃຊ້ເຫງົ້າຝົນກັບນ້ຳກິນເປັນຢາຖ່າຍພະຍາດ (ເຫງົ້າ)
ຮາກໃຊ້ຕົ້ມກັບນ້ຳດື່ມເປັນຢາແກ້ເຈັບຄໍ ສ່ວນອີກຂໍ້ມູນລະບຸໃຫ້ໃຊ້ຮາກຕົ້ມກັບນ້ຳໃຫ້ເດັກແລກເກີດອາບ ແກ້ອາການເຈັບຄໍ
ຮາກແລະໃບມີສັບພະຄຸນເປັນຢາຂັບເສມຫະ
ໃບຜັກໜາມໃຊ້ເປັນຢາແກ້ປວດທ້ອງ ແກ້ໄອ ສ່ວນໃນສີລັງກາ ຈະໃຊ້ໃບເປັນຢາແກ້ປວດທ້ອງ ແລະ ອາການປວດອື່ນ ໆ ໃຊ້ກ້ານໃບບົດໃຫ້ມຸ່ນແລ້ວນຳໄປໃຫ້ງົວຄວາຍກິນເທື່ອລະນ້ອຍ ໆ ເປັນຢາແກ້ອາການຜິດປົກກະຕິກ່ຽວກັບຄໍ
ຂະໜາດ ແລະ ວິທີໃຊ້ : ການເກັບຢາ ໃຫ້ເກັບລຳຕົ້ນໃນຊ່ວງລະດູຮ້ອນ ແລະລ້າງໃຫ້ສະອາດ ແລ້ວນຳໄປຕາກແຫ້ງຫລື ຫັ່ນເປັນແຜ່ນຕາກແຫ້ງເກັບໄວ້ໃຊ້ (ລັກສະນະຢາທີ່ດີຈະມີລົດເຜັດຊາ ຕົ້ນທີ່ເກັບຈະຕ້ອງມີລັກສະນະເປັນແທ່ງຊົງກະບອກ ເປືອກສີນ້ຳຕານເທົາ ມີຂໍ້ເປັນປຸ່ມ ສູງໂນນມີໜາມແຂງ ແຕ່ລະຂໍ້ຫ່າງກັນປະມານ 6-7 ເຊັນຕິແມັດ ມີຮາກຝອຍຂົດມ້ວນເຂົ້າໄປທີ່ໂຄນກ້ານໃບ ຊີ້ນໃນເປັນສີເທົາ ຫລື ສີຊົມພູ ມີແປ້ງຫລາຍ ແລະ ມີຈຸດສີນ້ຳຕານນ້ອຍ ໆ ຢູ່ທົ່ວໄປ) ໂດຍໃຫ້ໃຊ້ລຳຕົ້ນແຫ້ງປະມານ 10-15 ຕົ້ມກັບນ້ຳກິນ ສ່ວນການໃຊ້ພາຍນອກໃຫ້ນຳໄປຕົ້ມເອົານ້ຳຊະລ້າງ ຫລື ບົດເປັນຜົງທາບໍລິເວນທີ່ເປັນ

ຫຍ້າຍຸບ Sensitive plant

ຫຍ້າຍຸບ

ຫຍ້າຍຸບ ຊື່ສາມັນ Sensitive plant, Sleeping grass, Shameplant

ຫຍ້າຍຸບ ຊື່ວິທະຍາສາດ Mimosa pudicaL. (ຊື່ພ້ອງວິທະຍາສາດ Mimosa hispidula Kunth, Mimosa pudica var. pudica) ຈັດຢູ່ໃນວົງຖົ່ວ (FABACEAE ຫລື LEGUMINOSAE) ແລະ ຢູ່ໃນວົງຍ່ອຍສີສຽດ (MIMOSOIDEAE ຫລື MIMOSACEAE)

ຫຍ້າຍຸບ ມີຊື່ທ້ອງຖິ່ນອື່ນໆ ວ່າ ກະທືບຍອດ ໜາມຫຍ້າຣາບ, ຫງັບພະມາຍ, ກ້ານຂອງ, ຣະງັບ, ຫຍ້າປັນຍອດ ຫຍ້າຈິນອົບ, ກະຫງັບ ດ້ານຂອງຫງັບພະພາຍ, ຫຍ້າປັນຍອບ ກະເສດໂຄກ ຫຍ້າງັບ ຕ້ອງຍຸບ ແຕະຍຸບ ຫຍ້າຍຸບ ເປັນຕົ້ນ

