Agriculture, education, ການກະເສດ ກະສິກຳ ປູກຝັງ ລ້ຽງສັດ ແລະ ປ່າໄມ້ ຂະຫຍາຍແລະປັບປຸງພັນພືດ
Thursday, August 06, 2020
ປະໂຫຍດຂອງຂິງ
ປະໂຫຍດຂອງຂິງ
ທີ່ຊ່ວຍບັນເທົາອາການປ່ວຍເລັກໆ ນ້ອຍໆ ໄດ້ສາລະພັດ ຖ້າໃຊ້ຖືກວິທີກໍຈະໄດ້ສັບພະຄຸນຢາດີໆ ຈາກຂິງ
ເຮົາຄົງຄຸ້ນເຄີຍກັບການໃຊ້ຂິງເປັນສ່ວນປະກອບຂອງອາຫານ
ແຕ່ຍີ່ງກວ່ານັ້ນ "ຂິງ" ຍັງເປັນສະມຸນໄພໃກ້ຕົວທີ່ນຳມາບັນເທົາອາການເຈັບປ່ວຍເລັກໆ ນ້ອຍ ໆ ຂອງຮ່າງກາຍໄດ້ສາລະພັດດ້ວຍ
ຖ້າຮູ້ຈັກໃຊ້ໃຫ້ຖືກຕຳຮັບ "ຂິງ" ກໍເໝືອນເປັນຢາສາມັນປະຈຳບ້ານແບບທຳມະຊາດອີກໜຶ່ງຊະນິດທີ່ຕ້ອງມີຕິດໄວ້ໃນຄົວເຮືອນ ມາເບິ່ງກັນວ່າ ຂິງບຳບັດບັນເທົາອາການຫຍັງໄດ້ແດ່
ສູດນ້ຳຂິງແກ້ປຸ້ນທອງ-ຮາກ
ສູດທີ່ 1: ນຳຂິງແກ່ສົດ ຂະໜາດຫົວໂປ້ມື (ປະມານ
5 ກຣາມ) ມາທຸບໃຫ້ແຕກ ແລ້ວຕົ້ມດື່ມຕອນທ້ອງວ່າງ
ສູດທີ່ 2: ນຳຂິງແຫ້ງປະມານ
5-7 ຊິ້ນ ມາຕົ້ມກັບນ້ຳດື່ມ
ສູດທີ່ 3: ນຳຂິງສົດ 3 ຫົວ ຫົວໃຫຍ່ຍາວປະມານ
5 ນິ້ວ ໃສ່ນ້ຳ 1 ຈອກ ຕົ້ມຈົນເຫຼືອເຄິ່ງແກ້ວ ຕົ້ມປະມານ 15-20 ນາທີ ຫຼັງຈາກເດືອດແລ້ວ ຈຶ່ງເອົານ້ຳດື່ມ
ສູດນ້ຳຂິງແກ້ທ້ອງອືດ ທ້ອງເຟີ້
ສູດທີ່ 1 : ນຳຂິງປະມານ 30 ກຣາມ ມາຊົງໃນນ້ຳເດືອດ 500 ມິນລິລີດ ແຊ່ຖິ້ມໄວ້ປະມານ 1 ຊົ່ວໂມງ ແລ້ວກອງນ້ຳມາດື່ມ ເທື່ອລະ 2 ບ່ວງໂຕະ
ສູດທີ່ 2 : ນຳຂິງແກ່ມາຕົ້ມກັບນ້ຳຮ້ອນ 1 ຈອກກາເຟ ຄ່ຽວໃຫ້ເຫຼືອ ເຄິ່ງດຽວ
ດື່ມຫຼັງອາຫານຈະຊ່ວຍແກ້ທ້ອງອືດ ທ້ອງເຟີ້ ປຸ້ນທ້ອງໄດ້ດີ
ສູດທີ່ 3 : ນຳຜົງຂິງແຫ້ງ 1 ບ່ວງໂຕະ ຕົ້ມກັບນ້ຳ
ເຕີມນ້ຳຕານແລ້ວດື່ມ
ສູດຂິງແກ້ໄຂ້
ນຳຂິງແກ່ຂະໜາດ 1 ຫົວໂປ້ມືທຸບພໍແຕກ
ນຳໄປຕົ້ມປະສົມນ້ຳຕານຊາຍແດງ ໃຊ້ນ້ຳ 1 ຖ້ວຍກາເຟຄ່ຽວໃຫ້ເຫຼືອເຄິ່ງດຽວ ດື່ມຫລຸດໄຂ້ ແຕ່ຖ້າມີໄຂ້ສູງຫລາຍ
ໃຫ້ບົດຂິງຈົນລະອຽດແລ້ວຕົ້ມປະສົມນ້ຳຕານຊາຍແດງ ກອງເຫຼືອແຕ່ນ້ຳ
ດື່ມເພື່ອລຸດໄຂ້ ແລະ ຂັບເຫື່ອ
ສູດຂິງແກ້ຫວັດ ແກ້ໄອ ຂັບເສມຫະ
ສູດຂິງແກ້ຫວັດ ແກ້ໄອ ຂັບເສມຫະ
ຫາກເປັນຫວັດຄວນໃຊ້ຂິງສົດ ເພາະຈະມີນ້ຳມັນຫອມລະເຫີຍຢູ່ຫລາຍຈຶ່ງຊ່ວຍບັນເທົາອາການຫວັດ
ສູດທີ່ 1 : ໃຊ້ຂິງສົດປົນກັບນ້ຳມະນາວ
ປະສົມເກືອນ້ອຍໆ ໃຊ້ກວາດຄໍ ຫລື ຈິບເລື້ອຍໆ ຈະຊ່ວຍໃຫ້ອາການໄອດີຂຶ້ນ
ເພາະນອກຈາກຂິງແລ້ວ ນ້ຳມະນາວ ແລະ ເກືອກໍມີສ່ວນຊ່ວຍຂັບເສມຫະ
ບັນເທົາອາການໄອໄດ້ດີ
ສູດທີ່ 2 : ໃຊ້ເຫງົ້າຂິງສົດອາຍຸ 11-12 ເດືອນ ຂະໜາດເທົ່າໂປ້ມື ມາທຸບໃຫ້ແຕກ ແລ້ວຕົ້ມເອົານ້ຳມາດື່ມ ຈິບເລື້ອຍໆ ແທນນ້ຳຈະຊ່ວຍໃຫ້ອາການຫວັດດີໄວຂຶ້ນ ແຕ່ຖ້າມີອາການໄອໃຫ້ປະສົມນ້ຳຜຶ້ງ ແລະ ເກືອລົງໃນນ້ຳຂິງນຳ
ສູດຂິງຊ່ວຍໃຫ້ຈະເລີນອາຫານ
ສູດທີ່ 1 : ນຳເຫງົ້າຂິງສົດມາຮັບປະທານສົດໆ ຄູ່ກັບອາຫານ
ສູດທີ່ 2 : ນຳຂິງແກ່ຂະໜາດໂປ້ມືມາຫມົກໄຟຈົນສຸກ ຕຳປະສົມນ້ຳປູນໃສ ຄັ້ນເອົາແຕ່ນ້ຳ ປະສົມນ້ຳຮ້ອນ 1 ຈອກກາເຟ ດື່ມກ່ອນອາຫານປະມານ 30 ນາທີ ຈະຊ່ວຍ ແກ້ເບື່ອອາຫານ
ສູດຂິງແກ້ປວດປະຈຳເດືອນ
ນຳຂິງແກ່ມາຕົ້ມກັບນ້ຳ ຫລືນ້ຳຕານຊາຍແດງ ດື່ມເປັນປະຈຳໃນຊ່ວງກ່ອນປະຈຳເດືອນຈະມາ ຫລືຊ່ວງມີປະຈຳເດືອນ ຄວາມເຜັດຮ້ອນຂອງຂິງຈະຊ່ວຍກະຕຸ້ນໃຫ້ເລືອດໄຫຼວຽນສະດວກຂຶ້ນ ບັນເທົາອາການຫົດຈັງຂອງກ້າມຊີ້ນທັງໃນມົດລູກ ແລະ ທາງເດີນອາຫານ ຈຶ່ງຊ່ວຍລຸດອາການປວດທ້ອງປະຈຳເດືອນຂອງຜູ້ຍິງໄດ້ດີ
ສູດນ້ຳຂິງລຸດຄວາມດັນເລືອດ
ນຳຂິງສົດມາຝານແລ້ວຕົ້ມກັບນ້ຳດື່ມມື້ຈອກ ຈະຊ່ວຍກະຕຸ້ນການໄຫຼວຽນຂອງເລືອດ ແລະ ລຸດຄວາມດັນເລືອດ
ສູດຮັກສາຜົມລົ່ນດ້ວຍຂິງ
ນ້ຳມັນຈາກຂິງຈະຊ່ວຍໃຫ້ຮາກຜົມທີ່ອ່ອນແອກັບມາແຂງແຮງຂຶ້ນ ແລະ ຖ້າເຮັດເປັນປະຈຳຈະກະຕຸ້ນການເກີດ
ໃໝ່ຂອງເສັ້ນຜົມໄດ້ອີກ ໂດຍມີຫຼາຍສູດໃຫ້ເລືອກໄປລອງໃຊ້ເບິ່ງ
ສູດທີ່ 1 : ນຳຂິງແກ່ 1 ແງ່ງ ໄປຂາງໄຟຈົນອຸ່ນ ຈາກນັ້ນນຳໄປຕຳໃຫ້ລະອຽດ ສຳເລັດແລ້ວຫໍ່ດ້ວຍຜ້າຂາວບາງເຮັດເປັນລູກປະຄົບ
ນຳມາປະຄົບລົງເທິງໂຄນຜົມໃຫ້ທົ່ວ ຖິ້ມໄວ້ປະມານ 20 ນາທີ ແລ້ວສະຜົມໃຫ້ສະອາດ
