ປ່າໄມ້ຕອບສະໜອງຊັບພະຍາກອນທີ່ມີຄວາມສໍາຄັນທີ່ສຸດຫຼາຍຢ່າງ ເຊັ່ນ: ອາຫານ, ຟືນ, ອຸປະກອນກໍ່ສ້າງ, ອາຫານສັດ (ຫຍ້າແຫ້ງ), ຢາປົວພະຍາດ ແລະ ກໍ່ມີອີກຫຼາຍຢ່າງ. ຕົ້ນໄມ້ ແລະ ປ່າໄມ້ແມ່ນມີບົດບາດສໍາຄັນໃນການຮັກສາໄວ້ຄວາມອຸດົມສົມບູນຂອງສ່ິງແວດລ້ອມ. ພວກມັນສາມາດຮັກສາອາກາດ ແລະ ນໍ້າໃຫ້ສະອາດ, ປ້ອງກັນ ( ບໍ່ໃຫ້ມີການເຊາະເຈື່ອນຂອງດິນ ແລະ ໄພນໍ້າຖ້ວມ, ເຮັດໃຫ້ດິນອຸດົມສົມບູນ, ສ້າງບ້ານໃຫ້ກັບນົກຊະນິດຕ່າງໆ, ສັດສາວາສິ່ງຕ່າງໆ ແລະ ພຶດພັນຕ່າງໆໃຫ້ເປັນຮົ່ມເງົາ ແລະ ເຮັດໃຫ້ຊຸມຊົນສວຍ ງາມ.
ເພື່ອເຮັດໃຫ້ປ່າສືບຕໍ່ຕອບສະໜອງຊັບພະຍາກອນ ແລະ ຮັກສາໄວ້ຄວາມອຸດົມສົມບູນຂອງສິ່ງແວດລ້ວມດັ່ງທີ່ກ່າວມາຂ້າງເທິງນັ້ນ, ພວກມັນຕ້ອງໄດ້ຮັບການດູແລ ແລະ ການຈັດການເປັນຢ່າງດີພໍສົມຄວນ ແລະ ການຊົມໃຊ້ຢ່າງສະຫຼາດ. ແຕ່ຍ້ອນວ່າປ່າໄມ້ມີຄຸນຄ່າສໍາຄັນຕໍ່ອຸດສະຫະກໍາຕ່າງໆ ເຊັ່ນດຽວກັບຊຸມຊົນຕ່າງໆ ແລະ ອີກຢ່າງໜຶ່ງຕົ້ນໄມ້ແມ່ນຖືກນໍາໃຊ້ໃນຈຸດປະສົງອຶ່ນເຊັ່ນກັນ ສະນັ້ນປ່າໄມ້ຈຶ່ງຖືກຖາກທາງໄວກວ່າການເຕີບ
ໃຫຍ່ຂະຫຍາຍຕົວຂອງພວກມັນ. ບາງຄັ້ງບໍລິສັດໄມ້ທ່ອນ ແລະ ອຸດສະຫາກໍາອື່ນໆແມ່ນດໍາເນີນການຕັດໄມ້ເພື່ອເຮັດບໍ່ແຮ່, ສະເໜີໃຫ້ປະຊາຊົນມີແຫຼ່ງລາຍໄດ້ທີ່ພວກເຂົາບໍ່ສາມາດປະຕິເສດໄດ້.
ແຕ່ວ່າມັນຍັງມີຄວາມສົມດູນທີ່ສາມາດຄົ້ນພົບລະຫວ່າງຄວາມຕ້ອງການຊົມໃຊ້ທີ່ດິນ ແລ ະຊັບພະຍາ ກອນ ແລະ ຄວາມຕ້ອງການທີ່ປົກປັກຮັກສາຊັບພະຍາກອນເຫຼົ່ານັ້ນເພື່ອອະນາຄົດ. ເມື່ອໃດທີ່ມີການນໍາໃຊ້ຊັບພະຍາກອນຫຼາຍເກີນໄປມັນກໍ່ເປັນສາເຫດໃຫ້ມີໄພອັນຕະລາຍໃນໄລຍະຍາວທີ່ບາງເທື່ອເປັນສິ່ງທີ່ເຮົາຄາດບໍ່ເຖິງເຊັ່ນກັນ. ຊຸມຊົມຫຼາຍຊຸມຊົມທີ່ອາໄສຢູ່ນໍາປ່າໄມ້ເປັນຫຼາຍໆເຊັ່ນຄົນ ພວກເຂົາຮູ້ດີວ່າ ພວກເຂົາຈະມີອັນຕະລາຍຫຼາຍເມື່ອປ່າໄມ້ຖືກນໍາມາໃຊ້ ແລະ ຖາກຖາງລົງເປັນຈໍານວນຫຼາຍເກີນໄປ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