google-site-verification: google0d91bc93cfc88895.html ໃບພືດ Leaf - Hukased

Hukased

Agriculture, education, ການກະເສດ ກະສິກຳ ປູກຝັງ ລ້ຽງສັດ ແລະ ປ່າໄມ້ ຂະຫຍາຍແລະປັບປຸງພັນພືດ

Breaking

Home Top Ad

Responsive Ads Here


Thursday, June 19, 2014

ໃບພືດ Leaf



1. ຄວາມໝາຍຂອງໃບ
         ໃບ (Leaf) ເປັນພາກສ່ວນໜຶ່ງທີ່ຈະເລີນອອກມາຈາກກິ່ງງ່າ ແລະ ລຳຕົ້ນທາງດ້ານຂ້າງໂດຍທົວໄປໃບ ຂອງພືດຈະມີສີຂຽວ ຊຶ່ງມີໜ້າທີ່ໃນການຜະລິດອາຫານໂດຍແມ່ນຄລໍໂຣຟິລລ໌chlorophyllເປັນຕົວຈັບພະລັງ ງານແສງສະຫວ່າງ​ປ່ຽນ​ມາ​ເປັນ​ພະລັງ​ງານ​ເຄມີການ​ຂະຫຍາຍ​ຕົວ​ຂອງ​ໃບ​ພືດ​ເມື່ອ​ມີ​ການ​ຂະຫຍາຍ​ຕົວ​ຢ່າງ​ເຕັມທີ່​ແລ້ວ​ມັນ​ຈະ​ຢຸດ​ການຈະ​ເລີນ​ເຕີບ​ໂຕ​ເຊິ່ງຕ່າງ​ຈາກ​ການ​ຂະຫຍາຍ​ຕົວ​ຂອງ​ຮາກ ​ແລະ ລຳ​ຕົ້ນ, ​ໃບ​ພືດ​ຍບາງ​ຊະນິດ​ພໍ​ເຖິງ​ລະດູ​ການ ຫລົ່ນກໍ່​ຈະ​ລົງໄປ ໝົດ​ແຕ່​ບາງ​ຊະນິດ​ກໍ່​ຄົງ​ຕົວ​ຢູ່​ໄດ້​ຫລາຍ​ລະດູ​ເຊັ່ນ: ​ໃບ​ພ້າວ, ​ໃບ​ກ້ວຍ​, ​ໃບ​ແປກ​ເປັນ ຕົ້ນ.

2. ລັກສະນະ ​ແລະ ຊະນິດ​ຂອງ​ໃບ

ລັກສະນະ​ຂອງ​ໃບ​ສ່ວນ​ໃຫຍ່​ຈະ​ກ້ວາງ ​ແລະ ​ເປັນ​ແຜ່ນ​ບາງ​ມີ​ສີ​ຂຽວ​ເພາະ​ຄລໍ​ໂຣຟິລລ໌ບັນຈຸ​ຢູ່​ໃບ​ພືດ​ມີ​ທັງ​ໃບ​ທີ່​ຄົບ​ຖ້ວນ ແລະ ບໍ່​ຄົບ​ຖ້ວນ, ​ໃບ​ພືດ​ທີ່​ຄົບ​ຖ້ວນ​ຕ້ອງ​ປະກອບ​ດ້ວຍ​ສາມ​ສ່ວນ​ຕົ້ນ​ຕໍ​ຄື: ກ້ານ​ໃບ petiole ຫລື stalk, ​ແຜ່ນ​ໃບ blade ຫລື lamina ແລະ ຫູ​ໃບ

2.1 ໂຄງ​ສ້າງ​ພາຍ​ນອກ​ຂອງ​ໃບ

​ໃບ​ພືດ​ໂດຍ​ທົ່ວໆ​ໄປ​ປະກອບ​ດ້ວຍ​ແຜ່ນ​ໃບ ​ແລະ ຫູ​ໃບ ຫລື ກ້ານ​ໃບ, ​ແຕ່​ໃບ​ພືດ​ບາງ​ຊະນິດ​ອາດ​ຈະ​ມີ​ສ່ວນ​ຕ່າງໆເຫລົ່າ​ນີ້​ບໍ່​ຄົບ​ຖ້ວນ​ເຊັ່ນ: ບໍ່​ມີ​ຫູ​ໃບ ຫລື ບໍ່​ມີ​ກ້ານ​ໃບ


