ປ່າໄມ້ໃບເຂັມຢູ່ລາວ

ປ່າໄມ້ໃບເຂັມຢູ່ລາວລວມມີຊະນິດຕ່າງໆເຊັ່ນ: ໄມ້ແປກ, ໄມ້ຮິ້ງ, ໄມ້ສົນ... ໃນນັ້ນ ໄມ້ແປກ(ແປກແດງ ແລະ ແປກຄົວ) ກວມປະລິມານຫຼາຍກວ່າໝູ່. ໄມ້ແປກມີຄວາມທົນທານຕໍ່ອາກາດໜາວ ແລະ ແຫ້ງແລ້ງທົນທານຕໍ່ຄວາມຈືດຈາງຂອງດິນໄດ້ດີ. ເຂດທີ່ມີປ່າແປກຫຼາຍແມ່ນເເຂວງຫົວພັນ, ຊຽງຂວາງ, ຄຳມ່ວນ, ເຊກອງ, ສະຫວັນນະເຂດ, ພູພຽງຕະໂອ້ຍ, ພູພຽງບໍລະເວນ...ຢູ່ຕາມປ່າແປກນີ້ກໍມັກມີຕົ້ນໄມ້ໃບໃຫຍ່ປະປົນນຳ ເຊິ່ງສ່ວນຫຼາຍແມ່ນໄມ້ດູ່ຄ່າງ ແລະ ໄມ້ກໍ່. ຢູ່ພື້ນປ່າແປກສ່ວນຫຼາຍມັກມີຫຍ້າຄາ.

ຄວາມຫມາຍຂອງປ່າດົງດິບ

ປ່າດົງດິບ ເປັນປ່າຕຶບດົງໜາທີ່ປະກອບດ້ວຍຕົ້ນໄມ້ໃຫຍ່ ແລະ ສູງຫຼາຍຊະນິດເຊັ່ນ: ໄມ້ຍາງ, ໄມ້ບາກ,ໄມ້ແຄນ, ໄມ້ຄະຍູງ, ໄມ້ເປືອຍ...ປ່າປະເພດດັ່ງກ່າວແບ່ງອອກເປັນ 3 ຊັ້ນຄື: ຊັ້ນຕົ້ນໄມ້ໃຫຍ່-ສູງ(ຊັ້ນເທິງ), ຊັ້ນຕົ້ນໄມ້ໃຫຍ່ປານກາງ(ຊັ້ນກາງ)ແລະຊັ້ນພື້ນປ່າ(ຊັ້ນຈຳດິນ) ເຊິ່ງແຕ່ລະຊັ້ນມັກມີເຄືອເຂົາກ້ຽວຕິດຕໍ່ໃສ່ກັນ. ປ່າດົງດິບໃນລາວຖືກພົບເຫັນຢູ່ຫຼາຍບ່ອນໃນເຂດທົ່ງພຽງ ຫຼື ຢູ່ຕາມແຄມ ແມ່ນ້ຳ, ປ່າປະເພດນີ້ມີຫຼາຍຢູ່ແຂວງວຽງຈັນ, ຫຼວງນ້ຳທາ, ບໍລິຄຳໄຊ, ຄຳມ່ວນ, ສາລະວັນ, ເຊກອງ ແລະ ຈຳປາສັກ. ນອກນັ້ນຍັງມີຢູ່ເຂດພູມສັນຖານສູງເຊັ່ນ: ເປີ້ນພູຫຼວງ, ພູພຽງເມືອງພວນ ແລະ ເດັ່ນສຸດແມ່ນຢູ່ພູພຽງຕ່າງໆທາງພາກໃຕ້

ເຕັກນິກການປູກກ້ວຍນ້ຳທີ່ເພາະລ້ຽງຈາກເນື້ອເຍື່ອ

ສຳລັບການປູກກ້ວຍທີ່ໄດ້ແນວພັນມາຈາກການເພາະລ້ຽງເນື້ອເຍື່ອ ເພື່ອທີ່ຈະໃຫ້ໄດ້ຜົນດີທີ່ສຸດ ປະຈຸບັນສະຖານບັນວິໃຈປາກຊ່ອງ ຜະລິດແລະຈຳຫນ່າຍ ໃນລາຄາ 35 ບາດ ເທົ່າ 7000 ກີບ ເຊິ່ງມີວິທີການປູກດັ່ງຕໍ່ໄປນີ້

