ແກ້ ພາ​ສາ​ລາວ​ບໍ່​ງາມຕາ ໃນ Chrome

ຂັ້ນ​ຕອນ​ທີ 1

ວິ​ທີ​ການ​ປ່​ຽນ​ຟ່ອນ​ພາ​ສາ​ລາວ ໃນ​ເວັບ​ເບົ້າ​ເຊີ່ ໂຄ​ຣມ

ແກ້​ພາ​ສາ​ລາວ ວິ​ທີ​ປ່ຽນ​ພາ​ສາ​ລາວ ໃນgoogle ປ່ຽນ​ຟ່ອນ ໃນchrome ປ່ຽນ font ພາ​ສາ​ລາວ ໃນ​ browser Chrome

1. ເປີດ​ເວັບ​ເບົ້າ​ເຊີ ໂຄ​ຣມ​ຂື້ນ​ມາ
2. ເລື່ອນ​ຫາ​ມູນ​ຂວາ​ມື ດ້ານ​ເທິງ ທີ່​ມີ​ 3ຈ້ຳ 
3. ຫລັງ​ຈາກນັ້ນ​ໃຫ້​ເລື່ອນ​ຫາ ຄຳ​ວ່າ Setting ຫລື ຕັ້ງ​ຄ່າ ແລ້ວ ກົດ​ເຂົ້າ​ໄປ
4.  ​ເມື່ອ​ຫນ້າ​ຕ່າງ​ໃຫມ່​ຂື້ນ​ມາ ໃຫ້​ເລື່ອນ​ຫາ​ຊ່ອງ Appearance 
5. ໃຫ້​ ເລື່ອນ​ຫາ​ຄຳ​ວ່າ Customize fonts ແລ້ວກົດ​ເຂົ້າ​ໄປ​
6. ຫລັງ​ຈາກນັ້ນ​ຈະ​ເຂົ້າ​ໄປ​ສູ່​ຫນ້າ​ຕ່າງ​ທີ່ ຈະ​ໃຫ້​ທຳ​ການ​ປ່ຽນ​ຟ່ອນ ເຊິ່ງ​ປະ​ກອບ​ມີ ຈຸດ​ທີ່​ໃຫ້​ປ່ຽນ​ດັ່ງ​ນີ້: Standard font (ໃຫ້​ປ່ຽນ​ເປັນ Phetsarath Ot ຫລື Saysetha OT ຕາມ​ຄວາມ​ມັກ), Serif font ໃຫ້​ປ່ຽນ​ເປັນ (Phetsarath Ot ຫລື Saysetha OT ຕາມ​ຄວາມ​ມັກ) ສ່ວນ Sans-serif font ແລະ Fixed -width font ປ່ຽນ​ກໍ່​ໄດ້ ຫລື ບໍ່​ປ່ຽນ​ກໍ່​ໄດ້​ຕາມ​ຄວາມ​ຕ້ອງ​ການ
7. ຫລັງ​ຈາກນັ້ນ​ໃຫ້​ທຳ​ການ ປິດ​ເບົ້າ​ເຊີ່ ແລ້ວ​ເປີດ​ໃຫມ່ ( ຫາ​ຍັງ​ບໍ່​ປ່ຽນ ໃຫ້​ທຳ​ການ Restart ເຄື່ອງ)

ຫມາຍ​ເຫດ: ສຳ​ລັບ​ຄົນ​ທີ່​ໃຊ້ google chrome ເທົ່າ​ນັ້ນ ສ່ວນ​ເບົ້າ​ເຊີ່​ອື່ນ ໃຫ້​ຫາ​ວິ​ທີ່​ຕາມ​ຫົວ​ຂໍ້ ທີ່​ອະ​ທິ​ບາຍ​ໄວ້​ໃນ​ເວັບ​ນີ້