2.1.1 ກ້ານ​ໃບ: ​ເປັນ​ສ່ວນ​ຂອງ​ໃບ​ພືດ​ທີ່​ຕິດ​ກັບ​ລຳ​ຕົ້ນ, ກິ່ງ​ງ່າ​ເພື່ອ​ຊູ​ແຜ່ນ​ໃບ​ອອກ​ໄປ​ໃບ​ພືດ​ບາງ​ຊະນິດ​ບໍ່​ມີ​ກ້ານ​ໃບ, ກ້ານ​ໃບ​ຂອງ​ພືດ​ໃບ​ລ້ຽງ​ຄູ່​ມັນ​ຈະ​ກົມ​ສ່ວນ​ກ້ານ​ໃບ​ຂອງ​ພືດ​ໃບ​ລ້ຽງ​ດ່ຽວ​ມັນ​ຈະ​​ແຜ່ເປັນ​ກາບ ຫຸ້ມຣອບລຳ​ຕົ້ນ​ກາບ​ທີ່​ຫຸ້ມ​ຫໍ້​ຂອງ​ລຳ​ຕົ້ນ​ເອີ້ນ​ວ່າ: ​ລິ​ກຸລ ligules ທີ່​ບໍລິ​ເວນ​ຖານ​ຂອງ​ກ້ານ​ໃບ ​ແລະ ກ້າ​ນໃບຍ່ອຍ petiolules ຂອງ​ໃບ​ປະກອບ​ຂອງ​ພືດ​ບາງ​ຊະນິດ​ຈະ​ຕຸ້ຍໜາຄ້າຍ​ເປັນຂໍ້​ຕໍ່​ເອີ້ນວ່າ: ​ພັລວີ​ນັສ pulvinus ຊຶ່ງ​ມີ​ຄວາມ​ກ່ຽວຂ້ອງ​ກັບ​ການ​ເຄື່ອນ​ໄຫວ​ຂອງ​ໃບ, ​ໃບ​ຂາມ​ເມື່ອ​ໄດ້ຮັບ​ແສງ​ສະຫວ່າງ​ໃບ​ຈະ​ກາງ​ອອກ​ເມື່ອ​ບໍ່​ມີ​ແສງ​ສະຫວ່າງ​ໃບ​ຈະ​ຫຸບ​ເຂົ້າ, ສ່ວນ​ໃບ​ຍ່ອຍ​ຂອງ​ຫຍ້າ​ຍຸບ mimosa Lucida ນອກ​ຈາກ​ຈະ​ຫຸບ​ ​ແລະ ກາງ​ອອກ​ຍ້ອນ​ແສງ​ສະຫວ່າງ​ແລ້ວ​ຍັງ​ຫຸບ​ເຂົ້າ​ຍ້ອນ​ການ​ສຳ​ຜັດ​ອີກ​ດ້ວຍ contact movement ແລະ ຈະ​ກາງ​ອອກ​ເມື່ອ​ເວລາ​ຜ່ານ​ໄປ 10 ນາທີ.



2.1.2 ແຜ່ນ​ໃບ: ສ່ວນ​ຫລາຍ​ມີ​ລັກສະນະ​ເປັນ​ແຜ່ນ​ບາງ​ຜິວໜ້າຂອງ​ໃບ​ມີ​ສີ​ຂຽວ, ມີ​ເສັ້ນກາງ​ໃບ midrib ແລະ ​ເສັ້ນ​ໃບ venation ທີ່​ແຕກ​ຕ່າງ​ກັນ​ຕາມ​ແຕ່​ລະ​ຊະນິດ​ພືດ​ນອກ​ຈາກ​ນີ້​ຮູບ​ຮ່າງ​ຂອງ​ແຜ່ນ​ໃບ Leaf shape ຂອບ​ໃບ  leaf margin ປາຍ​ໃບ leaf apex ຖານ​ໃບ leaf base ແລະ ລັກສະນຂອງ​ຜິວ​ໃບກໍ່​ມີ​ຄວາມ​ແຕກ​ຕ່າງ​ກັນ
ການ​ຈັດ​ລະບຽບ​ຂອງ​ເຊັນ​ໃບ

          ​ແບບ​ຂະໜານ: ພົບ​ໃນ​ພືດ​ໃບ​ລ້ຽງ​ດ່ຽວ​ໂດຍ​ເຊັນ​ໃນ​ຈະ​ລຽນ​ກັນ​ໄປ​ຕະຫລອດ​ເຊິ່ງ​ແບ່ງ​ເປັນ 2 ແບບ​ຄື:

1.  ແບບຂະໜານຈາກຖານໃບເຖິງປາຍໃບເຖິງເຊັ່ນ: ໃບເຂົ້າ, ໃບຫຍ່າ, ໃບອ້ອຍ ແລະ ໃບໝາກນັດ


2. ແບບຂະໜານຈາກເຊັນກາງໃບເຖິງຂອບໃບເຊັ່ນ: ໃບກ້ວຍ, ໃບຂີງ, ໃບຄ່າ...
          ແບບດາງແຫ netted venation: ​ເຊັນ​ໃບ​ຈະ​ປະສານ​ກັນ​ເປັນ​ດາງ​ແຫ​ຈະ​ພົບ​ໃນ​ພືດ​ໃບ​ລ້ຽງ​ຄູ່​ທົ່ວໆ​ໄປ​ແບ່ງ​ເປັນ 2 ແບບ​ຄື:
1.        ແບບ​ດາງ​ແຫ​ຮູບ​ປີກ​ນົກ​ເຊັ່ນ: ​ໃບ​ມ່ວງ, ​ໃບ​ສີດາ, ​ໃບ​ມີ້


2.       ແບບ​ດາງ​ແຫ​ຮູບ​ຝາ​ມື​ເຊັ່ນ ໃບ​ຝ້າຍ, ​ໃບໝາກຫຸ່ງ, ​ໃບ​ມອນ


          ​ແບບ​ປາຍ​ສອງ​ແຊກ​ໂດຍ​ໃບ​ຍ່ອຍ​ມີ​ສ່ວນ​ປາຍ​ແຕກ​ແໜງ​ເປັນ​ແຊກ​ຈາກໜຶ່ງ​ເປັນ​ສອງ​ໄປ​ເລື້ອຍໆ​ເຊັ່ນ​ໃບ​
ເຟີ​ນ

2.1.3 ຫູ​ໃບ stipule ເປັນ​ສ່ວນ​ກົກ​ຂອງ​ກ້ານ​ໃບມີ​ລັກສະນະ​ໃຫຍ່ ຫລື ກວ້າງ​ກວ່າ​ກ້ານ​ໃບ


2.2 ໂຄງ​ສ້າງ​ພາຍ​ໃນ​ຂອງ​ໃບ
          ໂຄງ​ສ້າງ​ພາຍ​ໃນ​ຂອງ​ໃບ​ພືດ​ປະກອບ​ດ້ວຍ 3 ຊັ້ນຄື:
1. ເອພີ​ເດີ​ມີ​ສ: ​ເປືອກ​ຫຸ້ມ​ເບື້ອງ​ເທິງ ​ແລະ ​ເບື້ອງ​ລຸ່ມ​, ເປັນ​ເນື້ອ​ເຍື່ອທີ່ຢູ່​ນອກ​ສຸດ​ປົກ​ຄຸມ ​ແລະ ປ້ອງ​ກັນ​ໂຄງ​ສ້າງ​ອື່ນໆ​ຂ້າງ​ໃນ​ປະກອບ​ດ້ວຍ​ຈຸ​ລັງ​ທີ່​ມີ​ຄວາມໜາ​ເພື່ອ​ປ້ອງ​ກັນ​ການ​ລະ​ເຫີຍ​ອາຍ​ຂອງ​ນ້ຳ​ໂດຍ​ປົກະຕິ​ບໍ່​ມີ​ສານ
​ສີ​ຂຽວ, ມີ​ຈຸ​ລັງ​ທີ່​ມີ​ການ​ປະກອບ​ສ້າງ​ຄື​ກີບ​ຖົ່ວ​ເອີ້ນ​ວ່າ​ຮູ​ໃບ​ທີ່​ມີ​ຄວາມ​ສຳຄັນ​ໃນ​ການ​ຄວບ​ຄຸມ​ການ​ລະ​ເຫີ​ຍອາຍ​ຂອງ​ນ້ຳ ແລ​ະ ​ແລກ​ປ່ຽນ​ແກ໊ສ CO2, O2 ແລະ ອາຍ​ນ້ຳ H2O, ຮູ​ໃບ​ຈະ​ເປີດ ຫລື ປິດຂື້ນກັບ​ແສງ​ສະຫວ່າງທີ​່ສ່ອງ​ໃສ່​ໃບ
2. ພາ​ລິ​ເສດ​ມີ​ໂຊ​ຟິລ palisade mesophyll ເປັນ​ເນື້ອ​ເຍື່ອທີ່​ຢູ່​ຖັດຈາກ​ເອພີ​ເດີ​ມີ​ສ​ເຂົ້າ​ໄປປະກອບ​ດວ້ຍຄລໍ​ໂລພລາສຢູ່​ຫລວງ​ຫລາຍ​ເຣັດ​ໃຫ້​ໃບ​ເປັນ​ສີ​ຂຽວ​ເຊິ່ງຊ່ວຍ​ໃນ​ການ​ສັງ​ເຄາະ​ແສງ ​ແລະ ຍັງ​ເປັນ​ແພ​ສະ​ສົມ​ຂອງ​ໃບ​ອີກ​ດ້ວຍ
3. ກຸ​ມ່ທໍ່​ລຳລຽງ Vascular tissue ຫລື ເຊັນ​ໃບ vein ເປັນ​ເນື້ອ​ເຍື່ອທີ່​ປະກອບ​ດ້ວຍ ​ໄຊ​ເລັມ​ຢູ່​ຫລັງໃບ ​ແລະ ​ໂຟລມ​ເອມຢູ່ຢູ່​ທ້ອງ​ໃບ​ມັນ​ມີໜ້າທີ່​ເປັນ​ທໍ່​ທາງ​ເດີນ​ນ້ຳ ແລະ ອາຫານ