ສູດທີ່ 2 : ນຳຂິງມາປອກເປືອກອອກແລ້ວຫັ່ນເປັນຕ່ອນນ້ອຍ ຈາກນັ້ນນຳໄປປັ່ນໃຫ້ລະອຽດແລ້ວຄັ້ນເອົານ້ຳ ນຳໄປປະສົມກັບນ້ຳມັນມະພ້າວ ຄົນຈົນເປັນເນື້ອດຽວກັນ ນຳນ້ຳຂິງທີ່ປະສົມນ້ຳມັນມະພ້າວມາໝັກຜົມຖິ້ມໄວ້ 10-15 ນາທີແລ້ວລ້າງອອກ
- ນຳຂິງແກ່ 1-2 ຂີດມາປາດໃຫ້ບາງໆ ແລ້ວຄ່ຽວກັບນ້ຳມັນມະພ້າວສະກັດເຢັນ ໂດຍໃສ່ນ້ຳມັນມະພ້າວໃຫ້ພໍທ່ວມຂິງ ຕັ້ງໄຟຖິ້ມໄວ້ປະມານ 2 ຊົ່ວໂມງ ຫລືຈົນຂິງສຸກ ຫລືນ້ຳມັນໝາກພ້າວປ່ຽນສີ ກໍ່ຈະໄດ້ນ້ຳມັນຂິງ
ໃຫ້ເກັບໃສ່ແກ້ວໄວ້
- ຈາກນັ້ນໃຫ້ນຳຫອມແຂກ ຫລືຫອມແດງ 3-4 ຫົວມາຫັ່ນເປັນປ່ຽງ ໃສ່ນ້ຳ 1 ຈອກ (ປະມານ 200 ຊີ.ຊີ) ປັ່ນໃຫ້ລະອຽດແລ້ວກອງນ້ຳອອກ ຈະໄດ້ນ້ຳຫອມແດງ
- ເວລາຈະໃຊ້ ໃຫ້ປະສົມນ້ຳມັນຂິງ 1 ບ່ວງໂຕະ ກັບ ນ້ຳແດງ 1 ບ່ວງໂຕະ ຄົນໃຫ້ເຂົ້າກັນແລ້ວນຳມາໂລມເສັ້ນຜົມ ນວດເບົາ ໆ ໂດຍສະເພາະບໍລິເວນທີ່ຜົມບາງ
ແລ້ວນຳໝວກຄຸມຜົມມາຄອບຖິ້ມໄວ້ 15 ນາທີ ຈຶ່ງຄ່ອຍລ້າງອອກ ນ້ຳມັນຂິງທີ່ຊຶມເຂົ້າສູ່ໜັງຫົວຈະຊ່ວຍໃຫ້ເສັ້ນຜົມກັບມາແຂງແຮງອີກເທື່ອ ແຕ່ຂໍຢ້ຳວ່າບໍ່ຄວນຖິ້ມໄວ້ດົນເກີນ
15 ນາທີ ເພາະຄວາມຮ້ອນຂອງຂິງຈະເຮັດໃຫ້ໜັງຫົວລະຄາຍເຄືອງໄດ້ ສາມາດເຮັດໄດ້ອາທິດລະ
2-3 ເທື່ອ ເພື່ອແກ້ບັນຫາຜົມລົ່ນ
ສູດຂິງແກ້ປວດຂໍ້
ສູດທີ່ 1 : ນຳຂິງສົດມາຄັ້ນນ້ຳແລ້ວປະສົມກາວໜັງງົວ
ຄ່ຽວໃຫ້ຂົ້ນ ຈາກນັ້ນນຳໄປພອກບໍລິເວນທີ່ປວດ
ສູດທີ່ 2 : ນຳເຫງົ້າຂິງສົດໄປປິ້ງແລ້ວນຳໄປຕຳ
ປະສົມນ້ຳມັນໝາກພ້າວ ຄົນໃຫ້ເຂົ້າກັນແລ້ວໃຊ້ທາບໍລິເວນທີ່ປວດ
ຂໍ້ຄວນລະວັງໃນການດື່ມນ້ຳຂິງ
- ຫາກຫາກໍ່ເລີ່ມດື່ມນ້ຳຂິງ ແນະນຳໃຫ້ຄັ້ນໃນປະລິມານນ້ອຍ
ໆ ກ່ອນ ຢ່າໃຊ້ປະລິມານທີ່ເຂ້ມຂົ້ນເກີນໄປ ເພາະອາດເຮັດໃຫ້ເກີດອາການຮ້ອນໃນຫລືອັກເສບ
ອີກທັງອາດເຮັດໃຫ້ມີລິດຮຸນແຮງເກີນໄປຈົນກະທົບກັບສຸກຂະພາບໄດ້
- ຂິງມີລິດຮ້ອນ ຈຶ່ງບໍ່ເໝາະກັບຄົົນທີ່ມີຄວາມຮ້ອນພາຍໃນຮ່າງກາຍຢູ່ແລ້ວ
ເຊັ່ນ ມີອາການຕາແດງ ຮ້ອນໃນ ຕົວຮ້ອນ ເຫື່ອອອກຫລາຍ ເຈັບຄໍ ມີເສມຫະອອກເຫຼືອງ ໜຽວຂົ້ນ ຫາກກີນຂິງອາດມີອາການຊຸດລົງ
- ຜູ້ທີມີ່ອາການເລືອດອອກຜິດປົກກະຕິ ຫລືກຳລັງໃຊ້ຢາລະລາຍເລືອດ
ທັງຫມົດທັງຢາຕ້ານການເກາະຕົວຂອງເກັດເລືອດ ເຊັ່ນ ແອດໄພຣິນ ຄວນຫຼີກລ້ຽງການຮັບປະທານຂິງ
ເພາະຂິງມີສັບພະຄຸນຕ້ານການແຂງຕົວຂອງເລືອດ
- ຄົນຕັ້ງທ້ອງຄວນປຶກສາແພດກ່ອນກິນຂິງເພື່ອບັນເທົາອາການຕ່າງໆ
- ຜູ້ປ່ວຍນິ່ວໃນຖົງນ້ຳບີບໍ່ຄວນກິນຂິງ ເພາະຂິງມີລິດຂັບນ້ຳບີ
- ຂິງອາດເຮັດໃຫ້ເກີດແຜໃນກະເພາະອາຫານໄດ້
ດັ່ງນັ້ນຜູ້ທີ່ເປັນພະຍາດກະເພາະອາຫານຄວນລະມັດລະວັງໃນການກິນຂິງ
ທັງນີ້ຫາກບໍ່ສະດວກທີ່ຈະຕົ້ມນ້ຳຂິງໄວ້ດື່ມເອງ
ກໍສາມາດກິນຂິງຜົງສະກັດສຳເລັດຮູບໄດ້ເຊັ່ນກັນ
ໂດຍສັບພະຄຸນອາດຈະດ້ອຍກວ່ານ້ອຍໆ ທັງນີ້ທັງນັ້ນກໍຄວນເລືອກຊະນິດຂິງ
100% ແບບທີ່ບໍ່ປະສົມນ້ຳຕານ
ຫລືມີລົດຫວານຈົນເກີນໄປ
ຈະດີກັບສຸກຂະພາບຫລາຍກວ່າ ຫລືຖ້າໃຜຢາກນຳຂິງມາປະກອບອາຫານ
ກໍສາມາດເລືອກປຸງຕາມເມນູເຫຼົ່ານີ້ໄດ້ເລຍ
ຜັກຄາວທອງ ສະໝຸນໄພໃກ້ໂຕ
ມາຮູ້ຈັກສັບພະຄຸນຂອງ ຜັກຄາວທອງ ຜັກພື້ນບ້ານມີລິດເປັນຢາ ຕ້ານໄວຣັດກໍດີ
ຂັບຍ່ຽວກໍໄດ້ ແລະ ອີກສາລະພັດປະໂຫຍດດ້ານສຸຂະພາບ
ຜັກຄາວທອງ
ຜັກຄາວຕອງ ຄາວທອງ ເປັນຜັກພື້ນບ້ານ ມີກິ່ນຄາວທັງໃບ
ແລ ະຕົ້ນ ລົດຊາດຄາວ ຂື່ນ ເຜັດຮ້ອນ ຈັດເປັນພືດໃນວົງ
Saururaceae ມີຊື່ທາງວິທະຍາສາດວ່າ
Houttuynia cordata Thunb. ລັກສະນະໂດຍທົ່ວໄປເປັນໄມ້ລົ້ມລຸກ ສູງ 15-30 ຊັງຕິແມັດ ລຳຕົ້ນກົມ ຮາກແຕກອອກຕາມຂໍ້
ໃບ ເປັນໃບດ່ຽວສີຂຽວ
ອອກຮຽງສະຫລັບ ຮູບຫົວໃຈ ກວ້າງ 4-6 ຊັງຕິແມັດ ຍາວ 6-10 ຊັງຕິແມັດ ປາຍໃບຮຽວແຫຼມ ໂຄນໃບວ້ຳຮູບຫົວໃຈ ຂອບໃບລຽບ ແຜ່ນໃບລຽບ ກ້ານໃບຍາວ ແລະ ໂຄນເປັນກາບຫຸ້ມລຳຕົ້ນ ອອກດອກສີຂາວເປັນຊໍ່ທີ່ປາຍຍອດ ມີກີບດອກ 4 ໃບ ໂດຍທົ່ວໄປຈະອອກດອກນ້ອຍຈຳນວນຫລາຍ
ສ່ວນຫມາກ ເປັນຫມາກແຫ້ງ ແຕກອອກໄດ້
ຂ້າງໃນມີເມັດຮີໆ
ຄາວທອງ ສັບພະຄຸນມີຫຍັງແດ່?