ແຂມ, ເຕັກ​ນິກ​ການ​ປູກ​ແຂມ

ຄວາມ​ຫມາຍ​ຂອງ​ແຂມ

ແຂມ ​ຊື້​ພາ​ສາ​ລາວ ຊື່​ພາ​ສາ​ອັງ​ກິດ​ເອີ້ນ​ວ່າ Tall reed, Khagra reed ມີ​ຊື​ວິ​ທະ​ຍາ​ສາດ​ວ່າ Phragmites karka ເປັນ​ພຶດ​ທີ່​ຈັດ​ຢູ່​ໃນ​ຕະ​ກຸນ ຫຍ້າ (Poaceae) ມີ​ອາ​ຍຸ​ຫລາຍ​ລະ​ດູ ແລະ ທົນ​ຕໍ​ຄວາມ​ແຫ້ງ​ແລ້ງ​ໄດ້​ດີ ມັກ​ເກີດ​ເປັນ​ກຸ້ມ​ໃຫຍ່​ຕາມ​ພື້ນ​ທີ່​ພູມ​ພຽງ ຢູ່​ໄດ້​ທຸກ​ສະ​ພາບ​ພື້ນ​ທີ່​ທັງ​ພື້ນ​ທີ່​ນ້ຳ​ຂັງ ແລະ ແຫ້ງ​ແລ້ງ ເປັນ​ພຶດ​ທີ່​ເກີດ​ຂື້ນ​ຕາມ​ທີ່​ມະ​ຊາດ ມີ້​ເຫງົ້າ​ໃຫຍ່ ລຳ​ຕົ້ນ​ສູງ 2-3ມ ແຜ່ນ​ໃບ​ຊາ​ຫຍາບ ແຂງ ມ​ີ​ຂົນ​ແຂງ​ຄາຍ​ຫນາມ​ຕາມ​ລ່ຽມ​ໃບ ເວ​ລາ​ສຳ​ຜັດ​ຈຶ່ງ​ຮູ​້ສຶກ ໃບ​ຍາວ​ຮຽວ​ປາຍ​ໃບ​ແຫລມຄ້າຍ​ຄື​ກັບ​ໃບ​ເລົາ, ໃບ​ອ້ອຍ ໃບ​ຍາວ​ແຕ່ 30ຊມ-80ຊມ ແຕ່​ບາງ​ເຂດ​ທີ່​ພົບ​ເຫັນຕາມ​ທຳ​ມະ​ຊາດ ຍາວ​ເຖິງ 120ຊມ ໃບ​ກວ້າງ ແຕ່ 1-3ຊມ, ກາບ​ໃບ​ຫຸ້ມ​ຫໍ່​ລຳ​ຕົ້ນ​ມີ​ຂົນ​ຫຸ້ມ ຈະ​ອອກດອກ​ເປັນ​ຊໍ່ ທີ່​ປາຍຍອດ ດອກ​ສີ​ນ້ຳ​ຕານ ມີ​ດອກ​ໃຫຍ່ ປະ​ມານ 50ຊມ.

 ລັກ​ສະ​ນະ​ທາງ​ພຶດ​ສາດ

ການ​ຈຳ​ແນກ​ຊັ້ນ​ທາງວິ​ທະ​ຍາ​ສາດ (ຊື່​ວິ​ທະ​ຍາ​ສາດ Phragmites karka )
​ອາ​ນາ​ຈັກ	Plantae
​ບໍ​ຖຶກ​ຈັດ​ອັນ​ດັບ:	Angiosperms
ບໍ​ຖຶກ​ຈັດ​ອັນ​ດັບ:	Monocots
ບໍ​ຖຶກ​ຈັດ​ອັນ​ດັບ:	Commelinids
ລຳ​ດັບ:	Poales
​ວົງ:	Poaceae
ວົງ​ຍ່ອຍ:	Arundinoideae
ເຜົ່າ:	Arundineae
ສະ​ກຸນ:	Phragmites
ສະ​ປີ​ຊີ (ເຊື້ອ​ສາຍ):	P.  karka

1)  ຮາກ: ແຂມ​ເປັນ​ພືດ​ທີ່​ມີ​ລະ​ບົບ​ຮາກ ເປັນ​ຮາກ​ຝອຍ ແລະ ຮາກ​ຄ້ຳ​ຊູ ມີ​ປະ​ລິ​ມານ​ຫລາຍ​ເກີດ​ເປັນ​ກຸ່ມ​ຊ້ອນ​ສະ​ຫລັບ ກ້ຽວ​ກັນ​ເປັນ​ກຽວ ເບິ່ງ​ພາຍນອກ​ຄື​ກັນ​ເຫງົ້າ ແຕ່​ເປັນ​ຮາກ​ຂອງ​ແຂມ ຮາກ​ແຂມ​ມີ​ສີ​ຂຽວ ແລະ ສີ​ນ້ຳ​ຕານ ຂະ​ຫນາດ ແຕ່ 2ມມ-5ມມ ຍາວ​ແຕ່ 20ຊມ-80ຊມ​ເປັນ​ກາບ​ແຂງ ແລະ ມ​ີ​ຂໍ