2.3 ຊະນິດ​ຂອງ​ໃບ
​ໃບ​ພືດ​ແຕ່​ລະ​ຊະນິດ​ມີ​ຄວາມ​ແຕກ​ຕ່າງ​ກັນ​ໃນ​ດ້ານ​ຮູບ​ຮ່າງ​ລັກສະນະ​ພາຍ​ນອກ​ເຊິ່ງອາດ​ຈຳ​ແນກ​ຊະ​ນິດຂອງ​ໃບ​ພືດ​ໄດ້​ຕາມ​ລັກສະນະ​ເຫລົ່າ​ນີ້:
2.3.1 ແບ່ງ​ຕາມ​ລັກສະນະ​ຂອງ​ໃບ​ໂດຍ​ຄວາມ​ແຕກ​ຕ່າງ​ທາງ​ດ້ານ​ພາຍ​ນອກ
1. ຮູບຮ່າງຂອງ​ຕົວ​ໃບ
2. ຮູບ​ຮ່າງ​ຂອງ​ປາຍ​ໃບ
3. ຮູບ​ຮ່າງ​ຂອງ​ຂອບ​ໃບ
4. ຮູບ​ຮ່າງຂອງ​ຖານ​ໃບ
5. ຮູບ​ຮ່າງ​ຂອງ​ເຊັນ​ໃບ

2.3.2 ແບ່ງ​ຕາມ​ລັກສະນະ​ການ​ປະກອບ​ຂອງ​ໃບ​ໄດ້​ແກ່:
1. ໃບ​ດ່ຽວ Simple leaf ເປັນ​ໃບ​ທີ່​ມີ​ຕົວ​ໃບ​ພຽງ​ໃບ​ດຽວ​ຕິດ​ກັບ​ກ້ານ​ໃບ​ທີ່​ແຕກ​ອອກ​ມາ​ຈາກ​ກິ່ງ​ງ່າ​ໄດ້​ແກ່​ໃບ​ມ່ວງ, ​ໃບ​ກ້ວຍ ​ໃບ​ຂາມ...


2​ ໃບ​ລວມຫຼຶ​ໃບ​ປະກອບ ( Compound Leaf )​ເປັນ​ປະ​ເພດ​ໃບ​ທີ່​ປະກອບ​ດ້ວຍ​ໃບ​ຍ່ອຍ​ຫຼາຍ​ໃບໆ​ທີ່​ຕິດ​ຢູ່​ກັບ​ກ້ານ​ໃບ​ອັນ​ດຽວ​ກັນ​ໄດ້​ແກ່​ໃບ​ຂາມ ​ໃບ​ພ້າວ ​ໃບ​ກຸລາ​ບ.....


2.3. ເພີ່​ນ​ແບ່ງ​ໃບ​ຂອງ​ພືດ​ໂດຍ​ອີ​ງ​ໃສ່ໜ້າທີ່​ຂອງ​ມັນ​ແລ້ວ​ມີ​ດ້ວຍ​ກັນ​ຄື: 
2.3.1. ໃບ​ແທ້ ( Foliage leaf )ໝາຍ​ເຖີງ​ໃບ​ທົ່ວໆ​ໄປ​ທີ່​ມີ​ສີ​ຂຽວ​ເຊີ່ງ​ອາດ​ຈະ​ເປັນ​ແຜ່ນ​ແປໆ​ຫຼືມີ​ຮູບ​ລັກສານະຄ້າຍ​ເຂັມ​ມັນ​ເຮັດໜ້າທີ່​ໃນ​ການ​ຜະລິດ​ອາຫານ, ລະ​ເຫີ​ຍນ້ຳ ແລະ ​ແລກ​ປ່ຽນ​ທາດ​ອາຍ.