ລັກສະນະຂອງຫຍ້າຍຸບ

ຕົ້ນຫຍ້າຍຸບ ມີຖິ່ນກຳເນີດໃນແຖບ ອາເມຣິກາໃຕ້ ຊຶ່ງປະເທດເຮົາໄດ້ມີການແພ່ຂະຫຍາຍມາຈາກ ປະເທດເພື່ອບ້ານ ແລະແພ່ຂະຫຍາຍຢ່າງກວ້າວຂວາງໃນປະຈຸບັນ ໂດຍຈັດເປັນໄມ້ລົ້ມລຸກອາຍຸຫຼາຍປີ ມັກແຜ່ທອດເລື້ອຍຕາມພື້ນດິນ ບາງເທື່ອຈະສູງເຖິງ 1 ແມັດ ຕົ້ນມີນ້ຳຕານແດງ ມີຂະໜາດນ້ອຍ ແລະມີ ຂົນຫຍາບໆ ປົກຄຸມທີ່ລຳຕົ້ນ ແກນກ້ານໃບ ທ້ອງໃບ ທັງຫມົດໄປເຖິງຊໍ່ດອກ ແລະ ຂະຫຍາຍພັນດ້ວຍວິທີການກ້າແກ່ນ

ໃບຫຍ້າຍຸບ ຈັດເປັນໃບປະກອບແບບຂົນນົກ 2 ຊັ້ນ ແກນກາງທັງຫມົດກັບກ້ານໃບ ມີຄວາມຍາວປະມານ 2.5-5 ເຊັນຕິແມັດ ສ່ວນໃບຍ່ອຍມີ 1-2 ໃບ ມີຄວາມຍາວປະມານ 1.5-7 ເຊັນຕິແມັດ ໂດຍໃບຍ່ອຍຈະມີຢູ່ປະມານ 12-25 ຄູ່ ລັກສະນະຄ້າຍຮູບຂອບຂະຫນານ ຍາວປະມານ 0.5-1 ເຊນຕິແມັດ

ດອກຫຍ້າຍຸບ ອອກດອກເປັນຊໍ່ກົມສີຊົມພູ ເປັນດອກດ່ຽວ ຫລື ດອກຄູ່ ອອກທີ່ບໍລິເວນຊອກໃບ ກ້ານດອກມີຄວາມຍາວປະມານ 2.5-4 ເຊັນຕິແມັດ ດອກມີຈຳນວນຫລາຍ ຂາດກ້ານ ມີກີບລ້ຽງຂະໜາດນ້ອຍຫລາຍ ປະມານ 0.1 ມິນລິແມັດ ກີບດອກຈະຄ້າຍກັບຮູບລະຄັງແຄບ ມີຄວາມຍາວປະມານ 2 ມິນລິແມັດ ກີບດອກຈະມົນກົມ ມີຄວາມຍາວປະມານ 0.5-0.8 ມິນລິແມັດ ມີເກສອນຜູ້ຢູ່ 4 ອັນ ແລະ ມີຮວຍໄຂ່ຍາວປະມານ 0.5 ມິນລິກຣັມ

ຜົນຫຍ້າຍຸບ ມີລັກສະນະເປັນຝັກແຫ້ງ ແປ ຍາວຣຽວ ຝັກມີຫຼາຍຝັກໃນແຕ່ລະຊໍ່ດອກ ລັກສະນະເປັນຮູບຂອບຂະຫນານ ແລະ ຍາວປະມານ 1.5-1.8 ເຊັນຕິແມັດ ມີຂົນແຂງປົກຄຸມຕາມສັນຂອບຜົນ ສ່ວນແກ່ນມີສີນ້ຳຕານອ່ອນ ແກ່ນແປເປັນສັນນູນສູນກາງ ໜຶ່ງຫນ່ວຍມີແກ່ນປະມານ 2-5 ເມັດ ຫມາກຫັກຕາມຮອຍກິວ

ຫຍ້າຍຸບ ເປັນພືດລົ້ມລຸກທີ່ມີລັກສະນະພິເສດ ຄື ຫາກໄດ້ຮັບແຮງສັ່ນສະເທືອນ ກ້ານ ແລະ ໃບຫຍ້າຍຸບຈະຕອບສະຫນອງດ້ວຍການຫຸບຕົວລົງຢ່າງວ່ອງໄວ ແລະ ຍັງເປັນພືດທີ່ຈັດຢູ່ໃນຕະກູນ ແລະ ມີຄຸນສົມບັດໃກ້ຄຽງກັບຜັກກະເສດ

ສະມຸນໄພຫຍ້າຍຸບ ໃນປະຈຸບັນໄດ້ມີການນຳໄປສຶກສາວິໄຈ ເພື່ອພັດທະນາຕໍ່ຍອດນຳມາໃຊ້ເປັນຢາປິ່ນປົວພະຍາດເບົາຫວານ ໂດຍຈາກງານວິໄຈນີ້ເອງ ຫຍ້າຍຸບເປັນຕົວຕອກຢ້ຳພູມິປັນຍາ ແພດຢາພື້ນເມືອງໃນສັບພະຄຸນຂອງຫຍ້າຍຸບ ແລະ ຍັງໄດ້ມີການຢືນຢັນແລ້ວວ່າການດື່ມຊາ ສະຫມຸນໄພນີ້ຕ່າງນ້ຳທຸກມື້ ຫຍ້າຍຸບບໍ່ມີຜົນຂ້າງຄຽງ ຫລື ພິດໃດໆ ເລີຍ ແມ່ນກະທັ່ງໃນສັດທົດລອງ ຫຍ້າຍຸບບໍ່ພົບເຖິງອາການຜິດປົກກະຕິແຕ່ຢ່າງໃດ ນອກຈາກນີ້ຫຍ້າຍຸບ ຍັງມີສັບພະຄຸນອື່ນໆ ອີກຫລວງຫລາຍ ໂດຍສ່ວນທີ່ນຳມາໃຊ້ຫຍ້າຍຸບໄດ້ແກ່ຕົ້ນ ຮາກ ໃບ ແລະ ທຸກສ່ວນຂອງຕົ້ນ (ຮາກ ລຳຕົ້ນ ໃບ ດອກ ຫມາກ)