ຜັກພື້ນບ້ານຢ່າງຄາວທອງ ເປັນຜັກທີ່ມີສັບພະຄຸນທາງຢາ ໂດຍໝໍຢາຕັ້ງແຕ່ສະໄໝບູຮານກໍໃຫ້ກິນຄາວທຕອງເປັນປະຈຳທຸກມື້ ເສີມສ້າງໃຫ້ຮ່າງກາຍແຂງແຮງ ບໍ່ເຈັບປ່ວຍງ່າຍ
ໂດຍໃນຕຳຮັບຢາແຜນບູຮານ ຄາວທອງ ມີສັບພະຄຸນ ເຊັ່ນ
ຂັບປັດສະວະ (ຍ່ຽວ)
ຄາວທອງ ມີສານຟາໂວນອດ
ທີ່ຊ່ວຍເພີ່ມການໄຫຼວຽນຂອງເລືອດທີ່ໄປລ້ຽງຫມາກໄຂ່ຫລັງ ສົ່ງຜົນໃຫ້ມີລິດຂັບຍ່ຽວໄດ້
ໂດຍໃຊ້ທັງຕົ້ນ ປະມານ 30-60 ກຣາມ ມາຕາກແຫ້ງໃຫ້ໄດ້ນ້ຳໜັກປະມານ 15-30 ກຣາມ ແຊ່ນ້ຳໄວ້ 1-3 ນາທີ ຈາກນັ້ນນຳໄປຕົ້ມໃນນ້ຳຮ້ອນດົນ 5 ນາທີ ກອງແລ້ວດື່ມເປັນຢາຂັບຍ່ຽວ ນອກຈາກນີ້ ຕົ້ນຄາວທອງຍັງແກ້ບວມນ້ຳ ແລະ ແກ້ການອັກເສບຕິດເຊື້ອທາງຍ່ຽວໄດ້ອີກ
ປິ່ນປົວພະຍາດຜິວໜັງ ຜື່ນຄັນ ລົມພິດ
ນິຍົມນຳຕົ້ນຄາວທອງສົດມາຕຳລະອຽດ ແລ້ວພອກປິ່ນປົວພະຍາດຜິວໜັງ
ຜື່ນຄັນ ລົມພິດ ບາດແມງໄມ້, ສັດກັດຕອດ ຜິວໜັງອັກເສບ ຊ້ຳ ບວມ ແລະ ຍັງໄລ່ໝັດ ຫລື ຄັ້ນນ້ຳມາໝັກຜົມໄວ້ກຳຈັດເຫົາກໍໄດ້
ດ້ວຍສັບພະຄຸນທີ່ຊ່ວຍປິ່ນປົວພະຍາດຜິວໜັງ ແກ້ຜິວແຫ້ງ
ແຕກ ຫຍາບກ້ານ ຈຶ່ງມີຄົນນຳຄາວທອງມາເປັນສ່ວນປະສົມຂອງເຄື່ອງສຳອາງທີ່ໃຊ້ບຳລຸງຜິວ
- ຮັກສາຣິດສີດວງທະວານ
ໃຊ້ຕົ້ນສົດ ຄາວທອງ ລ້າງສະອາດ ແລ້ວນຳມາຕົ້ມນ້ຳດື່ມ
ຈິບເຫຼົ້ານ້ອຍໆ ຈາກນັ້ນນຳກາກ ຄາວທອງໄປພອກທີ່ບາດຣິດສີດວງ ເຮັດຢ່າງນີ້ຕິດຕໍ່ກັນ 3 ມື້ ຫົວຣິດສີດວງຈະຄ່ອຍໆ
ຍຸບໄປ
- ຮັກສາຝີໜອງໃນປອດ
ໃນຕຳລາພື້ນບ້ານລະບຸວ່າ ຄາວທອງໃຊ້ຮັກສາ ຝີ ໜອງໃນປອດໄດ້ ໂດຍໃຊ້ຕົ້ນແຫ້ງ
30 ກຣາມ ປະສົມກັບຮາກແຫ້ງ
15 ກຣາມ ຕົ້ມນ້ຳ ຫລື ບົດເປັນຜົງສຳລັບປະສົມນ້ຳດື່ມ
ຂະນະທີ່ຕຳລັບຢາອື່ນໆ ຂອງຫຼາຍປະເທດໃນເອເຊຍ
ເຊັ່ນ ຈີນ ຍີ່ປຸ່ນ ເກົາຫຼີໃຕ້ ເນປານ ຢັງນຳຄາວທອງມາໃຊ້ຮ່ວມກັບສະມຸນໄພຊະນິດອື່ນ ເພື່ອຮັກສາອາການປ່ວຍ ບໍ່ວ່າຈະເປັນບັນເທົາອາການປອດອັກເສບ
ຫລອດລົມອັກເສບ ໄອ ບິດ ແກ້ໄຂ້ ອາຫານບໍ່ຍ່ອຍ ເປັນຢາລະບາຍ ລຸດຄວາມດັນເລືອດສູງ
ຄວບຄຸມລະດັບນ້ຳຕານໃນເລືອດ ຂັບເລືອດ ປິ່ນປົວພະຍາດສະຕີ ແລະ ອື່ນ ໆ
ຄາວທອງ ຢັບຢັ້ງໄວຣັດ ຕ້ານໄຂ້ຫວັດໃຫຍ່
ຈາກການວິໄຈທັງໃນ ແລະ ຕ່າງປະເທດ ພົບວ່າ ນ້ຳມັນຫອມລະເຫີຍໃນ
ຄາວທອງສາມາດຢັບຢັ້ງເຊື້ອໄວຣັດທີ່ເປັນສາເຫດຂອງໄຂ້ຫວັດໃຫຍ່
ແລະ ພະຍາດຊາໄດ້ ນອກຈາກນີ້ຍັງມີລິດຕ້ານໄວຣັດຕົ້ນເຫດພະຍາດເຣີມ ແລະ ໄວຣັດເອດໃນຫຼອດທົດລອງໄດ້ອີກດ້ວຍ
ທັງນີ້ ຫາກຕ້ອງການກິນ
ຜັກຄາວທອງ ໂດຍຫວັງຜົນໃນການປ້ອງກັນພະຍາດຫວັດ
ເຮົາສາມາດກິນຄາວທອງ ສົດໆ ເພື່ອໃຫ້ໄດ້ນ້ຳມັນຫອມລະເຫີຍຂອງຄາວທອງໂດຍກົງ
ຜັກຄາວທອງ ຂ້າໂຄວິດ 19 ໄດ້ບໍ
ນອກຈາກຟ້າທະລາຍໂຈນແລ້ວ
ຍັງມີຂໍ້ມູນທີ່ແຊຣ໌ຕໍ່ ໆ ກັນວ່າ ຄາວທອງ ມີສັບພະຄຸນປ້ອງກັນໂຄວິດ 19 ໄດ້ ຊຶ່ງປະເດັນນີ້ ທາງ ດຣ. ພຍ.ຜະກາກອງ
ຂວັນເຂົ້າ ຫົວໜ້າສູນຫຼັກຖານເຊີງປະຈັກດ້ານການແພດແຜນໄທ
ແລະ ສະມຸນໄພ ໂຮງຫມໍເຈົ້າພະຍາອໄພພູເບສອນ ຊີ້ແຈງວ່າ ຈາກການວິໄຈໃນປະເທດຈີນ ດ້ວຍການຈຳລອງພາບ
3 ມິຕິຜ່ານລະບົບຄອມພິວເຕີເມື່ອຕົ້ນປີ
2020 ທີມວິໄຈພົບວ່າ ສານສຳຄັນທີ່ຊື່ວ່າ ເຄວີຊິຕິນ
ແລະ ຣູທີນ ຊຶ່ງເປັນສານທີ່ພົບໄດ້ໃນຜັກຄາວທອງ ແລະ
ສະມຸນໄພບາງຊະນິດ ສາມາດຢັບຢັ້ງບໍ່ໃຫ້ໄວຣັດໂຄໂຣນາ
2019 ເຂົ້າເຊວຂອງຮ່າງກາຍ ແລະ ຊ່ວຍບໍ່ໃຫ້ມີການແບ່ງຕົວຂອງເຊວໄວຣັດໄດ້
ແຕ່ວ່າການວິໄຈຢັງຢູ່ໃນໄລຍະເລີ່ມຕົ້ນຫລາຍ ກວ່າຈະພັດທະນາໃຫ້ໃຊ້ໄດ້ຈິງ
ຍັງຕ້ອງສຶກສາໃນອີກຫຼາຍຂັ້ນຕອນ ປະຈຸບັນຈຶ່ງຢັງບໍ່ມີຫຼັກຖານຢືນຢັນວ່າ
ຜັກຄາວທອງ ຂ້າເຊື້ອໄວຣັດໂຄໂຣນາສາຍພັນໃໝ່ ທີ່ເຮັດໃຫ້ເກີດພະຍາດໂຄວິດ