2.3.2. ໃບ​ລ້ຽງ ( Coty led on )​ເປັນ​ໃບ​ທີ່​ຢູ່​ໃນ​ແກ່ນ​ພືດ​ຊື່​ງ​ເປັນ​ໃບ​ທຳ​ອິດ​ທີ່​ງອກ​ອອກ​ມາ​ຈາກ​ແກ່ນ​ມັນ​ມີໜ້າທີ່​ໃນ​ການ​ສະ​ສົມ​ອາຫານ​ເພື່ອ​ການຈະ​ເລີນ​ເຕີບ​ໂຕ​ຂອງ​ຕົ້ນ​ອ່ອນ​ໃນ​ໄລ​ຍະ​ເລີ້ມງອກ​ແຕ່​ໃນ​ພືດ​ໃບ​ລ້ຽງ​ດ່ຽວ​ແມ່ນ​ຊ່ວຍ​ໃນ​ການ​ດູດ ​ແລະ ຍ່ອຍ​ອາຫານ​ທີ່​ໄດ້​ມາ​ຈາ​ກາກ​ນສະ​ສົມ​ອາຫານ


2.3.3. ໃບດອກ floral leaf ເປັນໃບທີ່ປ່ຽນແປງໄປເປັນສ່ວນຂອງດອກເພື່ອເຮັດໜ້າທີ່ໃນການຊ່ວຍລໍ້ແມງໄມ້ ມາຊ່ວຍໃນການປະສົມພັນ


2.3.4 ໃບເກັດ Scale leaf ເປັນໃບທີ່ເຮັດໜ້າທີ່ໃນການປ້ອງກັນຕາ ແລະ ໃບອ່ອນອາດຈະມີສີຂຽວ ຫລື ບໍ່ມີສີ ຂຽວບາງຊະນິດມີຂະໜາດໃຫຍ່ ເຊິ່ງເຮັດໜ້າທີ່ໃນການສະສົມອາຫານເຊັ່ນ: ໃບເກັດຫົວຫອມ


2.5 ການຈັດລະບຽບຂອງໃບ
          ແບບສະຫລັບ Alternate


          ແບບເປັນກຽວ Spillage


          ແບບກົງກັນຂ້າມ Opposite


          ແບບກົງກັນຂ້າມຕັ້ງສາກກັນ Decussate


          ແບບເປັນວົງ Whorled or Vermiculate


          ແບບເປັນຈຸກ Fascicled or Tufted


3. ການສັງເຄາະແສງ photosynthesis
       ເປັນຂະບວນການທີ່ພືດສີຂຽວນຳພະລັງງານແສງປ໋ຽນໄປເປັນພະລັງງານເຄມີເພື່ອໃຊ້ໃຫ້ເກີດປະໂຫຍດໃນການສ້າງອາ ຫານຈາກໂມເລກຸນຂອງຄາບອນໄດອອກໄຊ co2 ແລະ ນ້ຳມາເປັນຄາໂບຮາຍເດຣດ carbohydrate ຄື: ນ້ຳຕານ ແລະ ແປ້ງແລ້ວປ່ອຍອົກຊີເຈນອອກເພື່ອໃຫ້ສິ່ທີ່ມີຊີວິດໄດ້ນຳໄປໃຊ້

3.1 ປັດໃຈທີ່ຈຳເປັນ ແລະ ສຳຄັນສຳລັບການສັງເຄາະແສງ
1. ປັດໃຈກ່ຽວກັບພືດ
  •  ຊະນິດພືດ
  •  ສະພາບແວດລ້ອມທາງສະລິລະສາດຂອງພືດ
  •  ສະພາບແວດລ້ອມທາງກຳມະພັນ(ພັນທຸກຳ)ເຊັ່ນ: ອາຍຸຂອງໃບພືດ (ອ່ອນ/ແກ່)