ສັບພະຄຸນຂອງຫຍ້າຍຸບ

ຊ່ວຍບຳລຸງຮ່າງກາຍ (ທັງຕົ້ນ)
ຕົ້ນແຫ້ງນຳມາຕົ້ມກັບນ້ຳກິນຊ່ວຍແກ້ອາການອ່ອນເພຍໄດ້ (ຕົ້ນ)
ຫຍ້າຍຸບ ທັງຕົ້ນນຳມາສັບເປັນຊິ້ນນ້ອຍ ໆ ແລ້ວນຳມາຕາກຈົນແຫ້ງສະນິດ ແລະ ນຳມາຕົ້ມກິນຕ່າງນ້ຳ ສາມາດຊ່ວຍປິ່ນປົວພະຍາດກະໃສໄດ້ (ໂລກກະໃສ ຄື ພະຍາດສັງຂານເສື່ອມ ຊູບຊີດ ຈ່ອຍແຫ້ງແຮງນ້ອຍ ເບື່ອອາຫານງ່າຍ ມີອາການເຈັບປວດເມື່ອຍຕາມຕົນໂຕ ເລືອດຈາງ) (ທັງຕົ້ນ)
ຊ່ວຍແກ້ເບົາຫວານ ລຸດລະດັບນ້ຳຕານໃນເລືອດ ເພາະສານສະກັດນ້ຳຈາກຕົ້ນ ແລະ ຮາກຂອງຫຍ້າຍຸບ ຂະໜາດ 20 ມິນລິກຣັມ ຕໍ່ນ້ຳໜັກ 1 ກິໂລກຣັມ ສາມາດອອກລິດຊ່ວຍຫລຸດລະດັບນ້ຳຕານໄດ້ທຽບເທົ່າກັບການໃຊ້ຢາມາດຕະຖານໂທລບູຕາໄມດ໌ (Tolbutamide) ຂະໜາດ 100 ມກ./ກກ. ນ້ຳໜັກຕົວ ໂດຍຈະອອກລິດໄດ້ຢ່າງຕໍ່ເນື່ອງດົນເຖິງ 5 ຊົ່ວໂມງ
ທຸກສ່ວນຂອງຕົ້ນນຳມາຫັ່ນແລ້ວຄົ່ວໂດຍໃຊ້ໄຟອ່ອນໆ ຈະມີກິ່ນຫອມ ສາມາດນຳໄປຊົງດື່ມແທນຊາ ຊ່ວຍຫລຸດລະດັບຄໍເລດເຕີຣອນໄດ້ (ທັງຕົ້ນ)
ຊ່ວຍຂັບເລືອດ (ຕົ້ນ)
ຊ່ວຍແກ້ເດັກເປັນຕານລັກ (ທັງຕົ້ນ)
ຊ່ວຍແກ້ຕານຊ້າງໃນເດັກນ້ອຍ (ທັງຕົ້ນ)
ຊ່ວຍໃນການລະງັບປະສາດ (ຮາກ)
ຊ່ວຍແກ້ອາການປວດຫົວ (ທັງຕົ້ນ)
ຊ່ວຍແກ້ອາການນອນບໍ່ຫຼັບ (ທັງຕົ້ນ)
ຊ່ວຍເຮັດໃຫ້ສະຫງົບປະສາດ (ທັງຕົ້ນ)
ຊ່ວຍເຮັດໃຫ້ຕາສະຫວ່າງ (ຮາກ)
ຊ່ວຍແກ້ອາການຕາບວມ ຕາເຈັບ (ທັງຕົ້ນ)
ຊ່ວຍແກ້ໄຂ້ອອກຫັດ (ທັງຕົ້ນ)
ຊ່ວຍແກ້ອາການໄອ (ຮາກ)
ຊ່ວຍຂັບເສມຫະ (ຮາກ)
ຊ່ວຍແກ້ຫລອດລົມອັກເສບຊຳເຮື້ອ (ຮາກ)
ຊ່ວຍບຳລຸງກະເພາະອາຫານ (ຮາກ)
ຊ່ວຍແກ້ອາການບິດ ທ້ອງຣ່ວງ (ຮາກ)