19 ໄດ້
ຢ່າງໃດກໍຕາມ ກົມການແພດແຜນໄທ ແລະ ການແພດທາງເລືອກ
ກະຊວງສາທາລະນະສຸກ ໄດ້ຈັດຜັກຄາວທອງ ໄວ້ໃນກຸ່ມຜັກເສີມພູມຄຸ້ມກັນ
ໂດຍລະບຸວ່າ ຜັກພື້ນບ້ານຫຼາຍຊະນິດ ທີ່ແມ້ນຈະບໍ່ມີການສຶກສາວິໄຈກ່ຽວກັບພະຍາດໂຄວິດ 19 ແຕ່ພົບວ່າມີສັບພະຄຸນຢັບຢັ້ງການຕິດເຊື້ອໄວຣັດກໍ່ພະຍາດ
ມີລິດກະຕຸ້ນພູມຄຸ້ມກັນ ແລະ ຕ້ານການອັກເສບໄດ້ດີ
ຜັກຄາວທອງ ກັບມະເຣັງ
ຜັກຄາວທອງເດັ່ນດັ່ງໃນເລື່ອງຕ້ານເຊວມະເຣັງເຊັ່ນກັນ ໂດຍຈາກການສຶກສາລິດທາງເພສັດວິທະຍາ ທັງໃນ ແລະຕ່າງປະເທດ
ພົບວ່າ ຜັກຄາວທອງ ມີລິດທຳລາຍເຊວມະເຣັງໃນຫຼອດທົດລອງ ຢັບຢັ້ງການຈະເລີນເຕີບໂຕຂອງເຊວມະເຣັງເມັດເລືອດຂາວ ແລະ ຍັງມີສັບພະຄຸນ ຕ້ານອານຸມູນອິດສະຫລະ ກະຕຸ້ນລະບົບພູມຄຸ້ມກັນໃນຮ່າງກາຍ ຄາວທອງ ຫລືຄາວຕອງ ຈຶ່ງຖືກນຳໄປຜະລິດເປັນຢາຮ່ວມກັບສະມຸນໄພອື່ນໆ ເພື່ອໃຊ້ໃນຜູ້ປ່ວຍມະເຣັງ ແລະ ຜູ້ປ່ວຍທີ່ມີພາວະພູມຄຸ້ມກັນບົກຜ່ອງ
ນອກຈາກນີ້ໃນປະເທດຈີນຢັງໃຊ້ຄາວທອງປະກອບຢາຕຳຮັບຜົງ ແລະ ຢາສີດມະເຣັງຫຼາຍຊະນິດ
ໂດຍພົບວ່າຄາວທອງ ມີລິດຕ້ານການອັກເສບ
ແລະ ບັນເທົາປວດ ທຽບເທົ່າກັບຢາແກ້ປວດໃນກລຸ່ມ NSAIDs ແລະ ມີລິດຕ້ານການເກີດແຜໃນກະເພາະອາຫານນຳ ແຕ່ເຖິງຢ່າງນັ້ນ ກໍບໍ່ແມ່ນວ່າເຮົາຈະສາມາດບໍລິໂພກຜັກຄາວຕອງເພື່ອຫວັງຜົນໃນການຖືຮັກສາມະເຣັງໄດ້
ຜັກຄາວທອງ ຄວນໃຊ້ຢ່າງໃດ
ເນື່ອງຈາກຄາວທອງເປັນຜັກພື້ນບ້ານ ຈຶ່ງນິຍົມກິນສົດໆ
ຊຶ່ງຈະໄດ້ນ້ຳມັນຫອມລະເຫີຍຂອງຄາວທອງໂດຍກົງ ຫລື ຈະກິນຕາມຕຳຮັບຢາດມຸນໄພ ກໍໄດ້ ໂດຍໃຊ້ຕົ້ນຄາວທອງແຫ້ງ 15-30 ກຣາມ ຕົ້ມກັບນ້ຳ ແລ້ວກອງດື່ມເປັນຊາ
ສ່ວນການຮັບປະທານຄາວທອງສະກັດ
ຫລື ຄາວຕອງສະກັດໃນຮູບແບບແຄບຊູນ ຫລື ໃນຮູບແບບໃດໆ
ກໍຕາມ ຄວນເບິ່ງວິທີການສະກັດຄາວທອງ ທັງຫມົດໄປເຖິງປະລິມານສານສຳຄັນຂອງຄາວທອງໃນຜະລິດຕະພັນນັ້ນ
ໆ ໃຫ້ດີ ເນື່ອງຈາກການສຶກສາວິໄຈແຕ່ລະການສຶກສາ ອາດຈະໃຊ້ວິທີການສະກັດຂອງຄາວທອງທີ່ແຕກຕ່າງກັນອອກໄປ
ຜັກຄາວທອງມີຜົນຂ້າງຄຽງບໍ?
ປົກກະຕິແລ້ວຫາກຮັບປະທານຄາວທອງ ໃນຮູບແບບອາຫານ ມັກຈະບໍ່ມີຜົນຂ້າງຄຽງທີ່ໜ້າເປັນຫ່ວງ
ເພາະປະລິມານໃນການກິນ ຜັກຄາວທອງຈະບໍ່ຄ່ອຍຫລາຍ ແລະ
ການກິນອາຫານແຕ່ລະເທື່ອເຮົາກໍຈະກິນອາຫານທີ່ຫຼາກຫຼາຍ ແຕ່ຢ່າງໃດກໍຕາມ
ການໃຊ້ຜັກຄາວທອງທັງແບບຮັບປະທານ ແລະ ໃຊ້ເປັນຢາພາຍນອກ
ກໍອາດເກີດຜົນຂ້າງຄຽງໄດ້ໃນບາງຄົນ ດັ່ງນີ້
* ປຸ້ນທອງ ຮາກ
* ຖ້າຮັບປະທານຫລາຍເກີນໄປຈະເຮັດໃຫ້ຫາຍໃຈສັ້ນ
ແລະ ຖີ່ ອາດເປັນອັນຕະລາຍໄດ້
* ໃນກໍລະນີໃຊ້ພາຍນອກ ກໍອາດມີອາການແພ້ທີ່ຜິວໜັງ
ຫລືມີແຜພອງ
* ສ່ຽງນິ່ວໃນຫມາກໄຂ່ຫລັງເພີ່ມຂຶ້ນ ຫລື
ຄົນເຈັບພະຍາດຫມາກໄຂ່ຫລັງ ກໍອາດຫມາກໄຂ່ຫລັງວາຍຮຸນແຣງໄດ້ ເພາະອອກຊາເລດໃນໃບຜັກຄາວທອງ ອາດຕົກຄ້າງໃນຮ່າງກາຍ
ໃນກໍລະນີທີ່ກິນຫລາຍເກີນໄປ
ຜັກ ແລະ ສະມຸນໄພໃກ້ຕົວເຮົາ ລ້ວນມີປະໂຫຍດ ແລະ ສັບພະຄຸນທີ່ດີຕໍ່ສຸກຂະພາບ
ບໍ່ວ່າທາງໃດກໍທາງໜຶ່ງ ແຕ່ສິ່ງສຳຄັນກໍຄື ເຮົາຄວນເລືອກໃຊ້ປະໂຫຍດຈາກຜັກ
ສະມຸນໄພ ຫລື ຫຍັງກໍຕາມ ຢ່າງເໝາະສົມ ທັງນີ້ ເພື່ອຄວາມປອດໄພຕໍ່ສຸກຂະພາບຂອງຕົວເຮົາເອງ
ສະມຸນໄພຮັກສາຕົກຂາວ
ສະມຸນໄພຮັກສາຕົກຂາວຈາກເຊື້ອລາ ແກ້ງ່າຍໆ ດ້ວຍວິທີທຳມະຊາດ
ສະມຸນໄພຮັກສາຕົກຂາວມີຫຍັງ
ຂໍ້ມູນດີໆ ສຳລັບຜູ້ຍິງທີ່ມີອາການຕົກຂາວກວນໃຈ