2)  ລຳ​ຕົ້ນ: ແຂມ ມີ​ລຳ​ຕົ້ນ​ຊື່ ເປັນ​ປ້ອງ ເປັນ​ຂໍ້ ເປືອກ​ສີ​ຂຽວ​ແກ່ ແລະ ສີ​ນ້ຳ​ຕາມ ເມື່ອ​ໃຫຍ່​ເຕັມ​ທີ່ ລຳ​ຕົ້ນ​ຈະ​ຖຶກ​ຫຸ້ມ​ຫໍ່​ດ້ວຍ ເປືອກ​ໃບ ແຕ່​ລະ​ຂໍ້​ຂອງ​ລຳ​ຕົ້ນ ຈະ​ມີ​ຕາ ສາ​ມາດ​ແຕກ​ຫນໍ່​ໄດ້ ຄວາມ​ຍາວ​ຂອງ​ແຂມ1ຂໍ້ ຍາວ​ຕັ້ງ​ແຕ່ 5ຊມ-30ຊມ ລຳ​ຕົ້ນ​ຍາວ​ແຕ່ 2-3ມ

3)  ໃບ: ມີ​ລັກ​ສະ​ນະ​ຄ້າຍ​ກັບ​ໃບ​ຫຍ້າ, ຄ້າຍ​ໃບ​ອ້ອຍ ​ໃບຮຽວ ປາຍ​ແຫລມ ຂະ​ຫນາດ​ໃບ​ກ້າວ​ແຕ່ 1-3ຊມ ຍາວ​ແ​ຕ່ 20ຊ​ມ-80ຊມ ເຊັນ​ໃບ​ຂະ​ຫນານ​ກັບ​ແກນ​ໃບ​ແຕ່​ກາບ​ໃບ​ຈົນ​ເຖິງຍອດ​ໃບ ມີ​ສ​ີ​ນ້ຳ​ຂຽວ​ອ່ອນ​ຊ່ວງ​ອາ​ຍຸ​ນ້ອຍ ໃບ​ຈະ​ມີ​ສີ​ຂຽວ​ແກ່​ເມື່ອ​ອາ​ຍຸ​ໃຫຍ່​ເຕັມ​ທີ່ ແລະ ຈະ​ມີ​ສ​ີ​ນ້​ຳ​ຕານ​ເມື່ອ​ອອກດອກ

4)  ດອກ: ມີ​ລັກ​ສະ​ນະ​ເປັນ​ຊໍ່ ຂະ​ຫນາດ​ໃຫຍ່ ແຕ່ 20ຊມ-50ຊມ ຂື້ນ​ກັບ​ສະ​ພາບ​ພື້ນ​ທີ່​ເກີດ ແລະ ສາຍ​ພັນ, ຖ້າ​ເປັນ​ສາຍ​ພັນ​ພື້ນ​ເມືອງ ດອກ​ຈະ​ນ້ອຍ​ຍາວ​ສຸດ 30ຊມ ສ່ວນ​ພັນ​ປະ​ສົມ ຈະ​ມີ​ຊົງ​ດອກ​ໃຫຍ່ ແລະ​ຍາວ​ເຖິງ 50ຊມ

ຄຸນ​ສົມ​ບັດ​ຂອງ​ແຂມ

ສ່ວນ​ໃບ​ແລະ​ຍອດ​ອ່ອນ: ມີ​ໂປຣ​ຕີນ 11.97 % ແຄລ​ຊຽມ 0.33 % ຟອດ​ຟໍ​ຣັດ 0.23 % ໂປ​ແຕດ​ຊຽມ 1.8 % ເຍື່ອ​ໃຍ​ສ່ວນ ADF 34.7% NDF 64.4 % ແທນ​ນິນ 0.13 % ລິກ​ນິນ 5.45%