ຊ່ວຍແກ້ກະເພາະອາຫານອັກເສບ (ທັງຕົ້ນ)
ຊ່ວຍແກ້ລຳໄສ້ອັກເສບ (ທັງຕົ້ນ)
ຊ່ວຍແກ້ບັນຫາລະບົບຍ່ອຍອາຫານຂອງເດັກບໍ່ດີໄດ້ (ຮາກ)
ຊ່ວຍແກ້ທາງເດີນຍ່ຽວອັກເສບ (ຕົ້ນ, ທັງຕົ້ນ)
ຊ່ວຍຂັບຍ່ຽວ (ຕົ້ນ, ຮາກ, ທັງຕົ້ນ)
ຊ່ວຍແກ້ນິ່ວ ຂັບນິ່ວ (ທັງຕົ້ນ)
ຊ່ວຍແກ້ຣິດສີດວງທະວານ (ຮາກ)
ຊ່ວຍແກ້ໄສ້ເລື່ອນ ດ້ວຍການນຳທຸກສ່ວນຂອງຕົ້ນມາຕົ້ມກິນ (ທັງຕົ້ນ)
ຊ່ວຍແກ້ອາການລົງຂາວ (ຕົ້ນ, ທັງຕົ້ນ)
ຊ່ວຍປິ່ນປົວພະຍາດປວດເວລາມີປະຈຳເດືອນ (ຮາກ)
ຊ່ວຍແກ້ຫມາກໄຂ່ຫລັງພິການ (ຕົ້ນ, ທັງຕົ້ນ)
ຊ່ວຍແກ້ເຣີມ (ໃບ)
ຊ່ວຍແກ້ອາການງູດວັດ (ໃບ)
ຊ່ວຍແກ້ໄຟລາມທຸ່ງ (ໃບ)
ຊ່ວຍປິ່ນປົວພະຍາດພຸພອງ (ໃບ)
ຊ່ວຍ ຮັກສາແຜຊຳເຮື້ອຕ່າງ ໆ (ໃບ)
ຊ່ວຍແກ້ອາການຜື່ນຄັນຕາມຕົນໂຕ (ທັງຕົ້ນ)
ຊ່ວຍແກ້ແຜ ຝີ (ທັງຕົ້ນ)
ຊ່ວຍຮັກສາແຜ ຝີ ໜອງ (ໃບ)
ຊ່ວຍແກ້ອາການປວດຂໍ້ໄດ້ (ທັງຕົ້ນ)
ຊ່ວຍແກ້ອາການບວມຕາມຊີ້ນຕາມຕົນໂຕ (ທັງຕົ້ນ)
ຊ່ວຍແກ້ອາການປວດຫຼັງປວດແອວ ຫລື ຈະນຳມາປະສົມກັບດອກຄຳຝອຍ ໃບເຕຍຫອມ ໃບໝ່ອນ ທອງພັນຊັ່ງ ໂດຍໃຊ້ຫຍ້າຍຸບ ເປັນຕົວຢາຫຼັກໃນການຕົ້ມດື່ມ ເພື່ອສຸກຂະພາບ ແລະ ຊ່ວຍແກ້ອາການປວດຫຼັງໄດ້ (ທັງຕົ້ນ)
ໃບຫຍ້າຍຸບ ນຳມາຕຳພອກຊ່ວຍແກ້ອາການປວດບວມໄດ້ (ໃບ)
ຊ່ວຍແກ້ຫັດ (ທັງຕົ້ນ)
ຊ່ວຍຂັບນ້ຳນົມ (ທັງຕົ້ນ)
ສານບໍລິສຸດສະກັດຈາກຕົ້ນຂອງຫຍ້າຍຸບ ສາມາດນຳມາໃຊ້ເຮັດເປັນເປັນຢາ ເຊັດໜ້າຫຼັງອາບນ້ຳ ເພື່ອໃຊ້ຂ້າເຊື້ອທີ່ເປັນສາເຫດຂອງການເກີດສິວ ແລະເຮັດຄວາມສະອາດຜິວໜ້າໄດ້ອີກດ້ວຍ (ສານສະກັດຈາກຕົ້ນ)