- ມີສາວໆ ຈຳນວນບໍ່ນ້ອຍ ທີ່ກຳລັງຊອກຫາວິທີແກ້ອາການຕົກຂາວດ້ວຍຕົວເອງ ບໍ່ວ່າຈະເປັນການກິນຢາ ສອດຢາ ທັງຫມົດ ເຖິງການໃຊ້ສະມຸນໄພ ເພື່ອຊ່ວຍບັນເທົາກີ່ນ ອາການຄັນ ແລະ ແກ້ໄຂຕົກຂາວທີ່ເກີດເຊື້ອຣາໃນຊ່ອງຄອດໃຫ້ກັບມາເປັນປົກກະຕິ ແຕ່ສຳລັບໃຜທີ່ຍັງບໍ່ຮູ້ວ່າຈະຕ້ອງເລືອກຫາສະມຸນໄພຊະນິດໃດ ມາຮັບປະທານຄວບຄູ່ໄປກັບການຮັກສາຕົກຂາວຢູ່ ຄົນຮັກກະເສດ hukased ໄດ້ລວບລວມເອົາສະມຸນໄພທີ່ມີລິດຕ້ານເຊື້ອ ແລະ ຢັບຢັ້ງການຈະເລີນເຕີບໂຕຂອງແບກທີເຣຍໃນຊ່ອງຄອດມາຝາກກັນ ດັ່ງຕໍ່ໄປນີ້:
- ວ່ານຊັກມົດລູກ ນັບເປັນສຸດຍອດສະມຸນໄພສຳລັບສະຕີ ມາແຕ່ບູຮານ ແລະ ເປັນທີ່ນິຍົມແພຫຼາຍໃນປະຈຸບັນ ເນື່ອງຈາກໃນວ່ານຊັກມົດລູກມີລິດຄ້າຍກັບຮໍໂມນເພດຍິງ (ເອດໂຕນເຈນ) ສຳລັບວິທີການອາດເລືອກຮັບປະທານວ່ານຊັກມົດລູກແບບສຳເລັດຮູບ ຫລື ນຳວ່ານຊັກມົດລູກຕົວຜູ້ມາຫັ່ນເປັນປ່ຽງ ນຳໄປຕາກແດດແລ້ວຈຶ່ງນຳມາຕົ້ມກິນເປັນປະຈຳ ຈະຊ່ວຍບຳລຸງຮັກສາ ແລະ ປັບສົມດຸນກ່ຽວກັບລະບົບພາຍໃນຂອງຜູ້ຍິງ ບໍ່ວ່າຈະເປັນການເຮັດວຽກງານຂອງມົດລູກ ຮວຍໄຂ່ ທັງຍັງຊ່ວຍຮັກສາອາການອັກເສບ ແລະ ຄວາມຜິດປົກກະຕິໃນຊ່ອງຄອດໄດ້ອີກດ້ວຍ
- ຢານາງ ຫຼາຍຄົນອາດຄຸ້ນເຄຍກັບການນຳມາປຸງແຕ່ງອາຫານ ເປັນຕົ້ນແມ່ນໃສ່ແກງຫນໍ່ ເພື່ອຊ່ວຍເພີ່ມຄວາມເຂັ້ມຂົ້ນແລະ ລົດຊາດແຊບ ແຕ່ວ່າຢານາງ ຍັງເປັນສະມຸນໄພ ລິດເຢັນ ທີ່ມີສັບພະຄຸນເດັ່ນໃນດ້ານການຂັບພິດ ລຸດອາການຕົກຂາວ ແລະ ຊ່ວຍລຸດອາການອັກເສບພາຍໃນຊ່ອງຄອດໄດ້ເປັນຢ່າງດີ ພຽງແຕ່ນຳໃບຢ່ານາງສົດມາຕຳ ຫລື ຄັ້ນໃນນ້ຳດື່ມ ແລ້ວກອງກາກອອກ ດື່ມຕອນທ້ອງວ່າງ ຫລື ກ່ອນອາຫານມື້ລະ 2-3 ເທື່ອ ອາດເຕີມນ້ຳ ຫລື ນ້ຳກ້ອນ ເພື່ອເຈືອຈາງຄວາມເຂັ້ມຂົ້ນໄດ້ເຊັ່ນກັນ
- ລາງຈືດ ຈັດຢູ່ໃນກຸ່ມພືດທີ່ມີສັບພະຄຸນຊ່ວຍຖອນພິດ ຕ້ານເຊື້ອແບກທີເຣຍ ໂດຍການຂັບສິ່ງບໍ່ພຶງປະສົງອອກຈາກຮ່າງກາຍ ໂດຍການຮັບປະທານຊາລາງຈືດ ຜົງລາງຈືດລະລາຍກັບນ້ຳ ຫລື ນຳສ່ວນຕ່າງໆ ຂອງລາງຈືດ ບໍ່ວ່າຈະເປັນໃບ ຮາກ ເຄືອ ມາຕຳ ຫລື ຄັ້ນເອົາແຕ່ນ້ຳ ແລ້ວນຳໄປຕົ້ມດື່ມ ນອກຈາກຈະຊ່ວຍລຸດເຊື້ອຣາໃນຊ່ອງຄອດໄດ້ແລ້ວ ຍັງຊ່ວຍແກ້ອາການປະຈຳເດືອນມາບໍ່ປົກກະຕິ ແລະ ບຳລຸງຜິວພັນໃຫ້ສົດໃສເປັ່ງປັ່ງ
- ກະຊາຍດຳ ເຖິງວ່າຈະເປັນສະມຸນໄພລົດເຜັດຮ້ອນທີ່ຊ່ວຍຂັບລົມ ຫລຸດອາການຈຸກສຽດໄດ້ຢູ່ໝັດ ແຕ່ກະຊາຍຍັງມີລິດທາງຢາແກ້ອັກເສບທີ່ຊ່ວຍລຸດອາການຄັນ ແລະ ຕົກຂາວຜິດປົກກະຕິໄດ້ ອາດເລືອກກິນກະຊາຍແບບສົດໆ ໂດຍການນຳມາປຸງໃສ່ອາຫານ ຫລື ກິນກະຊາຍແຄບຊູນມື້ລະ 2-3 ເມັດ ກໍຈະຊ່ວຍຖືຮັກສາອາການຕົກຂາວໃຫ້ທຸເລົາລົງ ແລະ ເປັນປົກກະຕິໄດ້ໃນທີ່ສຸດ
- ຮາກສາມສິບ ສະມຸນໄພສຳລັບຜູ້ຍິງ ທີ່ຊ່ວຍບຳລຸງສຸກຂະພາບໂດຍທັງຫມົດໃຫ້ແຂງແຮງ ທັງຍັງມີລິດເປັນກົດອ່ອນໆ ທີ່ຊ່ວຍຕໍ່ຕ້ານເຊື້ອແບກທີເຣຍ ແລະ ເຊື້ອລາ ເພື່ອຂ້າເຊື້ອພະຍາດຕ່າງໆ ພາຍໃນຊ່ອງຄອດ ແລະ ລຸດກິ່ນເໝັນ ແລະ ແກ້ອາການຕົກຂາວໄດ້ເປັນຢ່າງດີ ໂດຍສ່ວນໃຫຍ່ແລ້ວມັກນິຍົມກິນສະມຸນໄພຊະນິດນີ້ແບບສຳເລັດຮູບ
- ມູນເພີງແດງ ຮຽກໄດ້ວ່າເປັນສະມຸນໄພຫລາຍປະໂຫຍດອີກຊະນິດໜຶ່ງ
ທີ່ມີສັບພະຄຸນຊ່ວຍແກ້ພະຍາດສະຕີ ຢ່າງ ອາການຕົກຂາວຊຶ່ງເກີດຈາກເຊື້ອລາໃຫ້ກັບມາເປັນປົກກະຕິ ທັງຍັງຊ່ວຍຂັບປະຈຳເດືອນອີກດ້ວຍ
ດ້ວຍການນຳຮາກແຫ້ງມາຕົ້ມກັບນ້ຳດື່ມ 2 ແກ້ວ ແລ້ວເທດື່ມເທື່ອລະ ¼ ຂອງແກ້ວ ຈະຊ່ວຍຕໍ່ຕ້ານເຊື້ອແບກທີເຣຍທີ່ຢູ່ໃນຊ່ອງຄອດໃຫ້ກລັບມາຫາຍໄດ້ໄວ
ຢ່າງໃດກໍດີ ສະມຸນໄພເຫຼົ່ານີ້ກໍນັບໄດ້ວ່າຊ່ວຍລຸດບັນຫາຕົກຂາວ
ບໍ່ຕ້ອງນັ່ງກຸ້ມໃຈໄດ້ໃນລະດັບໜຶ່ງເທົ່ານັ້ນ ທາງທີ່ດີສາວໆ ຄວນຖືຮັກສາຄວາມສະອາດ ແລະ ເບິ່ງແຍງພາຍໃນຕົວເອງໃຫ້ສະອາດ ແລະບໍ່ອັບຊື້ນຢູ່ສະເໝີລະກະພໍ
Wednesday, August 05, 2020