ຄຸນ​ປະ​ໂຫຍດ​ຂອງ​ແຂມ

•         ເປັນ​ແຫລ່ງ​ອາ​ການ​ສັດ
•         ສ່ວນ​ຮາກ: ນ້ຳ​ມາ​ຕົ້ມ​ດືມ ເມື​່ອ​ມີ​ອາ​ການ​ໄຂ້
•         ສ່ວນ​ໃບ: ຊ່ວຍ​ແກ້ອາ​ການໄອ ໃນ​ເດັກ​ນ້ອຍ ແລະ ຜູ້​ໃຫຍ່
•         ກ້ານ​ຊໍ່​ດອກ: ສາ​ມາດ​ນຳ​ໃປ​ໃຊ້​ໃນ​ວຽກ​ຫັດຖະ​ກຳ​ຈັກ​ສານ
•         ສ່ວນດອກ: ໃຊ້​ເປັນ​ຟອມກວດ​ເຮືອນ
•         ໃບ: ສາ​ມາດ​ນ້ຳ​ມາ​ຫໍ່​ເຂົ້າ​ຫນົມ ເຂົ້າ​ຕົ້ມ​ໄດ້
•         ໃນ​ຕ່າງ​ປະ​ເທດ​ເຊັນ ຢູ​ໂລບ ແລະ ອາ​ເມ​ລິ​ການ​ພົບ​ເຫັນ ນ້ຳ​ໃຊ້​ເຂົ້າ​ໃນ​ການ​ຕົກ​ແຕ່ງ​ສວນ

ເຕັກ​ນິກວິ​ທີ​ການ​ປູກ

ແຂມ​ ເປັນ​ພືດ​ຕະ​ກຸນ​ຫຍ້າ ທີ່​ມີ​ຄວາມ​ທົນ​ທານ​ສູງ ສາ​ມາດ​ເກີດ​ໄດ້​ກັບ​ທຸກ​ສະ​ພາບ​ພື້ນ​ທີ່​ດິນ​ໃນ ສປ​ປ​ລາວ ​ດັ່ງ​ນັ້ນ​ການ​ນຳ​ແຂມ​ຈາກ​ທຳ​ມະ​ຊາດ​ມາ​ປູກ ເພື່ອ​ສ້າງ​ລາຍ​ຮັບ ຈຶ່ງ​ມີ​ຕົ້ນ​ທຶນ​ທີ່​ບໍ່​ສູງ ສຳ​ລັບ​ວິ​ທີ​ການ​ປູກ​ທີ່​ດີ​ທີ່​ສຸດ​ມີ​ຂັ້​ນ​ຕອນ​ດັ່ງ​ນີ້:

• ຮູບ​ແບບ​ການ​ປູກ: ປູກ​ແຂມ​ແຊມ​ຫວ່າງ​ໄມ້​ຢືນ​ຕົ້ນ
• ກຳ​ນົດ​ໄລ​ຍະ​ປູກ: 1ມ x 1ມ x 5-10ຊມ (ເລິກ)
• ວິ​ທີ​ການ​ປູກ: ຂຸດ​ດິນກວ້າງ 10ຊມ x 10ຊມ ເລິກ ປະ​ມານ 5-8ຊມ ນຳ​ຫນໍ່​ແຂມ ມາ​ວາງ​ໂດຍ​ໃຫ້​ຫນໍ່​ຕັ້ງ​ຊໍ່ ໃຊ້​ດິນ​ທີ່​ຂຸດ​ອອກ ມາ​ປົກ​ຄ​ຸມ​ໄວ້ ຫົດ​ນ້ຳ​ໃຫ້​ປຽກ​ຊຸ່ມ ຖື​ວ່າ​ສຳ​ເລັດ