Sunday, November 21, 2021

ວິທີຂ້າ virus ໃນ usb

ວິທີຂ້າ virus ໃນ USB

ມື້ນີ້ຂ້າພະເຈົ້າ ຈະມາແນະນຳວິທີການດີໆ ສຳລັບຄົນທີ່ມີບັນຫາໃນການນຳໃຊ້ USB ເນື່ອງຈາກໃຊ້ງານປົກະຕິດີ ແຕ່ຫລັງຈາກທີ່ນຳ USB ໄປສຽບກັບຄອມຂອງຫມູ່ ຫລື ຫນ່ວຍອື່ນ ແລ້ວເກີດປັນຫາ ບໍ່ສາມາດ ເບິ່ງເຫັນ ຂໍ້ມູນ ທີ່ບັນທຶກໄວ້ ຫລື ເຫັນແລ້ວ ແຕ່ບໍ່ສາມາດເປີດເຂົ້າ ຫລື ບໍ່ສາມາດ Copy file ເຂົ້າ ຫລ ອອກໄດ້

ມື້ນີ້ ຈະມາແນະນຳວິທີດີໆ ອີກຫນຶ່ງວິທີ ໂດຍບໍ່ຈຳເປັນຕ້ອງເພິ່ງພາ ຫລື ນຳໃຊ້ໂປແກຣມໃດໆຊ່ວຍ ຊເິ່ງວິທີການມີດັ່ງນີ້:

ຂັ້ນຕ້ອນ:

ເຂົ້າໄປທີ່ ຊອງຄົ້ນຫາ ຢູ່ເມນູບາ ດ້ານລຸ່ມ ຫລືພີມ Windows+R ຈະເຫັນຫນ້າຕ່າງຂື້ນມາ
ໃຫ້ຂຽນຄຳວ່າ CMD ໃນຊ່ອງຄົ້ນຫາ ແລ້ວກົດ Enter (ຫລື ບາງວິນໂດ ໃຫ້ຄິກຂວາ ແລ້ວກົດ Run as adminislater)
ຈາກນັ້ນຈະມີຫນ້າຕ່າງ ສີດຳສະແດງຂື້ນມາ
ສິ່ງສຳຄັນທ່ານຕ້ອງຮູ້ກ່ອນວ່າ USB ທີ່ທາ່ນສຽບໄວ້ກັບຄອບ ພີວເຕີ່ ມັນຟ້ອງວ່າເປັນ ຊ່ອງໃດ? ປົກະຕິ ຈະເປັນ F ສຳລັບບາງເຄື່ອງ ຈະເປັນ E or G ກໍ່ຂື້ນກັບຄອມພີວເຕີ່ແຕ່ລະຫນ່ວຍ ສຳຄັນທ່ານຕ້ອງຈຶ່ງຊ່ອງທີ່ USB ປະຈຸບັນຢູ່
ຕົວຢ່າງ USB ຂອງເຮົາຢູ່ຊ່ອງ G ແມ່ໃຫ້ພິມ G: ແລ້ວກົດ Enter
ຈາກນັ້ນໃຫ້ພີມ attrib *.* -s -h -a -r /d /s (ຢ່າງລືມຍະຫວ່າງ 1ແຖບ ແຕ່ລະໂຕ) ແລ້ວກົດ Enter

ຫລັງຈາກນັ້ນ ໃຫ້ລໍຖ້າ ຈົນກວ່າມັນຈະເຮັດວຽກ ສຳເລັດ ເຊິ່ງສັງເກດໄດ້ຫລັງຈາກ ມັນຂື້ນຄຳວ່າ G:\> ກໍ່ຖຶວ່າສຳເລັດການກຳຈັດໄວລັດແລ້ວ

ຢ່າງຕໍາໄປທີ່ຕ້ອງເຮັດກໍ່ຄື

copy ຫືລ ຄັດລອກ file ທີ່ສຳຄັນຂອງທ່ານອອກໄວ້ ໃນຄອມພີວເຕີ
Format USB ໃຫ້ຫມົດເພື່ອ ຫລີກລຽງການກັບມາເປັນຄືເກົ່າ

ຖ້າທ່ານເຮັດຕາມຂັ້ນຕອນຖີ ຖືວ່າ ສຳເລັດ ແລະ ຮັກສາຂໍ້ມູນຂອງທ່ານໄດ້ຄືເກົ່າ

ວິທີຂ້າ virus ໃນ usb ກຳຈັດໄວລັດ ຂ້າໄວລັດ ສະແກນໄວລັດ ໄວຣັດຢູເອັດບີ

ວິທີຂ້າໄວລັດໃນ usb

ກຳຈັດໄວລັດໃນ USB, USB virus, ກຳຈັດ virus ດ້ວຍ cmd

Saturday, November 20, 2021

ວິທີຕັ້ງຄ່າພາສາລາວ ໃຫ້ງານໃນ Google chrome

ກັນຊາສາຍພັນ Indica

Indica ເປັນພາສາອິນເດຍ ຊຶ່ງມາຈາກການລວບລວມຕົວຢ່າງພືດໃນອິນເດຍ ມີແຫຼ່ງກຳເນີດໃນພູມິປະເທດທີ່ ໜາວເຢັນ ຫ່າງຈາກເສັ້ນສູນສູດອອກໄປບໍລິເວນ 30-50 ອົງສາເໜືອ ແລະ 30-50 ອົງສາໃຕ້ ບໍລິເວນແຖບອາຊ່ຽນກາງ ສາຍພັນນີ້ຈຶ່ງປຸກໄດ້ດີໃນພື້ນທີ່ທີ່ມີອາກາດເຢັນ ເຊັ່ນ ພູເຂົາຮິນດູກູສ ໃນອັບການິສະຖານ

ສາຍພັນ Indica ມີລັກສະນະລຳຕົ້ນພຸ່ມເຕ້ຍ ຄວາມສູງເມື່ອເຕີບໂຕເຕັມທີ່ປະມານ 180 ເຊັນຕິແມັດ ໃບກວ້າງ ສັ້ນ ສີຂຽວເຂ້ັມ (ເມື່ອທຽບກັບຊາຕິວາ) ກິ່ງກ້ານດົກໜາ ລະຍະເວລາການເຕີບໂຕພ້ອມເກັບກ່ຽວ 6-8 ອາທິດ ມັກທີ່ຮົ່ມ ແລະ ອາກາດເຢັນ ແລະ ມີສານ CBD (Cannabidiol) ສູງກວ່າສານພັນອື່ນໆ