2. ປັດໃຈສິ່ງແວດລ້ອມ
          ແສງແດດ: ປະມານ 3% ແລະ ຈຳແນະໄດ້ 3 ລັກສະນະຄື:
     - ຄວາມເຂັ້ມຂອງແສງ
     - ຄວາມຍາວຂອງແສງ
     - ຄຸນນະພາບຂອງແສງ: ຊ່ວງຄື້ນຍາວ 400-760NM ນາມໍມິເຕີ
          ປະລິມານແກ໊ສໃນບັນຍາກາດ co2 0,03-0,04% ແລະ o2ອຸນະພູມປະມານ 5- 25 ອົງສາ
          ທາດອາຫານ
     - ແມກນີຊຽມ Mg ໄນໂຕລເຈນ N ເປັນທາດທີ່ສຳຄັນທີ່ເປັຍອົງປະກອບຂອງຄໍໂລຟີລລ໌
     - ເຫລັກ Fe ມີຄວາມຈຳເປັນຕໍ່ການສ້າງສານຄໍໂລຟີລລ໌
     - ມັງການນິດ Mn ແລະ ຄລໍລິນ Cl ຈຳເປັນຕໍ່ການແຍກຕົວຂອງໂມເລກຸນນ້ຳໃນການປະຕິກິລິຍາສັງເຄາະ ແສງ
          ນ້ຳ: ປະມານ1% : ຖ້າໜ້ອຍປາກໃບຈະປິດເຮັດໃຫ້ການແລກປ່ຽນທາດອາຍເປັນໄປໄດ້ຍາກ, ຖ້າຫລາຍ(ນ້ຳຖ້ວມ)ຈະເຮັດໃຫ້ຮາກຂາດ o2 ທີ່ໃຊ້ໃນການຫາຍໃຈກໍ່ເປັນຜົນກະທົບຕໍ່ການສັງເຄາະ ແສງເຊັ່ນກັນ

4. ຫນ້າທີ່ສຳຄັນຂອງໃບພືດ
  •  ຜະລິດທາດອາຫານໂດຍການສັງເຄາະແສງ Photosynthesis
  •  ແລກປ່ຽນທາດອາຍ Gas exchange
  •  ລະເຫີຍອາຍນ້ຳ Transpiration
  •  ຫາຍໃຈ
  •  ແຜ່ພັນ

          ນອກຈາກນີ້ຍັງມີໜ້າທີ່ອື່ນໆອີກເຊັ່ນ: ປ່ຽນແປງໄປເຮັດໜ້າທີ່ນັ້ນຕາມສະພາບແວດລ້ອມ ແລະ ຄວາມ ເໝາະສົມເຊັ່ນ: ດັດແປງໄປເປັນໜາມ spines ຕົ້ນຕະບອງເພັດ, ປ່ຽນໄປເປັນມືເກາະ ຕຳນິນປ່ຽນແປງສີສັນ ໃຫ້ຄືກັບກີບດອກເຊັ່ນ: ດອກເຈ້ຍ

5. ຄວາມແຕກຕ່າງລະຫວ່າງການສັງເຄາະແສງ ແລະ ການຫາຍໃຈ
     ການສັງເຄາະແສງ                                                  ການຫາຍໃຈ
    - ນຳເອົາອາຍ co2 ເຂົ້າໄປ                                           - ປ່ອຍ co2 ອອກ
    - ປົດປ່ອຍ o2                                                         - ນຳໃຊ້ ແລະ ປ່ຽນຮູບ o2
    - ປຸງແຕ່ງທາດນ້ຳຕານ ແລະ ທາດປະສົມເຄມີອື່ນໆ               - ແຕກແຍກທາດນ້ຳຕານ ແລະ ທາດປະສົເຄມີອື່ນໆ
    - ຈະເກີດສະເພາະບ່ອນທີ່ມີສີຂຽວເທົ່ານັ້ນ                         - ເກີດຂື້ນໄດ້ທຸກໆຈຸລັງທີ່ຍັງມີຊີວິດ
    - ສະສົມພະລັງງານ                                                    - ນຳໃຊ້ພະລັງງານ
    - ເກີດຂື້ນສະເພາະໃນເມື່ອມີພະລັງງານແສງແດດ                 - ເກີດຂື້ນທຸກໆໄລຍະເມື່ອຈຸລັງມີຊີວິດຢູ່ພຽງພໍ

No comments:

Post a Comment

​ສະ​ແດງ​ຄວາມ​ຄິດ​ເຫັນ ຫລື ຄຳ​ຂອບ​ໃຈ ເພື່ອ​ເປັນ​ກຳ​ລັງ​ໃຈ​ໃຫ້​ຄົນ​ຂຽນ