ຂໍ້​ຄວນ​ລະ​ວັງ: ເວ​ລາ​ຕັດ​ແຍກ​ຫນໍ່​ແຂມ ເພື່​ອກຽມ​ມາ​ປູກ ຄວນ​ລະ​ມັດ​ລະ​ວັງ​ບໍ​ໃຫ້ ກະ​ທົບ​ໃສ່​ຫນໍ​ທີ່​ກຳ​ລັງ​ປົ່ງ ກໍ​ລະ​ນີ​ໃຊ້​ເປັນ​ຫນໍ່​ແກ່ ຢ່າງ​ຫນ​ອ້ຍ​ໃຫ່​ມີ 2 ຕົ້ນ​ຕິດ​ກັນ ແລະ ໃຫ້​ຕັດ​ຕາມ​ສະ​ພາບ​ແຂມ​ຕົວ​ຈິງ ເຊິ່ງ​​ຈະ​ກຳ​ນົດ​ບໍ່​ໄດ້​ຊັດ​ເຈນ​ວ່າ ຕ້ອງ​ຕັດ​ຂະ​ຫນາດ​ເທົ່າ​ໃດ ແຕ່​ສິ່ງ​ທີ່​ກຳ​ນົດ​ໄດ້ ຄື ລວງ​ຍາວ​ຂອງ​ຕົ້ນ​ທີ່​ຈົ່ງ​ໄວ້​ຕິດ​ກັບ​ເຫງົ້າ ບໍ່​ໃຫ້​ຫລຸດ 20ຊມ ແລະ ບໍ່​ໃຫ້​ເກີນ 50ຊມ

ວິ​ທີ​ການ​ບົວ​ລະ​ບັດ​ຮັກ​ສາ

ແຂມ​ ເປັນ​ພືດ​ທີ່​ປູກ​ງ່າຍ ໃຫຍ່​ໄວ້ ປູກ​ໄດ້​ທຸກ​ສະ​ພາບ​ພື້ນ​ທີ່ ສຳ​ລັບ​ການ​ບົວ​ລະ​ບັດ​ຮັກ​ສາ​ຈຶ່ງ​ບໍ​ຈຳ​ເປັນ​ຕ້ອງ​ໃຫ້​ຄວາມ​ໃສ່​ໃຈ​ຫລາຍ ແຕ່​ກໍ່​ຄວນ​ຄຳ​ນືງ​ເຖິງ​ໄລ​ຍະ​ແລກ​ປູກ ຕ້ອງ​ມີ​ການ​ໃຫ້​ນ້ຳ ຢ່າງ​ຫນ້ອງ 2-3 ຄັ້ງ​ຕໍ່​ອາ​ທິດ ຈົນ​ຄົບ 2 ອາ​ທິດ​ຈຶ່ງ​ປອຍ ແລະ ຄອຍ​ຕິດ​ຕາມ​ເປັນ​ໄລ​ຍະ​ຕາມ​ຕາ​ຕະ​ລາງ​ການ​ຕິດ​ຕາມ

 ການ​ເກັບ​ກ່ຽວ

ການ​ເກັບ​ກ່ຽວ​ແຂມ ແບ່ງ​ເປັນ 2 ຊ່ວງ​ຄື: ໄລ​ຍະ​ໃຫຍ່​ເຕັມ​ທີ່ ອາ​ຍຸ​ປະ​ມານ 6 ເດືອນ-1 ປີ ໄລ​ຍະ​ນີ​ແມ່ນ​ເກັບ​ສະ​ເພາະ ສ່ວນ​ຂອງ​ລຳ​ຕົ້າ ແລະ ໃບ ເພື່ອ​ນຳ​ໄປ​ຜະ​ລິດ​ເປັນ​ອາ​ຫານ​ສັດ, ຊ່ວງ​ທີ 2 ໄລ​ຍະ​ອອກດອກ ແຂມ ຈະ​ອອກດອກ​ໃນ​ຊ່ວງ​ລະ​ດູ​ແລ້ງ ຫລັງ​ຈາກ​ຝົນ​ເລີ່ມ​ຂາດ​ຊ່ວງ ດອກ​ແຂມ​ທີ່​ເຫມາະ​ສົມ​ທີ່​ສຸດ ຄື​ດອກ​ແຂມ​ໃຫຍ່​ເຕັມ​ທີ່ ຈ​ະ​ມີ​ສີ​ນ້ຳ​ຕານ​ແກ່ ດອກ​ນ້ອຍ​ຈະ​ບານ​ຂາວ ເຕັມ​ຊໍ່ ວິ​ທີ​ການ​ເກັບ​ກ່ຽວ​ແມ່ນ​ໃຫ້​ຕັກ​ຊ່ວງ​ຂອງ​ການ​ຊໍ່​ດອກ​ຂື້ນ​ໄປ ຕາມ​ການ​ສັ່ງ​ຈອງ​ຂອງ​ລູກ​ຄ້າ ແຕ່​ປົກ​ກະ​ຕິ​ແລ້ວ ນິ​ຍົມ​ກັນ​ຕັດ​ຊ່ວງ​ຊໍ່​ດອກ​ລົງ​ມາ​ປະ​ມານ 50​ຊມ-100ຊມ