1. ການຄັດເລືອກຕົ້ນພັນ: ຕ້ອງມີຄວາມສູງແຕ່ 15 ຊັງຕີແມັດຂື້ນໄປ ຫລື ມີເສັ້ນຮອບວົງ 3,5 ຊັງຕີແມັດ ຫາກວ່ານ້ອຍກວ່ານີ້ແລ້ວ ເວລານຳໄປປູກຈະມີບັນຫາໃນການບົວລະບັດຮັກສາ ແລະ ອັດຕາການຕາຍກໍ່ມີສູງ
2. ວິທີ່ການກຽມດິນປູກ: ວິທີ່ການກຽມດິນປູກກຳນົດແປງປູກອອກໄດ້ມີ ໄລຍະ 3x3 ຫລື 4x4 ແມັດ ຂະຫນາດຂຸມປູກ 50x50x50 ຊັງຕີແມັດ ເພື່ອໃຫ້ລະບົບຂອງຮາກເດີນໄດ້ສະດວກຂື້ນໂຄນຊ້າ ໄລຍະປູກສ່ວນໃຫຍ່ແມ່ນຈະຂື້ນຢູ່ກັບການເບິ່ງແຍງຮັກສາ ຖ້າຮັກສາດີ ກໍກ້ວຍໃຫຍ່ຄວນປູກໄລຍະ 4x4 ແມັດ 1ກໍ ຄວນຈົງໄວ້ພຽງ 4 ຕົ້ນເທົ່ານັ້ນ
3. ປະສົມດິນລ້ວນເຂົ້າກັນຝຸ່ນຄອກປະມານ ຂຸມລະ 2 ກິໂລ ຮອງກົ້ນຂຸມຂື້ນມາປະມານ 30 ຊັງຕີແມັດ ນຳຕົ້ນພັນກ້ວຍລົງຕາມດ້ວຍດິນປົກບໍລິເວນໂຄນຕົ້ນແລ້ວໃຊ້ມືກົດດິນບໍລິເວນໂຄນຕົ້ນໃຫ້ແຫນ້ນ ເຮັດໃຫ້ດິນເປັນລັກສະນະອ່າງເພື່ອເກັບຮັກສານ້ຳ ແລະຄວນຮອງກົ້ນຂຸມດ້ວຍ ຟູລ່າດ່ານ ເພື່ອປ້ອງກັນຫນອດກ້ວຍ ປະມານ 1ບ່ວງ ໂຕະ/ຂຸມ ຫລັງຈາກນັ້ນໃຫ້ຫົດນ້ຳໃຫ້ຊຸ່ມຊື້ນພໍພຽງບໍ່ດັ່ງນັ້ນຕົ້ນຈະແຫ່ວແຫ້ງບາງຕົ້ນຕາຍບາງຕົ້ນອາດແຕກຫນໍ່ຂື້ນມາໃຫມ່ແທນເຮັດໃຫ້ອາຍຸບໍ່ສະຫມ່ຳສະເໝີກັນ
4. ການໃຫ້ນ້ຳແລະຝຸ່ນ: ໃນໄລຍະເດືອນທຳອິດຕ້ອງໃຫ້ນ້ຳຢ່າງສະຫມ່ຳສະເຫມີ ແລະ ດິນຕ້ອງຊຸ່ມຊື່ນພຽງພໍເປັນເດືອນທີ່ຕ້ອງເອົາໃຈໃສ່ຍາກຫລາຍເປັນພິເສດ ຫາກເປັນການໃຫ້ນ້ຳແບບ ມິນິສະປີງເກີ(ສະປີງເກີນ້ອຍ) ຈະເຮັດໃຫ້ຕົ້ນຕັ້ງຕົວໄດ້ຢ່າງວ່ອງໄວສາມາດສ້າງລຳຕົ້ນໃຫມ່ ແລະ ໃບໃຫມ່ໄດ້ດີ ໂອກາດສູງກວ້າການລາກສາຍຢາງແລ້ວຫົດ ການໃຫ້ປຸຍ ເລີ່ມຕົ້ນໃຫ້ໃຊ້ປຸ໋ຍສູດ 15-15-15 ຫລື 16-16-16 ປະມານ 100-150 ກຮາມ/ຕົ້ນ ຫລັງປູກໄດ້ 1 ເດືອນ ແລະ 2 ເດືອນ ສ່ວນເດືອນທີ່ 3 ແມ່ນໃຫ້ປຸຍຄອຍຫລີ ປຸຍຫມັກແທນ
5. ການກຳຈັດວັດສະພືດ: ເດືອນທີ່ 2 ແລະ 3 ກ້ວຍຈະມີລຳຕົ້ນ ແລະ ໃບໃຫມ່ຫມົດ ປັນຫາຄືຫຍ້າຂື້ນຄຸມຕົ້ນຕ້ອງເສຍຫຍ້າບໍລິເວນໂຄນຕົ້ນ ແລະ ສີດຢາຂ້າຫຍ້າ ພາຣາຄວອດ ລະຫວ່າງແຖວລະວັງຢ່າໃຫ້ລະອອງຖຶກຕົ້ນຈະເຮັດໃຫ້ຕົ້ນກ້ວຍຊະງັກແລະ ອາດຕາຍໄດ້
6. ການບົວລະບັດຮັກສາ: ພາຍຫລັງປູກໄດ້ 4 ເດືອນການຈະເລີນເຕີບໂຕຂອງກ້ວຍສາຍພັນນີຈະໄວ້ກ່ວຍສາຍພັນອື່ນໆທັງຄວາມສູງ ແລະ ຮອບວົງຕົ້ນໃກ້ຄຽງກັບການປູກຈາກຫນໍ່ພັນແຕ່ໃນທີ່ນີ້ກໍ່ຂື້ນູ່ກັນການເລືອກແນວພັນໃນເບື້ອງຕົ້ນຕ້ອງມີຄວາມສູງ 15 ຊັງຕີແມັດຂື້ນໄປ ຖືວ່າໃນເດືອນນີ້ຕົ້ນຈະລອດຕາຍທັງຫມົດສຳລັບການເບິ່ງແຍງຮັກສາແມ່ນຄືກັນກັບການປູກດ້ວຍຫນໍ່ໂດຍໃຫ້ປຸຍ 15-15-15 ຫລື 16-16-16 ປະມານ 100-1500 ກຣາມ/ຕົ້ນໃນເດືອນທີ່ 4-5 ສ່ວນເດືອນທີ່ 6 ໃຫ້ໃສ່ຝຸ່ນຄອກຫລືຫມັກແທນ ງົດການໃຫ້ປຸຍຈົນກວ່າຈະອອກປີ
7. ການຕິດຕາມ: ປະມານ ເດືອນທີ່ 6 ຫລື 7 ກ້ວຍຈະເລີມແທງຫນໍ່ອອກມາແລະສະສົມອາຫານເພື່ອຕົກເຄືອ ເມື່ອຮອດເດືອນ 9 ກ້ວຍຈະອອກປີ ສຳລັບການອອກປີ ຫລື ເຄືອແມ່ນຈະໄວຫລືຊ້າແມ່ນຂື້ນກັບຫນໍ່ພັນ ຂື້ນຢູ່ກັບຂະຫນາດລຳຕົ້ນປູກແຕ່ທຳອິດ