ຫຍ້າຣີແພ ຫລື ຫຍ້າຫີຍຸ້ມ
ຫຍ້າຣີແພ ຫລື ຫຍ້າຫີຍຸ້ມ
ຫຍ້າຣີແພ ສັບຄຸນບຳລຸງສະຕີ ຫລືທີ່ເອີ້ນກັນວ່າ ຫຍ້າຫີຍຸ້ມ ຈັດເປັນສະມຸນໄພຊ່ວຍກະຊັບຊ່ອງຄອດ ໃຊ້ດີແບບໃດ ໃຊ້ຢ່າງໃດໃຫ້ຖືກຕ້ອງ
ແລະ ໄດ້ຜົນ ສາວໆ ຕ້ອງຮູ້ໃຫ້ແຈ້ງ
ຫຍ້າຫີຢຸ່ມ ຫລື
ຫຍ້າຣີແພ ຍັງເປັນສະມຸນໄພບຳລຸງສະຕີ ທີ່ໄດ້ຮັບຄວາມນິຍົມຢ່າງຫລວງຫລາຍ ດ້ວຍສັບພະຄຸນຂອງຫຍ້າຣີແພ ທີ່ຊ່ວຍກະຊັບຊ່ອງຄອດ ຄືນຄວາມສາວໃຫ້ຜູ້ຍິງ ດ້ວຍວິທີທຳມະຊາດ
ດັ່ງນັ້ນຈຶ່ງບໍ່ໜ້າແປກໃຈທີ່ບັນດາສາວນ້ອຍສາວໃຫຍ່ ຈະເທໃຈມາທາງສະມຸນໄພ ຢ່າງຫຍ້າຣີແພ ຫລາຍກວ່າໄປສົນໃຈໃນເທກໂນໂລຢີທີ່ສາມາດກະຊັບຊ່ອງຄອດໄດ້ເຊັ່ນກັນ
ແຕ່ຢ່າງໃດກໍດີ ກ່ອນຈະໃຊ້ສະມຸນໄພໃດໆ ກໍຕາມ ເຮົາຄວນສຶກສາຂໍ້ມູນສະມຸນໄພຊະນິດນັ້ນ ໆ ໃຫ້ດີກ່ອນ ຢ່າງຫຍ້າຫີຍຸ້ມ ຫລື ຫຍ້າຣີແພ ນີ້ກໍ່ບໍ່ຕ່າງກັນ ລອງມາເບິ່ງກັນວ່າ
ວິທີໃຊ້ຫຍ້າຣີແພ ໃຫ້ເຫັນຜົນ ແລະ ປອດໄພຄວນຕ້ອງເຮັດແບບໃດ ພ້ອມກັນນັ້ນ ເຮົາກໍຈະພາທຸກຄົນໄປເຈາະເລິກສັບພະຄຸນຂອງຫຍ້າ ຫີຍຸ້ມໃຫ້ຮູ້ລຶກເຖິງປະໂຫຍດຂອງສະມຸນໄພຕົວນີ້ຢ່າງຈິງຈັງນຳ
ຫຍ້າຣີແພ ກັບຂໍ້ມູນໜ້າຮູ້
ຫຍ້າຣີແພ ມີຊື່ວິທະຍາສາດວ່າ Centotheca
lappacea (L.) Desv. ໂດຍຫຍ້າຣີແພເປັນພືດໃນວົງ
Poaceae ຊຶ່ງຈັດຢູ່ໃນພືດຕະກູນໄຜ່
ສ່ວນຊື່ພາສາອັງກິດຂອງຫຍ້າຣີແພກໍ່ຄື Barbed grass ຊຶ່ງໃນບ້ານເຮົານັ້ນ ຫຍ້າຣີແພເປັນຊື່ທີ່ຖືກຂັດເກົາມາ ເພື່ອໃຫ້ອອກສື່ໄດ້ສະດວກຂຶ້ນ
ເພາະຈິງໆ ແລ້ວ ຫຍ້າ Barbed grass ຫລື ຫຍ້າຣີແພ ມີຊື່ຕາມທ້ອງຖິ່ນວ່າຫຍ້າ ຫີຍຸ້ມ ຊຶ່ງຊາວບ້ານເອີ້ນ
ສະມຸນໄພຊະນິດນີ້ວ່າຫີຍຸ້ມ ກັນມາຍາວນານ ໂດຍຮຽກຊື່ຕາມສັບພະຄຸນຂອງຕົວສະມຸນໄພນັ້ນເອງ
ທັງນີ້ຫຍ້າຣີແພເປັນສະມຸນໄພທີ່ປຸກໄດ້ທຸກພາກຂອງປະເທດ
ແຕ່ຈະພົບຫຍ້າຣີແພໄດ້ຫລາຍໃນພື້ນທີ່ປ່າ ແລະ ປ່າດິບຊື້ນ ຫລືບໍລິເວນທົ່ງຮາບຫວ່າງເຂົາ ຫລືເທິງພູເຂົາສູງ ແຖບແຂວງ ວຽຍຈັນ ໄຊຍະ ບໍລິຄຳໃຊ ເປັນສ່ວນໃຫຍ່
ຫຍ້າຣີແພ ລັກສະນະທາງພຶດສາດ
ຫຍ້າຣີແພເປັນພືດລົ້ມລຸກຕະກູນດຽວກັບພືດຕະກູນໄຜ່
ລັກສະນະຂອງຫຍ້າຣີແພຈຶ່ງມີລຳຕົ້ນເປັນຂໍ້ ປ້ອງຊົງກົມຂະໜາດນ້ອຍ
ລຳຕົ້ນສູງປະມານ 30-70 ເຊັນຕິແມັດ ອ້ອມ
ໆ ລຳຕົ້ນຂອງຫຍ້າຣີແພຈະຖືກຫຸ້ມດ້ວຍກາບໃບ ມີສີຂຽວອົມມ່ວງ ລຳຕົ້ນບໍ່ມີແກນ
ດ້ວຍລັກສະນະນີ້ລຳຕົ້ນຂອງຫຍ້າ ຫີຍຸ້ມ ຈຶ່ງຄ່ອນຂ້າງອ່ອນ
ແລະ ຫັກງ່າຍ ແຕ່ເຖິງຢ່າງກໍ່ຕາມຕົວລຳຕົ້ນກໍມີຄວາມໜຽວ ຊະນິດທີ່ດຶງໃຫ້ຂາດດ້ວຍມືກໍຍາກ ແລະ ໂຄນຕົ້ນສາມາດແຕກໜໍ່ເປັນຕົ້ນໃໝ່
ຫລື ຂະຫຍາຍເປັນກໍໃຫຍ່ໄດ້
ສ່ວນໃບຂອງຫຍ້າຣີແພເປັນໃບລ້ຽງດ່ຽວ ແທງໃບອອກເປັນໃບດ່ຽວຊັດເຈນ
ລັກສະນະຂອງໃບຈະລຽງສະລັບກັນຕາມຄວາມສູງຂອງລຳຕົ້ນ ຕົວໃບມີກາບໃບສີຂຽວອົມມ່ວງ
ກ້ານໃບສັ້ນຕິດກັບກາບໃບ ສ່ວນລິ້ນໃບເປັນແຜ່ນບາງໆ ອອກສີນ້ຳຕານ ຢູ່ຕິດກັບໂຄນກ້ານໃບ
ແຜ່ນໃບມີຮູບຫອກກວ້າງປະມານ 1.5-3 ເຊັນຕິແມັດ ຍາວປະມານ 5-20 ຊັງຕິແມັດ ໂຄນໃບສອບ
ປາຍໃບແຫຼມ ແຜ່ນໃບລຽບເປັນສີຂຽວເຂັ້ມ ຂອບໃບໂຄ້ງເປັນລູກຄື້ນຂວາງເຂົ້າຫາກາງໃບ ແຜ່ນໃບມີເສັ້ນໃບເປັນລີ້ວນ້ອຍຈຳນວນຫລາຍຕາມແນວຍາວຂອງໃບ
ທັງນີ້ຫຍ້າຣີແພກໍມີດອົກຄືກັນ ໂດຍລັກສະນະຂອງດອກຫຍ້າຣີແພຈະເປັນຊໍ່
ຄ້າຍກັບຊໍ່ຂອງດອກຫຍ້າຊະນິດອື່ນ ໆ ຄວາມຍາວຂອງດອກປະມານ 15-45 ຊັງຕິແມັດ ປະກອບດ້ວຍດອກຊໍ່
ແລະ ດອກຍ່ອຍກວ່າ 10-30 ດອກ ໂດຍປະມານ ສ່ວນຂອງດອກຍ່ອຍຈະມີກ້ານດອກສັ້ນໆ ແລະ ມີເມັດຫຍ້າຣີແພລັກສະນະຮີຍາວ ຄວາມກວ້າງຂອງເມັດຄ່ອນຂ້າງນ້ອຍພຽງ 2-3 ມິນລິແມັດ ຢາວປະມານ 4-6 ມິນລິແມັດເທົ່ານັ້ນ ເມັດໃນຊ່ວງທີ່ຍັງບໍ່ໃຫຍ່ເຕັມທີ່ຈະມີສີອອກຂຽວ ຖ້າເມັດແກ່ແລ້ວສີຈະອອກເຫຼືອງໆ