 ການ​ເກັບ​ຮັກ​ສາ

ພາຍ​ຫລັງ​ທຳ​ການ​ຕັດ​ຊໍ່​ອອກ​ອອກ​ມາ​ເປັນ​ທີ່​ຮຽບ​ຮ້ອຍ​ແລ້ວ ໃຫ້​ນຳ​ໄປ​ຕາກ​ໃຫ້​ແຫ້ງ ຫລີກ​ລຽງ​ການ​ເກີດ​ເຊື້ອ​ລາ ເວ​ລາ​ນຳ​ມາ​ມັດ​ລວມ​ກັນ ຫລັງ​ຈາກ​ຕາກ​ແຫ້ງ​ດີ​ແລ້ວ ໃຫ້​ນຳ​ໄປ​ມັດ​ລວມ​ກັນ​ເກັບ​ມຽນ​ທີ່​ສາງ ລໍ​ຖາ​ສົ່ງ​ອອກ​ສູ່​ທ້ອງ​ຕະ​ຫລາດ ການ​ເກັບ​ມ້ຽນ​ຄວນ​ວາງ​ໄວ​ບ່ອນ​ສູງ ປາ​ສະ​ຈາກ​ຄວາມ​ຊື້ນ ເຊິ່ງ​ຫມາຍ​ເຖິງ​ພື້ນ​ສາງ​ຕ້ອງ​ສະ​ອາດ​ແຫ້ງ​ດີ

ຄວາມຫມາຍຂອງກະສິກຳແບບປະສົມປະສານ

ຫມາຍ​ເຖິງ​ການ​ກະ​ເສດ​ທີ່​ມີ​ການ​ປູກ​ຝັງ ແລະ ການ​ລ້ຽງ​ສັດ​ຕ່າງໆ ຫລາຍ​ຊະ​ນິດ​ຢູ່​ໃນ​ພື້ນ​ທີ່​ດຽວ​ກັນໂດຍມີການເກື້ອກຸນເຊິ່ງກັນ ແລະ ກັນ ມີປະໂຫຍດ ແລະ ມີ​ປະ​ສິດ​ທິ​ພາບ​ຕໍ່​ກັນ​ສູງ​ສຸດ ໂດຍ​ອາ​ໃສ​ຫລັກ​ການ​ຢູ່​ຮ່ວມ​ກັນ​ລະ​ຫວ່າງ​ພືດ. ສັດ ແລະ ສິ່ງ​ແວດ​ລ້ອມ ເປັນ​ການ​ໃຊ້​ຊັບ​ພະ​ຍາ​ກອນ​ທີ່​ມີ​ຢູ່​ເຊັນ ດິນ, ນ້ຳ ແສງ​ແດດ​ທີ່​ເຫມາະ​ສົມ​ທີ່​ສຸດ, ມີ​ຄວາມ​ສົມ​ດຸນ​ຕໍ່​ສິ່ງ​ແວດ​ລ້ອມ ແລະ ເກີດ​ການ​ເພີ່ມ​ພູມ​ຄວາມ​ອຸ​ດົມ​ສົມ​ບູນ​ຂອງ​ຊັບ​ພະ​ຍາ​ກອນທຳ​ມະ​ຊາດ​ມີ​ການ​ເກື​້ອ​ກູນ​ລະ​ຫວ່າງ​​ພືດ​ກັບ​ພືດ, ພືດ​ກັບ​ສັດ ແລະ ຜົນ​ພອຍ​ໄດ້​ຈາກ​ການ​ປູກ​ພືດ​ຈະ​ເປັນ​ປະ​ໂຫຍດ​ຕໍ່​ການ​ລ້ຽງ​ສັດ ແລະ ຜົນ​ທີ່​ໄດ້​ຈາກ​ການ​ລ້ຽງ​ສັດ​ກໍ່​ເປັນ​ປະ​ໂຫຍດ​ຕໍ່​ພືດ​ເຊັ່ນ​ດຽວ