                      

ລັກສະນະເດັ່ນຂອງກ້ວຍນ້ຳປາກຊ່ອງ 50

ກ້ວຍນ້ຳປາກຊ່ອງ 50 ໄດ້ເປີດໂຕເປັນຄັ້ງທຳອິດໃນປີ 2551 ກົງກັບ ຄສ 2008 ຖືໄດ້ວ່າເປັນອີກຫນຶ່ງຜົນງານຂອງສະຖານນີວິໃຈປາກຊ່ອງ (ປະເທດໄທ) ເຊິ່ງເປັນສະຖານທີ່ວິໄຈວຽກງານດ້ານໄມ້ໃຫ້ຫມາກເຂດຮ້ອນ ຂອງມະຫາວິທະຍາໄລກະເສດສາດ
             ປະຈຸບັນຖືເປັນສາຍພັນທີ່ໄດ້ຮັບຄວາມສົນໃຈຈາກຊາວກະສິກອນຢ່າງກວ້າງຂ້ວາງ ກ້ວຍນ້ຳປາກຊ່ອງ 50 ເກີດມາຈາກການຄັດເລືອກສາຍພັນກ້ວຍນ້ຳໃສ້ເຫລືອງ ເຊິ່ງມີລັດສະນະເດັ່ນດັ່ງນີ້

