ການເລືອກເວລາປູກໃຫ້ເໝາະສົມ
ນັບວ່າມີຄວາມສຳຄັນຫລາຍ ເພາະເວລາປູກມີຜົນເຖິງການກຽມດິນ, ການບົວລະບັດຮັກສາ, ຜົນຜະລິດ ແລະ ເວລາຕັດອ້ອຍອີກດ້ວຍ.
ປັດໃຈສຳຄັນທີ່ຄວບຄຸມເວລາປູກ
ໃນບໍລິເວນທີ່ບໍ່ມີນ້ຳຊົນລະປະທານຄື: ການອາໄສນ້ຳຝົນ, ບໍລິເວນທີ່ມີນ້ຳຊົນລະປະທານ
ອາດຈະປູກໄດ້ເກືອບຕະຫລອດປີ ຍົກເວັ້ນໃນຊ່ວງທີ່ມີຝົນຕົກໜັກເກີນໄປຄື:
ປະມານເດືອນກັນຍາຫາເດືອນຕຸລາເທົ່ານັ້ນ. ແນວໃດກໍ່ຕາມ
ການປູກອ້ອຍໃນປະເທດເຮົາ ແມ່ນອາໄສນ້ຳຝົນປະມານ 80%. ດັ່ງນັ້ນເວລາປູກຈຶ່ງຂຶ້ນຢູ່ກັບຝົນເປັນກົດເກນ
ເຊິ່ງໃນ ປະຈຸບັນ ເພິ່ນສາມາດແບ່ງລະດູການປູກອ້ອຍເປັນ 2 ລະດູຄື:
2.1. ການປູກອ້ອຍຕົ້ນລະດູຝົນ:
ຂຶ້ນຢູ່ກັບຝົນຟ້າຕົກ ໂດຍທົ່ວໄປຈະປູກປະມານ
ເດືອນເມສາ ຫາທ້າຍເດືອນມີຖຸນາ ຖ້າປູກຊ້າກ່ວານີ້
ຈະເຮັດໃຫ້ອ້ອຍແກ່ບໍ່ທັນເກັບກ່ຽວໃນລະດູຕໍ່ມາ. ຄວາມຈິງການປູກອ້ອຍຕົ້ນລະດູ
ຝົນມີບັນຫາຫລາຍຢ່າງ, ນັບຕັ້ງແຕ່ການກຽມດິນ, ການກຳຈັດວັດຊະພືດ
ທັງນີ້ເພາະມີນ້ຳອຸດົມ ສົມບູນ
ເມື່ອປູກອ້ອຍຈົນກ່ວາອ້ອຍຈະຂະຫຍາຍຕົວໃຫຍ່ຄຸມດິນ ກໍ່ກິນເວລາເປັນເດືອນ, ເພາະອ້ອຍຂະຫຍາຍຕົວຊ້າ ໃນຊ່ວງ 1 - 2 ເດືອນທຳອິດ
ເວລາດັ່ງກ່າວດົນພໍທີ່ຈະເຮັດໃຫ້ວັດຊະພືດ ເຕີບໂຕຂຶ້ນຫລາຍ ເຮັດໃຫ້ຕ້ອງເສຍເວລາ
ແລະ ຄ່າໃຊ້ຈ່າຍຕື່ມອີກ.
2.2. ການປູກອ້ອຍທ້າຍລະດູຝົນ
ຫລື ປູກຂ້າມແລ້ງ:
ແມ່ນປູກຫລັງຈາກໝົດຝົນແລ້ວ ໃນຊ່ວງເວລາຕັ້ງແຕ່
ເດືອນຕຸລາ ຫາເດືອນມັງກອນ ເວ
ລາປູກໃນຊ່ວງນີ້ໃຫ້ແນ່ໃຈວ່າຝົນໝົດແທ້ໆບໍ່, ຖ້າປູກແລ້ວຝົນຕົກລົງມາຈະເກີດບັນຫາຫລາຍ
ທັງດ້ານວັດຊະພືດ ແລະ ດິນທີ່ປົກໜາ ອ້ອຍຈະເກີດບໍ່ງາມ
ຖ້າຝົນຕົກຈະຕ້ອງມີການພວນດິນ ເພື່ອເອົາດິນອອກຈາກເຫົ້ງາອ້ອຍ, ເຊິ່ງເປັນການເຮັດໃຫ້ດິນຜຸຜຸ່ຍ
ແລະ ກໍ່ເປັນບັນຫາໜຶ່ງ ທີ່ຈະຊ່ວຍໃຫ້ອ້ອຍໜໍ່ພົ້ນອອກຈາກດິນໄດ້ໄວຂຶ້ນ.
ທັງສອງລະດູນີ້
ການປູກທ້າຍລະດູຝົນ ຫລື ຂ້າມແລ້ງ ໄດ້ຜົນດີກ່ວາການປູກຕົ້ນລະດູຝົນ
ນັບທັງດ້ານຜົນຜະລິດ ແລະ ຄຸນນະພາບຂອງອ້ອຍ
ທີ່ສຳຄັນຄື: ເສຍຄ່າໃຊ້ຈ່າຍໃນການປູກ ແລະ ການດູແລຮັກສາ, ການກຳຈັດວັດຊະພືດໜ້ອຍກ່ວາ ແລະ ໄດ້ກຳໄລຫລາຍກ່ວາ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