ການ​ກະ​ສິ​ກຳ​ແບບ​ນີ້ ແມ່ນ​ກະ​ສິ​ກຳ​ທີ່​ມີ​ຫລາຍ​ຂະ​ແຫນງ​ການ ຊຶ່ງ​ຈະ​ໃຫ້​ຫລາຍ​ຊະ​ນິດ​ຜະ​ລິດ​ຕະ​ພັນ​ລວມ​ເຖິງ​ຜະ​ລິດ​ຕະ​ພັນ​ປູກ​ຝັງ, ລ້ຽງ​ສັດ, ປ່າ​ໄມ້, ຊົນ​ລະ​ປະ​ທານ. ຈຸດ​ດີ​ຂອງ​ການ​ຜະ​ລິດ​ຮູບ​ແບບ​ນີ້​ແມ່ນ: ສາ​ມາດ​ນຳ​ໃຊ້​ຊັບ​ພະ​ຍາ​ກອນ​ຊັບ​ພະ​ຍາ​ກອນ ແລະ ແຮງ​ງານ​ທີ່​ມີ​ຢູ່​ໄດ້​ຢ່າງ​ເຫມາະ​ສົມ.

ມີ​ການ​ປະ​ສົມ​ປະ​ສານ​ລະ​ຫວ່າງ​ສອງ​ລະ​ບົບ​ປູກ​ຝັງ ແລະ ລ້ຽງ​ສັດ ຈະ​ສາ​ມາດ​ເກື້ອ​ກຸນ​ເຊິ່ງ​ກັນ ແລະ ກັນ​ໄດ້​ເປັນ​ຢ່າງ​ດີ. ໃນ​ສະ​ພາບ​ຂອງ​ລະ​ບົບ, ຂະ​ແຫນງ​ປູກ​ຝັງ ເປັນ​ແຫລ່ງ​ອາ​ຫານ​ໃຫ້​ແກ່​ສັດ​ລ້ຽງ ກົງ​ກັນ​ຂ້າມ​ຂະ​ແຫນງ​ລ້ຽງ​ສັດ​ຈະ​ໃຫ້​ຝຸ່ນ​ແກ່​ການ​ປູກ​ພືດ, ໃຫ້​ແຮງ​ລາກ​ແກ່ ນຳ​ໃຊ້ ແລະ ຜະ​ລິດ​ເປັນ​ຜະ​ລິດ​ຕະ​ພັນ​ທີ່​ມີ​ລາ​ຄາ​ຕ່ຳ ຂອງ​ຂະ​ແຫນງ​ການ​ປູກ​ຝັງ​ໃຫ້​ກັບ​ກາຍ​ເປັນ​ຜົນ​ຜະ​ລິດ​ຕະ​ພັນ ທີ່​ມີ​ລາ​ຄາ​ສູງ​ຄື: ຊີ້ນ, ປາ, ໄຂ່, ຫນັງ, ຂົນ ລວມ​ເຖ​ິງ ນ້ຳ​ມັນ​ຈາຫສັດ ແລະ ອື່ນໆ ຍ້ອນ​ແນວນັ້ນ​ຖ້າ​ຫາກ​ມີ​ແຕ່​ຜະ​ລິດ​ຕາມ​ລະ​ບົບ​ຈະ​ສີ້ນ​ເປືອງ​ຫລາຍ ການ​ປະ​ສົມ​ປະ​ສານ​ລະ​ບົບ​ການ​ປູກ​ຝັງ ແລະ ລ້ຽງ​ສັດ​ແມ່ນ​ບາດ​ກ້າວ​ຄວາມ​ກ້າວ​ຫນ້າ​ທາງ​ດ້ານ​ວິ​ທີ​ການ​ຜະ​ລິດ ເພື່ອ​ໃຫ້​ເກີດ​ຜົນ​ການ​ຜະ​ລິດ​ທີ່​ໄດ້​ລາ​ຄາ​ສູງ, ປ້ອງ​ກັນ​ສະ​ພາບ​ສິ່ງ​ແວດ​ລ້ອມ​ເຊື່ອມ​ເສຍ, ສ້າງ​ຄວາມ​ອາດ​ສາ​ມາດ​ໃຫ​້​ແກ່​ທ​້ອງ​ຖິ່ນ.