ລັກສະນະເດັ່ນຂອງກ້ວຍນ້ຳປາກຊ່ອງ 50

• ເຄືອໃຫຍ່ ມີນ້ຳຫນັກເຄືອຫລາຍກວ່າ 30 ກິໂລ(ບໍ່ລວມກ້ານເຄືອ)
• ມີຈຳນວນຫວີຫລາຍກວ່າ 10 ຫວີ
• ມີຈຳນວນຫມາກຕໍ່ຫວີປະມານ 18 ຫນ່ວຍ
• ຫນ່ວຍກ້ວຍໃຫຍ່ອອບດີ ມີນ້ຳຫນັກຫນ່ວຍສະເລ່ຍ 140 ກຮາມຕໍ່ຫນ່ວຍ
• ໃສ້ກາງບໍ່ແຂງ ອອກສີເຫລືອ ເນື້ອແຫນ້ນ
• ເມື່ອສຸກຈະມີຄວາມຫວານປະມານ 26 ອົງສາບລິດ

ຂໍ້ຄວາມ facebook

​ຄວາມ​ຫມາຍ​ຄຳ​ສັບ ທາງ​ເຂື່ອນ

ຄວາມ​ຫມາຍ​ສັບ

Ø  ELV                            elevation                          ລະ​ດັບ​ຄວາມ​ສູງ

Ø  BL                               bed level                                 ລະ​ດັບ​ນ້ຳ​ທ້ອງ​ອ່າງ ຫລື ຄອງ

Ø  TL                               tail water Level                       ລະ​ດັບ​ທ້າຍ​ນ້ຳ

Ø  RWL                           Retention Water Level           ລະ​ດັບ​ນ້ຳ​ກັກ​ເກັບ

Ø  Min WL                       Minimum Water Level            ລະ​ດັບ​ນ້ຳ​ຕ່ຳ​ສຸດ

Ø  MRL                           Minimum Reservoir Level      ລະ​ດັບ​ນ້ຳ​ຕ່ຳ​ສຸດ​ໃນ​ອ່າງ​ເກັບ​ນ້ຳ

Ø  DH                              differential head                      ລະ​ດັບ​ນ້ຳ​ແຕກ​ຕ່າງ

Ø  FL                               flood level                               ລະ​ດັບ​ນ້ຳ​ຖ້ວມ

Ø  FSL                             full supply level                       ລະ​ດັບ​ນ້ຳ​ຖ້ວມ​ສູງ​ສຸດ

Ø  Max WL                      Maximum water level             ລະ​ດັບ​ນ້ຳ​ສູງ​ສຸດ

Ø  FDL                            full drain level                         ລະ​ດັບ​ລະ​ບາຍ​ນ້ຳ​ສູງ​ສຸດ

Ø  CSOM                        coordinate systems on maps  ລະ​ບົບ​ພິ​ກັດ​ໃນ​ແຜນ​ທີ່

Ø  CS                              cross section                         ຮູບ​ຕັດ​ຂວ້າງ

Ø  WSP                           water surface profile              ຮູບ​ຕັດ​ຍາວ​ຜິດ​ນ້ຳ

Ø  COP                           Coefficient of permeability      ສຳ​ປະ​ສິດ​ການ​ຊືມ​ຜ່ານ

Ø  DC                              drainage Coefficient               ສຳ​ປະ​ສິດ​ການ​ລະ​ບາຍ​ນ້ຳ

Ø  Rc                               roughness coefficient             ສຳ​ປະ​ສິດ​ຄວາມ​ບໍ​ລິ​ອຽດ ຫລື ຂຸ​ຂະ

Ø  Run C                         runoff coefficient                     ສຳ​ປະ​ສິດ​ນ້ຳ​ໄຫລ​ຫນ້າ​ດິນ

Ø  Manning’s formula      Manning’s formula                  ສູດ​ຂອງ​ແມນ​ນິງ

Ø  Rof                              rate of flow                              ອັດ​ຕາ​ການ​ໄຫລ