ຫຍ້າຣີແພ ສັບພະຄຸນດີແບບໃດ
ສັບພະຄຸນຂອງຫຍ້າ ຫີຍຸ້ມ ຫລື ຫນ້າລີແພ ນັ້ນກໍແປກັນກົງຕົວຕາມພາສາລາວວ່າ ສະມຸນໄພຊ່ວຍກະຊັບ
ຮັດ ຫລື ເຮັດໃຫ້ແໜ້ນຂຶ້ນ ເຈາະກັນແຈ້ງໆ ເຖິງສັບພະຄຸນ
ຊ່ວຍຣີແພ ຄວາມສາວຄືນສູ່ຜູ້ຍິງທຸກຄົນໄດ້ຢ່າງເຫັນຜົນຈິງ
ຊຶ່ງເຮົາຈະມາໄລ່ລຽງໃຫ້ເຫັນກັນແຈ້ງຂຶ້ນວ່າ ສັບພະຄຸນຂອງຫຍ້າຣີແພຈິງໆ ແລ້ວເປັນແບບໃດ
- ຫຍ້າຣີແພຊ່ວຍກະຊັບຊ່ອງຄອດ
ສານສຳຄັນທີ່ພົບໃນຫຍ້າຣີແພ ຫລື ຫຍ້າ ຫີຍຸ້ມ ຄືສານຊິລິກາ (Silica) ຊຶ່ງເປັນສານຕັ້ງຕົ້ນຂອງຄໍລາເຈນ ແລະນ້ຳໄຂຂໍ້ໃນຮ່າງກາຍ
ມີຄຸນສົມບັດເດັ່ນກົງ ຊ່ວຍບຳລຸງຜິວພັນໃຫ້ເປັ່ງປັ່ງເຕ່ງຕຶງ ໃນອາດີດຈຶ່ງນຳຫຍ້າຫີຍຸ້ມມາບຳລຸງສະຕີຫຼັງເກີດ ເພື່ອໃຫ້ແຜທີ່ປາກຊ່ອງຄອດກະຊັບຕົວໄດ້ດີຂຶ້ນ ຟື້ນຕົວໄດ້ໄວດ້ວຍພູມິປັນຍາຊາວບ້ານມາຢ່າງຍາວນານ
- ຊ່ວຍໃຫ້ມົດລູກເຂົ້າອູ່
ສັບພະຄຸນຂອງຫຍ້າຣີແພທີ່ເປັນຕົວຊູໂລງອີກຢ່າງຄື ສັບພະຄຸນດ້ານການຊ່ວຍໃຫ້ມົດລູກເຂົ້າອູ່
ອີກທັ້ງຢັງຊ່ວຍໃຫ້ຜິວພັນສະຕີເປັ່ງປັງ ໂດຍມີການສຶກສາທີ່ຄົ້ນພົບວ່າ ໃນພືດຕະກູນໄຜ່ມີສານພິເສດທີ່ມີຄຸນສົມບັດຊ່ວຍເພີ່ມການສ້າງຊີ້ນເຢື່ອກ່ຽວພັນ
(Connective Tissue) ສາມາດເພີ່ມຄວາມຢືດຢຸ່ນໃນເຊວຜິວໜັງໄດ້
ເພີ່ມນ້ຳເມືອກໃຫ້ສະຕີມີການຫຼໍ່ລື່ນໄດ້ດີ ໃນລະຍະຫຼັງ ຈຶ່ງມີສານພິເສດຕົວນີ້ອອກມາໃຊ້ເປັນສ່ວນປະສົມຂອງເຄື່ອງສຳອາງຫຼາຍຊະນິດ
ໂດຍໃຫ້ຊື່ສານສະກັດຕົວນີ້ວ່າ ແບມບູ
ຊິລິກາ (Bamboo Silica)
- ບຳລຸງກຳລັງຫຼັງເກີດບຸດ
ສານສຳຄັນທີ່ມີຢູ່ໃນຫຍ້າຣີແພ ບໍ່ໄດ້ຊ່ວຍເພີ່ມຄວາມຢືດຢຸ່ນໄດ້ເທົ່ານັ້ນ
ແຕ່ຍັງມີລິດຕ້ານອະນຸມູນອິດສະຫລະ
ຊ່ວຍສົ່ງເສີມການສ້າງຄໍລາເຈນໃຫ້ຮ່າງກາຍ ຫຍ້າຣີແພຈຶ່ງຖືກນຳມາປຸງເປັນຢາບຳລຸງກຳລັງສະຕີຫຼັງເກີດບຸດ ເພື່ອເພີ່ມຄວາມແຂງແຮງຂອງກະດູກ
ແລະ ຊີ້ນເຢື່ອ ຊ່ວຍລຸດການອັກເສບທີ່ເກິດຂື້ນໃນຮ່າງກາຍ ອີກທັງຫຍ້າ ຫີຍຖ້ມຍັງມີສັບພະຄຸນຊ່ວຍລຸດໄຂ້ ຕ້ານການຕິດເຊື້ອຂອງແຜ
ແລະ ຊ່ວຍກະຕຸ້ນລະບົບພູມຄຸ້ມກັນຂອງຮ່າງກາຍໄດ້ອີກດ້ວຍ
- ຫຍ້າຣີແພ ສັບພະຄຸນດີຕໍ່ຊາວໄວທອງ
ບໍ່ພຽງແຕ່ຊ່ວຍກະຊັບຊ່ອງຄອດເທົ່ານັ້ນ ແຕ່ການສຶກສາຕ່າງປະເທດຍັງພົບວ່າ ສານແບມບູ
ຊິລິກາ ມີຄຸນສົມບັດຊ່ວຍບຳລຸງຄວາມແຂງແຮງຂອງເສັ້ນເອັນ
ຂໍ້ ແລະ ກະດູກໄດ້ ດັ່ງນັ້ນຫຍ້າຫີຍຸ້ມຈຶ່ງເປັນມະມຸນໄພທີ່ດີສຳລັບສະຕີ ໄວໝົດປະຈຳເດືອນ ຊຶ່ງຮ່າງກາຍຈະສ້າງຄໍລາເຈນໄດ້ລຸດລົງ ສົ່ງຜົນໃຫ້ສ່ຽງຕໍ່ພະຍາດຂໍ້ເຂົ່າເສື່ອມ ຫລື ພະຍາດກະດູກເສື່ອມໄດ້
- ຫຍ້າ ຫີຍຸ້ມ ບຳລຸງຜິວພັນກໍດີ
ເນື່ອງຈາກໃນຫຍ້າຣີແພມີສານສຳຄັນທີ່ຊ່ວຍເພີ່ມການສ້າງຊີ້ນເຢື່ອກ່ຽວພັນ
ແລະ ຊ່ວຍເພີ່ມນ້ຳໄຂຂໍ້ກະດູກ ສັບພະຄຸນຕົວນີ້ຈຶ່ງມີດີຕໍ່ເຊວຜິວໜັງຂອງເຮົາຫລາຍ ແລະ ບໍ່ວ່າຈະເປັນອະໄວຍະວະໃດກໍຕາມ ທີ່ຕ້ອງການຄວາມຢືດຢຸ່ນແຂງແຮງ
ສານແບມບູ ຊິລິກາ ໃນຫຍ້າຣີແພກໍຊ່ວຍເສີມຄວາມແຂງແຮງຂອງເຊວໃນອະໄວຍະວະນັ້ນໆ ໄດ້ ໂດຍສະເພາະໃນດ້ານຄວາມເປັ່ງປັງ ສົດໃສ ຂອງຜິວພັນ ແລະ ສັບພະຄຸນຊ່ວຍຊະລໍໄວ ບອກເລຍວ່າຫຍ້າ ຫີຍຸ້ມກໍບໍ່ທຳມະດາເດີ່
- ຫຍ້າຣີແພ ສັບພະຄຸນດີຕໍ່ເພດຊາຍບໍ່ນ້ອຍ
ຫຼາຍຄົນອາດຄິດວ່າຫຍ້າຣີແພເກີດມາເພື່ອຜູ້ຍິງເທົ່ານັ້ນ ແຕ່ຈິງໆແລ້ວ
ສັບພະຄຸນ ຂອງຫຍ້າຣີແພ
ກໍມີດີຕໍ່ສຸກຂະພາບທ່ານຊາຍເຊັ່ນດຽວກັນ ໂດຍຫຍ້າຣີແພມີຄຸນສົມບັດຊ່ວຍສະມານແຜໃຫ້ຫາຍໄວ ແຜແຫ້ງໄວ ແລະ ຢັງຊ່ວຍເພີ່ມຄວາມຊຸ່ມຊື້ນໃຫ້ເຊວ