ສາຍພັນ Indica ມີສານ CBD (Cannabidiol) ຈຶ່ງຖືກນິຍົມນຳມາສະກັດສານ CBD ເພື່ອນຳມາໃຊ້ທາງການແພດ ເນື່ອງຈາກສານ CBD ບໍ່ມີຜົນກະທົບຕໍ່ລະບົບ CB1 ແລະ CB2 ໃນລະບົບ Endocannabinoid system ຈຶ່ງເຮັດໃຫ້ບໍ່ເກີດອາການ High ເທົ່າສາຍພັນ Sativa

ການອອກລິດຂອງກັນຊາສາຍພັນ Indica

ກັນຊາສາຍພັນ Indica ມີສານ CBD ສູງຈຶ່ງຖືກນຳມາສະກັດສານ CBD ເພື່ອບັນເທົາອາການປວດ ແລະອາການປວດເມື່ອຍ ຫລຸດຄວາມວິຕົກກັງວົນ ແລະ ຄວາມຄຽດ ຊ່ວຍຫລຸດການອັກເສບ ຊ່ວຍການນອນຫຼັບ ແລະຖືກນຳມາ ຮັກສາອາການເກືອບກະຕຸກຈາກໂລກລົມຊັກ ແລະ ພະຍາດພາກິນສັນ ທັງຫມົດໄປເຖິງຍັງຊ່ວຍບັນເທົາອາການເຈັບປວດຈາກການເຮັດຄີໂມອີກດ້ວຍ ຜູ້ຄົນສ່ວນຫລາຍນິຍົມໃຊ້ໃນເວລາກາງຄືນ ເພື່ອຊ່ວຍໃນການພັກຜ່ອນ

Friday, November 19, 2021

ຄວາມຮູ້ພື້ນຖານກ່ຽວກັບພືດກັນຊາ

ໂດຍ: ສາດສະດາຈານ ດອກເຕີ ຊະຍັນ ພິເຊຍສູນທອນ, ຣາດສະບັນດິນ

ວິທະຍາໄລການແພດທາງເລືອກ ມະຫາວິທະຍາໄລ ຣາດສະພັດກະເສມ ແລະ ສຳນັກວິທະຍາສາດ ຮາສບັນດິດສະພາ

ຄວາມຮູ້ພື້ນຖານກ່ຽວກັບພືດກັນຊາພືດກັນຊາ ຊື່ວິທະຍາສາດ: Cannabis sativa L. ວົງ Cannabaceae ຊື່ສາມັນ: cannabis, hemp, Indian hemp, ganjamarihuana, ma

ພືດກັນຊາ

ຊື່ວິທະຍາສາດ: Cannabis sativa L.

ວົງ Cannabaceae

ຊື່ສາມັນ:

cannabis,
hemp, Indian hemp,
ganja
marihuana, marijuana

ສານສຳຄັນຄື ສານກຸ່ມແຄນນາບີນອຍ

r⁹ - tetrahydrocannabinol (Δ⁹-THC)
cannabidiol (CBD)
cannabinol (CBN)
cannabigerol (CBG)
ອື່ນໆເຊັ່ນສານກຸ່ມເທີຟິນນອຍໂປຣຕິນ

ລັກສະນະພືດສາດພື້ນບ້ານຂອງພືດກັນຊາ

ການໃຊ້ປະໂຫຍດຈາກກັນຊາຕັ້ງແຕ່ຍຸກຫີນໃຫມ່ (Neolithic Age) ທີ່ເກາະໄຕ້ຫວັນ
ລັດທິຮິນດູ ແລະ ພຸດທະສາດສະໜານິກາຍຕັນຕຣະ ມີການໃຊ້ຊໍ່ດອກ ແລະຢາງກັນຊາໃນການ ຊ່ວຍໃຫ້ເກີດ ສະມາທິ ແລະ ສາມາດ ສື່ສານກັບວິນຍານໄດ້
ປະມານ 5000 ປີກ່ອນ (ເສີນໜົງ (Shennong)’

ເທບພະເຈົ້າຊາວນາ
ຈົດບັນທຶກປະໂຫຍດຂອງສະຫມຸນໄພ

ກັນຊາໃຊ້ບຳບັດ

ຄວາມເມື່ອລ້າ (fatigue)
ໂລກຂໍ້ອັກເສບ (rheumatism)
ໄຂ້ມາລາເຣຍ

ສາດການແພດແຜນຈີນ
ແກ່ນກັນຊາ

ເພີ່ມຄວາມຊຸ່ມຊື່ນໃຫ້ລຳໃສ້ ບຳບັດອາການເຈັບທ້ອງ ແບບ ອຸຈະລະແຂງ(ຂີ້ແຂງ) ເຫດນ້ຳໃນຮ່າງກາຍນ້ອຍ ຫລື ເລືອດພ່ອງ ມັກໃຊ້ກັບຜູ້ສູງອາຍຸ