​ພະ​ຍາດ,ໂລກ​ທີ່​ມັກ​ເກີດ​ກັບ​ກ້ວຍ​ໄມ້

ໂລກ​ຮາກ​ເນົ່າ (Phytophthora palmivora Butt)
    ລັກ​ສະ​ນະ​ອາ​ການ ໃບ​ຈະ​ມີ​ຈຸດ​ສີ​ນ້ຳ​ຕານ ແລະ ຈະ​ປ່ຽນ​ເປັນ​ສີ​ດຳ​ໃນ​ທີ່​ສຸດ ໂຄນ​ຕົ້ນ​ຈະ​ເນົ່າ ດອກ​ເນົ່າ ເກີດ​ຈາກ​ສະ​ພາບ​ຄວາມ​ຊື້ນ​ສູງ​ເກີນ​ໄປ ຝົນ​ຕົກ​ຫ​ນັກ ຫລື ອາ​ກາດ​ປ່ຽນ​ລະ​ດູ
ໂລກ​​ຈຸດຂີ້​ຫມ້ຽງ (Curvalaria eraqostidis)
    ລັກ​ສະ​ນະ​ອາ​ການ ກີບ​ໃບ ກີບດອກ ຈະ​ເປັນ​ຈຸດ​ສີ​ນ້ຳ​ຕານ​ຄື​ກັບ​ຂີ້​ຫມ້ຽງ
ໂລກ​ເນົ່າ​ແຫ້ງ ລາ​ເມັດ​ຜັດ​ກາດ (Sclerotium rotist Sacc.)
     ລັກ​ສະ​ນະ ຈະ​ທຳ​ລາຍ​ບໍ​ລິ​ເວນ​ຮາກ ໂຄນ​ຕົ້ນ ແລະ ຍອດ ເປັນ​ເມັດ​ຄ້າຍ​ເມັດ​ຜັກ​ກາດ​ລັກ​ສະ​ນະ​ຕົ້ນ​ເຫມືອນ​ມີ​ແປ້ງ​ໂຮຍ​ໃຍ​ສີ​ຂາວ​ຂຸ້ນ​ເປັນ​ເສັ້ນ​ຫ​ຍາບ ຈາກ​ການ​ສັງ​ເກດ​ຈະ​ເກີດ​ຈາກ ເຄື່ອງ​ປູກ​ເຊື່ອມ​ຄຸນ​ນະ​ພາບ ອາ​ກາດ​ຮ້ອນ ຄວາມ​ຊື້ນ​ສູງ ຖ້າ​ພົບ​ເຫັນ​ໃຫ້​ທຳ​ລາຍ​ຖິ້ມ​ທັງ​ຫມົດ​ໃນ​ຕົ້ນ​ເລີຍ ເພາະ​ໂລກ​ນີ້​ຈະ​ແພ່​ກະ​ຈາຍ​ຢ່າງກວ້າງ​ຂວາງ ແລະ ໄວ​ວາ
ໂລກ​ໃບ​ຜື່ນ​ເຫລືອງ (Pseudocercos poro dendrobil)
     ​ອາ​ການ ໃບ​ແກ່​ໃບ​ທີ່​ໂຄນ​ຕົ້ນ​ຈະ​ເຫລືອງ​ເປັນ​ຜື່ນ ມີ​ຜົງ​ສີ​ດຳ​ຄ້າຍ​ກັບ​ຂີ້​ສໍດຳ ກະ​ຈາຍ​ຢູ່​ຖ້າ​ປ່ອຍ​ໄວ້​ໃບ​ຈະ​ເຫລືອງ​ດຳ​ທັງ​ໃບ​ແລະ ຫລຸດ​ຫລົ່ນ​ຈາກ​ຕົ້ນ ເຊິ່ງ​ມັກ​ຈະ​ລະ​ບາດ​ໃນ​ຊ່ວງ​ຢ່າງ​ເຂົ້າ​ລະ​ດູ​ຫ​ນາວ ຄວນ​ນຳ​ໃບ​ທີ່​ຫລົ່ນ​ນິ້ນ​ໄປ​ເຜົາ​ໄຟ​ຖີ້ມ
ໂລກ​ຂີ້​ລາກ (Phyllosticta sp.)
     ເລີມ​ເກີດ​ຂື້ນ​ຈາກ​ປະ​ເທດ​ໄທ ຈິງ​ຫວັດ​ລາດ​ຊະ​ບູ​ລີ ລັກ​ສະ​ນະ​ເປັນ​ຈຸດ​ແຜ​ສີ​ນ້ຳ​ຕານ​ດຳ​ຄື​ເມັດ​ເຂົ້າ ກະ​ແຈກ​ກະ​ຈາຍ​ເທິງ​ໃບ​ຈົນ​ກາຍ​ເປັນ​ຜື່ນ​ສີ​ນ້ຳ​ຕານ