ຜິວບໍ່ແຫ້ງແຕກງ່າຍ ຜິວພັນເບິ່ງມີສຸກຂະພາບດີໃນແບບແມນໆ
- ບັນເທົາອາການລິດສີດວົງທະວານ
ຢ່າງທີ່ບອກວ່າຫຍ້າຣີແພມີສັບພະຄຸນຊ່ວຍນະມານແຜ ດັ່ງນັ້ນແຜທີ່ເກີດຈາກລິດສີດວງທະວານກໍ່ສາມາດບັນເທົາຄວາມຮຸນແຮງຂອງບາດແຜໄດ້ທັງໃນເພດຊາຍ
ແລະ ເພດຊາຍທຸກຊ່ວງໄວ
ຫຍ້າຣີແພ ໃຊ້ຢ່າງໃດໃຫ້ໄດ້ຜົນ
ວິທີໃຊ້ຫຍ້າຣີແພທີ່ປອດໄພ ແລະ ເຫັນຜົນນັ້ນ ທາງ ນພ.ສຸພາພຣນ໌ ປິຕິພົນ ຜູ້ຊ່ຽວຊານດ້ານວິຊາການຫຍ້າຣີແພ ໂຮງຫມໍ.ເຈົ້າພະຍາຍະໄພຍະພູເບດ ໄດ້ເປີດເຜຍວ່າ ການໃຊ້ຫຍ້າຣີແພ ໂດຍວິທີການຮົມຄວັນ ສະເພາະຈຸດຈະຊ່ວຍລຸດການອັກເສບ ບວມ ສະຫມານແຜ ຊ່ວຍໃຫ້ມົດລູກເຂົ້າອູ່ ແລະ ຊ່ວຍກະຊັບຊ່ອງຄອດ ຊຶ່ງສາມາດເຮັດໄດ້
2 ວິທີ ຄື
1. ການຮົມແຫ້ງຈາກໄອຮ້ອນຂອງຄວັນຮ້ອນຂອງຫຍ້າຣີແພ
ວິທີໃຊ້ກໍຄື ໃຫ້ນຳຫຍ້າຣີແພ (ຖອນມາທັງຮາກ)
ອາຍຸປະມານ 3-4 ເດືອນ ໄປຕາກແດດປະມານ 1 ມື້ (ຫຍ້າແດດດຽວ) ເພື່ອຫຍ້າຈະຢັງບໍ່ແຫ້ງສະນິດດີ
ຈາກນັ້ນນຳມາເຜົາທັງຫມົດກັບໄມ້ຜຸຈົນເກີດຄວັນ ເມື່ອເກີດຄວັນຂຶ້ນແລ້ວຈຶ່ງນຳມາວາງໃຕ້ເກົ້າອີ້ທີ່ເຈາະຮູໄວ້ ເພື່ອໃຫ້ຄວັນຜ່ານຂຶ້ນມາບໍລິເວນປາກຊ່ອງຄອດ
ທັງນີ້ ການອ້ອມຄວັນລັກສະນະນີ້ຕ້ອງລະວັງບໍ່ໃຫ້ຄວັນຮ້ອນເກີນໄປ
2. ການຮົມປຽກຈາກໄອນ້ຳຮ້ອນຂອງການຕົ້ມຫຍ້າຣີແພ
ການໃຊ້ໄອນ້ຳຮ້ອນຮົມ ສາມາດເຮັດໄດ້ໂດຍການຕົ້ມຫຍ້າຣີແພແບບສົດ
ຫລື ແຫ້ງກໍໄດ້ໃນໝໍ້ ແລ້ວໃຊ້ຜ້າຂົນໜູພັນໝໍ້ໄວ້ເພື່ອກັກເກັບຄວາມຮ້ອນ
ຈາກນັ້ນຢົກມາວາງກ້ອງຕັ່ງທີ່ເຈາະຮູໄວ້ ເພື່ອໃຫ້ໄອຮ້ອນຈາກການຮົມຄວັນຜ່ານຂຶ້ນມາໄດ້ ຫລື ຈະອົບໃນກະໂຈມແບບຊາວໜ້າກໍໄດ້
ທັງນີ້ການຮົມຫຍ້າຣີແພ ທັງແບບຄວັນ ແລະ ໄອນ້ຳ ຄວນນັ່ງດົນປະມານ
30-45 ນາທີ ມື້ລະ 2 ເທື່ອ ເຊົ້າ-ແລງ ຕໍ່ເນື່ອງກັນເປັນເວລາ 7-10 ມື້ ໂດຍແນະນຳໃຫ້ສະຕີຫຼັງເກີດບຸດໄດ້
1-2 ມື້ ແລະ ບໍ່ຢູ່ໃນສະພາວະຮ່າງກາຍອ່ອນເພຍຈົນເກີນໄປ
ສາມາດໃຊ້ຫຍ້າຣີແພເພື່ອບຳລຸງຮ່າງກາຍຫຼັງເກີດໄດ້
ສ່ວນສາວ ໆ ທີ່ມີຄວາມປະສົງຢາກກະຊັບຜິວພັນ ແລະ ຈຸດນັ້ນດ້ວຍຫຍ້າຣີແພ
ກໍສາມາດເຂົ້າຮັບການຮົມແຫ້ງ ຫລື ຮົມປຽກໄດ້ເຊັ່ນກັນ
ນອກຈາກນີ້ຍັງສາມາດນຳຫຍ້າຣີແພໄປຕົ້ມອາບ ອົບຜິວ ແລະ ດື່ມເປັນຊາບຳລຸງຮ່າງກາຍ ຫລື ກິນກັບແຈ່ວ ກໍຊ່ວຍໃນເລື່ອງການບຳລຸງຮ່າງກາຍ ແລະ ຂໍ້ເອັນ ບຳລຸງເລືອດລົມໄຫຼວຽນດີ
ລຸດການອັກເສບ ແລະ ຊຸ່ມຊື່ນຄໍໄດ້ ໂດຍຫາກຈະດື່ມເປັນຊາກໍໃຫ້ນຳໃບຫຍ້າໄປຍ່ອງກັບນ້ຳຮ້ອນ ຫລືຕົ້ມແລ້ວຄັ້ນແຕ່ນ້ຳດື່ມ ແຕ່ຄວນເລືອກໃຊ້ຫຍ້າຣີແພຈາກແຫຼ່ງທີ່ໜ້າເຊື່ອຖື
ມີສຸກອະນາໄມທີ່ດີ ມີຄວາມສະອາດທີ່ພຽງພໍ
ຢ່າງໃດກໍດີໃນຜູ້ຍິງຫຼັງເກີດທີ່ຕ້ອງການໃຫ້ມົດລູກເຂົ້າອູ່ໄວ
ຢາກໃຫ້ແຜຫຼັງເກີດແຫ້ງໄວໆ ແລະ ຢາກກະຊັບພື້ນທີ່ສະງວນໃຫ້ຟິດ &
ເຟິມ ວິທີຮົມຄວັນສະເພາະຈຸດຈະໃຫ້ຜົນດີກວ່າການນຳຫຍ້າຣີແພມາຕົ້ມດື່ມເດີ່
ຫຍ້າຣີແພກັບຂໍ້ຄວນລະວັງ
ເຕືອນກັນອີກເທື່ອວ່າການໃຊ້ຫຍ້າຣີແພໃຫ້ຖືກຕ້ອງ
ຄວນຕ້ອງຜ່ານການອົບ ຫລື
ໃຊ້ຄວາມຮ້ອນຕາມຂໍ້ມູນທີ່ບອກຂ້າງຕົ້ນ ແລະ ບໍ່ຄວນນຳຫຍ້າຣີແພສົດໆ ຫລື
ຄັ້ນນ້ຳຫຍ້າຣີແພສົດໆ ມາໃຊ້ກັບຊ່ອງຄອດ ເພາະອາດສ່ຽງຕໍ່ການຕິດເຊື້ອໃນຊ່ອງຄອດໄດ້ເດີ່
ນອກຈາກນີ້ຂໍ້ຄວນລະວັງໃນການໃຊ້ຫຍ້າຣີແພອີກຢ່າງກໍຄື
ການເລືອກໃຊ້ຕົວກໍ່ຄວາມຮ້ອນທີ່ບໍ່ກໍ່ໃຫ້ເກີດໄຟລຸກໄໝ້ ໂດຍຄວນເລືອກໃຊ້ໄມ້ໂດກຈະດີກວ່າໄມ້ໃໝ່
ທີ່ສຳຄັນຫຍ້າຣີແພທີ່ນຳມາໃຊ້ຈະຕ້ອງມີອາຍຫລາຍກວ່າ
45 ມື້ ມີລັກສະນະເປັນຫຍ້າແດດດຽວ
ຊຶ່ງເວລາອົບນັ້ນຄົວອົບເທື່ອລະປະມານ 15 ນາທີ
ແປ ແລະ ຮຽບຮຽງໂດຍ: ຄົນຮັກກະເສດ, hukased.blospot.com