(Shennong)

Chinese Medical Identification

ຊາອີຢິບ ໃຊ້ກັບສະຕີເພື່ອ

ລົດອາການປວດ
ປັບອາລົມ

ຊາວໂຣມັນ ໃຊ້ຮາກກັນຊາເພື່ອ

ລົດອາການປວດ

ຊາດອື່ນໆ

ເຊັ່ນ ກຣີກ ຝຣັງເສດ ແລະ ອາຣັບ

ພາບຫລັກຖານການໃຊກັນຊາໃນອີຢິບ

ໃນຍຸກ່ອນອານານິຄົມ ເປັນຍຸກທີ່ກັນຊາເປັນທີ່ຮູ້ຈັກກັນຫລາຍທົ່ວໄປ ທົ່ວທະວິບຢູໂຣບ
ແພດຊາວໂປຕຸເກດ ໄດ້ບັນທຶກລິດຂອງກັນຊາໃນອິນເດຍວ່າ

ເຮັດໃຫ້ເຄີບສຸກ
ເຮັດໃຫ້ສະຫງົບ
ກະຕຸ້ນການຍ່ອຍອາຫານ
ເຮັດໃຫ້ປະສານຫລອນ
ກະຕຸນກຳຫມັດ

ພາບຍຸກການລ່າອານານິຄົມ

ການແພດອາຍຸຮະເວດຂອງອິນເດຍ

ໃຊ້ໃບກັນຊາແຫ້ງ ເປັນເຄື່ອງຢາ

Vijaya, Bhanga, Kanja, Charas

ສູບຕຳຫລັບ ທີ່ມີສ່ວນປະສົມຂອງກັນຊາ ທີ່ສຳຄັນຄື:

Jatiphaladi Curna
Madadananda Modaka

ໂຣກກ່ຽວກັບທາງເດີນອາຫານ
ນອນບໍ່ຫລັບ
ຖອກທ້ອງສຽບພັນ

ເອກະສານຢັ້ງຢືນທາງການແພດອິນເດຍ

ຜະລິດຕະພັນຈາກພືດກັນຊາ

ມາຣີຮົວນາ (marihuana, marijuana) ເປັນຜະລິດຕະພັນທີ່ໄດ້ຈາກການນຳເຮືອນຊໍ້ດອກຕົ້ນແມ່ (ກະຫລີກັນຊາ) ມາຕາກໃຫ້ແຫ້ງແລ້ວບົດເປັນຜົງຫຍາບ
ກັນຊາ (ganja) ເປັນຜົງຫຍາບຂອງດອກ ຫມາກ ຫລື ໃບແຫ້ງ ນຳມາອັດເປັນແທ່ງ ຫລື ແຜ່ນບາງ
ແບງ (bhang ຫລື bang) ເປັນຜົງຫຍາບຂອງໃບກັນຊາ ອາດມີຊໍ່ດອກຜູ້ ຫລື ຊໍ່ດອກແມ່ປົນມາເລັກນ້ອຍ ຈັດເປັນຜະລິດຕະພັນຄຸນນະພາບຕ່ຳ
ແຮຊິສ (hashish) ຫລື ຊາຣາສ (charas) ເປັນຢາງກັນຊາທີ່ກຽມໄດ້ຈາກການນຳກະຫລີກັນຊາມາໃສ່ໄວ້ໃນຖົງຜ້າ ໃຊ້ໄມ້ທຸບໃຫ້ຢາງໄຫລອອກມາ ແລ້ວຈຶ່ງຂູດຢາງອອກຈາກຖົງຜ້າ ຊະນິດນີ້ຈັດເປັນຜະລິດຕະພັນທີ່ມີຄວາມແຮງສູງ

ແຮຊິສ (hashish)

ມາຣີຮົວນາ (marihuana, marijuana)

ການຈັດອັນດັບຂອງກັນຊາ

ອີງຕາມຂໍ້ມູນ ທີ່ຂື້ນບັນຊີ ຈາກເວັບໃຊ້ The Plant List ທີ່ລວບລວມພືດ ທີ່ມີໃນໂລກທຸກສະນິດ, ສາຍພັນ ໄວ້ໃນນີ້ ແລະໄດ້ຈັດພືດກັນຊາໄວ້ດັ່ງນີ້:

ການຈຳແນກກັນຊາ ຕາມລັກສະນະທາງພືດສາດ

ການແບ່ງກຸ່ມຕາມລັກສະນະທາງພືດສາດ
ຄວາມສູງ ຮູບຮ່າງຂອງໃບ ຄວາມຫນາຂອງໃບ

ຄວາມແຕກຕ່າງຂອງກຸ່ມ

ລະຫວ່າງ ກັນຊາກຸ່ມ sativa-type ແລະ indica-type

ກຸ່ມ	sativa-type	indica-type
ເຂດກະຈາຍພັນທີ່ແລກ	ທົ່ວໄປ (ເຂດອາຊີໃຕ້)	ສະເພາະ (ອັບການິດສະຖານ, ປາກິດສະຖານ, ແຖບຕາເວັນຕົກສຽງເຫນືອຂອງອິນເດຍ
ການປັບຕົວຕາມລະດູການ	ຂ້ອຍຂ້າງດົນ (late-maturing) ຫລາຍຄັ້ງໃນພາກພື້ນເຄີ່ງຮ້ອນ	ຂ້ອນຂ້າງໄວ (early-maturing) ປັບຕົວໃນພາກພື້ນທີ່ຫນາວ ແລະ ແຫ້ງແລ້ງ
ຄວາມສູງ	2-4ແມັດ	1-2ແມັດ
ລັກສະນະນິໃສ	ກິ່ງກ້ານແຜ່ກະຈາຍ (ປ້ອງຍາວ) ບໍ່ຫນ້າແຫນ່ຕາຫ່າງ	ເປັນພຸ່ມ (ປ້ອງສັ້ນ)ຄ້າຍຮູບກ້ວຍ ແນ່ນ ຕາຖີ່
ຄວາມກວ້າງຂອງໃບຍ່ອຍ	ໃບແຄບ	ໃບກວ້າງ
ຄວາມເຂັ້ມຂອງສີໃບ	ສີຂຽວອ່ອນ	ສີຂຽວເຂັ້ມ
ກິ່ນ	ມີກິ່ນຫອມຂອງ (sweet)	ກິ່ນບໍ່ຫອມ (sour & acrid)
ປະລິມານ CBD	ພົບມີຫນ້ອຍ ຫລື ບໍ່ພົບເລີຍ	ພົບໃນປະລິມານຫລາຍ
ຜົນຕໍ່ຈິດປະສາດ	ເຮັດໃຫ້ເຄີ້ມ ມີຄວາມສຸກ	ເຮັດໃຫ້ສະຫງົບ, ຜ່ອນຄາຍຮ່າງກາຍ ເຮັດໃຫ້ຂີ້ຄ້າຍ

ການຈຳແນກກັນຊາຕາມລັກສະນະທາງພັນທຸກຳ ການໃຊ້ປະໂຫຍດ ແລະ ປະລິມານສານກຸ່ມ ແຄນນາບີນອຍ

ກັນຊາທີ່ໃຫ້ເສັ້ນໃຍ (hemp) ທີ່ປູກໃນອາຊີຕາເວັນຕົກ ແລະ ຢູໂຣບ ພົບTHC ມີປະລິມານນ້ອຍ ແຕ່ກັບພົບ CBD ໃນປະລິມານສູງ
ກັນຊາທີ່ໃຫ້ເສັ້ນໃຍ (hemp) ທີ່ປູກໃນອາຊີຕາເວັນອອກສະເພາະຈີນ ມີ THC ມີປະລິມານນ້ອຍ ເຖິງປານກາງ ແຕ່ກັບພົບ CBD ໃນປະລິມານສູງ
ກັນຊາ (marijuana) ທີ່ປູກທົ່ວໄປແຖບອາຊີໃຕ້ ແລະ ກາງ ມີ THC ປະລິມານສູງຫລາຍ (ຊື່ການຄ້າຂອງກັນຊາຊະນິດນີ້ຄື sativa-type)
ກັນຊາ (marijuana) ທີ່ປູກທົ່ວໄປແຖບອາຊີໃຕ້ ໂດຍສະເພາະ ອັບການິດສະຖານ ແລະ ປະເທດໃກຄຽງ ມີ THC ແລະ CBD ໃນປະລິມານສູງເທົ່າໆກັນ (ຊື່ການຄ້າຂອງກັນຊາຊະນິດນີ້ຄື indica-type)
ກັນຊາທີ່ໃຫ້ເສັ້ນໃຍ (hemp) ຊຶ່ງເກີດຈາກການປະສົມຂ້າມສາຍພັນຂອງກຸ່ມ 1 ແລະ 2
ກັນຊາທີ່ໃຊ້ຊະນິດອອກລິດຕໍາຈິດປະສາດ (marijuana) ເຊິ່ງເກີດຂາກຜົນຂ້າມສາຍພັນຂອງກຸ່ມ 3 ແລະ 4

(ຍັງມີຕໍ່)................

Tuesday, November 16, 2021

ປະຕິທິນລາວປີ2022 [Lao calendar 2022]

ປະຕິທິນລາວປີ2022

Lao calendar 2022

ປະຕິທິນລາວປີ2022 Lao calendar 2022 ເດືອນມັງກອນ ກຸມພາ ມີນາ ເມສາ ພຶດສະພາ ມີຖຸນາ ກໍລະກົດ ສິງຫາ ກັນຍາ ຕຸລາ ພະຈິກ ທັນວາ2022 #2022, 2022 2022 year2022 on2022 ປີ2022 ປະຕິທິນປີ2022