ໂລກ​ແອນ​ແທກ​ໂນ​ສ (Colletotrichum sp.)
     ປາຍ​ໃບ​ແຫ້ງ​ບາດ​ເປັນ​ວົງ​ໆ ສີ​ນ້ຳ​ຕານ ຊ້ອນ​ກັນ​ຫລາຍໆ​ຊັ້ນ ເຊິ່ງ​ຈະ​ລາມ​ລາມ​ຈາກ​ປາຍ​ໃບ​ເຖິງ​ໂຄນ​ໃບ
ໂລກ​ໃບ​ຈຸດ (Alternaria sp.)
     ອາ​ການ ໃບ​ຈຸດ​ດຳ​ທົ່ວ​ທັ້ງ​ໃບ ແລະ ຈະ​ດຳ​ແບບນວມໆ
ໂລກ​ລາ​ດຳ (Cladosporium sp.)
    ລັກ​ສະ​ນະ​ເປັນ​ປື້ນ​ສີ​ດຳ ເປັນ​ແຖວ ເປື້ອນ​ຕາມ​ກາບ​ໃບ​ລະ​ຫວ່າງ​ລຳ​ຕົ້ນ ຈະ​ເກີດ​ໃນ​ຊ່ວງ​ປາຍ​ລະ​ດູ​ຝົນ ເຂົ້າ​ລະ​ດູ​ຫ​ນາວ
ໂລກ​ໂຄນ​ເນົ່າ​ດຳ (Fusarium sp.)
    ໂຄນ​ຕົ້​ນ​ຈະ​ເນົ່າ​ດຳ ສາ​ເຫດ​ເກີດ​ຈາກ​ເຄື່ອງ​ປູກ​ເຊື່ອມ​ຄຸນ​ນະ​ພາບ​ໂຫມກ​ຈັບ​ຫ​ນ້າ ເຊື່ອ​ລາ​ເຂົ້າ​ທາງ​ຮາກ​ເຮັດ​ໃຫ້​ໂຄນ​ເນົ່າ ແລະ ໃບ​ແຫ່ວ ຄວນ​ປ່ຽນ​ເຄື່ອງ​ປູກ​ໃຫມ່
ໂລກ​ລາ​ຂາວ (Rhizoctonia sp.)
       ອາ​ການ​ເລີ່ມ​ຕົ້ນ​ຈະ​ເນົ່າ​ທີ່​ປາຍ​ຮາກ​ມາ​ຫາ​ໂຄນ​ຕົ້ນ​ຄື​ກິບ​ວ່າ​ມີ​ແປ້ງ​ມາ​ໂຮຍ​ໃບ​ຈືດ​ເຫລືອງ​ເກີດ​ຈາກ​ເຄື່ອງ​ປູກ​ບໍ່​ໄດ້​ຄຸນ​ນະ​ພາບ​ໂດຍ​ສະ​ເພາະ​ແມ່ນ ກາບ​ຫມາກ​ພ້າວ​ຍັງ​ບໍ້​ແກ້​ພໍ
ໂລກ​ເນົ່າ​ເລະ (Pseudomonas gladioli)
       ເກີດ​ຈາກ​ເຊື້ອ​ແບດ​ທີ​ເລຍ ໃບ​ເນົ່າ​ບວມ​ນ້ຳ ລຳ​ລູກ​ເນົ່າ​ໃບ​ຫລູດ​ຫລົ່ນ ໂດຍ​ສະ​ເພາະ ຊ່ວງ​ລະ​ດູ​ຝົນ ຫລື ອາ​ກາດ​ມີ​ຄວາມ​ຮ້ອນ​ຂື້ນ​ສູງ ອົບ​ເອົ້າ
ໂລກ​ໄວ​ຣັດ (Cymbidium Mosaic virus, Tobacco Mosaic virus, Bacilliform
 ດອກ​ຈະ​ດ່າງ ແລະ ມີ​ອາ​ການ​ບິດ​ບ້ຽວ​ສີ​ເຂັ້ມ​ສະ​ຫລັບ​ສີ​ອ່ອນ ໃບ​ຍອດ​ບິດ ໃບ​ດ່າງ​ເປັນ​ຈ້ຳໆ ຂຽວ​ອ່ອນ​ສະ​ຫ​ລັບ​ຂຽວ​ເຂັ້​ມ

ການ​ພັດ​ທະ​ນາ​ບຸກ​ຄະ​ລາ​ກອນ ດ້ານ​ການ​ກະ​ເສດ​ແຕ່ ປະ​ຈຸ​ບັນ-2025

      ພັດທະນາ ​ບຸກຄະລາ​ກອນ​ ​ແລະ ນັກ​ຄົ້ນຄວ້າໃຫ້​ໄດ້ 13.941 ຄົນ ​ໃນ​ປີ 2020 ​ເພີ້​ມຂຶ້ນ 49,62% ຈາກ​ຈຳນວນ​ພະນັກງານ​ທີ່​ມີ​ແລ້ວ​ໃນ​ປະຈຸ​ບັນ, ຮອດປີ 2025 ຈະ​ສ້າງ​ໃຫ້​ໄດ້ 15.500 ຄົນ ເພີ່ມຂຶ້ນ 66,36% ຈາກ​ຈຳນວນ​ພະນັກງານ​ທີ່​ມີ​ແລ້ວ​ໃນ​ປະຈຸ​ບັນ, ​ໃນ​ນີ້ ຮອດປີ 2020 ພະນັກງານ​ສັງກັດ​ຢູ່​ບັນດາ​ກົມ ​ແລະ ສະ​ຖາ​ບັນ​ອ້ອມ​ຂ້າງ​ກະຊວງ 14%, ຂັ້ນ​ແຂວງ 18%, ຂັ້ນ​ເມືອງ 65% ​ແລະ ບັນດາວິທະຍາ​ໄລ ​ແລະ ​ໂຮງຮຽນ​ຕ່າງໆ 3% ແລະ ຮອດປີ 2025 ພະນັກງານ​ສັງກັດ​ຢູ່​ບັນດາ​ກົມ ​ແລະ ສະ​ຖາ​ບັນ​ອ້ອມ​ຂ້າງ​ກະຊວງ 12%, ຂັ້ນ​ແຂວງ 15%, ຂັ້ນ​ເມືອງ 70% ​ແລະ ບັນດາວິທະຍາ​ໄລ ​ແລະ ​ໂຮງຮຽນ​ຕ່າງໆ ​3% ​ໂດຍ​ຈັດ​ແບ່ງ​ຕາມ​ສາຂາ​ວິຊາ​ສະ​ເພາະ​ດັ່ງ​ນີ້:

	ຮອດ​ປີ 2020	ຮອດ​ປີ 2025
1). ເສດຖະກິດ​ກະສິກຳ	976 ຄົນ	1.085 ຄົນ
2). ປູກຝັງ, ປ້ອງ​ກັນ​ພືດ	2.788 ຄົນ	3.100 ຄົນ
3). ວິທະຍາສາດ​ດິນ, ​ເຄມີ​ກະສິກຳ	1.115 ຄົນ	1.240 ຄົນ
4). ການ​ລ້ຽງສັດ	1.394 ຄົນ	1.550 ຄົນ
5). ການ​ປະມົງ	836 ຄົນ	929 ຄົນ
6). ສັດຕະວະ​ແພດ	976 ຄົນ	1.085 ຄົນ
7). ສິ່ງ​ແວດ​ລ້ອມ, ນິ​ເວດ​ວິທະຍາ, ຊີວະ​ນາໆ​ພັນ	418 ຄົນ	465 ຄົນ
8). ຊົນລະປະທານ	1.115 ຄົນ	1.240 ຄົນ
9). ກົນ​ຈັກກະ​ສິກຳ	558 ຄົນ	620 ຄົນ
10). ປ່າ​ໄມ້	2.788 ຄົນ	3.100 ຄົນ
11). ວິຊາ​ສະໜັບສະໜູນອື່ນໆ	976 ຄົນ	1.086 ຄົນ

ທີ່​ມາ​ຂໍ້​ມູນ: ກະຊວງກະສິກຳ ແລະ ປ່າໄມ້: ຍຸດທະສາດພັດທະນາກະສິກຳ ຮອດປີ 2025 ແລະ ວິໄສທັດ ຮອດປີ 2030